КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

 2025-жылдын 10-марты № 124

Кыргыз Республикасынын Министрлер Кабинетине караштуу Жазаларды аткаруу мамлекеттик кызматы жөнүндө

Аткаруу бийлигинин мамлекеттик органдарынын ишин оптималдаштыруу, Кыргыз Республикасынын Президентинин 2025-жылдын 3-февралындагы № 38 "Жаза аткаруу системасынын айрым маселелери жөнүндө" Жарлыгын ишке ашыруу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Төмөнкүлөр кайра аталсын:

1) Кыргыз Республикасынын Юстиция министрлигине караштуу Жазаларды аткаруу кызматынын "Келечек" мамлекеттик ишканасы Кыргыз Республикасынын Министрлер Кабинетине караштуу Жазаларды аткаруу мамлекеттик кызматынын "Келечек" мамлекеттик ишканасы болуп;

2) Кыргыз Республикасынын Юстиция министрлигине караштуу Жазаларды аткаруу кызматынын "Механизациялаштырылган көчмө колонна" мамлекеттик ишканасы Кыргыз Республикасынын Министрлер Кабинетине караштуу Жазаларды аткаруу мамлекеттик кызматынын "Механизациялаштырылган көчмө колонна" мамлекеттик ишканасы болуп;

3) Кыргыз Республикасынын Юстиция министрлигине караштуу Жазаларды аткаруу кызматынын "Курулуп жаткан объектилердин дирекциясы" мекемеси Кыргыз Республикасынын Министрлер Кабинетине караштуу Жазаларды аткаруу мамлекеттик кызматынын "Курулуш объекттеринин дирекциясы" мекемеси болуп.

2. Төмөнкүлөр бекитилсин:

1) Кыргыз Республикасынын Министрлер Кабинетине караштуу Жазаларды аткаруу мамлекеттик кызматы жөнүндө жобо 1-тиркемеге ылайык;

2) Кыргыз Республикасынын Министрлер Кабинетине караштуу Жазаларды аткаруу мамлекеттик кызматынын башкаруу схемасы 2-тиркемеге ылайык;

3) Кыргыз Республикасынын Министрлер Кабинетине караштуу Жазаларды аткаруу мамлекеттик кызматынын Кайтаруу жана конвой департаменти жөнүндө жобо 3-тиркемеге ылайык;

4) Кыргыз Республикасынын Министрлер Кабинетине караштуу Жазаларды аткаруу мамлекеттик кызматынын "Келечек" мамлекеттик ишканасынын уставы 4-тиркемеге ылайык;

5) Кыргыз Республикасынын Министрлер Кабинетине караштуу Жазаларды аткаруу мамлекеттик кызматынын "Механизациялаштырылган көчмө колонна" мамлекеттик ишканасынын уставы 5-тиркемеге ылайык;

6) Кыргыз Республикасынын Министрлер Кабинетине караштуу Жазаларды аткаруу мамлекеттик кызматынын "Курулуш объекттеринин дирекциясы" мекемесинин уставы 6-тиркемеге ылайык;

7) Соттолгондорду жана камакка алынган адамдарды конвой менен коштоо, түзөтүү мекемелерин кайтаруу жана коргоо тартиби 7-тиркемеге ылайык.

3. Төмөнкүлөр белгиленсин:

1) Кыргыз Республикасынын Министрлер Кабинетине караштуу Жазаларды аткаруу мамлекеттик кызматы Кыргыз Республикасынын Юстиция министрлигине караштуу Жазаларды аткаруу кызматынын укук улунтуучусу болуп саналат;

2) Кыргыз Республикасынын Министрлер Кабинетине караштуу Жазаларды аткаруу мамлекеттик кызматынын Күзөт жана конвой менен коштоо департаменти Кыргыз Республикасынын Юстиция министрлигине караштуу Күзөт жана конвой менен коштоп жүрүү кызматынын укук улунтуучусу болуп саналат.

4. Төмөнкүлөр күчүн жоготту деп таанылсын:

1) Кыргыз Республикасынын Өкмөтүнүн 2021-жылдын 12-февралындагы № 38 "Кыргыз Республикасынын Өкмөтүнүн жаңы түзүмү бекитилгендигине жана Кыргыз Республикасынын аткаруу бийлигинин органдарын реформалоого байланыштуу уюштуруу чаралары жөнүндө" токтомунун 2-пунктунун жыйырма биринчи абзацы;

2) Кыргыз Республикасынын Министрлер Кабинетинин 2021-жылдын 21-июнундагы № 33 "Кыргыз Республикасынын Юстиция министрлигинин ведомстволук бөлүмдөрү жөнүндө" токтомунун 1-пунктунун 2, 4, 5-пунктчалары, 2, 3-пункттары;

3) Кыргыз Республикасынын Министрлер Кабинетинин 2021-жылдын 24-декабрындагы № 350 "Кыргыз Республикасынын Юстиция министрлигинин ведомстволук бөлүмдөрү жөнүндө Кыргыз Республикасынын Министрлер Кабинетинин айрым чечимдерине өзгөртүүлөрдү киргизүү тууралуу" токтомунун 12-пунктунун 2, 3, 5, 7, 8-пунктчалары;

4) Кыргыз Республикасынын Министрлер Кабинетинин 2022-жылдын 14-апрелиндеги № 216 "Кыргыз Республикасынын Юстиция министрлигине караштуу Жазаларды аткаруу кызматынын Курулуп жаткан объектилердин дирекциясы" мекемесин түзүү жөнүндө" токтомунун 2, 4-пункттары;

5) Кыргыз Республикасынын Министрлер Кабинетинин 2024-жылдын 16-февралындагы № 59 "Кыргыз Республикасынын Юстиция министрлигине караштуу Кайтаруу жана конвой менен коштоп жүрүү кызматы жөнүндө" токтому;

6) Кыргыз Республикасынын Министрлер Кабинетинин 2024-жылдын 5-ноябрындагы № 670 "Айрым мамлекеттик органдарга терроризмге каршы аракеттенүү чөйрөсүндө компетенцияларды берүү боюнча Кыргыз Республикасынын Министрлер Кабинетинин айрым чечимдерине өзгөртүүлөрдү киргизүү жөнүндө" токтомунун 1-пункту.

5. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

6. Бул токтом расмий жарыяланган күндөн тартып жети күн өткөндөн кийин күчүнө кирет.

Кыргыз Республикасынын Министрлер Кабинетине караштуу Жазаларды аткаруу мамлекеттик кызматынын башкаруу СХЕМАСЫ