МАДЫ АЙЫЛДЫК КЕҢЕШИ

ТОКТОМ

Мады айылдык кеңешинин VIII чакырылышынын II кезексиз сессиясы

2024-жылдын 10-декабры № 7

“Мады айыл аймагынын Асан-Чек айылында жайгашкан №33 Интернационал орто мектебинин Б блогунун чатырын алмаштыруу үчүн каражат бөлүү жөнүндө”

Мады айыл аймагынын Асан-Чек айылында жайгашкан №33 Интернационал орто мектебинин Б блогунун чатырын алмаштыруу үчүн дем берүүчү (үлүштүк) гранттын эсебинен ишке ашыруу максатында өздүк салымга Мады айыл өкмөтүнүн 2025-жылдын бюджетинин эсебинен акча каражатын бөлүп берүү жөнүндө айыл өкмөт башчы Н.Алимбековдун маалыматын угуп жана талкуулап Мады айылдык кеңеши токтом кылат:

1. Мады айыл аймагынын Асан-Чек айылында жайгашкан №33 Интернационал орто мектебинин Б блогунун чатырын алмаштыруу үчүн өздүк салым катары Мады айыл өкмөтүнүн 2025-жылдын бюджетинин эсебинен 400 101 ( төрт жүз миң жүз бир) сом акча каражаты бөлүнүп берилсин.

2. Токтомдун аткарылышын камсыздоо жагы Мады айыл аймагынын башчысы Н.К.Алимбековго милдеттендирилсин.

3. Бул токтомдун аткарылышын көзөмөлгө алуу жагы айылдык кеңештин инвестициялар, ишкердик, соода ички жана тышкы экономикалык байланыштар коомдук уюмдар менен иштөө боюнча депутаттык туруктуу комиссиясына жүктөлсүн.