СУУ-БАШЫ АЙЫЛДЫК КЕӉЕШИ

ТОКТОМ

Суу-Башы айыл аймагынын айылдык кеешинин VlII чакырылышынын кезектеги II сессиясы

2025-жылдын 14-январы № 15

 Суу-Башы айыл аймагынын элдерине жеке менчик турак жай куруу үчүн берилүүчү жер өлчөмүн бекитүү жөнүндө

”Жергиликтүү мамлекеттик администрациясы жана жергиликтүү өз алдынча башкаруу органдары жөнүндө” Мыйзамынын 34-беренесинин 2-пунктуна ылайык, Суу-Башы айылдык кеңешинин жер, айыл чарба жана муниципалдык менчик маселелери боюнча туруктуу комиссиясынын 2025-жылдын 13-январындагы отурумунун корутундусунун негизинде, Суу-Башы айыл аймагынын айыл өкмөтүнүн 2025-жылдын 13-январындагы №4 сандуу кайрылуу катыны карап чыгып, талкуулап Суу-Башы айылдык кеңеши токтом кылат:

1.     Суу-Башы айыл аймагынын элдерине жеке менчик турак жай куруу үчүн ар бир атуулга 0,12га өлчөмүндө  бөлүнүп берилсин.

2.     Токтомдун негизинде керектүү болгон иш кагаздарын даярдап берүү жагы         Суу-Башы айыл өкмөтүнүн башчысына милдеттендирилсин.

3.     Токтом каттодон өткөрүлүп, suu-bashy.gov.kg веб-сайтына жарыялансын жана Кыргыз Республикасынын ченемдик укуктук  актыларынын мамлекеттик реестрине киргизүү  үчүн Баткен облусунун юстиция башкармалыгына жөнөтүлсүн.

4.     Ушул токтомду  көзөмөлгө алуу жагы жер,айыл чарба жана муниципалдык менчик маселелери боюнча туруктуу комиссиясына тапшырылсын.