КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

 2025-жылдын 5-июну № 321

Кыргыз Республикасынын Суу ресурстары, айыл чарба жана кайра иштетүү өнөр жайы министрлигинин ишинин чөйрөсүндөгү Кыргыз Республикасынын Министрлер Кабинетинин айрым чечимдерине өзгөртүүлөрдү киргизүү жөнүндө

Кыргыз Республикасынын Суу ресурстары, айыл чарба жана кайра иштетүү өнөр жайы министрлигинин, анын ведомстволук бөлүмдөрүнүн жана уюмдарынын натыйжалуу ишин камсыз кылуу, Кыргыз Республикасында тамак-аш коопсуздугун камсыз кылуу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Министрлер Кабинетинин 2022-жылдын 1-августундагы № 434 "Мамлекеттик кызматчылардын категориясына кирбеген жана мамлекеттик мекемелерде, анын ичинде Кыргыз Республикасынын аткаруу бийлигинин мамлекеттик органдарынын ведомстволук мекемелеринде иштеген кызматкерлерге эмгек акы төлөө шарттары жөнүндө" токтомуна төмөнкүдөй өзгөртүүлөр киргизилсин:

1) жогоруда аталган токтомдун 20-тиркемесинин аталышындагы "Ветеринардык кызматтын" деген сөздөр "Ветеринария, мал чарбасын өнүктүрүү, жайыт жана тоют кызматынын" деген сөздөргө алмаштырылсын;

2) жогоруда аталган токтомдун 20-1-тиркемесинин аталышындагы "Ветеринардык кызматтын" деген сөздөр "Ветеринария, мал чарбасын өнүктүрүү, жайыт жана тоют кызматынын" деген сөздөргө алмаштырылсын.

2. Кыргыз Республикасынын Министрлер Кабинетинин 2024-жылдын 7-мартындагы № 98 "Кыргыз Республикасынын Суу ресурстары, айыл чарба жана кайра иштетүү өнөр жайы министрлиги жөнүндө" токтомуна төмөнкүдөй өзгөртүүлөр киргизилсин:

1) 6-пунктта:

- 3-пунктча төмөнкүдөй редакцияда баяндалсын:

"3) Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматы жөнүндө жобо жана башкаруу схемасы 5, 6-тиркемелерге ылайык;";

- 6-пунктча күчүн жоготту деп таанылсын;

- 15, 16-пунктчалар төмөнкүдөй редакцияда баяндалсын:

"15) Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматынын алдындагы "Ветеринардык дары каражаттары жана тоют кошулмалары борбору" мамлекеттик мекемеси жөнүндө жобо 26-тиркемеге ылайык;

16) Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматынын алдындагы "Ветеринардык диагностика жана экспертиза борбору" мамлекеттик мекемеси жөнүндө жобо 27-тиркемеге ылайык;";

- төмөнкүдөй мазмундагы 18, 19-пунктчалар менен толукталсын:

"18) Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринардык жана фитосанитардык көзөмөл кызматы жөнүндө жобо жана башкаруу схемасы 29, 30-тиркемелерге ылайык;

19) Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматынын алдындагы Арстанбек Дүйшеев атындагы Кыргыз ветеринардык илимий-изилдөө институту жөнүндө жобо 31-тиркемеге ылайык.";

2) ушул токтомдун 1-тиркемесине ылайык редакцияда 29-31-тиркемелер менен толукталсын;

3) жогоруда аталган токтомдун 5, 6-тиркемелери ушул токтомдун 2-тиркемесине ылайык редакцияда баяндалсын;

4) жогоруда аталган токтомдун 9-тиркемесинде:

- 9-пункттун 1-пунктчасынын экинчи абзацы төмөнкүдөй редакцияда баяндалсын:

"- сорттук ресурстарды натыйжалуу пайдалануу боюнча ченемдик укуктук актыларды ишке ашыруу жана аларды жарыялоо;";

5) жогоруда аталган токтомдун 19-тиркемесинде:

- 1-пункт төмөнкүдөй редакцияда баяндалсын:

"1. Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Өсүмдүктөрдү химиялаштыруу, коргоо жана карантин департаменти (мындан ары - Департамент) Кыргыз Республикасынын Суу ресурстары, айыл чарба жана кайра иштетүү өнөр жайы министрлигинин (мындан ары - Министрлик) Кыргыз Республикасынын аймагын карантиндик зыяндуу организмдердин ташылып келинишинен (киргизүүдөн), киришинен жана/же жайылып кетүүсүнөн коргоо, айыл чарба өсүмдүктөрүн зыянкечтерден, илдеттерден жана отоо чөптөрдөн сактоо, ошондой эле кыртыштын күрдүүлүгүн жогорулатуу боюнча ишти жүзөгө ашыруучу ведомстволук бөлүмү болуп саналат.";

- 9-пункт төмөнкүдөй редакцияда баяндалсын:

"9. Департаменттин ишинин максаты Кыргыз Республикасынын аймагын карантиндик зыяндуу организмдердин ташылып келинишинен (киргизүүдөн), киришинен жана/же жайылып кетүүсүнөн коргоону, айыл чарба өсүмдүктөрүн зыянкечтерден, илдеттерден жана отоо чөптөрдөн сактоону камсыздоо, ошондой эле кыртыштын күрдүүлүгүн сактоо жана жогорулатуу болуп саналат.";

- 10-пункттун экинчи, тогузунчу абзацтары күчүн жоготту деп таанылсын;

- 11-пункттун 1-пунктчасында:

биринчи абзацтагы ", көзөмөлдөө" деген сөздөр алып салынсын;

он үчүнчү, он төртүнчү, он жетинчи, он сегизинчи, жыйырма биринчи абзацтар күчүн жоготту деп таанылсын;

- 12-пункттун экинчи, төртүнчү, бешинчи, жетинчи, онунчу, он биринчи, он экинчи, он үчүнчү жана жыйырма экинчи абзацтар күчүн жоготту деп таанылсын;

6) жогоруда аталган токтомдун 26-тиркемесинде:

- аталышы төмөнкүдөй редакцияда баяндалсын:

"Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматынын алдындагы "Ветеринардык дары каражаттары жана тоют кошулмалары борбору" мамлекеттик мекемеси жөнүндө жобо";

- 1-пункт төмөнкүдөй редакцияда баяндалсын:

"1. Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматынын алдындагы "Ветеринардык дары каражаттары жана тоют кошулмалары борбору" мамлекеттик мекемеси жөнүндө жобо (мындан ары - Жобо) Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматынын алдындагы "Ветеринардык дары каражаттары жана тоют кошулмалары борбору" мамлекеттик мекемесинин (мындан ары - Борбор) ишинин тартибин жөнгө салат. Борбор Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматынын (мындан ары -Кызмат) карамагында турат жана ветеринардык дары каражаттарын, тоюттарды жана тоют кошулмаларын, анын ичинде диагностикалык, дезинфекциялоочу, дератизациялоочу, дезакарициддик каражаттарды (мындан ары - ветеринардык багыттагы каражаттар) жүгүртүү чөйрөсүн жөнгө салуу боюнча функцияларды жүзөгө ашырат.";

- 5-пункттун 1-пунктчасы төмөнкүдөй редакцияда баяндалсын:

"1) толук аталышы:

- мамлекеттик тилде: "Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматынын алдындагы "Ветеринардык дары каражаттары жана тоют кошулмалары борбору" мамлекеттик мекемеси;

- расмий тилде: "Государственное учреждение "Центр ветеринарных лекарственных средств и кормовых добавок" при Службе ветеринарии, развития животноводства, пастбищ и кормов при Министерстве водных ресурсов, сельского хозяйства и перерабатывающей промышленности Кыргызской Республики";";

7) жогоруда аталган токтомдун 27-тиркемесинде:

- аталышы төмөнкүдөй редакцияда баяндалсын:

"Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматынын алдындагы "Ветеринардык диагностика жана экспертиза борбору" мамлекеттик мекемеси жөнүндө жобо";

- 1-пункттун биринчи абзацы төмөнкүдөй редакцияда баяндалсын:

"1. Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматынын алдындагы "Ветеринардык диагностика жана экспертиза борбору" мамлекеттик мекемеси жөнүндө жобо (мындан ары - Жобо) Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматынын алдындагы "Ветеринардык диагностика жана экспертиза борбору" мамлекеттик мекемесинин (мындан ары - Борбор) ишинин тартибин жөнгө салат. Борбор Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматынын (мындан ары - Кызмат) карамагында турат.";

- 5-пункттун 1-пунктчасы төмөнкүдөй редакцияда баяндалсын:

"1) толук аталышы:

- мамлекеттик тилде: "Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматынын алдындагы "Ветеринардык диагностика жана экспертиза борбору" мамлекеттик мекемеси;

- расмий тилде: "Государственное учреждение "Центр ветеринарной диагностики и экспертизы" при Службе ветеринарии, развития животноводства, пастбищ и кормов при Министерстве водных ресурсов, сельского хозяйства и перерабатывающей промышленности Кыргызской Республики";";

- 11-пункттагы "Ветеринардык кызматтын" деген сөздөр "Кызматтын" деген сөзгө алмаштырылсын.

3. Кыргыз Республикасынын Министрлер Кабинетинин 2025-жылдын 27-январындагы № 39 "Ветеринария, өсүмдүк өстүрүү жана мал чарбасы чөйрөсүндөгү айрым маселелер жөнүндө" токтомуна төмөнкүдөй өзгөртүүлөр киргизилсин:

- 3-пунктта:

экинчи абзацтагы "жана контролдоо" деген сөздөр алып салынсын;

үчүнчү абзацта:

"контролдоо жана" деген сөздөр алып салынсын;

"көзөмөлдөө" деген сөздөн кийин "пестициддерди жана агрохимикаттарды коопсуз колдонуу" деген сөздөр менен толукталсын.

4. Бул токтомду ишке ашыруу Кыргыз Республикасынын Суу чарба, айыл чарба жана кайра иштетүү өнөр жайы министрлиги үчүн бекитилген штаттык сандын жана тиешелүү жылга жана кийинки жылдарга республикалык бюджетте каралган каражаттардын чегинде жүргүзүлөт деп белгиленсин.

5. Бул токтом расмий жарыяланган күндөн тартып он күн өткөндөн кийин күчүнө кирет.

Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринардык жана фитосанитардык көзөмөл кызматы жөнүндө ЖОБО

1-глава. Жалпы жоболор

1. Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринардык жана фитосанитардык көзөмөл кызматы (мындан ары - Кызмат) Кыргыз Республикасынын Суу ресурстары, айыл чарба жана кайра иштетүү өнөр жайы министрлигинин (мындан ары - Министрлик) ведомстволук бөлүмү болуп саналат, ал өсүмдүктөрдүн карантинин камсыз кылуу жаатындагы мыйзамдарда белгиленген карантинге алынган продукцияны жана карантинге алынган объекттерди, пестициддерди жана агрохимикаттарды коопсуз колдонуу боюнча, асыл тукум ишинин субъекттеринин, селекциялык асыл тукум ишинин жүргүзүү боюнча жергиликтүү өз алдынча башкаруу органдарынын жана башка чарбалык субъекттердин ишине, айыл чарба жана мөмө-жемиш өсүмдүктөрүнүн үрөндүк, өндүрүштүк, тоют жана көчөт материалдарынын сапатына ветеринардык, фитосанитардык жана тамак-аш коопсуздугу чөйрөсүндө мамлекеттик көзөмөлдөө боюнча функцияларды жүзөгө ашырат.

2. Кызмат ветеринардык коопсуздук, ветеринардык-санитардык жана тамак-аш коопсуздугун камсыздоо чөйрөсүндө мамлекеттик көзөмөлдөө функцияларын жүзөгө ашыруу бөлүгүндө Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринардык кызматтын жана өсүмдүктөрдүн карантинин камсыз кылуу жаатындагы мыйзамдарда белгиленген карантинге алынган продукцияны жана карантинге алынган объекттерди мамлекеттик көзөмөлдөө боюнча, пестициддерди жана агрохимикаттарды коопсуз колдонуу боюнча функцияларды жүзөгө ашыруу бөлүгүндө Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Өсүмдүктөрдү химиялаштыруу, коргоо жана карантин департаментинин укук улантуучусу болуп саналат.

3. Кызмат өз ишинде Кыргыз Республикасынын Конституциясын жана мыйзамдарын, Кыргыз Республикасынын Президентинин жарлыктарын, Кыргыз Республикасынын Министрлер Кабинетинин токтомдорун жана тескемелерин, Кыргыз Республикасы катышуучусу болуп саналган, мыйзамдарда белгиленген тартипте күчүнө кирген эл аралык келишимдерди, Министрликтин чечимдерин жана ушул Жобону жетекчиликке алат.

4. Кызмат, анын аймактык бөлүмдөрү жана мекемелери юридикалык жактар болуп саналат. Кызмат мекеменин уюштуруу-укуктук формасында иш алып барат, өз алдынча балансы, казыналык системада алыш-бериш жана башка эсептери, Кыргыз Республикасынын Мамлекеттик гербинин сүрөтү түшүрүлгөн, мамлекеттик жана расмий тилдерде өзүнүн аталышы жазылган мөөрү, штамптары, белгиленген үлгүдөгү бланктары бар.

5. Кызматтын толук фирмалык аталышы:

- мамлекеттик тилде: "Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринардык жана фитосанитардык көзөмөл кызматы" мекемеси;

- расмий тилде: учреждение "Служба ветеринарного и фитосанитарного надзора при Министерстве водных ресурсов, сельского хозяйства и перерабатывающей промышленности Кыргызской Республики".

Кыскартылган аталышы:

- мамлекеттик тилде: "ВФКК";

- расмий тилде: "СВФН".

6. Кызматтын юридикалык дареги: 720040, Бишкек шаары, Киев көчөсү, 966.

7. Кызмат өз ишин Министрликтин жетекчилиги астында жүзөгө ашырат, өз компетенциясынын чегинде мамлекеттик органдар, жергиликтүү өз алдынча башкаруу органдары, мамлекеттик, коомдук, илимий уюмдар жана башка юридикалык жана жеке жактар менен өз ара аракеттенет.

2-глава. Кызматтын максаты жана милдеттери

8. Кызматтын максаты жаныбарлардан жана өсүмдүктөрдөн алынуучу продуктулардын ветеринардык жана фитосанитардык коопсуздугун камсыздоо, пестициддерди жана агрохимикаттарды коопсуз колдонууну камсыз кылуу болуп саналат.

