ОРГОЧОР АЙЫЛ АЙМАГЫНЫН ЖЕРГИЛИКТҮҮ КЕНЕШИНИН

 I- ЧАКЫРЫЛЫШЫНЫН 5- КЕЗЕКСИЗ  СЕССИЯСЫ

Мал багуунун, айдап себүүдө техника акыларын жана “МТАА АГРО МТС” муниципалдык ишкананын кызмат акыларын бекитүү

Аймактагы жеке малчылардын мал багуунун акысын бирдей өлчөмгө  коюп берүү  жана мал багууга акы алуунун шарттары жөнүндөгү  айылдык жыйындардын протоколдору менен Оргочор айыл өкмөтүнүн алдында түзүлгөн “МТАА АГРО МТС” муниципалдык ишкананын жайыт боюнча акылары, айыл чарба техникасынын жана атайын техника боюнча көрсөткөн кызматтардын акыларын жана ар бир айылда жеке ишкерлик  техника акылары боюнча “МТАА АГРО МТС” муниципалдык ишканасынын жетекчиси Н.Абдиевдин жана муниципалдык ишкананын жайыт боюнча башкы адиси К.Уркуновдун  билдирүүлөрү угулуп жана талкууланып жергиликтүү кеңеш токтом кылат:

1. Айыл тургундарынын малын алып багуу мөөнөтү 2025-жылдын   01- апрелден                      01- октябрга  чейин деп белгиленсин.

2.      Жалпы аймак боюнча мал багуунун  айлык акысы төмөндөгүдөй бекитилсин:

-       Бодо малга  (жылкы, уй)  -    600 сом

-       Бада -300 сом (Тилекмат айылы)

         - 350 сом (Мундузайылы)

         -400 сом (Аң-ϴстөн айылы)

         - 500 сом (Ак-Дөбө, Светлая Поляна, Боз-Бешик, Чоң-Кызыл-Суу)

         - 1000 сом (Оргочор)

-       Кой, эчкиге -  120 сомдон (Оргочор, Боз-Бешик, Светлая Поляна, Чоң-Кызыл Суу)

                    -150 сомдон (Ак-Дөбө, Аң-ϴстөн, Мундуз, Тилекмат)  айылдарына

                      бекитилсин.

1. Жайыт акысы мал башына

-       Бодо малга -100 сом

-       Кой, эчкиге -20 сом 

1. Лесхоздун территорясынан орун алган чабандардын  жайыт акысына болгон төлөмүнүн 50 пайызын лесхоздун эсебине, 50 пайызын Оргочор жайыт пайдалануучулар бирикмесинин эсебине төгүлсүн.
2.  “МТАА АГРО МТС” муниципалдык ишкана аркылуу көрсөтүлүүчү жайыт акысы жана айыл чарба техникаларынын, атайын техника боюнча көрсөткөн кызмат акылары 1-тиркемеге ылайык бекитилсин.

6.     Баккан малдын баардык түрүн алыскы жана ортонку жайытка чыгарылсын.  Ички жайытка калган малчыларга жана үлүш айдоо жерлерге кирип зыян келтирген мал үчүн  ар бир мал башына “Укук бузуулар Кодексине” ылайык айып пул салынаары  малчыларга жана мал ээлерине эскертилсин.

7.     Эгер мал башы оруп же өлүп калган учурда эти жараксыз болсо малчы мал башын төлөп берүү жагы малчыларга милдеттендирилсин.

8.     Баккан малдын баардык түрүн алыскы жана ортонку жайытка чыгаруу үчүн малчыларга шарт түзү жагы “МТАА АГРО МТС” муниципалдык ишканасына жүктөлсүн жана  Мал багуунун шарттары боюнча жеке мал багуучулар менен “МТАА АГРО МТС” муниципалдык ишкана  ортосунда келишим түзүлсүн.

1. Токтомдун аткарылышын  көзөмөлдөө жагы жергиликтүү кеңешинин “Социалдык маселелер ” боюнча  жана “Айыл чарба жана экология маселелери боюнча” туруктуу комиссиясына   жана  айыл өкмөтүнө  жүктөлсүн.

Төрага     А.Тыныбеков