СУУ-БАШЫ АЙЫЛДЫК КЕӉЕШИНИН ТОКТОМУ

Суу-Башы айылдык Кеңештин VIII чакырылышынын кезектеги VII сессиясы

2025-жылдын 26-марты № 68

Суу-Башы айыл аймагынын айыл өкмөтүнө материалдык жардам сурап кайрылган  жарандарга берилүүчү материалдык жардамдын өлчөмүн бекитүү жөнүндө

Кыргыз Республикасынын ”Жергиликтүү мамлекеттик администрация жана жергиликтүү өз алдынча башкаруу органдары жөнүндө” 2021-жылдын 20-октябрындагы №123 Мыйзамынын жана Суу-Башы айыл аймагынын айылдык кеңешинин регламентине ылайык, сессиянын жүрүшүндө Суу-Башы айыл аймагынын айылдык кеңешинин социалдык меселелер боюнча туруктуу комиссиясынын жана депутаттардын сунушунун негизинде, Суу-Башы айыл аймагынын айыл өкмөтүнүн башчысы Д.Макановдун билдирүүсүн угуп жана талкуулап, Суу-Башы айыл аймагынын айылдык кеңеши токтом кылат:

1. Суу-Башы айыл аймагынын айыл өкмөтүнө материалдык жардам сурап кайрылган  жарандарга берилүүчү материалдык жардамдын өлчөмү төмөнкүдөй болуп бекитилсин:

-       аз камсыз болгон үй-бүлөлөргө жана турмуш шарты оор жарандарга  5000сомдон-10000сомго чейин.

-       ден-соолугуна байланыштуу өтө зарыл дарыланууга, операция жасатууга жана табигый кырсыктарга кабылган жарандарга 10000сомдон-20000сомго чейин.

1. Токтомдун негизинде иш алып баруу жагы Суу-Башы  айыл аймагынын айыл өкмөтүнүн башчысы Д.Макановго   милдеттендирилсин.

3.     Токтом каттодон өткөрүлүп, suu-bashy.gov.kg веб-сайтына жарыялансын жана Кыргыз Республикасынын ченемдик укуктук  актыларынын мамлекеттик реестрине киргизүү  үчүн Баткен облусунун юстиция башкармалыгына жөнөтүлсүн.

1. Ушул токтомду көзөмөлгө алуу жагы социалдык маселелер боюнча туруктуу  комиссиясына жүктөлсүн.