9. Кызматтын милдеттери болуп төмөнкүлөр саналат:

- ветеринардык жана фитосанитардык көзөмөлгө алынууга тийиш болгон товарлардын коопсуздугун сактоону көзөмөлдөө;

- ветеринардык жана фитосанитардык коопсуздукту камсыз кылуу;

- ветеринария, мал чарбасы, үрөнчүлүк, өсүмдүктөрдү химиялаштырууну, коргоону жана карантинин камсыз кылуу жаатындагы Кыргыз Республикасынын жана ЕАЭБдин мыйзамдарынын жеке жана юридикалык жактар, мамлекеттик органдар тарабынан бузууларын алдын алуу, аныктоо жана бөгөт коюу;

- Кыргыз Республикасынын аймагын жугуштуу жана жугуштуу эмес оорулардын козгогучтарынын киришинен жана жайылышынан коргоо боюнча ветеринардык иш-чараларды көзөмөлдөө;

- жаныбарларды айдоону жана ташууну, жаныбарлардан алынуучу продуктуларды жана чийки заттарды жана карантинге алынуучу продукцияны жерде, аба жана темир жол транспортунда ташууну көзөмөлдөө;

- ветеринардык лабораторияларда, илимий-изилдөө институттарында жана ветеринардык биологиялык препараттарды өндүрүү жана сактоо боюнча ишканаларда микроорганизмдердин штаммдарын сактоо режимин көзөмөлдөө;

- ветеринардык жана фитосанитардык көзөмөлгө алынуучу эпизоотияга каршы иш-чаралардын, өсүмдүктөрдүн карантининин сакталышын камсыз кылууну көзөмөлдөө;

- карантиндик фитосанитардык чаралардын системасын түзүү жана системалуу актуалдаштыруу;

- жеке жана юридикалык жактар, мамлекеттик органдар тарабынан өсүмдүктөрдүн карантинин камсыз кылуу жаатындагы Кыргыз Республикасынын мыйзамдарын бузуулардын алдын алуу, аныктоо жана бөгөт коюу.

3-глава. Кызматтын функциялары

9. Кызмат белгиленген тартипте төмөнкү функцияларды ишке ашырат:

1) тармактык саясатты ишке ашыруу функциясы:

- ветеринария, асыл тукум мал чарбачылыгы, үрөнчүлүк жана өсүмдүктөрдү химиялаштырууну, коргоону жана карантинди камсыз кылуу жаатындагы Кыргыз Республикасынын ченемдик укуктук актыларын аткаруу;

- ветеринардык жана фитосанитардык көзөмөл чөйрөсүндөгү мамлекеттик саясатты ишке ашыруу;

2) жөнгө салуу функциялары:

- ветеринария, асыл тукум мал чарбачылыгы, үрөнчүлүк жана өсүмдүктөрдү химиялаштырууну, коргоону жана карантинди камсыз кылуу жаатындагы ченемдик укуктук актыларды иштеп чыгуу;

- ветеринардык контролго (көзөмөлгө) тийиш болгон продуктуларды (сырьелорду) өндүрүү, кайра иштетүү, сактоо, ташуу жана сатуу боюнча ишти жүзөгө ашыруучу жактардын мамлекеттик каттоо (эсепке алуу) жана бирдиктүү реестрин жүргүзүү;

3) мамлекеттик көзөмөлдөө функциялары:

- контролдонуучу мамлекеттик ветеринардык жана фитосанитардык көзөмөлдө турган товарларды жана жүктөрдү өндүрүүгө, сактоого, ташууга, кайра иштетүүгө жана сатууга, ошондой эле Кыргыз Республикасынын аймагы аркылуу ташып кирүүгө, ташып чыгууга жана транзит менен ташууга мамлекеттик ветеринардык жана фитосанитардык көзөмөл;

- ветеринардык-санитардык кызмат көрсөтүүлөр, ветеринардык иш, ветеринардык-санитардык экспертиза, ветеринардык жана фитосанитардык коопсуздук, эпизоотияга каршы иш-чаралар жана өсүмдүктөрдүн карантинин, химиялаштырууну жана коргоону камсыз кылуу жаатында лабораториялык изилдөөлөрдү жүргүзүү менен алектенген объекттерге мамлекеттик ветеринардык көзөмөл;

- Кыргыз Республикасынын ветеринария жаатындагы мыйзамдарына ылайык эл аралык почта мекемелери тарабынан көзөмөлгө алынуучу товарларды (жүктөрдү) убактылуу сактоо кампаларында ташууда ветеринардык-санитардык ченемдердин жана талаптардын сакталышына мамлекеттик көзөмөл;

- белгиленген талаптарга ылайык ветеринардык контролго алынуучу, пайдаланууга жана эркин соодага жараксыз продуктуларды (чийки затты) жыйноо жана утилдештирүү боюнча тартиптин сакталышына мамлекеттик көзөмөл;

- көзөмөлдө турган продукцияны жүгүртүүнүн бардык этаптарында ветеринардык-санитардык тобокелдиктерди аныктоо, баалоо жана башкаруу максатында менчигинин түрүнө карабастан юридикалык жана жеке жактар тарабынан ветеринария жаатындагы ченемдик укуктук актылардын, техникалык регламенттердин жана башка документтердин талаптарынын аткарылышына мамлекеттик көзөмөл;

- ветеринардык чектөөчү жана карантиндик иш-чаралар жаатындагы талаптардын аткарылышына мамлекеттик көзөмөл;

- ветеринардык жана фитосанитардык көзөмөлгө алынуучу ишкердик субъекттерге текшерүүлөрдү жүргүзүү;

- Кыргыз Республикасынын жана ЕАЭБдин мыйзамдарына ылайык биргелешкен текшерүүлөрдү жүргүзүү;

- импорттолуучу экспорттолуучу жана ветеринардык жана фитосанитардык көзөмөлгө алынуучу продукцияны жугушсуздандырууну жана технологиялык кайра иштетүүнү жүзөгө ашыруучу мамлекеттик көзөмөл жүргүзүү;

- жаныбарлардын ылаңдарын жана карантиндик зыяндуу организмдерди локалдаштыруу жана жоюу боюнча программалардын аткарылышын чарбалык субъекттер тарабынан сакталышына мамлекеттик көзөмөл жүргүзүү;

- өсүмдүктөрдүн карантини жаатындагы мыйзамдардын талаптарынын менчигинин түрүнө карабастан юридикалык жактар жана жеке жактар тарабынан өндүрүүчүдөн акыркы керектөөчүгө чейин жаныбарлардан жана өсүмдүктөрдөн алынган продукцияны жүгүртүүнүн бардык этаптарында сакталышына мамлекеттик карантиндик фитосанитардык көзөмөл жүргүзүү;

- Кыргыз Республикасынын аймагында пайдаланууга жол берилген Өсүмдүктөрдүн сортторунун жана гибриддеринин мамлекеттик реестринин негизинде аймакка ташып келинген үрөндүк жана көчөт материалдарына карантиндик фитосанитардык көзөмөл жүргүзүү;

- пестициддерди жана агрохимикаттарды өндүрүүдө, ташууда, сактоодо жана пайдаланууда мамлекеттик көзөмөл жана мониторинг жүргүзүү, Кыргыз Республикасынын мыйзамдарына ылайык алардын менчигинин түрүнө карабастан пестициддерди жана агрохимикаттарды, минералдык жана органоминералдык жер семирткичтерди өндүрүү, алып келүү жана сатуу менен алектенген чарбалык субъекттерди текшерүү;

- жөнгө салынуучу зыяндуу организмдердин жашоо жөндөмдүүлүгүнөн ажыратууну камсыз кылуучу импорттолуучу жана экспорттолуучу карантинге алынган продукцияны жугушсуздандырууну жана технологиялык кайра иштетүүнү жүзөгө ашыруучу ишканалар тарабынан карантиндик фитосанитардык чаралар жаатындагы мыйзамдарда белгиленген талаптардын сакталышына мамлекеттик көзөмөл жүргүзүү;

- катталбаган жана колдонууга тыюу салынган пестициддерди жана агрохимикаттарды жүгүртүүнү болтурбоо;

- асыл тукум ишинин субъекттеринин, жергиликтүү өз алдынча башкаруу органдарынын жана башка чарбалык субъекттердин селекциялык-асыл тукум иштерин жүргүзүү боюнча ишине мамлекеттик көзөмөл жүргүзүү;

- асыл тукум ишинин субъекттеринин, жергиликтүү өз алдынча башкаруу органдарынын жана инвестициялык долбоорлорго тартылган башка чарбалык субъекттердин ишине Кыргыз Республикасынын Министрлер Кабинети тарабынан бөлүнгөн каражаттардын, гранттардын жана башка түшүүлөрдүн максаттуу пайдаланылышына мамлекеттик көзөмөл жүргүзүү;

- "Кыргыз асыл тукум заводу" мамлекеттик ишканасынын асыл тукум иштерин жүргүзүүсүн көзөмөлдөө;

- айыл чарба жана мөмө-жемиш өсүмдүктөрүнүн үрөндүк, көчөт материалдарынын сапатына жана соода жүгүртүүсүнө, азык-түлүк, тоют данынын сапатына мамлекеттик көзөмөл жүргүзүү;

4) колдоо функциялары:

- ветеринария, мал чарбасы, үрөнчүлүк жана өсүмдүктөрдүн карантинин, химиялаштырууну жана коргоону камсыз кылуу жаатындагы Кыргыз Республикасынын ченемдик укуктук актыларын ишке ашыруу боюнча түшүндүрүү иштерин жүргүзүү;

- ветеринария, мал чарбасы, үрөнчүлүк жана өсүмдүктөрдүн карантинин, химиялаштырууну жана коргоону камсыз кылуу жаатындагы Кыргыз Республикасынын мыйзамдарынын маселелери боюнча комиссиялардын ишине катышуу;

- Кызматтын кызматкерлеринин квалификациясын жогорулатуу боюнча ишти уюштуруу;

- Министрлик менен макулдашуу боюнча Кызматтын компетенциясына кирген маселелер боюнча чет мамлекеттердин мамлекеттик органдары жана эл аралык уюмдар менен кызматташууну жүзөгө ашыруу;

- өз компетенциясынын алкагында жеке жана юридикалык жактардын кайрылууларын кароо жана аларга консультация берүү.

4-глава. Кызматтын укуктары

10. Кызмат төмөнкүлөргө укуктуу:

- Кыргыз Республикасынын мыйзамдарында каралган тартипте ветеринардык жана фитосанитардык көзөмөлдүн объекттерине тоскоолдуксуз кирүүгө жана текшерүүгө;

- мамлекеттик бийлик, жергиликтүү өз алдынча башкаруу органдарынан жана чарбалык субъекттерден, жарандардан эпизоотиялык жагдайды жана аймактын карантиндик фитосанитардык абалын, жаныбарлардын жана өсүмдүктөрдүн ылаңдарынын себептерин аныктоо, жаныбарлардан жана өсүмдүктөрдөн алынуучу продуктулардын жана чийки заттардын ветеринардык-санитардык коопсуздугун баалоо, ветеринардык-санитардык жана фитосанитардык талаптарды аткаруу үчүн зарыл болгон документтерди жана маалыматтарды алууга;

- аткаруу бийлигинин, жергиликтүү өз алдынча башкаруу органдарынан, менчигинин түрүнө жана ведомстоволук тиешелүүлүгүнө карабастан чарбалык субъекттерден, жарандардан эпизоотияга каршы иш-чараларды жана ветеринардык-санитардык, фитосанитардык талаптарды милдеттүү түрдө аткарууну талап кылууга;

- мамлекеттик ветеринардык контролду (көзөмөлдү) жүзөгө ашырууда лабораториялык изилдөөлөрдү (сыноолорду) жүргүзүү үчүн ветеринардык көзөмөлгө алынуучу товарлардын сынамыктарын алууга;

- ветеринардык-санитардык жана фитосанитардык талаптарга жооп бербеген жаныбарлардан жана өсүмдүктөрдөн алынуучу продуктуларды жана чийки заттарды алып коюуга;

- жаныбарлардан алынган продуктуларды жана чийки заттарды, ошондой эле ветеринардык-санитардык талаптарга жооп бербеген ветеринардык дары каражаттарын, тоюттарды жана тоют кошулмаларын өндүрүүгө, кайра иштетүүгө, даярдоого жана сатууга тыюу салууга;

- Кыргыз Республикасынын ветеринария жаатындагы мыйзамдарын бузуулар жөнүндө протокол түзүүгө жана аларды жоюу жөнүндө жазма буйруктарды берүүгө, Кыргыз Республикасынын укук бузуулар жөнүндө мыйзамдарына ылайык токтомдорду кабыл алууга жана жазаларды колдонууга, Кыргыз Республикасынын ветеринария жаатындагы мыйзамдары бузулган учурда Кыргыз Республикасынын мыйзамдарында каралган тартипте сотко доо арыз берүүгө;

- жаныбарлардын инфекциялык ылаңдарынын пайда болуу жана/же жайылуу коркунучу келип чыккан учурда менчигинин түрүнө карабастан көзөмөлгө алынган объекттерди эксплуатациялоону токтото турууга жана карантиндик объекттин очогун локалдаштырууга;

- Кыргыз Республикасынын ветеринария жана фитосанитария жаатындагы мыйзамдарына, Кыргыз Республикасынын укук бузуулар жөнүндө кодексине ылайык көзөмөлгө алынган объекттерде аныкталган бузуулар боюнча белгиленген тартипте карап чыгууга жана жаза колдонууга;

- аткаруу үчүн милдеттүү болгон ветеринардык коопсуздуктун талаптарын аныкталган бузууларды четтетүү жөнүндө жазма буйруктарды (кабарлоолорду, көрсөтмөлөрдү) чыгарууга жана мамлекеттик органдарга, жергиликтүү өз алдынча башкаруу органдарына, менчигинин түрүнө карабастан юридикалык, жеке жактарга жана жарандарга жиберүүгө;

- уюмдардын жетекчилерин жана кызмат адамдарын, ошондой эле жарандарды ветеринардык коопсуздуктун талаптарын бузуу фактылары боюнча түшүндүрмөлөрдү берүү үчүн чакырууга;

- жергиликтүү мамлекеттик администрацияларга жана жергиликтүү өз алдынча башкаруу органдарына өзгөчө комиссияларда тиешелүү маселелерди кароо жөнүндө сунуштарды киргизүүгө;

- өз компетенциясынын чегинде зарыл болгон маселелерди кароо үчүн эксперттердин жана адистердин ичинен ведомстволор аралык жумушчу топторду белгиленген тартипте түзүүгө;

- бузууларга жол берген адамдарды Кыргыз Республикасынын ветеринария жаатындагы мыйзамдарына ылайык жоопкерчиликке тартуу жөнүндө материалдарды сот жана укук коргоо органдарына берүүгө;

- ветеринардык коопсуздук талаптарын бузуу аныкталган учурда мамлекеттик органдарга (лицензиарларга) лицензияны колдонууну токтото туруу же болбосо аны чакыртып алуу жөнүндө сунуштарды белгиленген тартипте чыгарууга жана жиберүүгө;

