СУУ-БАШЫ АЙЫЛДЫК КЕӉЕШИНИН ТОКТОМУ

Суу-Башы айылдык Кеңештин VIII чакырылышынын кезектеги VII сессиясы

2025-жылдын 26-марты № 60

Суу-Башы айыл аймагынын Бужум айылында жайгашкан өнөр жай аймагынан жер аянттарын ижарага берүү жөнүндө

Кыргыз Республикасынын ”Жергиликтүү мамлекеттик администрация жана жергиликтүү өз алдынча башкаруу органдары жөнүндө” 2021-жылдын 20-октябрындагы №123 Мыйзамынын жана Суу-Башы айыл аймагынын айылдык кеңешинин регламентине ылайык, Суу-Башы айыл аймагынын айыл өкмөтүнүн 2025-жылдын 26-мартындагы   №161 сандуу катынын негизинде, Суу-Башы айыл аймагынын айыл өкмөтүнүн жер ресурстары жана муниципалдык менчик боюнча адисин угуп, талкуулап Суу-Башы айыл аймагынын айылдык кеңеши токтом кылат:

1.     Суу-Башы айыл аймагынын Бужум айылында жайгашкан 70,0 га өнөр жай аймагынан жер аянттарын ижарага берүүдө, керектүү болгон иш кагаздарын даярдоого кеткен бардык чыгымдарды ижарачынын эсебинен жүргүзүлүүгө макулдук берилсин.

2.     Токтомдун негизинде керектүү болгон иш кагаздарын даярдап, мыйзам чегинде иш алып баруу жагы Суу-Башы  айыл аймагынын айыл өкмөтүнүн башчысы Д.Макановго   милдеттендирилсин.

3.     Токтом каттодон өткөрүлүп, suu-bashy.gov.kg веб-сайтына жарыялансын жана Кыргыз Республикасынын ченемдик укуктук  актыларынын мамлекеттик реестрине киргизүү  үчүн Баткен облусунун юстиция башкармалыгына жөнөтүлсүн.

4.     Ушул токтомду  көзөмөлгө алуу жагы жер, айыл чарба жана муниципалдык менчик маселелери боюнча туруктуу комиссиясына тапшырылсын.