КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2025-жылдын 28-майы № 285

Кыргыз Республикасынын Министрлер Кабинетинин 2023-жылдын 14-декабрындагы № 678 "Иштин айрым түрлөрүн лицензиялоо маселелери жөнүндө" токтомуна өзгөртүүлөрдү киргизүү тууралуу

Кыргыз Республикасынын Президентинин 2025-жылдын 10-мартындагы № 83 "Кыргыз Республикасынын мамлекеттик кызмат системасынын натыйжалуулугун жогорулатуу жана бюрократиядан арылтуу боюнча кошумча чаралар жөнүндө" Жарлыгын ишке ашыруу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Министрлер Кабинетинин 2023-жылдын 14-декабрындагы № 678 "Иштин айрым түрлөрүн лицензиялоо маселелери жөнүндө" токтомуна төмөнкүдөй өзгөртүүлөр киргизилсин:

жогоруда көрсөтүлгөн токтом менен бекитилген Иштин айрым түрлөрүн лицензиялоо жөнүндө жобонун 1-тиркемесинде:

- Кыргыз Республикасынын аймагында лицензиялоого тийиш болгон саламаттык сактоонун мамлекеттик эмес (жеке) секторунда медициналык иштин уруксат берилген түрлөрүнүн тизмесинде:

28-пунктча төмөнкүдөй редакцияда баяндалсын:

"28) онкология;";

төмөнкүдөй мазмундагы 28¹-пунктча менен толукталсын:

"28¹) паллиативдик жардам;";

төмөнкүдөй мазмундагы 37-пунктча менен толукталсын:

"37) медициналык реабилитациялоо жана абилитациялоо.";

- Саламаттык сактоонун мамлекеттик эмес (жеке) секторунда медициналык иштин тыюу салынган түрлөрүнүн тизмесинде:

3, 6-пункттар күчүн жоготту деп таанылсын.

2. Бул токтом расмий жарыяланган күндөн тартып он беш күн өткөндөн кийин күчүнө кирет.

“Эркин-Тоо” мамлекеттик расмий гезитинин 2025-жылдын 30-майындагы № 39 (3695) саны менен жарыяланды.