- агрохимиялык абалды контролдук карантиндик фитосанитардык иш-чараларын жүргүзүү үчүн карантинге алынган объекттерге барууга;

- Кыргыз Республикасынын укук бузуулар жөнүндө кодексине ылайык Кыргыз Республикасынын ветеринария жана өсүмдүктөрдүн карантини чөйрөсүндөгү мыйзамдарынын талаптарын бузууга жол берген адамдарды жоопкерчиликке тартууга;

- пестициддерди жана агрохимикаттарды колдонуу технологияларын жана регламенттерин бузуу менен жүргүзүлгөн айыл чарба иштерин токтото турууга, ошондой эле мамлекеттик каттоодон өтпөгөн пестициддерди, агрохимикаттарды, минералдык жана органоминералдык жер семирткичтерди өндүрүүгө тыюу салууга;

- карантиндик зыяндуу организмдердин кирүү жана жайылуу коркунучунда менчигинин түрүнө карабастан, чарбалык субъекттердин карантинге алынган объекттерди пайдалануусун токтото турууга;

- Кыргыз Республикасынын мамлекеттик статистика, бажы жана башка мамлекеттик органдарынан ветеринардык жана фитосанитардык көзөмөлгө алынуучу товарларды Кыргыз Республикасынын аймагына ташып келүү, аймагынан ташып чыгуу жана транзит менен ташуу тууралуу статистикалык маалыматтарды жана маалыматтарды алууга;

- мамлекеттик органдарга, жергиликтүү өз алдынча башкаруу органдарына, менчигинин түрүнө карабастан юридикалык жактарга жана жеке жактарга пестициддерди жана агрохимикаттарды өндүрүү, ташуу, сатуу, сактоо жана пайдалануу боюнча талаптардын аныкталган бузууларды четтетүү жөнүндө аткарууга милдеттүү болгон эскертүүлөрдү (кабарлоолорду, көрсөтмөлөрдү) берүүгө;

- менчигинин түрүнө карабастан чарбалык субъекттердин айдоолордун жана көчөттөрдүн, кыртыштын жана сугат сууларынын, үрөн материалынын фитосанитардык жана агрохимиялык абалы жөнүндө, ошондой эле пестициддерди жана агрохимикаттарды колдонуу менен жүргүзүлүп жаткан иш-чаралар тууралуу маалыматтарды текшерүүгө;

- аларды колдонуудагы технологияларды жана регламенттерди бузуу менен жүргүзүлгөн пестициддер жана агрохимикаттар менен айыл чарба иштерин токтото турууга, ошондой эле мамлекеттик каттоодон өтпөгөн пестициддерди жана агрохимикаттарды өндүрүүгө тыюу салууга;

- семинарларды жана конференцияларды өткөрүүгө;

- Кыргыз Республикасынын карантиндик фитосанитардык коопсуздук чөйрөсүндөгү мыйзамдарында каралган учурларда карантинге алынган жүктөрдү коштоочу документтери жок Кыргыз Республикасынын аймагында ташууга, Кыргыз Республикасынын аймагына ташып келүүгө, Кыргыз Республикасынын чегинен транзит менен ташууга жана ташып чыгууга тыюу салууга;

- үрөн жана көчөт материалдарын саткан жерлерге барууга;

- менчигинин түрүнө карабастан айыл чарба жана мөмө-жемиш өсүмдүктөрүнүн үрөн жана көчөт материалдарын сатуу менен алектенген юридикалык жана жеке жактарда тиешелүү документтердин (үрөнгө жана көчөт материалына шайкештик сертификаты, талаа инспекциясынын актысы, сыноо протоколу, чет өлкөлүк көчөт материалы үчүн чыккан жердин сертификаты) болушун текшерүүгө;

- тиешелүү документтер жок болгон учурда (үрөнгө жана көчөт материалына шайкештик сертификаты, талаа инспекциясынын актысы, сыноо протоколу, чет өлкөлүк көчөт материалы үчүн чыккан жердин сертификаты) Кыргыз Республикасынын укук бузуулар жөнүндө мыйзамдарына ылайык айыл чарба жана мөмө-жемиш өсүмдүктөрүнүн үрөн жана көчөт материалдарын алып коюуга жана жок кылууга чейин айып санкцияларын колдонууга;

- ыйгарым укуктуу мамлекеттик органдардан төмөнкү маалыматтарды алууга:

1) ветеринардык көзөмөлгө алынуучу товарлардын экспорту, импорту, транзити боюнча;

2) жаныбарлардын ылаңдарына, ветеринардык көзөмөлгө алынуучу товарларга лабораториялык изилдөөлөр, анын ичинде азык-түлүк рынокторунда ветеринардык-санитардык экспертиза жүргүзүү жөнүндө;

3) эпизоотияга каршы иш-чараларды жүргүзүү, анын ичинде оорулар боюнча лабораториялык изилдөөлөргө мониторинг жүргүзүү жөнүндө;

4) убактылуу чектөөлөрдү киргизүү жөнүндө;

5) лабораториялык изилдөөлөрдө бузууларды аныктоо жөнүндө;

6) берилген ветеринардык сертификаттар, ветеринардык күбөлүктөр жана башка коштоочу документтер жөнүндө;

7) айыл чарба жаныбарларына идентификациялоо жүргүзүү жөнүндө;

- "Электрондук башкаруу жөнүндө" жана "Жеке мүнөздөгү маалымат жөнүндө" Кыргыз Республикасынын мыйзамдарынын талаптарын сактоо менен ветеринария, өсүмдүктөрдүн карантини жана коргоо чөйрөсүндөгү ыйгарым укуктуу органдардын маалыматтык системаларына кирүүгө мүмкүндүк алууга;

- каттоодон өткөн ветеринардык препараттар, тоюттар жана тоют кошулмалары, пестициддер жана агрохимикаттар жөнүндө маалымат алууга.

5-глава. Кызматтын ишин уюштуруу

11. Кызматты директор жетектейт, ал Кыргыз Республикасынын суу ресурстары, айыл чарба жана кайра иштетүү өнөр жайы министринин (мындан ары - министр) сунушу боюнча Кыргыз Республикасынын Министрлер Кабинетинин Төрагасы тарабынан кызмат ордуна дайындалат жана кызмат ордунан бошотулат.

Директордун орун басарларын кызмат ордуна дайындоо жана кызмат ордунан бошотуу Кыргыз Республикасын мамлекеттик жарандык кызмат жана муниципалдык кызмат жөнүндө мыйзамдарына ылайык жүргүзүлөт.

Кызматтын директору жок болгон учурда анын милдеттерин аткаруу директордун орун басарларынын бирине жүктөлөт.

Кызматтын уюштуруучулук-тескөө документтери Кызматтын директорунун буйругу менен бекитилет.

12. Кызматтын директору:

- Кызматтын милдеттери менен функциялары өзгөргөндүгүнө байланыштуу гана өзгөрүшү мүмкүн болгон Кызматтын борбордук аппаратынын жана аймактык бөлүмдөрүнүн жана мекемелеринин түзүмүн, штаттык расписаниесин жана чыгымдар сметасын министрдин бекитүүсүнө киргизет. Мында директорду дайындоо белгиленген штаттык сандын жана эмгек акы фондунун чегинде Кызматтын түзүмүн өзгөртүү үчүн негиз болуп саналбайт;

- Кызматтын ишине жалпы жетекчиликти ишке ашырат жана Кызматка жүктөлгөн милдеттердин аткарылышы үчүн жеке жоопкерчилик тартат;

- мамлекеттик органдар, жергиликтүү өз алдынча башкаруу органдары, ишканалар, мекемелер жана уюмдар менен болгон мамилелерде Кызматтын атынан чыгат;

- өз ыйгарым укуктарынын чегинде сүйлөшүүлөрдү жүргүзөт жана Кызматтын компетенциясына кирген маселелер боюнча өз ара аракеттенүү жана кызматташуу жөнүндө документтерге белгиленген тартипте кол коёт;

- Кызматтын кызматкерлери аткарууга милдеттүү болгон буйруктарды чыгарат;

- Кызматтын кызматкерлеринин өкүлчүлүктүү органы менен жамааттык келишимге кол коёт;

- аймактык бөлүмдөргө жана мекемелерге тапшырмаларды берет жана алардын аткарылышын контролдойт;

- Кызматтын директорунун орун басарларынын ортосунда укуктарды жана милдеттерди бөлүштүрөт;

- Кызматтын борбордук аппаратынын жана аймактык бөлүмдөрүнүн түзүмдүк бөлүмдөрү жөнүндө жоболорду бекитет;

- Кыргыз Республикасынын мамлекеттик жарандык кызмат жана муниципалдык кызмат жөнүндө мыйзамдарына ылайык Кызматтын кадрлар резервин түзүү боюнча ишти уюштурат;

- Кызматтын кызматкерлерине карата сыйлоо жана тартиптик жаза чараларын колдонот;

- даттанууларды жана арыздарды кароо боюнча ыкчам чара көрүү комиссиясын түзөт;

- Кызматтын кызматкерлерине сый акы берүү жөнүндө маселени чечет;

- Кызматтын кызматкерлерин Министрликтин ведомстволук сыйлыктары менен сыйлоо жөнүндө сунуш киргизет;

- Кызматтын өзгөчөлөнгөн кызматкерлерин Кыргыз Республикасынын мамлекеттик сыйлыктары, Кыргыз Республикасынын Жогорку Кеңешинин, Кыргыз Республикасынын Министрлер Кабинетинин, министрликтердин жана ведомстволордун сыйлыктары, ошондой эле Министрликтин сыйлыктары жана төш белгилери менен сыйлоого сунуш берүү жөнүндө Министрликке өтүнүч кат берет;

- белгиленген тартипте Министрликтин кызмат орундарынын номенклатурасына ылайык Кызматтын борбордук аппаратынын кызматкерлерин жана аймактык бөлүмдөрүнүн жетекчилерин белгиленген тартипте кызмат ордуна дайындайт жана ээлеген кызмат ордунан бошотот.

13. Кызматтын директору жана анын орун басарлары коррупциянын алдын алуунун ички системасын түзүү, мыйзамдардын сакталышын контролдоону камсыз кылуу боюнча чараларды көрбөгөндүгү үчүн, ошондой эле кызматтык тартиптин абалы үчүн тартиптик жоопкерчилик тартат.

14. Кызматтын директору жана аймактык бөлүмдөрүнүн жетекчилери Кыргыз Республикасынын ветеринария, өсүмдүктөрдүн карантини, химиялаштыруу жана коргоо жаатындагы мыйзамдары менен берилген ыйгарым укуктардын чегинде мамлекеттик көзөмөлдөө функцияларын аткарат.

15. Кызматта тиешелүү жумушчу топтор жана комиссиялар түзүлүшү мүмкүн.

16. Мамлекеттик инспекторлордун тизмеги Кыргыз Республикасынын мамлекеттик жарандык кызмат жана муниципалдык кызмат жөнүндө мыйзамдарына ылайык Кызматтын директорунун буйругу менен аныкталат жана бекитилет.

17. Кызматтын инспекциялоо укугу берилген кызматкерлери кызмат адамдары болуп саналат, алардын аты жазылган жана номерлүү мөөрлөрү, атайын жабдуулары, ошондой эле аларга жүктөлгөн милдеттерди аткарууда бузууларды координациялоо, контролдоо жана фиксациялоо максатында Кызматтын директору тарабынан белгиленген тартипте берилүүчү боди-камералары жана планшеттери болот.

Кызматтын кызмат адамдары белгиленген тартипте бекитилген жазма буйруктардын бланктарын жана отчеттуулуктун формаларын пайдаланат.

Кызматтын ведомстволук актылары төмөнкүлөр болуп саналат:

- Кызматтын буйругу;

- Кызматтын токтому;

- Кызматтын актылары;

- ветеринария жана өсүмдүктөрдүн карантинин коргоо жаатындагы Кыргыз Республикасынын мыйзамдарынын талаптарын бузууларды жоюу жөнүндө жазма буйрук;

- Кыргыз Республикасынын укук бузуулар жөнүндө мыйзамдарына ылайык жаза колдонуу жөнүндө токтом.

18. Кызматтын аймактык бөлүмдөрү жана мекемелери өз ишин өз алдынча жүргүзөт жана Кызматка түздөн-түз баш ийет.

19. Кызматтын кызматкерлерин укуктук жана социалдык коргоо Кыргыз Республикасынын эмгек жана социалдык коргоо чөйрөсүндөгү мыйзамдарына, мамлекеттик жана муниципалдык кызмат жөнүндө мыйзамдарга ылайык жөнгө салынат жана жүзөгө ашырылат.

20. Кызматтын жетекчилеринин жана кызматкерлеринин кызматтык күбөлүктөрү болот жана алар кызматтык милдеттерин аткаруу учурунда Кыргыз Республикасынын Министрлер Кабинетинин чечими менен бекитилген бирдиктүү үлгүдөгү ведомстволук формалык кийимди кийүүгө милдеттүү.

21. Кызматтын кызмат адамдары аларга жүктөлгөн милдеттерди аткарбаган же талаптагыдай аткарбаган учурда, мыйзамга каршы иш-аракеттери (аракетсиздиги) үчүн Кыргыз Республикасынын мыйзамдарына ылайык тартиптик, жарандык жана кылмыш-жаза жоопкерчилигине тартылат.

6-глава. Мүлк жана финансы

22. Кызматтын негизги иши боюнча бухгалтердик, статистикалык эсеп жана отчеттуулук Кыргыз Республикасынын бухгалтердик эсеп жана финансылык отчеттуулук чөйрөсүндөгү мыйзамдарында белгиленген тартипте жүргүзүлөт.

23. Кызматтын борбордук аппаратын, аймактык бөлүмдөрүн жана мекемелерин күтүүгө чыгымдар республикалык бюджеттин каражаттарынын жана атайын эсептерде топтолгон каражаттардын, ошондой эле Кыргыз Республикасынын мыйзамдарында тыюу салынбаган башка булактардын эсебинен каржыланат.

24. Кызмат жарандык мыйзамдарга ылайык ыкчам башкаруу укугунда белгиленген тартипте өткөрүп берилген мамлекеттик имараттарды, курулмаларды, жабдууну, инвентарды жана башка мүлктүк товардык-материалдык баалуулуктарды пайдаланат.

7-глава. Кайра уюштуруу жана жоюу

25. Кызматты кайра уюштуруу жана жоюу Кыргыз Республикасынын жарандык мыйзамдарына ылайык Кыргыз Республикасынын Министрлер Кабинетинин чечими менен жүргүзүлөт.

26. Кызматтын иши токтотулган учурда, анын ишинин жүрүшүндө пайда болгон документтер "Кыргыз Республикасынын улуттук архив фонду жөнүндө" Кыргыз Республикасынын Мыйзамына ылайык пайдаланылат жана сакталат.

Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринардык жана фитосанитардык көзөмөл кызматынын БАШКАРУУ СХЕМАСЫ

Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматынын алдындагы Арстанбек Дүйшеев атындагы Кыргыз ветеринария илимий-изилдөө институту жөнүндө ЖОБО

1-глава. Жалпы жоболор

1. Ушул Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматынын алдындагы Арстанбек Дүйшеев атындагы Кыргыз ветеринария илимий-изилдөө институту (мындан ары - Институт) жөнүндө жобо Институттун ишин жөнгө салат, анын милдеттерин, функцияларын жана иш тартибин аныктайт.

2. Институт Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматынын (мындан ары - Кызмат) ведомстволук бөлүмү болуп саналат.

3. Институттун уюштуруучусу Кыргыз Республикасынын Министрлер Кабинети болуп эсептелет.

4. Институт өз ишинде Кыргыз Республикасынын Конституциясын, "Илим жөнүндө" Кыргыз Республикасынын Мыйзамын, башка мыйзамдарды, ошондой эле Кыргыз Республикасынын Министрлер Кабинетинин токтомдорун жана тескемелерин, Кыргыз Республикасынын Суу ресурстары, айыл чарба жана кайра иштетүү өнөр жайы министрлигинин (мындан ары - Министрлик), Кыргыз Республикасынын Билим берүү жана илим министрлигинин жана Кызматтын чечимдерин жана жоболорун жетекчиликке алат.

5. Институт финансылык-чарбалык жана укуктук өз алдынчалыкка, обочолонгон мүлккө, өз алдынча баланска, финансы-кредиттик мекемелерде алыш-бериш жана башка эсептерге, Кыргыз Республикасынын Мамлекеттик герби түшүрүлгөн мөөргө жана өзүнүн аталышы мамлекеттик жана расмий тилдерде жазылган башка реквизиттерге ээ юридикалык жак болуп саналат.

6. Институттун расмий аталышы:

- мамлекеттик тилде: Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматынын алдындагы Арстанбек Дүйшеев атындагы Кыргыз ветеринария илимий-изилдөө институту;

- расмий тилде: Кыргызский научно-исследовательский институт ветеринарии имени Арстанбека Дуйшеева при Службе ветеринарии, развития животноводства, пастбищ и кормов при Министерстве водных ресурсов, сельского хозяйства и перерабатывающей промышленности Кыргызской Республики.

Кыскартылган аталышы:

- мамлекеттик тилде: "КВИИИ";

- расмий тилде: "КНИИВ".

7. Институттун юридикалык дареги: 720033, Кыргыз Республикасы, Бишкек шаары, Биринчи май району, Тоголок Молдо көчөсү 60, тел. +996312325069.

8. Институт өз ишин ушул Жобонун максаттарына жана милдеттерине ылайык Кызмат, Кыргыз Республикасынын Суу ресурстары, айыл чарба жана кайра иштетүү өнөр жайы министрлиги, Билим берүү жана илим министрлиги жана башка мамлекеттик түзүмдөр, илимий жана коомдук уюмдар менен өз ара аракеттенүү менен жүргүзөт. Башка мамлекеттердин илимий мекемелери менен активдүү өз ара аракеттенет.

Институт мыйзамдарда каралган жарандык-укуктук бүтүмдөрдү жүргүзүүгө, сотто доогер жана жоопкер катары чыгууга, Кыргыз Республикасынын мыйзамдарында белгиленген укуктарга жана милдеттерге ээ.

2-глава. Институттун максаты жана милдеттери

9. Институттун илимий-изилдөө ишинин башкы максаты мал чарбасы тармагында эпизоотиялык жагымдуулукту камсыз кылуунун илимий негиздерин иштеп чыгуу болуп саналат.

10. Институттун милдеттери төмөнкүлөр болуп саналат:

- жаныбарлардын ден соолугун коргоо боюнча чараларды, ошондой эле жаныбарлардын инфекциялык, инвазиялык жана жугушсуз ооруларына каршы күрөшүү стратегиясынын илимий негиздерин иштеп чыгуу багытында илимий-изилдөө, илимий-билим берүү жана өндүрүштүк иш;

- тармактын туруктуу ветеринардык жагымдуулугун камсыз кылуу максатында жаныбарлардын, канаттуулардын, аарылардын жана балыктардын инфекциялык, инвазиялык жана жугушсуз ооруларын диагностикалоонун, өзгөчө алдын алуунун жана дарылоонун биологиялык препараттарынын биотехнологияларын, методдорун жана каражаттарын иштеп чыгуу жана өркүндөтүү;

- жаңы диагностикалык тест-системаларды, алдын алуучу, дарылоочу препараттарды, аларды пайдалануунун инновациялык технологияларын иштеп чыгуу жана ишке киргизүү, өндүрүү;

- республиканын аймагында жүгүртүүдөгү вакциналарга жана башка ветеринардык препараттарга техникалык өзгөчөлүктөрдү иштеп чыгуу;

- алардын арасында эпидемиологиялык жагымдуулукту колдоо боюнча айыл чарба, жапайы жана үй жаныбарларынын, канаттуулардын, аарылардын, балыктардын арасында инфекциялык жана инвазиялык оорулары боюнча эпизоотиялык мониторингдердин улуттук программаларын жана долбоорлорун иштеп чыгуу;

- биологиялык препараттарды даярдоо үчүн микробдук культуралардын жана вирустардын штаммдарын изилдөө, селекциялоо, күтүү жана сактоо;

- ветеринардык илимдин жетишкендиктерин айыл чарба практикасына жайылтуу жана ишке киргизүү, стажировкаларды, консультациялык кызматтарды уюштуруу, ветеринардык медицинанын актуалдуу проблемалары боюнча илимий эмгектерди, сунуштамаларды жайылтуу;

- ветеринардык медицина жаатында биргелешкен инновациялык программаларды жана долбоорлорду иштеп чыгуу жана ишке ашыруу үчүн жакынкы жана алыскы чет өлкөлөрдүн илимий борборлору менен кызматташуу;

- эпизоотияга каршы иш-чаралар планына ылайык жаныбарлардын оорулары боюнча активдүү мониторинг жүргүзүү;

- Бүткүл дүйнөлүк жаныбарлардын саламаттыгын сактоо уюмунан айрым оорулар боюнча статусту алуу үчүн стандарттарды иштеп чыгуу жана ишке киргизүү.

3-глава. Институттун функциялары

11. Институт жүктөлгөн милдеттерге ылайык төмөнкү функцияларды аткарат:

- айыл чарба жаныбарларынын ден соолугун сактоо боюнча илимий негизделген стратегияларды иштеп чыгуу;

- Кыргыз Республикасынын региондорунда айыл чарба жана үй жаныбарларынын инфекциялык жана инвазиялык оорулары боюнча эпизоотиялык мониторингдердин программаларын жана методикаларын иштеп чыгуу;

- жаныбарлардын инфекциялык жана инвазиялык ооруларын диагностикалоо, алдын алуу жана дарылоо боюнча биотехнологияларды өркүндөтүү;

- өтө коркунучтуу оорулардын козгогучтарын аныктоо боюнча дарылоо-алдын алуучу препараттарды жана диагностикалык тест-системаларын иштеп чыгуу;

- жаныбарлардын организминде иммундук фондун жаралуу интенсивдүүлүгү боюнча ветеринардык препараттардын натыйжалуулугун изилдөө;

- ветеринардык муктаждыктар үчүн биологиялык материалдардын санатын баалоо;

- инфекцияларды жана инвазияларды алдын алуунун заманбап методдорун өздөштүрүү боюнча ветеринардык адистердин, жаныбарлардын ээлеринин квалификациясын жогорулатуу боюнча окутуу программаларын уюштуруу жана өткөрүү;

- мал чарбасы объекттериндеги инфекцияларды жана инвазияларды контролдоо жана алдын алуу методдорун алардын өзгөчөлүгү, натыйжалуулугу багытында өркүндөтүү;

- жаңы муундагы ветеринардык препараттарды, вакциналарды жана иммунобиологиялык каражаттарды иштеп чыгуу;

- ветеринардык практикага илимдин жетишкендиктерин жана алдынкы тажрыйбаларды киргизүү.

4-глава. Институттун укуктары жана милдеттери

12. Институт илимий-изилдөө ишин уюштуруу жаатында төмөнкүлөргө укуктуу:

- илимий-изилдөө жана ишке киргизүү иштеринин келечектеги жана учурдагы пландарынын долбоорлорун иштеп чыгууга;

- Институттун ишинин профилине ылайык изилдөө иштерин аткаруу үчүн материалдык-техникалык жана финансылык камсыз кылууга;

- Институттун илимий-эксперименттик базасында вакциналардын, дарылоо-алдын алуучу препараттардын, азыктандыруучу чөйрөлөрдүн тажрыйбалуу үлгүлөрүн чыгарууга жана аларды лабораториялык жаныбарларда сыноого;

- жакынкы жана алыскы чет өлкөлөрдүн илимий борборлорунда илимий кызматкерлердин чет өлкөгө иш сапарларын, окууларын жана стажировкаларын уюштурууга;

- белгиленген тартипте чет өлкөлүк илимий уюмдар менен илимий кызматташуу жөнүндө макулдашууларды түзүүгө;

- Институттун ишинин профили боюнча ар түрдүү уюмдар, ишканалар жана өндүрүштүк бирикмелер менен илимий-изилдөө жана ишке киргизүү иштерин аткарууга жана каржылоого келишимдерди түзүүгө;

- ата мекендик жана чет өлкөлүк өндүрүштөгү ветеринардык препараттарды, реактивдерди сатып алуу жана сатуу боюнча тендерлерге катышууга;

- илимий-изилдөө, илимий-өндүрүштүк, агартуу, башкаруу жана башка иште Кыргыз Республикасынын мыйзамдарында тыюу салынбаган менчиктин бардык формасындагы ишканалар менен рыноктук мамилелердин заманбап формаларын пайдаланууга.

13. Институт финансы чөйрөсүндө төмөнкүлөргө укуктуу:

- Кыргыз Республикасынын Министрлер Кабинети тарабынан бекитилген мамлекеттик каржылоонун көлөмүнүн жана эмгек акы фондунун чегинде ар бир түзүмдүк бөлүмгө чыгымдардын сметаларынын беренелери боюнча акча каражаттарын бөлүштүрүүгө;

- моралдык жактан эскирген, жараксыз негизги каражаттарды, илимий жабдууну жана приборлорду, транспорт каражаттарын, инвентарларды жана инструменттерди, жаңы объекттерди курууга, кеңейтүүгө, реконструкциялоого жана аларды техникалык жабдууга, ошондой эле эскирген абалга келгендигине байланыштуу имараттарды жана курулмаларды Институттун балансынан чыгарууга;

- дебитордук карызды, ыйгарылган жана башка карыздарды, жетишпеген баалуулуктарды, ошондой эле кем чыгуулар боюнча карыздарды эсептен чыгарууга;

- банктык кредиттерди пайдаланууга жана аларды максаттуу пайдалануу жана өз убагында кайтаруу үчүн жоопкерчилик тартууга.

14. Институт капиталдык курулуш жана капиталдык оңдоо жаатында төмөнкүлөргө укуктуу:

- негизги фонддорду жана каражаттарды реконструкциялоо, капиталдык куруу жана капиталдык оңдоо маселелери боюнча Кыргыз Республикасынын Суу ресурстары, айыл чарба жана кайра иштетүү өнөр жайы министрлигине жана Кыргыз Республикасынын Билим берүү жана илим министрлигине сунуштарды киргизүүгө, ошондой эле подряддык же чарбалык келишимдер боюнча бул ишти өз алдынча аткарууга;

- белгиленген лимиттердин чегинде долбоордук-сметалык документтерди иштеп чыгууга келишимдерди түзүүгө.

15. Институт материалдык-техникалык камсыз кылуу жана ишке ашыруу жаатында төмөнкүлөргө укуктуу:

- илимий-изилдөө иши үчүн зарыл болгон илимий жабдууну, приборлорду, химреактивдерди жана башка материалдарды республикалык бюджеттин каражаттарынан жана Кыргыз Республикасынын мыйзамдарында тыюу салынбаган башка каражаттардан, ошондой эле Институт көрсөткөн ветеринардык кызматтарга алмашуу аркылуу сатып алууга;

- эгер буга Кыргыз Республикасынын мыйзамдарында тыюу салынбаса акы төлөнүүчү илимий-методикалык кызматтарды көрсөтүүгө.

16. Институт эмгекти уюштуруу жана эмгек акы төлөө жаатында төмөнкүлөргө укуктуу:

- жалпы Институттун жана анын түзүмдүк бөлүмдөрүнүн (бөлүмдөрүнүн, лабораторияларынын) илимий-изилдөө ишинин негизги багыттарын аныктоого;

- башка уюмдар менен кызматташуу жөнүндө белгиленген тартипте эмгек келишимдерин түзүүгө;

- ассоциацияларга, бирликтерге, анын ичинде эл аралык уюмдарга кирүүгө;

- илимий-изилдөө ишин каржылоочу конкурстарга катышууга;

- колдонуудагы мыйзамдарга ылайык түзүмдү, штаттык расписаниени иштеп чыгууга жана кызматкерлердин кызматтык маяналарына кошумча төлөмдөрдү белгилөөгө;

- түзүмдүк бөлүмдөрдүн жана кызматкерлердин бардык категорияларынын штаттык санын аныктоого;

- эмгек акы фондун үнөмдөөдөн калган каражаттардын эсебинен илимий-изилдөө иштерин ийгиликтүү аткаргандыгы үчүн жамааттарды жана айрым кызматкерлерди сыйлоого;

- колдонуудагы тармактык ченемдердин негизинде атайын тамак-ашты, атайын кийимди, атайын бут кийимди, жуугуч каражаттарды акысыз алууга укук берген жумуштардын жана кесиптердин тизмесин, ошондой эле эмгек өргүүлөрүнүн узактыгын, жумуш убактысынын режимин жана ички тартип эрежелерин белгилөөгө.

