ТОКТОГУЛ ШААРДЫК КЕҢЕШИ

ТОКТОМ

Токтогул шаардык кеңешинин I чакырылышынын

кезектеги VII сессиясынын

2025-жылдын 06-февралы №20

Кызыл-Туу айылындагы Калыбек көчөсүн асфальттоо боюнча долбоорго өздүк салым үчүн каражат бөлүп берүү жөнүндө

Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө” мыйзамына, Кыргыз Республикасынын “Бюджеттик Кодексине” ылайык, 2025-жылы Токтогул шаарына караштуу Кызыл-Туу айылындагы Калыбек көчөсүн асфальттоо боюнча долбоорду республикалык бюджеттен берилүүчү дем берүүчү (үлүштүк) гранттын эсебинен ишке ашыруу жөнүндө Токтогул шаарынын мэри Б.Д.Максутбаевдин 28.01.2025-жылдагы №01-18/166 сунушу, “Экономика, бюджет, финансы каражаттары, чакан жана орто бизнес, менеджмент, маркетинг кызматы, кредит, инвестициялар боюнча” туруктуу комиссиясынын 04.02.2025-жылдагы жыйналышында каралып, жыйынтыкталды. Жогоруда аталган туруктуу комиссиянын корутундусун, угуп жана талкуулап, Токтогул шаардык кеңешинин I чакырылышынын кезектеги VII сессиясы, токтом кылат:

1.   Туруктуу комиссиянын чечими жалпысынан колдоого алынгандыгы белгиленсин.

2.   Ага ылайык, Кызыл-Туу айылындагы Калыбек көчөсүн асфальттоо боюнча долбоордун жалпы наркы 4 997 642 сом болгондугу эске алынсын, 1998 900 сом жергиликтүү бюджеттин эсебинен долбоорго  өздүк салым катары бөлүнүп берилсин.

3.   Бул долбоорду ишке ашыруда каражаттардын максаттуу пайдаланылышын, белгиленген иштердин өз мөөнөтүндө, сапаттуу бүтүшүн камсыздоо боюнча жоопкерчилик Токтогул шаарынын мэрине (Б.Д.Максутбаев) жүктөлсүн.

4.   Аткарылышын көзөмөлдөө тиешелүү туруктуу комиссияга тапшырылсын (Н.Нурканов).

5.     Токтом мамлекеттик тилде кабыл алынды.

6.     Токтомду мыйзамда каралган тартипте каттоого алуу, КР ченемдик-укуктук актыларынын мамлекеттик реестрине киргизүү багытында иш алып баруу жооптуу катчыга (С.Наралиева) тапшырылсын.

7.     Бул токтом расмий жарыяланган күндөн тартып күчүнө кирет.