КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2025-жылдын 28-майы № 288

Кыргыз Республикасынын Президентинин 2024-жылдын 15-ноябрындагы № 326 "Кыргыз

Республикасынын министрликтеринин жана ведомстволорунун райондук/региондук бөлүмдөрүн жана

өкүлчүлүктөрүн пилоттук жергиликтүү мамлекеттик администрациялардын убактылуу жетектөөсүнө

өткөрүп берүү боюнча пилоттук долбоор жөнүндө" Жарлыгын ишке ашыруу боюнча айрым чаралар

жөнүндө

(Кыргыз Республикасынын Министрлер Кабинетинин 2025-жылдын 6-августундагы № 474, 2025-жылдын 19-сентябрындагы № 592 , 2026-жылдын 22-январындагы № 22 токтомдорунун редакцияларына ылайык)

Кыргыз Республикасынын Президентинин 2024-жылдын 15-ноябрындагы № 326 "Кыргыз Республикасынын министрликтеринин жана ведомстволорунун райондук/региондук бөлүмдөрүн жана өкүлчүлүктөрүн пилоттук жергиликтүү мамлекеттик администрациялардын убактылуу жетектөөсүнө өткөрүп берүү боюнча пилоттук долбоор жөнүндө" Жарлыгын ишке ашыруу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын министрликтеринин жана ведомстволорунун райондук/региондук бөлүмдөрүн жана өкүлчүлүктөрүн пилоттук жергиликтүү мамлекеттик администрациялардын убактылуу жетекчилигине өткөрүп берүү боюнча пилоттук долбоорду ишке ашыруу мезгилине жана жыйынтыгын чыгарууга чейин Кыргыз Республикасынын Экономика жана коммерция министрлигинин штаттык санынын чеги негизги персоналынын 548 штаттык бирдиги жана техникалык жана тейлөөчү персоналынын 107 штаттык бирдиги санында аныкталсын, анын ичинде:

1) борбордук аппараты: негизги персоналынын 221 штаттык бирдиги, техникалык жана тейлөөчү персоналынын 33 штаттык бирдиги;

2) аймактык бөлүмдөрү: негизги персоналынын 37 штаттык бирдиги, техникалык жана тейлөөчү персоналынын 10 штаттык бирдиги;

3) ведомстволук бөлүмдөрү: негизги персоналынын 279 штаттык бирдиги, техникалык жана тейлөөчү персоналынын 64 штаттык бирдиги;

4) Дүйнөлүк соода уюмунун маселелери боюнча өкүлчүлүгү -негизги персоналынын 2 штаттык бирдиги;

5) соода өкүлчүлүктөрү - негизги персоналынын 9 штаттык бирдиги.

(Кыргыз Республикасынын Министрлер Кабинетинин 2025-жылдын 6-августундагы № 474, 2025-жылдын 19-сентябрындагы № 592 , 2026-жылдын 22-январындагы № 22 токтомдорунун редакцияларына ылайык)

2. Кыргыз Республикасынын Министрлер Кабинетинин 2021-жылдын 15-ноябрындагы № 264 "Кыргыз Республикасынын аткаруу бийлигинин мамлекеттик органдарынын жана Кыргыз Республикасынын башка мамлекеттик органдарынын, анын ичинде техникалык жана тейлөөчү персоналынын штаттык санынын чеги жөнүндө" токтомунун 1-тиркемесинин 2-пунктунун колдонулушу жогоруда көрсөтүлгөн пилоттук долбоордун жыйынтыгы чыгарылганга чейин токтотулсун.

3. Кыргыз Республикасынын Экономика жана коммерция министрлиги:

1) өзүнүн чечимдерин ушул токтомго ылайык келтирсин;

2) пилоттук долбоордун жыйынтыгын чыгаруунун натыйжасында Кыргыз Республикасынын Президентинин Администрациясына Кыргыз Республикасынын Министрлер Кабинетинин тиешелүү чечиминин долбоорун белгиленген тартипте киргизсин.

4. Бул токтомду ишке ашыруу Кыргыз Республикасынын Экономика жана коммерция министрлигинин бекитилген штаттык санынын жана тиешелүү жылга жана кийинки жылдарга республикалык бюджеттен бөлүнүүчү каражаттардын чегинде ишке ашырылат деп белгиленсин.

5. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

6. Бул токтом расмий жарыяланган күндөн тартып жети күн өткөндөн кийин күчүнө кирет.

“Эркин-Тоо” мамлекеттик расмий гезитинин 2025-жылдын 30-майындагы № 39 (3695) саны менен жарыяланды.