17. Институт төмөнкүлөргө милдеттүү:

- өз ишинин профили боюнча илимий-изилдөө иштерин жүргүзүүгө;

- бекитилген отчеттордун бардык түрлөрүн белгиленген тартипте берүүгө;

- Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматынын жана Кыргыз Республикасынын Билим берүү жана илим министрлигинин тапшырмалары боюнча билим берүүнү, илимди жана өндүрүштү өнүктүрүү жана интеграциялоо боюнча аналитикалык маалымкаттарды жана сунуштарды даярдоого;

- Кыргыз Республикасынын мыйзамдарына ылайык юридикалык документтерди каттоону (кайра каттоону) жүргүзүүгө;

- өлкөнүн агрардык тармагынын керектөөлөрүнө ылайык илимий жана илимий-техникалык, инновациялык ишти активдештирүүгө;

- илимий иштин башка субъекттеринин укуктарын жана мыйзамдуу кызыкчылыктарын сактоого;

- жамааттын илимий-изилдөө ишин аткаруусу үчүн керектүү шарттарды түзүүгө;

- ыйгарым укуктуу мамлекеттик органда Институттун интеллектуалдык ишинин натыйжаларын каттоого;

- ветеринария жаатындагы илимий жана илимий-техникалык иш чөйрөсүндөгү мамлекеттик саясатты өркүндөтүү боюнча сунуштарды киргизүүгө;

- мамлекеттик органдар, башка илимий уюмдар, ЖОЖдор жана жеке сектор менен байланыштарды колдоого;

- Кыргыз Республикасынын мыйзамдары менен тыюу салынбаган каржылоо булактарын табууну ишке ашырууга;

- илимий уюмга ыкчам башкарууга берилген негизги, жүгүртүлүүчү фонддорду жана мамлекеттик мүлктү максаттуу пайдаланууну камсыз кылууга;

- илимдин жетишкендиктерин популяризациялоо жаатында илимий-маалыматтык ишти жүргүзүүгө;

- илимий кызматкерлерди аттестациялоону 3 жылда бир жолудан кем эмес жүргүзүүгө;

- бекитилген отчеттордун бардык түрлөрүн белгиленген тартипте берүүгө.

5-глава. Институттун түзүмү

18. Институттун илимий жана көмөкчү бөлүмдөрүнүн түзүмү агрардык илимдин артыкчылыктуу багыттарына ылайык түзүлөт жана өркүндөтүлөт, илимий-техникалык кеңеште каралат жана Институттун жетекчилиги тарабынан бекилет, Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматы менен макулдашылат.

19. Институттун негизги түзүмдүк бөлүмдөрү болуп илимий-техникалык кеңеш, администрация, илимий лабораториялар, илимий китепкана жана илимий-эксперименталдык база саналат.

20. Институтта айрым максаттуу тапшырмаларды аткаруу үчүн убактылуу эмгек жамааттары, анын ичинде чет өлкөлүк адистердин катышуусу менен түзүлүшү мүмкүн.

21. Ийгиликтүү ишти камсыз кылуу үчүн Институтта Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматы менен макулдашуу боюнча көмөкчү бөлүмдөр түзүлүшү мүмкүн.

22. Кыргыз Республикасынын мыйзамдарына ылайык Институтта саясий уюмдардан тышкары, коомдук уюмдар түзүлүшү мүмкүн.

6-глава. Институттун ишин уюштуруу

23. Институтту директор жетектейт.

24. Институттун директору илим чөйрөсүндөгү ыйгарым укуктуу мамлекеттик орган менен макулдашуу боюнча Кыргыз Республикасынын суу ресурстары, айыл чарба жана кайра иштетүү өнөр жайы министринин сунушу боюнча Кыргыз Республикасынын Министрлер Кабинетинин төрагасы тарабынан кызмат ордуна дайындалат жана кызмат ордунан бошотулат.

25. Кыргыз Республикасынын Суу ресурстары, айыл чарба жана кайра иштетүү өнөр жайы министри Институттун директору кызматына дайындалган адам менен беш жылдык мөөнөткө эмгек келишимин түзөт.

26. Директор эмгек келишими түзүлгөндөн кийин кызматтык милдеттерин аткарууга киришет.

27. Бир эле адам Институттун директору болуп эки мөөнөттөн ашык убакытка дайындала албайт.

28. Кыргыз Республикасынын суу ресурстары, айыл чарба жана кайра иштетүү өнөр жайы министри Институттун директорун сунуштамасыз өз демилгеси боюнча ээлеген кызматынан бошотууга укуктуу.

29. Институттун директору кызмат ордуна Кыргыз Республикасынын мыйзамдарында белгиленген пенсия курагына жете элек, төмөнкү квалификациялык талаптарга жооп берген жарандар талапкер боло алышат:

- жогорку кесиптик билими;

- илимий даражасы;

- илимий, илимий-педагогикалык, уюштуруучулук иш стажы жалпысынан 5 жылдан кем эмес жана жетекчилик кызматтарда 5 жылдан кем эмес иш стажы.

30. Институттун директору төмөнкүлөрдү билүүгө тийиш:

- айыл чарбасы, илим, билим берүү жана инновациялар жаатындагы ченемдик укуктук актыларды;

- уюмду башкаруунун теориясын жана методдорун;

- илимий кадрларды даярдоо чөйрөсүнө тиешелүү методикалык жана ченемдик документтерди;

- эмгек, финансы мыйзамдарынын негиздерин;

- ветеринардык медицина жаатындагы фундаменталдык жана прикладдык илимдердеги илимий жетишкендиктерди;

- чет өлкөлүк илимий уюмдардын илимий жетишкендиктерин жана тажрыйбасын;

- орто мөөнөттүү мезгилге илим тармагын өнүктүрүү боюнча көз карашынын (концепция, иштелме, технология же план) болушу.

Директор өз ишинде Кыргыз Республикасынын мыйзамдарын, Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматынын жана Кыргыз Республикасынын Билим берүү жана илим министрлигинин буйруктарын жана нускамаларын, ички эмгек тартибинин эрежелерин жана ушул Жобону жетекчиликке алат.

31. Институттун директору:

- Институтту жеке башчылык принциптеринде башкарат жана Институттун максаттарын, милдеттерин жана функцияларын ишке ашыруунун сапаты үчүн жеке жоопкерчилик тартат;

- финансылык тартип боюнча эрежелердин, эсептөө жана отчеттуулук тактыгын, Институттун менчигиндеги мүлктүн жана башка материалдык баалуулуктардын сакталышын камсыз кылат;

- Институттун кызматкерлеринин эмгек укуктарын, мамлекеттик сырды түзгөн маалыматтардын коргоону, ошондой эле Кыргыз Республикасынын колдонуудагы эмгек мыйзамдарын сактоону жана аткарууну камсыз кылат;

- кызматкерлерди ишке алууну жана бошотууну жүзөгө ашырат, алардын кызматтык милдеттерин аныктайт;

- Институттун өзгөчө айырмаланган кызматкерлерин сыйлайт, ошондой эле тартиптик жаза чараларын колдонот;

- Институттун финансылык каражаттарын тескейт;

- Кыргыз Республикасынын банк мекемелеринде улуттук жана чет өлкөлүк валютада алыш-бериш жана башка эсептерди ачат;

- өзүнүн компетенциясына тиешелүү бардык маселелер боюнча чечимдерди кабыл алат;

- Институттун илимий-техникалык кеңешинин ишин жетектейт;

- жогору турган органдарда, арбитраждык, банктык жана башка мекемелерде Институттун атынан чыгат;

- Институттун атынан башка мекемелер, анын ичинде чет өлкөлүк мекемелер менен келишимдерди түзөт;

- Институттун материалдык-техникалык базасын түзүү жана чыңдоо, кызматкерлердин жемиштүү иштеши үчүн оптималдуу шарттарды түзүү боюнча маселелерди чечет;

- Институттун кызматкерлери менен эмгектик жана социалдык-экономикалык өз ара мамилелер боюнча жамааттык келишим түзөт.

32. Институттун директорунун орун басары Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматынын директору тарабынан кызматка дайындалат.

33. Институттун директору жок болгон учурда (кызматтык иш сапар, убактылуу эмгекке жарамсыздык, өргүү, кызматтан бошотуу) анын кызматтык милдеттерин директордун орун басары аткарат.

7-глава. Институттун илимий-техникалык кеңеши

34. Институттун илимий-техникалык кеңеши Институттун сунуш берүүчү коомдук-кесиптик бөлүмү болуп саналат. Илимий-техникалык кеңешинин мүчөлөрү Институттун директорунун сунушу боюнча илимий кызматкерлердин, адистердин жана административдик-башкаруу персоналынын жалпы чогулушунда жашыруун добуш берүү менен 3 жылдык мөөнөткө шайланат. Эгерде ага эмгек жамаатынын курамынын жарымынан көбү катышса, жалпы чогулуш чечим кабыл алууга укуктуу.

35. Илимий-техникалык кеңештин курамына директор, директордун орун басары, илимий катчы, Институттун илимий кызматкерлери кирет.

36. Илимий-техникалык кеңештин курамына башка мекемелердин белгилүү илимпоздору жана адистери, ошондой эле Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматынын жана Кыргыз Республикасынын Билим берүү жана илим министрлигинин кызматкерлери кириши мүмкүн.

37. Илимий-техникалык кеңештин төрагасы болуп Институттун директору, ал эми ал жок учурда директордун орун басары саналат. Илимий-техникалык кеңештин катчысы болуп окумуштуу катчы, ал жок болгон учурда кеңештин мүчөлөрүнүн бири саналат.

38. Курамынан үчтөн экиси катышса, илимий-техникалык кеңеш отурум өткөрүүгө укуктуу. Эгерде чечим үчүн илимий-техникалык кеңештин мүчөлөрүнүн жарымынан көбү добуш берсе, илимий-техникалык кеңештин чечими кабыл алынды деп эсептелет.

39. Окумуштуу катчы Институттун лабораторияларынын илимий-изилдөө иштерин, илимий-изилдөө иштеринин келечектүү жана учурдагы пландарын иштеп чыгууну координациялайт, лабораториялардын аткарылган илимий-изилдөө иштери жөнүндө отчетторду жана пландарды жалпылайт жана жогору турган уюмдарга берет, илимий-техникалык кеңештин жыйналыштарынын планын түзөт жана ишин уюштурат. Институттун директору тарабынан кызматка дайындалат.

40. Илимий-техникалык кеңеш өзүнүн жыйналыштарына кеңештин иш планы менен бекитилген мөөнөттө, ошондой эле изилдөө ишинин тигил же бул маселесин талкуулоо зарылдыгына жараша чогулат.

41. Илимий-техникалык кеңештин компетенциясына төмөнкүлөр кирет:

- Институттун лабораторияларынын илимий-изилдөө ишинин келечектүү багыттарын кароо жана тууралоо;

- илимий-изилдөө ишинин тематикалык планын жана изилдөө иштерин аткаруучулардын курамын түзүү;

- ветеринардык практикага илимий иштеп чыгууларды киргизүү боюнча пландарды жана иштин көлөмүн кароо;

- лабораториялардын илимий-изилдөө ишинин жылдык жана корутунду отчетторун, жана Институттун илимий жана ишке киргизилген иши жөнүндө башка маалыматтарды кароо;

- Институттун лабораторияларынын түзүмүн жана штаттык расписаниясын өзгөртүүгө байланышкан маселелерди талкуулоо;

- басылмага даярдалган диссертациялык иштерди, илимий макалаларды, монографияларды, сунуштарды угуу;

- эл аралык илимий борборлор менен илимий кызматташуу жана координациялоо боюнча маселелерди талкуулоо;

- жаш илимий кадрларды даярдоо жана илимий кызматкерлердин квалификациясын жогорулатуу боюнча иштерди координациялоо;

- жүргүзүлгөн изилдөөлөр жөнүндө илимий жетекчилердин, окумуштуулук даражаларды изденүүчүлөрдүн отчетторун угуу, кандидаттык жана доктордук диссертациялардын темаларын кароо жана бекитүү;

- илимий эмгектерди, ачылыштарды, ойлоп табууларды мамлекеттик же башка сыйлыктарды, ошондой эле көрүнүктүү окумуштуулардын атындагы медалдарды жана сыйлыктарды ыйгарууга көрсөтүү;

- Кыргыз Республикасынын жана КМШ өлкөлөрүнүн Улуттук илимдер академиясынын анык мүчөлүгүнө (академигине) жана корреспондент-мүчөлүгүнө талапкерлерди көрсөтүү;

- кандидаттык жана доктордук диссертациялык иштерин аяктоо үчүн чыгармачылык өргүү берүүгө илимий кызматкерлердин өтүнүчүн кароо;

- колдонуудагы Жобого ылайык илимий кызматкерлердин бош кызмат орундарын ээлөөгө конкурстарды даярдоо жана өткөрүү;

- профессор жана ага илимий кызматкер окумуштуулук наамдарын ыйгаруу жөнүндө өтүнүчтөрдү Кыргыз Республикасынын УАКына берүүнү талкуулоо, ошондой эле изденүүчүлөрдүн диссертациялык иштерин илимий жетектөөгө уруксат берүү.

42. Каралып жаткан маселелер боюнча чечимдер ачык же жашыруун добуш берүү менен кабыл алынат. Бош кызмат орундарын ээлөөгө конкурс өткөрүү жана окумуштуулук наамдарды ыйгаруу маселелери боюнча чечимдер колдонуудагы нускамага ылайык илимий-техникалык кеңештин мүчөлөрүнүн жашыруун добуш берүүсү менен кабыл алынат.

8-глава. Институттун илимий-эксперименттик базасы

43. Илимий-эксперименттик база:

- сынамык үлгүлөрдү жана илимий продукциянын партияларын (вакциналарды, дарылоо-профилактикалык препараттарды, азыктандыруучу чөйрөлөрдү ж.б.) өндүрүү жана аларды лабораториялык шарттарда сыноо үчүн база болуп эсептелет;

- сыналуучу жаныбарларды тоют менен камсыз кылуу үчүн тоют өсүмдүктөрүн талаада өстүрүү, даярдоо иштери менен алектенет;

- эксперименттик максаттар үчүн илимий бөлүмдөрдү лабораториялык жана айыл чарба жаныбарлары менен камсыздайт;

- иштелип чыккан алдын алуу, диагностикалык жана дарылоо каражаттарын, ошондой эле сырттан сатып алынуучу алдын алуу каражаттарын сыноо боюнча жаныбарларга эксперименттик иштерди жана илимий изилдөөлөрдү жүргүзүү үчүн шарттарды камсыз кылат.

9-глава. Институтту каржылоо жана анын мүлкү

44. Институттун каржылоо булактары болуп төмөнкүлөр саналат:

- Кыргыз Республикасынын республикалык бюджети;

- илим чөйрөсүндөгү ыйгарым укуктуу мамлекеттик органдын илим фонду;

- бюджеттен тышкаркы фонддор;

- жеке жана юридикалык жактардын ыктыярдуу каражаттары;

- кредиттер жана гранттар;

- Кыргыз Республикасынын мыйзамдарында тыюу салынбаган илимий-изилдөө, басмаканалык, консультациялык жана башка киреше алып келүүчү иштерден түшкөн Институттун каражаттары;

- чет элдик жана ата мекендик инвестициялар.

45. Институтка бекитилген жер аянттары, имараттар, курулмалар, жабдуулар, орнотмолор, аппаратура, транспорттук каражаттар, айыл чарба жаныбарлары жана башка мүлктөр негизги каражаттарды түзөт.

