КЫЗЫЛ-ТУУ АЙЫЛ АЙМАГЫНЫН АЙЫЛДЫК КЕҢЕШИ

ТОКТОМ

Кызыл-Туу айылдык кеңешинин VIII чакырылышынын

кезектеги жетинчи сессиясынын

2025-жыл 31-январындагы №7-2

Жергиликтүү бюджеттин калдыктарын иштетүү жөнүндө

Кызыл-Туу айыл өкмөтүнүн 2025-жылдын 1-январына карата 2024-жылдын жергиликтүү бюджетинин эсебинен калган 9537,6 миң сом, атайын каражат эсебинен 673,3 миң сом калган калдыкты 2024-жылдын сметасында каралып аткарылбай калган чыгымдарга жана башка зарыл чыгымдарга сарптоо жөнүндө айыл өкмөтүнүн социалдык экономикалык өнүктүрүү бөлүмүнүн башчысы Э. Жолдошованын билдирүүсүн угуп, талкуулап Кызыл-Туу айылдык кеңеши токтом кылат:

1.     Кызыл-Туу айыл өкмөтүнүн 2024-жылдын жыйынтыгы боюнча жергиликтүү бюджетинин каржыланбай калган калдыкты жана 2024-жылда такталган киреше пландарынан ашыкча жыйналган каражаттар жалпы 9537,6 миң сом, атайын каражаттан 673,3 миң сом акча каражаты төмөндөгү чыгымдарды каржылоого бекитилсин.

2024-жылы Кыргыз Республикасынын мамлекеттик сатып алуулар порталына берилип, каржыланбай калган 3870,6 миң сомду келишимдердин негизинде каржылоо №1 тиркемеге ылайык жумшалсын.

-        Өзгөчө кырдаалдар (Көк-Арт дарыясынын жээгин бекемдөө) үчүн 600,0 миң сом;

-        Айылдардагы сел каналдарды казып, оңдоо үчүн 450,0 миң сом;

-        Айыл аймагындагы арыктарды тартып, тазалоо үчүн 350,0 миң сом;

-        Мундуз айылына жана айылдарга видео көзөмөл орнотуу үчүн 200,0 миң сом;

-        А.Матиев атындагы орто мектебине КАСА-1000 долбоору менен курулган музейге айыл өкмөт салымы үчүн 200,0 миң сом;

-        К.Төрөмаматов атындагы орто мектебинин ашканасын КАСА-1000 долбоору менен оңдоо үчүн айыл өкмөт салымына 32,0 миң сом;

-        Бала бакчаларга видео көзөмөл орнотуу үчүн 308,0 миң сом;

-        “Бактылуу наристе” бала бакчасына балдар ойноочу жабдууларды алууга 200,0 миң сом;

-        “Бактылуу наристе” бала бакчасынын айланасын тосууга 300,0 миң сом;

-        “Балапан” бала бакчасына беседка, селкинчек курууга 220,8 миң сом;

-        “Балалык” бала бакчасына идиш-аяк алууга 86,3 миң сом;

-        Бала бакчаларга компьютерлерди, принтерлерди алууга 160,0 миң сом;

-        К.Төрөмаматов атындагы орто мектебине футболдук стадион куруу үчүн 1200,0 миң сом;

-        Талаа-Булак айылынын Оморов көчөсүнө 2 км электр зымдарын алуу үчүн 60,0 миң сом;

-        Ак-Баш айылындагы бала бакчанын курулуш иштерине 700,0 миң сом;

-        Кызыл-Сенир айылынын таза суу системасынын курулуш иштерине 400,0 миң сом;

-        А.Осмонов атындагы орто мектебинин полун алмаштырууга 65,0 миң сом;

-        А. Базаров атындагы орто мектебине генератор (движок) алуу үчүн 70,0 миң сом;

-        И. Стамкулов атындагы орто мектебине муздаткыч алуу үчүн 35,0 миң сом;

-        Жаны-Ачы айылындагы ФАПка жылытуу системасына трубаларды алууга 30,0 миң сом №2 тиркеме ылайык бекитилсин.

2.     Атайын каражат (ата-энелер төлөмү) эсебинен калган 673,3 миң сом акча каражатын ата-энелердин жалпы чогулушунун протоколунун негизинде бала бакчаларга керектүү чарба товарларын алууга жана керектүү муктаждыктарына жумшалсын.

3.     Бул токтом Кызыл-Туу айыл өкмөтүнүн расмий сайтына жарыяланган күндөн баштап күчүнө кирет.

Кызыл Туу айылдык Кеңешинин

2025-жылдын 31-январындагы

№ 7 сессиясынын №1 тиркемеси

Кызыл-Туу айыл өкмөтүнүн 1-январь 2025-жылга аткарылбай калган жумуштардын тизмеси

Кызыл Туу айылдык кеңешинин жооптуу катчысы Ж. Шералиева

СЭӨБ башчысы Э.Жолдошова