ТӨРТ-КӨЛ АЙЫЛДЫК КЕҢЕШИ

ТОКТОМ

Төрт-Көл айылдык кеңешинин VII-чакырылышындагы депутаттарынын

кезексиз сессиясы

2024-жылдын 11-июну № 48

Төрт-Көл айыл аймагынын айыл өкмөтүндө “Жылалды” муниципалдык ишканасын түзүүгө макулдук берүү жөнүндө

Төрт-Көл айыл аймагынын айыл өкмөтүндө жергиликтүү маанидеги чарбалык маселелерди натыйжалуу жана эффективдүү чечүүдө, муниципалдык кызматтарды көрсөтүүдө калктын муктаждыктарын канаттандыруу максатында муниципалдак ишкана түзүү жөнүндөгү маселени карап жана талкуулап Төрт-Көл айылдык кеңеши

ТОКТОМ   КЫЛАТ:

1. Төрт-Көл айыл аймагынын айыл өкмөтүндө жергиликтүү маанидеги чарбалык маселелерди натыйжалуу жана эффективдүү чечүүдө, муниципалдык кызматтарды көрсөтүүдө калктын муктаждыктарын канаттандыруу үчүн төмөндөгүдөй муниципалдык ишкана түзүүгө макулдук берилсин:

Ишкананын толук аталышы:

- мамлекеттик тилде: “Жылалды” муниципалдык ишканасы;

- расмий тилде: “Жылалды” муниципальная предприятия.

Ишкананын кыскартылган аталышы:

- мамлекеттик тилде: “Жылалды” МИ;

- расмий тилде: “Жылалды” МП.

2. “Жылалды” муниципалдык ишканасынын юридикалык дареги: Кыргыз Республикасы, Ош облусу, Өзгөн району, Төрт-Көл айыл аймагынын айыл өкмөтү, Жылалды айылы, А, Эсеналиев көчөсү, 12 болуп белгиленсин.

3. “Жылалды” муниципалдык ишканасынын Уставы түзүлүп, бекитилсин.

4. Ушул токтомдун аткарылышын көзөмөлдөө жагы Төрт-Көл айылдык кенешинин айылдык регламент, мыйзамдуулук, адам укугун коргоо, депутаттык этика, коомдук уюмдар менен байланыш маселелери боюнча туруктуу комиссиясына милдеттендирилсин.