ЖАЛАЛ-АБАД ШААРДЫК КЕҢЕШИ

 ТОКТОМ

Жалал-Абад шаардык депутаттар кеңешинин X чакырылыштагы депутаттарынын кезексиз IV сессиясы

2025-жылынын  24-январы №4

«Жалал-Абад шаарындагы жеке менчик жер тилкесин муниципалдык менчикке өткөрүп алуу жана өткөрүп берүү жөнүндө»

Кыргыз Республикасынын “Мүлккө муниципалдык менчик жөнүндөгү” мыйзамына ылайык, Жалал-Абад шаарынын мэриясынын 24.12.2024-жылдагы чыг.№01-19/7835 сандуу каты жана ага тиркелген иш-кагаздары, Жалал-Абад шаардык депутаттар кеӊешинин курулуш, транспорт, коммуналдык чарба жана байланыш боюнча туруктуу комиссиясынын 16.01.2025-жылдагы отурумунда каралып, Жалал-Абад шаардык депутаттар кеңешинин кезексиз IV сессиясы

ТОКТОМ  КЫЛАТ:

1.Жалал-Абад шаарынын Ю.Абдурахманов көчөсүндөгү (Атуш кафесинин) күн чыгыш тарабында жайгашкан И.Нурматовго таандык 1000 чарчы метр жеке менчик жер тилкесин Жалал-Абад шаарынын мэриясынын муниципалдык менчигине кабыл алууга макулдук берилсин.

2.Жалал-Абад шаарынын Ю.Абдурахманов көчөсүндөгү (Атуш кафесинин) күн батыш тарабында жайгашкан Жалал-Абад шаарынын мэриясынын муниципалдык 739,5 чарчы метр жер тилкесин алмаштыруу жолу менен И.Нурматовго өткөрүп берүүгө макулдук берилсин.

3.Жалал-Абад шаарынын мэрине (Э.Ормоков), Жалал-Абад шаарынын мэриясынын жер ресурстар башкармалыгына (Ж.Бөрүкулов) мүлктөрдү өткөрүп алууда жана өткөрүп берүүдө Кыргыз Республикасынын мыйзамдарын сактоо менен иш алып баруу жагы милдеттендирилсин.

4.Ушул токтом Кыргыз Республикасынын Юстиция министрлигине мамлекеттик реестрге киргизүү жагы шаардык кеңештин жооптуу катчысы (О.Эшенкулов) милдеттендирилсин.

5.Ушул токтомдун аткарылышын көзөмөлдөө жагы шаардык кеңештин курулуш, транспорт, коммуналдык чарба жана байланыш боюнча туруктуу комиссиясына милдеттендирилсин.

6.Ушул токтом Жалал-Абад шаарынын www.jalal-abad.gov.kg расмий сайтында жарыяланган күндөн тартып күчүнө кирет.

Төрага О.Т.Турдубеков