46. Институттун мүлкү мамлекеттик менчик болуп саналат жана ага ыкчам башкаруу укугу менен бекитилет. Институттун ыкчам башкаруусунда турган мамлекеттик мүлктү пайдалануу жана ээлик кылуу Кыргыз Республикасынын жарандык мыйзамдарына ылайык жүзөгө ашырылат.

47. Институт Кыргыз Республикасынын мыйзамдарына ылайык ыкчам башкаруу жана ижара укугунда мүлккө ээ болууга укуктуу.

48. Институттун ишин контролдоо Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматы тарабынан ишке ашырылат.

10-глава. Институтту кайра уюштуруу жана жоюу

49. Институтту кайра уюштуруу жана жоюу Кыргыз Республикасынын Министрлер Кабинетинин чечими менен жүзөгө ашырылат.

50. Институттун документтери "Кыргыз Республикасынын Улуттук архив фонду жөнүндө" Кыргыз Республикасынын Мыйзамына ылайык сакталат жана пайдаланылат.".

Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматы жөнүндө ЖОБО

1-глава. Жалпы жоболор

1. Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматы (мындан ары - Кызмат) Кыргыз Республикасынын Суу ресурстары, айыл чарба жана кайра иштетүү өнөр жайы министрлигинин (мындан ары - Министрлик) ведомстволук бөлүмү, ветеринария, жаныбарлардын саламаттыгын коргоо, жаныбарларды идентификациялоо жана байкоо жүргүзүү, ветеринардык дары каражаттарын, тоюттарды жана тоют кошулмаларын, анын ичинде диагностикалык, дезинфекциялоочу, дератизациялоочу, дезакарициддик каражаттарды (мындан ары -ветеринардык багыттагы каражаттар) жүгүртүү чөйрөсүн жөнгө салуу жаатындагы мамлекеттик саясатты ишке ашыруу, ветеринардык коопсуздук чөйрөсүндөгү мамлекеттик контролдоо, тоют менен камсыздоону координациялоо жана мониторинг жүргүзүү, мал чарбасын өнүктүрүү, ошондой эле жайыттарды башкаруу, пайдалануу жана жакшыртуу боюнча функцияларды жүзөгө ашыруучу ветеринария боюнча ыйгарым укуктуу мамлекеттик орган болуп саналат.

2. Кызмат Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария кызматынын укук улантуучусу болуп саналат.

3. Кызмат өз ишинде Кыргыз Республикасынын Конституциясын жана мыйзамдарын, Кыргыз Республикасынын Президентинин жарлыктарын, Кыргыз Республикасынын Министрлер Кабинетинин токтомдорун жана тескемелерин, Кыргыз Республикасы катышуучу болуп саналган, мыйзамдарда белгиленген тартипте күчүнө кирген эл аралык келишимдерди, Министрликтин чечимдерин, ошондой эле ушул Жобону жетекчиликке алат.

4. Кызмат, анын аймактык бөлүмдөрү жана мекемелери юридикалык жак болуп саналат. Кызмат мекеменин уюштуруу-укуктук формасында иштейт, өз алдынча балансы, казыналык системасында алыш-бериш жана башка эсептери, мамлекеттик жана расмий тилдердеги аталышы жазылган Кыргыз Республикасынын Мамлекеттик гербинин сүрөтү түшүрүлгөн мөөрү, штамптары, белгиленген үлгүдөгү бланктары бар.

5. Кызматтын толук фирмалык аталышы:

- мамлекеттик тилде: "Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматы" мекемеси;

- расмий тилде: учреждение "Служба ветеринарии, развития животноводства, пастбищ и кормов при Министерстве водных ресурсов, сельского хозяйства и перерабатывающей промышленности Кыргызской Республики".

Кыскартылган фирмалык аталышы:

- мамлекеттик тилде: "ВМЧӨЖТК";

- расмий тилде: "СВРЖПК".

6. Кызматтын юридикалык дареги: 720040, Бишкек шаары, Киев көчөсү, 96б.

7. Кызмат өз ишин Министрликтин жетекчилиги астында жүргүзөт, өзүнүн компетенциясынын чегинде мамлекеттик органдар, жергиликтүү өз алдынча башкаруу органдары, мамлекеттик, коомдук, илимий уюмдар жана башка юридикалык жана жеке жактар менен өз ара аракеттенет.

2-глава. Кызматтын максаты жана милдеттери

8. Кызматтын максаты адам жана жаныбарлар үчүн жалпы илдеттерден калктын саламаттыгын коргоону, эпизоотиялык бакубаттыкты, ветеринардык-санитардык коопсуздукту, ветеринардык дары каражаттарынын жана тоют кошулмаларынын натыйжалуулугун жана коопсуздугун камсыз кылуу, мал чарба тармактарында эпизоотиялык бейпилдикти камсыз кылуунун илимий негиздерин иштеп чыгуу, Кыргыз Республикасынын азык-түлүк коопсуздугунун көйгөйлөрүн чечүү, ошондой эле жаныбарларды тоют менен камсыз кылуу үчүн шарттарды түзүү үчүн жайыт экосистемаларын жана алардын инфратүзүмүн, жаныбарлардын генетикалык ресурстарын сактоо жана өркүндөтүү болуп саналат.

9. Кызматтын милдеттери төмөнкүлөр болуп саналат:

- адам жана жаныбарлар үчүн жалпы илдеттерден калктын саламаттыгын коргоо;

- жаныбарлардын саламаттыгын ылаңдардан коргоо жана эпизоотиялык бакубаттыкты камсыздоо;

- Кыргыз Республикасынын аймагын жаныбарлардын жугуштуу жана экзотикалык ылаңдарынын киришинен жана жайылышынан коргоо;

- бирдиктүү ветеринардык-санитардык талаптарга шайкеш келбеген көзөмөлгө алынган товарларды (жүктөрдү) ташып киргизүү, ташып чыгаруу, реэкспорттоо жана транзит менен өткөрүү эрежелерин бузуунун алдын алуу жана бөгөт коюу;

- ветеринардык-санитардык абалды изилдөө жана баалоо, жугуштуу жана жугуштуу эмес оорулардын, анын ичинде адам жана жаныбарлар үчүн жалпы илдеттердин, ошондой эле тамак-аштан уулануулардын пайда болуу жана жайылуу себептерин жана шарттарын аныктоо;

- ветеринардык илимди, базалык жана үзгүлтүксүз ветеринардык билим берүүнү өнүктүрүү;

- ветеринария боюнча өзүнүн компетенциясынын чегинде Кыргыз Республикасы катышуучу болуп саналган эл аралык келишимдер боюнча милдеттерди аткаруу;

- Министрлик менен макулдашуу боюнча ветеринария, эпизоотиялык коопсуздук чөйрөсүндө Кыргыз Республикасынын эл аралык кызматташуусун түзүү жана өнүктүрүү;

- ветеринардык коопсуздукту камсыз кылуу;

- ветеринардык дары каражаттарын, тоюттарды жана тоют кошулмаларын өндүрүүнү, экспорттоону жана импорттоону мамлекеттик жөнгө салууну камсыз кылуу;

- ветеринардык дары каражаттарынын, тоют кошулмаларынын, ветеринардык багыттагы каражаттардын сапатын баалоо, каттоону жана мамлекеттик реестрин жүргүзүү жана тоюттарды декларациялоо;

- жергиликтүү жамааттарды активдүү тартууга негизделген жайыттарды туруктуу башкарууну жана натыйжалуу пайдаланууну уюштуруу;

- асыл тукум мал чарбасын өндүрүүнү жогорулатуу жана анын продукциясын ички жана тышкы рыноктордо сатуу;

- өндүрүлүүчү жана сатылуучу мал чарбасынын асыл тукум продукциясынын сапатын жогорулатуу жана ассортиментин кеңейтүү;

- мал чарбасын жана жайыттарды жакшыртуу жаатындагы өндүрүш практикасына илимдин жана техниканын жетишкендиктерин киргизүү;

- жаныбарларды тоют менен камсыз кылуу үчүн шарттарды түзүү;

- жаныбарлардын ден соолугун коргоо боюнча чараларды, ошондой эле жаныбарлардын инфекциялык, инвазиялык жана жугушсуз ооруларына каршы күрөшүү стратегиясынын илимий негиздерин иштеп чыгуу багытында илим-изилдөө, илимий-билим берүү жана өндүрүштүк иш;

- тармактардын ветеринардык бакубаттуулугун туруктуу камсыз кылуу максатында жаныбарлардын, канаттуулардын, аарылардын жана балыктардын инфекциялык, инвазиялык жана жугушсуз ооруларын диагностикалоо, атайын профилактикалоо, дарылоо үчүн биологиялык препараттардын биотехнологияларын, методдорду жана каражаттарды иштеп чыгуу жана өркүндөтүү;

- жаңы диагностикалык тест-системаларын, профилактикалык, дарылоочу препараттарды, аларды пайдалануунун инновациялык технологияларын иштеп чыгуу жана өңдүрүшкө ишке киргизүү;

- республика аймагында жүгүртүлүүчү вакциналарга жана башка ветеринардык препараттарга техникалык атайын багыттарды иштеп чыгуу;

- айыл чарба, жапайы жана үй жаныбарларынын, канаттуулардын, аарылардын, балыктардын арасында эпидемиологиялык бейпилдикти колдоо боюнча инфекциялык жана инвазиялык оорулар боюнча эпизоотиялык мониторингдин улуттук программаларын жана долбоорлорун иштеп чыгуу;

- биологиялык препараттарды жасоо үчүн өстүрүлгөн микробдордун жана вирустардын штаммдарын изилдөө, селекциялоо, колдоо жана сактоо;

- ветеринардык илимдин жетишкендиктерин айыл чарба практикасына жайылтуу жана киргизүү, стажировкаларды, консультациялык кызматтарды уюштуруу, ветеринардык медицинанын актуалдуу маселелери боюнча илимий эмгектерди жана сунуштарды жайылтуу;

- ветеринардык медицина жаатында биргелешкен инновациялык программаларды жана долбоорлорду иштеп чыгуу жана ишке ашыруу боюнча жакынкы жана алыскы чет өлкөлөрдүн илимий борборлору менен кызматташуу;

- эпизоотияга каршы иш-чаралардын планына ылайык жаныбарлардын ылаңдары боюнча активдүү мониторинг жүргүзүү;

- жаныбарлардын дүйнөлүк саламаттык сактоо уюмунан айрым ооруларга статус алуу үчүн стандарттарды иштеп чыгуу жана киргизүү.

3-глава. Кызматтын функциялары

10. Кызмат төмөнкү функцияларды жүзөгө ашырат:

1) тармактык саясатты ишке ашыруу боюнча функциялар:

- ветеринардык дары каражаттарын жана тоют кошулмаларын каттоо, сертификаттоо жана алардын мамлекеттик реестрин жүргүзүү чөйрөсүндөгү мамлекеттик саясатты ишке ашыруу;

- Кыргыз Республикасынын Министрлер Кабинети тарабынан бекитилген мамлекеттик программаларды, статистикалык жана эсептик маалыматтардын, жаныбарлардын жугуштуу ылаңдарынын чыгуу жана жайылуу мүмкүндүгүнүн илимий негизделген божомолдорунун негизинде жаныбарлардын, канаттуулардын, балыктардын, аарылардын, өсүмдүктөрдүн ылаңдарын алдын алуу жана жоюу боюнча профилактикалык жана эпизоотияга каршы иш-чаралар пландарын ишке ашыруу жана контролдоо;

- жаныбарлардын саламаттыгын коргоо боюнча мамлекеттик программаларды ишке ашырууда айрым мамлекеттик ыйгарым укуктарды Кыргыз Республикасынын Министрлер Кабинети тарабынан аныкталуучу келишимдик негизде ветеринардык практикага укуктуу жактарга берүү;

- жаныбарлардын өзгөчө кооптуу ылаңдарын профилактикалоо, диагностикалоо жана жоюу боюнча ветеринардык иш-чараларды уюштуруу жана камсыз кылуу;

- ветеринардык зоналарга бөлүү жана аймактарды компартментализациялоо;

- жаныбарларды идентификациялоо жана каттоо, чарбаларды каттоо, идентификацияланган жаныбарлардын кыймылын эсепке алуу боюнча чаралардын комплексин уюштуруу жана өткөрүү боюнча иш-чараларды жүргүзүү;

- Кыргыз Республикасынын Министрлер Кабинети тарабынан тартиби белгиленген ветеринардык багыттагы, анын ичинде шашылыш сатып алуу үчүн биопрепараттардын резервдик фондун түзүү;

- активдүү жана пассивдүү эпизоотиялык мониторингди, ошондой эле көзөмөлгө алынган продукциянын сапатына мониторингди уюштуруу жана жүргүзүү;

- Кыргыз Республикасынын аймагында ветеринардык-санитардык тобокелдиктерди башкаруу;

- тоют менен камсыз болууну координациялоо жана мониторинг жүргүзүү, мал чарбасын башкаруу жана өнүктүрүү, ошондой эле жайыттарды башкаруу (анын ичинде жайыт ресурстарын бөлүштүрүү, пайдалануу жана жакшыртуу боюнча) жаатындагы бирдиктүү мамлекеттик саясатты ишке ашыруу;

- жайыттарды башкаруу, пайдалануу жана жакшыртуу жаатында мамлекеттик жөнгө салуу чаралары жөнүндө сунуштарды иштеп чыгуу жана Министрликке киргизүү;

- тармактык илимий-изилдөө институттары жана жогорку окуу жайлары менен биргеликте тоют менен камсыз болууну координациялоо жана мониторинг жүргүзүү, мал чарбасын башкаруу жана өнүктүрүү жаатындагы келечектүү пландарды жана иш-чараларды, ошондой эле жайыттарды башкаруу жана пайдалануу боюнча пландарды иштеп чыгуу;

- жайыттарды туруктуу башкарууну, пайдаланууну жана жакшыртууну өнүктүрүү боюнча иштерди жүргүзүү;

- Министрликке айыл чарба жаныбарларын породалык райондоштуруу боюнча сунуштарды киргизүү;

- эл аралык практикада кабыл алынган жол-жоболордун жана эрежелердин алкагында Кызматтын компетенциясына кирген маселелер боюнча инвестициялык программаларды жана долбоорлорду ишке ашыруу;

- Министрликке тоют менен камсыз кылуу, мал чарбасын башкаруу жана өнүктүрүү, ошондой эле жайыттарды башкаруу, пайдалануу жана жакшыртуу маселелери боюнча артыкчылыктуу багыттарды аныктоо боюнча сунуштарды киргизүү;

