ОРОЗБЕКОВ АЙЫЛДЫК КЕӉЕШИ

ТОКТОМ

Орозбеков айылдык кеңешинин кезексиз бешинчи сессиясы

2025-жылдын 14-марты № 21

                А. Орозбековдун  үй музейин курууга жер аянтын ажыратуу жөнүндө.

     Күн тартибиндеги маселени карап чыгып жана талкуулап,  Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Мыйзамынын 27-беренесинин 13-пунктуна   жана жер жана муниципалдык менчикти башкаруу боюнча туруктуу комиссиясынын отурумунун протоколуна негиз Орозбеков  айылдык кенешинин сессиясы токтом кылат:

1. А. Орозбековдун үй музейин куруу максатында өзү жашаган коргондон 6(алты) сотых жер аянты ажыратылып берилсин.
2. Тиешелүү иш кагаздарын даярдоо жана жер аянтын муниципалдык менчикке каттоо боюнча иш алып баруу айыл өкмөтүнө милдеттендирилсин.
3. Үй музейге берилген жердин ордун толтуруу үчүн жер ээсине башка жерден жер аянтын ажыратып берүү айыл өкмөтүнө тапшырылсын.
4. Токтомдун аткарылышын көзөмөлдөө жагы айыл өкмөтүнө жана жер жана муниципалдык менчикти башкаруу боюнча туруктуу комиссиясына жүктөлсүн.