КЫРГЫЗ РЕСПУБЛИКАСЫНЫН МЫЙЗАМЫ

2025-жылдын 4-апрели № 72

"Мунапыс берүү негиздери жана аны колдонуу тартиби жөнүндө" Кыргыз Республикасынын Мыйзамына өзгөртүүлөрдү киргизүү тууралуу

1-берене.

"Мунапыс берүү негиздери жана аны колдонуу тартиби жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2017-ж., № 1 (1), 7-ст.) төмөнкүдөй өзгөртүүлөр киргизилсин:

7-берененин 1-бөлүгүндө:

а) төмөнкүдөй мазмундагы 7¹-пункт менен толукталсын:

"7¹) террордук ишти каржылоо;";

б) төмөнкүдөй мазмундагы 8¹-пункт менен толукталсын:

"8¹) террордук иштерди жүргүзүүгө карата ачык чакырыктар;";

в) төмөнкүдөй мазмундагы 11¹-пункт менен толукталсын:

"11¹) уюшкан топторду жана кылмыштуу коомдоштуктарды каржылоо;";

г) төмөнкүдөй мазмундагы 13¹-пункт менен толукталсын:

"13¹) куралды, ок-дарыларды мыйзамсыз жүгүртүү;";

д) төмөнкүдөй мазмундагы 15¹-пункт менен толукталсын:

"15¹) диверсия;".

2-берене.

Ушул Мыйзам расмий жарыяланган күндөн тартып күчүнө кирет.

"Эркин-Тоо" мамлекеттик расмий гезитинин 2025-жылдын 8-апрелиндеги № 26 (3682)  жарыяланды