- мал чарбасын жана жайыттарды илимий-изилдөө институту менен биргеликте селекциялык-асыл тукум иштерин жүргүзүү, деградацияланган жайыттарды калыбына келтирүү ыкмаларын иштеп чыгуу, жайыттардын деградациялануу даражасын белгилөө жана анын алдын алуу чараларын көрүү боюнча иштерди жүргүзүү;

- жайыттардын абалын жана сапатын баалоонун жана мониторинг жүргүзүүнүн мамлекеттик стандарттарынын, методдорунун долбоорлорун иштеп чыгуу;

- Кыргыз Республикасынын жайыттарды пайдалануу чөйрөсүндөгү программаларын жана мыйзам актыларын ишке ашыруу боюнча сунуштарды иштеп чыгуу;

- айыл чарба жаныбарларынын саламаттыгын сактоо боюнча илимий жактан негизделген стратегияларды иштеп чыгуу;

- Кыргыз Республикасынын региондорунда айыл чарба жана үй жаныбарларынын инфекциялык жана инвазиялык оорулары боюнча эпизоотиялык мониторинг жүргүзүү программаларын жана методикаларын иштеп чыгуу;

- жаныбарлардын инфекциялык жана инвазиялык ооруларын диагностикалоо, алдын алуу жана дарылоо боюнча биотехнологияларды өркүндөтүү;

- оорулардын өзгөчө кооптуу козгогучтарын аныктоо үчүн дарылоо-алдын алуу препараттарын жана диагностикалык тест-системаларды иштеп чыгуу;

- жаныбарлардын организмдеринде иммундук фондун жаралуу интенсивдүүлүгү боюнча ветеринардык препараттардын натыйжалуулугун изилдөө;

- ветеринардык муктаждыктар үчүн биологиялык материалдардын сапатын баалоо;

- ветеринардык адистердин, жаныбарлардын ээлеринин инфекцияларды жана инвазияларды алдын алуунун заманбап методдорун өздөштүрүү боюнча квалификациясын жогорулатуу боюнча окуу программаларын уюштуруу жана өткөрүү;

- мал чарба объекттериндеги инфекцияларды жана инвазияларды контролдоо жана алдын алуу методдорун алардын өзгөчөлүгү, натыйжалуулугу боюнча өркүндөтүү;

- жаңы муундагы ветеринардык препараттарды, вакциналарды жана иммунобиологиялык каражаттарды иштеп чыгуу;

- илимий жетишкендиктерди жана алдынкы тажрыйбаны ветеринардык практикага киргизүү;

2) жөнгө салуу функциясы:

- региондорго бөлүштүрүү жана компартментализациялоо, ветеринардык контролдоодо лабораториялык изилдөөлөрдү (сыноолорду) жүргүзүүнү уюштуруу эрежелерин бекитүү;

- алдын алуу жана эпизоотияга каршы иш-чараларды жүргүзүү;

- көзөмөлгө алынган товарларды (жүктөрдү) экспорттоого, импорттоого, реэкспорттоого жана эл аралык транзиттөөгө тиешелүү ветеринардык коштоочу документтерди берүү;

- жаныбарлардан жана өсүмдүктөрдөн алынуучу продукттарга ветеринардык-санитардык экспертизаны уюштуруу жана жүргүзүү;

- жаныбарлардын ылаңдарына диагностикалык изилдөөлөрдү жүргүзүү;

- зарыл болгон учурларда эпизоотияны жоюу боюнча экспедицияларды уюштуруу;

- көзөмөлгө алынган продукцияны Кыргыз Республикасынын аймагына ташып келүүгө (аймактан ташып чыгууга), ошондой эле Кыргыз Республикасынын аймагы аркылуу транзиттөөгө Кыргыз Республикасынын Башкы мамлекеттик ветеринардык инспекторунун жазуу жүзүндөгү уруксатын берүү;

- Кыргыз Республикасынын аймагындагы жаныбарлардын өзгөчө кооптуу ылаңдарынын тизмегин аныктоо;

- ветеринардык дары каражаттарынын өзгөчө запасын топтоо, пайдалануу жана эсептен чыгаруу тартибин иштеп чыгуу;

- жаныбарлардын өзгөчө кооптуу ылаңдарынын коркунучунда жана келип чыкканда карантинди киргизүү, алып салуу тартибин жана башка чектөөчү чараларды аныктоо;

- башка өлкөлөрдүн ветеринардык-санитардык чараларынын эквиваленттүүлүгүн таануу;

- Кыргыз Республикасынын аймагына жаныбарлардын ылаңдарынын кирүү жана/же жайылуу коркунучу болгон учурда көзөмөлгө алынган товарларды (жүктөрдү) ташып келүү жана ташып чыгуу боюнча убактылуу чектөө чараларын киргизүү;

- ветеринария, анын ичинде жаныбарлардын саламаттыгын сактоо, жаныбарларды идентификациялоо жана байкоо жүргүзүү, ветеринардык дары каражаттары, тоюттар жана тоют кошулмалары жаатындагы актыларды, техникалык регламенттерди, ветеринардык-санитардык талаптарды, эрежелерди, жоболорду жана нускамаларды иштеп чыгууга катышуу;

- Кыргыз Республикасынын ветеринария жаатындагы мыйзамдарында каралган тартипте ветеринардык талаптарга шайкештик жөнүндө корутундуларды берүү менен объекттерди куруу, долбоорлоо, реконструкциялоо үчүн жер участокторун бөлүп берүү боюнча архитектура органдарынын суроо-талаптарын кароо;

- ветеринардык дары каражаттарын, тоют кошулмаларын, ветеринардык багыттагы каражаттарды мамлекеттик каттоону, сапатын баалоону жана тоюттарды декларациялоону жүзөгө ашыруу;

- ветеринардык дары каражаттарынын, тоюттардын, тоют кошулмаларынын жана ветеринардык багыттагы каражаттардын мамлекеттик реестрин жүргүзүү;

- ветеринардык дары каражаттарын, тоюттарды, тоют кошулмаларын жана ветеринардык багыттагы каражаттарды өндүрүүнүн (даярдоонун), сактоонун, дүң жана чекене сатуунун шайкештигин баалоо;

- баңги каражаттарын, психотроптук заттарды жана алардын прекурсорлорун кошпогондо, Кыргыз Республикасында өндүрүлүүчү жана Кыргыз Республикасынын аймагына ташылып келүүчү ветеринардык дары каражаттарынын, тоют кошулмаларынын, ветеринардык багыттагы каражаттардын сапатына, коопсуздугуна, натыйжалуулугуна, стандарттардын, техникалык регламенттердин, ченемдик укуктук актылардын талаптарына шайкеш келишине экспертиза жүргүзүү;

- ветеринардык дары каражаттарын өндүрүүгө (даярдоого) жана сатууга лицензиялоону жүзөгө ашыруу;

- жайыттарды деградациядан, суу эрозиясынан, селден, жер көчкүдөн, суу каптоодон, сазга айлануудан, кургап калуудан, шор басуудан коргоо жана бузулган жайыттарды рекультивациялоо боюнча чараларды ишке ашыруу;

- чарбалык субъекттерге асыл тукум чарбасы статусун ыйгаруу жөнүндө күбөлүк берүү, бардык түрдөгү жаныбарлардын линияларынын, түрлөрүнүн жана породаларынын катологун жүргүзүү;

- асыл тукум продукциясына эксперттик корутундуларды берүү;

- айыл чарба жаныбарларынын жана канаттуулардын жаңы породаларын, порода ичиндеги түрлөрүн, линияларын, түркүмүн жана кроссторун мамлекеттик апробациялоо жана сыноолорду жүргүзүү;

- асыл тукум жаныбарларынын жана канаттуулардын мамлекеттик реестрин жүргүзүү;

3) төмөнкүлөрдү контролдоо функциясы:

- мамлекеттик чек арадагы өткөрүү пункттарында Кыргыз Республикасынын ветеринария жаатындагы мыйзамдарына ылайык контролдоо жүргүзүү жолу менен Кыргыз Республикасынын аймагына жаныбарлардын, анын ичинде адам жана жаныбарлар үчүн жалпы жугуштуу илдеттердин козгогучтарынын киришине жол бербөөнү;

- Кыргыз Республикасынын ветеринария жаатындагы мыйзамдарына ылайык эл аралык почта мекемелери тарабынан убактылуу сактоо кампаларындагы көзөмөлгө алынган товарларды (жүктөрдү) ташууда ветеринардык-санитардык нормалардын жана талаптардын сакталышын;

- белгиленген талаптарга ылайык ветеринардык контролго алынууга тийиш болгон, колдонууга жана эркин сатууга жараксыз продукттарды (чийки затты) чогултуу жана утилдештирүү боюнча тартиптин сакталышын;

- көзөмөлгө алынган продукцияны жүгүртүүнүн бардык этаптарында ветеринардык-санитардык тобокелдиктерди аныктоо, баалоо жана башкаруу максатында менчигинин түрүнө карабастан юридикалык жана жеке жактар тарабынан ветеринария жаатындагы ченемдик укуктук актылардын, техникалык регламенттердин жана башка документтердин талаптарынын аткарылышын;

- ветеринардык контролдоо пункттарында, убактылуу сактоочу кампаларда жана бажылык тариздөө жайларында көзөмөлгө алынган товарларды (жүктөрдү) экспорттоодо, импорттоодо, реэкспорттоодо жана транзиттөөдө ченемдердин жана регламенттердин сакталышын;

- ветеринардык чектөөчү жана карантиндик иш-чаралар жаатындагы талаптардын аткарылышын;

- жаныбарлардан жана өсүмдүктөрдөн алынган кайра иштетилбеген тамак-аш продукциясын өндүрүүдө, сактоодо жана сатууда ветеринардык-санитардык экспертиза жүргүзүүнү уюштурууну;

- жаныбарларды ылаңдардан коргоонун иммунобиологиялык препараттарынын, жабдууларынын, инструментарийинин, дарылоочу, дезинфекциялоочу жана башка коргоо каражаттарынын резервин түзүүгө муктаждыкты аныктоону;

- жаныбарлардын жугуштуу ылаңдарынын пайда болушун жана жайылышын болтурбоо боюнча диагностикалык, алдын алуу, ветеринардык-санитардык иш-чараларды, ошондой эле аларды жоюу боюнча чараларды жүзөгө ашыруучу юридикалык жана жеке жактарды;

- ветеринардык лабораториялардын ишин, оору козгогучтарды лабораториялык диагностикалоонун сапатын, жаныбарлардын ылаңдарынын пайда болуусунун, өтүүсүнүн жана жайылуусунун себептерин жана мыйзам ченемдүүлүктөрүн изилдөөнү;

- жаныбарларды, канаттууларды, тузсуз суудагы балыктарды, арыларды сатууга жана аларды ташууга байланышкан ветеринардык иш-чараларды жүргүзүүнү;

- Кыргыз Республикасынын аймагында микробдорго каршы резистенттүүлүктү (жаныбарлардагы микробдорго каршы препараттарды, ошондой эле жаныбарлардан алынган кайра иштетилбеген тамак-аш продукциясын күтүүнү жана колдонууну);

- соода түйүндөрүндөгү жаныбарлардан жана өсүмдүктөрдөн алынган продукттарга клиникалык, диагностикалык, дарылоо-алдын алуучу, ветеринардык-санитардык, пландуу эпизоотияга каршы иш-чараларды, ошондой эле ветеринардык-санитардык экспертизаларды жүргүзүүнү;

- жаныбарлардын өзгөчө кооптуу, карантиндик жана сырттан кирүүчү ылаңдарынын очокторун алдын алууда, диагностикалоодо, локалдаштырууда жана жоюуда эл аралык уюмдар менен өз ара аракеттенүүнү;

- тоюттардын бардык түрлөрүн ташып келүүнү жана ташып чыгууну контролдоону;

- жайыттарды башкаруу жана пайдалануу боюнча пландарды, жергиликтүү өз алдынча башкаруу органдары тарабынан жайыттарды пайдалануунун жылдык пландарын иштеп чыгууну жана аткарууну;

- асыл тукум иши, жайыттарды сарамжалдуу, натыйжалуу башкаруу жана пайдалануу боюнча контролдоону уюштуруу жана чараларды көрүү маселелери боюнча башка министрликтер жана ведомстволор менен өз ара аракеттенүүнү;

4) координациялоо жана мониторинг жүргүзүү функциясы:

- тоют менен камсыз болууну координациялоо жана мониторинг жүргүзүү, мал чарбасын башкаруу жана өнүктүрүү, ошондой эле жайыттарды пайдаланууну башкаруу жана жакшыртуу маселелери боюнча чет өлкөлүк мамлекеттик органдар, эл аралык уюмдар жана илимий мекемелер менен кызматташууну жүзөгө ашыруу;

- тоют менен камсыз болууну координациялоо, мониторинг жүргүзүү;

- жаныбарлар үчүн тоюттарды даярдоонун жана ага болгон керектөөнүн көлөмдөрү жөнүндө маалыматтарды талдоо, чогултуу жана эсепке алуу;

- жайыттарды башкаруу жана пайдалануу боюнча пландарды, жергиликтүү өз алдынча башкаруу органдары тарабынан жайыттарды пайдалануунун жылдык пландарын колдонууга мониторинг жүргүзүү;

- асыл тукум иши субъекттеринин ишин мамлекеттик текшерүү жана мониторинг жүргүзүү;

- селекциялык жана асыл тукум ишин эсепке алууну жүргүзүү;

- бардык чарбалык субъекттер тарабынан жайыттардын натыйжалуу жана сарамжалдуу башкарылышына, пайдаланылышына жана жакшыртылышына мониторинг жүргүзүү;

- Кыргыз Республикасынын жайыт пайдалануучулар ассоциацияларынын жайыттарды башкаруу жана пайдалануу боюнча ишине мониторинг жүргүзүү;

- асыл тукум малдын санына жана анын өндүрүмдүүлүгүнө, анын ичинде айыл чарба жаныбарларына мониторинг жүргүзүү жана болжолдоо;

- айыл чарба жаныбарларын жасалма уруктандыруу пункттарынын ишине мониторинг жүргүзүү;

- "Кыргызмамасылтукумзаводу" мамлекеттик ишканасынын асыл тукум ишин жүргүзүүнү уюштуруу;

5) кызматтарды көрсөтүү функциясы:

- мамлекеттик жана муниципалдык кызмат көрсөтүүлөр чөйрөсүндөгү мыйзамдарга ылайык мамлекеттик кызматтарды көрсөтүү;

- мамлекеттик асыл тукум заводдору иштеген зоналарда асыл тукум материалдарын сатуу;

6) колдоо функциясы:

- Кыргыз Республикасынын Министрлер Кабинетине, кызыкдар министрликтерге жана ведомстволорго, жергиликтүү өз алдынча башкаруу органдарына жана жергиликтүү мамлекеттик администрацияларга эпизоотиялык кырдаалдын өзгөрүшү жана ветеринардык коопсуздукту камсыз кылуу боюнча көрүлгөн чаралар жөнүндө маалымдоо;

