КЫРГЫЗ РЕСПУБЛИКАСЫНЫН КОНСТИТУЦИЯЛЫК МЫЙЗАМЫ

 2025-жылдын 19-февралы № 39

"Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө" Кыргыз Республикасынын конституциялык Мыйзамына өзгөртүүлөрдү киргизүү тууралуу

1-берене.

"Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө" Кыргыз Республикасынын конституциялык Мыйзамына (Кыргыз Республикасынын Жогорку Кеңешинин Жарчысы, 2011-ж., № 7, 971-ст.) төмөнкүдөй өзгөртүүлөр киргизилсин:

1) 60-1-берененин 3-бөлүгүндө:

а) экинчи сүйлөмдө "жеке каражаттарынан" деген сөздөр "өзүнүн шайлоо фондунун каражаттарынан" деген сөздөргө алмаштырылсын;

б) төмөнкүдөй мазмундагы абзацтар менен толукталсын:

"Бир мандаттуу шайлоо округу боюнча депутаттыкка майыптыгы бар адамдар болуп саналган талапкерлер үчүн шайлоо күрөөсү майыптыктын тобун эске алуу менен белгиленет:

- III топтогу майыптарга - мыйзамдарда белгиленген эсептик көрсөткүчтүн жети жүз эсе өлчөмүндө;

- I жана II топтогу майыптарга - мыйзамдарда белгиленген эсептик көрсөткүчтүн беш жүз эсе өлчөмүндө.";

2) 61-берененин 2-бөлүгүнүн экинчи абзацы күчүн жоготту деп таанылсын.

2-берене.

Ушул конституциялык Мыйзам расмий жарыяланган күндөн тартып он күн өткөндөн кийин күчүнө кирет.