КЫЗЫЛ-КЫЯ ШААРДЫК КЕӉЕШИНИН ТОКТОМУ

2025-жылдын 25 -марты № 6/20

“Караван” аймактык башкармалыгынын 2024-жыл ичинде аткарган иштери жөнүндө

Күн тартибиндеги маселени карап жана талкуулап чыгып, шаардык кенештин Коммуналдык обьектер, менчик, мүлк, экология, санитардык тазалоо, көрктөндүрүү, архитектура жана курулуштар маселелери боюнча туруктуу комиссиясынын 2025-жылдын   06-мартындагы №5 протоколун  эске алып, Кызыл-Кыя шаардык кенешинин сессиясы

ТОКТОМ  кылат:

1. “Караван” аймактык башкармалыгынын 2024-жыл ичинде аткарган иштери жөнүндө башкармалыктын башчысы Н.Кыпчаковдун маалыматы эске алынсын.

1. “Караван” аймактык башкармалыгынын башчысы Н.Кыпчаковго  милдеттендирилсин:

-       2024-жыл ичинде орун алган кемчиликтерди четтетүү боюнча тез арада тийиштүү чараларды көрүү жагы;

-       жазгы-талаа иштерине өз убагында даярдыктарды көрүү;

-       айыл чарба эгиндеринин, өсүмдүктөрүнүн 2025–жылга белгиленген түшүмдөрүн өндүрүү үчүн дыйкандарды техника, сугат суу, минералдык жана органикалык жер семирткичтер менен өз убагында камсыз кылууга көмөктөшүү боюнча иштерди жүргүзүү жагы;

-       кайра бөлүштүрүү жер фондусун пайдалануунун эффективдүүлүгүн жогорулатуу, ижара акылардын толук жана өз убагында түшүүсүн камсыз кылуу боюнча максаттуу иштерди жүргүзүү жагы;

-       аймактык башкармалыкта иштетилбей бош жаткан үлүш сугат жерлерди, алардын иштетилбей жаткан себептерин тез арада аныктап, бош жерлерди иштетүү боюнча чараларды көрүү;

-       Акбулак айылынын “Восьмое поле”, “Нак бак”, “Кан көл” участокторундагы үлүш жерлерге сугат сууну жеткирүү жана “Тешик” каналынан арык ачып берүү маселесин  1 ай мөөнөтүндө чечүү, аткарылган иш-чаралар боюнча шаардык кенешке маалымат берүү;

-       аймактык башкармалыкты жашылдандыруу максатында өз убагында бак-дарактарды тигүү жана аларга тийиштүү кам көрүү жагы;

-       шаардык кенеш тарабынан 2025-жыл үчүн бекитилген иш-чаралардын өз убагында жана сапаттуу аткарылышын камсыз кылуу.

1. Ушул токтом шаардык кенештин веб-сайты аркылуу чагылдырылсын.

1. Бул токтомдун аткарылышын көзөмөлгө алуу жагы шаардык кеңештин Коммуналдык обьектер, менчик, мүлк, экология, санитардык тазалоо, көрктөндүрүү, архитектура жана курулуштар маселелери боюнча туруктуу комиссиясынын тапшырылсын.