КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2025-жылдын 6-марты № 117

Кыргыз Республикасынын Министрлер Кабинетинин 2022-жылдын 16-сентябрындагы № 514 "Виртуалдык активдерди жүгүртүүдө келип чыккан мамилелерди жөнгө салуу маселелери жөнүндө" токтомуна өзгөртүү киргизүү тууралуу

Виртуалдык активдер кызмат көрсөтүүлөрүн берүүчүлөрдүн ишинин натыйжалуулугун жогорулатуу максатында, "Виртуалдык активдер жөнүндө" Кыргыз Республикасынын Мыйзамынын 28-беренесине, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Министрлер Кабинетинин 2022-жылдын 16-сентябрындагы № 514 "Виртуалдык активдерди жүгүртүүдө келип чыккан мамилелерди жөнгө салуу маселелери жөнүндө" токтомуна төмөнкүдөй өзгөртүү киргизилсин:

жогоруда көрсөтүлгөн токтом менен бекитилген Виртуалдык активдердин тооругунун операторунун (криптобиржанын) иши жана Виртуалдык активдердин тооругунун операторлорунун (криптобиржалардын) реестрин жүргүзүү жөнүндө жободо:

- 48-пунктта "100000000 (жүз миллион) сом" деген сөздөр "10000000000 (он миллиард) сом" деген сөздөргө алмаштырылсын.

2. Иштеп жаткан виртуалдык активдер кызмат көрсөтүүлөрүн берүүчүлөр уставдык капиталынын өлчөмүн 2026-жылдын 1-январына чейинки мөөнөттө ушул токтомдун талаптарына ылайык келтирсин.

3. Бул токтом расмий жарыяланган күндөн тартып он беш күн өткөндөн кийин күчүнө кирет.