КАРА-БАК АЙЫЛДЫК КЕҢЕШИ

ТОКТОМ

Кара-Бак айылдык  Кеңешинин VIII чакырылышынын кезектеги V сессиясы

2025-жыл 1-апрели  №34

Кызыл-Бел айылынын №254-контурунда жайгашкан  1.0 га жер аянтын которууга (трансформациялоого) макулдук берүү жөнүндө.

Кыргыз Республикасынын жер кодексинин 13-беренесинин, Кыргыз Республикасынын Министрлер Кабинетинин 2024-жылдын 4-ноябры № 665 Токтому менен бекитилген Жер участокторун которуу (трансформациялоо) тартиби жөнүндө жобого ылайык, “Кыргызмамжердолбоор” жерге жайгаштыруу боюнча мамлекеттик ишканасынын Баткен филиалынын  28.02.2025-жылдагы №01-13/439 сандуу аныктамасынын негизинде Кызыл-Бел №254-контурунда жайгашкан  1.0 га жер аянтынын категориясын которуу максатында Кара-Бак айылдык кеңеши

ТОКТОМ КЫЛАТ

1. Кара-Бак айыл өкмөтүнө караштуу Кызыл-Бел айылындагы №254-контурунда жайгашкан  1.0 га жер аянтына жашылча мөмө-жемиштерди сактоо максатында  логистикалык борбор куруу үчүн “Өнөр-жайдын, транспорттун, байланыштын жерлери жана башка багыттагы жерлер” категориясына которууга макулдук берилсин.
2. Ушул токтомдун аткарылышын көзөмөлдөө жагы Кара-Бак айылдык кеңешинин жер маселелери боюнча туруктуу комиссиясынын төрагасына тапшырылсын.