- диагностикалоонун жана экспертизалоонун заманбап, илимий негизделген методдорун иштеп чыгуу, пайдалануу жана киргизүү;

- юридикалык жана жеке жактардын өтүнмөлөрү боюнча ветеринария жаатындагы өндүрүштүк ишканаларга жана уюмдарга өндүрүштүк контролдоо программаларын иштеп чыгууда жана аларды ишке киргизүүдө консультациялык жана практикалык жардам көрсөтүү;

- Кызматтын кызматкерлеринин жана жеке ветеринардык адистердин квалификациясын жогорулатуу;

- ветеринардык кызматтарды көрсөтүү боюнча жеке ветеринардык дарыгерлердин ишин жана ветеринардык тейлөө чөйрөсүндөгү атаандаштыкты өнүктүрүүгө көмөк көрсөтүү;

- Кыргыз Республикасынын мамлекеттик жана муниципалдык кызмат көрсөтүүлөр чөйрөсүндөгү мыйзамдарына ылайык башка мамлекеттик кызматтарды көрсөтүү;

- Кызматтын компетенциясына кирген маселелер боюнча башка мамлекеттик органдар, жергиликтүү өз алдынча башкаруу органдары жана чарбалык субъекттер менен өз ара аракеттенүү;

- Кызматтын компетенциясына кирген маселелер боюнча Кыргыз Республикасынын жана башка мамлекеттердин илимий-изилдөө мекемелери менен кызматташуу;

- массалык ууланууларды (көзөмөлгө алынган объекттерге байланышкан), эпидемияларды, эпизоотияларды, табигый кырсыктарды, экологиялык кыйроолорду жана адамдын өмүрү жана ден соолугу, жаныбарлар жана өсүмдүктөр дүйнөсү үчүн коркунучтуу башка өзгөчө кырдаалдарды жоюуга катышуу;

- бюджеттик ассигнованиелердин, гранттардын жана долбоорлордун эсебинен сатып алынган материалдык-техникалык ресурстарды бөлүштүрүү;

- муздак чынжырчаны сактоо менен ветеринардык дары каражаттарын жеткирүүнү камсыз кылуу;

- Кызматтын аймактык бөлүмдөрүнүн жана мекемелеринин отчетторун кабыл алуу, алардын ишин талдоо жана аныктыгын текшерүү;

- Кызматтын компетенциясына кирген маселелер боюнча жалпыга маалымдоо каражаттары аркылуу коммуникацияны ишке ашыруу;

- Кыргыз Республикасынын мамлекеттик-жеке өнөктөштүк жөнүндө мыйзамдарына ылайык берилген мамлекеттик айрым ыйгарым укуктардын (аутсорсинг) жана/же мамлекеттик-жеке өнөктөштүктүн алкагында Кыргыз Республикасынын Ветеринардык палатасы, жеке ветеринарлардын ассоциациясы жана алардын өкүлдөрү, ошондой эле жергиликтүү өз алдынча башкаруу органдары, башка кызыкдар мамлекеттик органдар менен кызматташуу;

- рекламацияларды кароо, маалыматтарды чогултуу, ветеринардык дары каражаттарын жана тоют кошулмаларын колдонуунун натыйжасындагы терс таасир этүүлөрдү жана алардын өз ара аракеттенүүсүнүн өзгөчөлүктөрүн талдоо жана корутунду берүү;

- жаныбарлар үчүн ветеринардык дары каражаттарын жана тоют кошулмаларын өндүргөн ишканаларды, уюмдарды жана мекемелерди эсепке алууну жүргүзүү;

- ветеринардык биологиялык препараттардын жана тоют кошулмаларынын эталондорун, стандарттык үлгүлөрүн, ветеринарияда колдонулуучу микроорганизмдердин штаммдарынын улуттук коллекцияларын сактоо;

- ветеринардык дары каражаттарын жана тоют кошулмаларын жүгүртүү чөйрөсүндө иш жүргүзгөн адистерди даярдоону жана кайра даярдоону уюштуруу;

- ветеринардык дары каражаттарын жана тоют кошулмаларын сертификаттоо боюнча методдорду өркүндөтүү;

- Министрлик менен макулдашуу боюнча Кызматтын компетенциясына кирген маселелер боюнча чет мамлекеттердин мамлекеттик органдары жана эл аралык уюмдар менен кызматташуу;

- тоют менен камсыздоо, мал чарбасын башкаруу жана өнүктүрүү, жайыттарды башкаруу жана пайдалануу үчүн тышкы жана ички инвестицияларды тартууда чарбалык субъекттерге колдоо көрсөтүү;

- мал чарбасын жана асыл тукум ишин жүргүзүүнүн, жайыттарды башкаруунун, пайдалануунун жана жакшыртуунун негиздери жөнүндө билимдерди пропагандалоону жана жайылтууну уюштуруу, ошондой эле конкурстарды, көргөзмөлөрдү, семинарларды, тренингдерди, окууларды жана тегерек столдорду өткөрүү;

- тоют менен камсыздоо, мал чарбасын башкаруу жана өнүктүрүү, ошондой эле жайыттарды башкаруу, пайдалануу жана жакшыртуу маселелери боюнча эки тараптуу, көп тараптуу, мамлекеттер аралык жана ведомстволор аралык макулдашууларды, келишимдерди ишке ашырууну камсыздоого катышуу;

- жайыттарды башкарууда, пайдаланууда жана жакшыртууда жергиликтүү өз алдынча башкаруу органдарына техникалык жана башка колдоо көрсөтүү;

- жаныбарлардын генетикалык ресурстарын сактоо боюнча иш-чараларды жүзөгө ашыруу;

- тоют менен камсыздоо, мал чарбасын, анын ичинде асыл тукум мал чарбасын жүргүзүү, жайыттарды башкаруу, пайдалануу жана жакшыртуу чөйрөсүнө инвестицияларды тартууга көмөк көрсөтүү;

- асыл тукум жаныбарларынын жана асыл тукум материалынын көргөзмөлөрүн жана аукциондорун уюштуруу;

- жайыт ресурстарын туруктуу башкаруу, сарамжалдуу пайдалануу жана натыйжалуу жакшыртуу боюнча коомчулуктун маалымдуулугун жогорулатуу боюнча чараларды көрүү;

- мал чарбасынын чарбалык субъекттерин асыл тукум материал менен камсыздоого көмөк көрсөтүү;

- илимий изилдөөлөрдү жүргүзүү, жетишкендиктерди фермердик, дыйкан чарбаларынын практикасына киргизүү жана аларга зарыл болгон консультациялык кызматтарды көрсөтүү;

- мал чарбасын башкаруу жана өнүктүрүү, асыл тукум иштин жүргүзүү, ошондой эле жайыттарды башкаруу, пайдалануу жана жакшыртуу жаатында маалыматтык кызматтарды көрсөтүү жана окутууларды өткөрүү;

- Кызматтын компетенциясына кирген маселелер боюнча маалыматтарды жана статистикалык маалыматтарды чогултуунун, иштеп чыгуунун, талдоонун жана жайылтуунун талаптагыдай системасын түзүү;

- тоют менен камсыздоо, мал чарбасын башкаруу жана өнүктүрүү, ошондой эле жайыттарды башкаруу, пайдалануу жана жакшыртуу жаатында маалымдама жана маалыматтык материалдарды иштеп чыгуу, басып чыгаруу жана ишке ашыруу;

- Министрликке караштуу Ветеринардык жана фитосанитардык көзөмөл боюнча кызматка төмөнкүдөй маалыматтарды берүү:

1) ветеринардык контролдоого (көзөмөлдөөгө) тийиш болгон товарлардын экспорту, импорту, транзити боюнча маалымат;

2) ветеринардык контролдоого (көзөмөлдөөгө) тийиш болгон жаныбарлардын, товарлардын ылаңдарына лабораториялык изилдөөлөр, анын ичинде азык-түлүк базарларында ветеринардык-санитардык экспертиза жүргүзүү жөнүндө маалымат;

3) эпизоотияга каршы иш-чараларды жүргүзүү жөнүндө, анын ичинде оорулар боюнча лабораториялык изилдөөлөргө мониторинг жүргүзүү жөнүндө маалымат;

4) убактылуу чектөөлөрдү киргизүү жөнүндө маалымат;

5) лабораториялык изилдөөлөрдө эреже бузуулар аныкталгандыгы жөнүндө маалымат;

6) берилген ветеринардык сертификаттар, ветеринардык күбөлүктөр жана башка ветеринардык-коштоочу документтер жөнүндө маалымат;

7) айыл чарба жаныбарларына идентификация жүргүзүү жөнүндө маалымат;

- Министрликке караштуу Ветеринардык жана фитосанитардык көзөмөл кызматына "Электрондук башкаруу жөнүндө" жана "Жеке мүнөздөгү маалымат жөнүндө" Кыргыз Республикасынын мыйзамдарынын талаптарын сактоо менен мамлекеттик чек арада көзөмөлгө алынган товарларды (жүктөрдү) ташып киргизүүгө, ташып чыгарууга, транзиттөөгө уруксат берүүгө, ветеринардык-коштоочу документтерди берүүгө, лабораториялык изилдөөгө, айыл чарба жаныбарларын идентификациялоого, эпизоотияга каршы иш-чараларды жүргүзүүгө, лабораториялык изилдөөлөрдү жана ветеринардык контролду жүргүзүүгө байланышкан бардык маалыматтык системаларга жетүү мүмкүндүгүн берет.

4-глава. Кызматтын укуктары

11. Кызмат төмөнкүлөргө укуктуу:

- менчигинин түрүнө карабастан юридикалык жана жеке жактардан жана жарандардан мамлекеттик программалардын алкагында жугуштуу оорулардын алдын алуу боюнча, аныкталган ветеринардык-санитардык бузууларды жоюу боюнча ветеринардык-санитардык иш-чараларды өткөрүүнү талап кылууга;

- ветеринардык контролдоо пункттарында, убактылуу сактоо кампаларында жана бажылык тариздөө жайларында бажы жол-жоболорунан өткөнгө чейин ветеринардык уруксат берүүчү документтерди берүү менен көзөмөлгө алынган товарларды (жүктөрдү) кароого жана текшерүүгө;

- объектке карата коюлуучу ветеринардык-санитардык ченемдер жана эрежелер сакталбаган, көзөмөлгө алынган продукцияны, товарларды эксплуатациялоо, сактоо, ташуу жана сатуу шарттары бузулган учурда уруксат берүүчү документтерди берген органдарга аларды чакыртып алууга материалдарды жиберүүгө;

- мамлекеттик статистика органдарынан, бажы жана башка органдардан көзөмөлгө алынган товарларды (жүктөрдү) Кыргыз Республикасынын аймагына ташып киргизүү, аймагынан ташып чыгаруу жана транзиттөө жөнүндө статистикалык маалыматтарды жана маалымдарды алууга;

- ветеринардык контролдоого тийиш болгон жүктөрдү (товарларды) Кыргыз Республикасынын ветеринардык жана фитосанитардык коопсуздук жаатындагы мыйзамдарында каралган учурларда Кыргыз Республикасынын аймагына ташып кирүүгө, ташып чыгууга, реэкспорттоого жана транзиттөөгө тыюу салууга;

- бузууларга жол берген жактарды ветеринария жаатындагы Кыргыз Республикасынын мыйзамдарына ылайык жоопкерчиликке тартуу жөнүндө материалдарды сот жана укук коргоо органдарына берүүгө;

- Кызматтын аймактык бөлүмдөрүнүн жана мекемелеринин финансылык-чарбалык жана башка иштерин контролдоого;

- жергиликтүү мамлекеттик администрацияларга жана жергиликтүү өз алдынча башкаруу органдарына өзгөчө комиссияларда тиешелүү маселелерди кароо жөнүндө сунуштарды киргизүүгө;

- өз компетенциясынын чегинде зарыл болгон маселелерди кароо үчүн эксперттерден жана адистерден турган ведомстволор аралык жумушчу топторду белгиленген тартипте түзүүгө;

- эл аралык келишимдердин долбоорлорун иштеп чыгууга катышууга, Министрлик менен макулдашуу боюнча өз компетенциясынын чегинде эл аралык келишимдерди белгиленген тартипте түзүүгө;

- коюлган милдеттерди ишке ашыруу үчүн эл аралык уюмдардын жана мекемелердин каражаттарын, донорлордун гранттарын белгиленген тартипте тартууга;

- Кыргыз Республикасынын ветеринария жана мамлекеттик сатып алуулар жаатындагы мыйзамдарына ылайык товарларды, жумуштарды жана кызмат көрсөтүүлөрдү сатып алууга;

- тиешелүү темаларда конкурстарды, семинарларды, конференцияларды өткөрүүгө;

- мамлекеттик органдар жана жергиликтүү өз алдынча башкаруу органдары, уюмдар, илимий-изилдөө институттары менен макулдашуу боюнча көз карандысыз экспертизаларды жүргүзүү үчүн адистерди тартууга;

- зарыл болгон учурда Министрликтин башка бөлүмдөрүнүн жана анын ведомстволук уюмдарынын кызматкерлерин, ошондой эле республиканын башка министрликтеринин жана административдик ведомстволорунун, илимий-изилдөө институттарынын, мекемелеринин жана уюмдарынын өкүлдөрүн тоют менен камсыздоого, мал чарбасын башкарууга жана өнүктүрүүгө, ошондой эле жайыттарды башкарууга, пайдаланууга жана жакшыртууга тиешелүү маселелерди иштеп чыгууга жана кароого тартууга;

- менчигинин түрүнө карабастан асыл тукум ишин жүргүзүү боюнча дистрибьютордук борборлорго мониторинг жүргүзүүгө;

- Кызматтын милдеттерине тиешелүү айрым маселелерди жана проблемаларды иштеп чыгууга жана кароого эл аралык уюмдардын өкүлдөрүн тартууга;

- Кыргыз Республикасынын министрликтеринен жана административдик ведомстволорунан, жергиликтүү өз алдынча башкаруу органдарынан, бирикмелеринен, ишканаларынан, уюмдарынан, ассоциацияларынан жана илимий мекемелеринен Кызматка жүктөлгөн милдеттерди аткаруу үчүн зарыл болгон маалыматтарды жана документтерди белгиленген тартипте суроого жана алууга;

- эл аралык уюмдардан, институттардан жана донор өлкөлөрдөн гранттарды жана техникалык жардамды алууга;

- Министрлик менен макулдашуу боюнча Кыргыз Республикасынын эл аралык келишимдерин жана башка документтерди белгиленген тартипте даярдоого, кол коюуга жана ишке ашырууга катышууга;

- илимий-изилдөө жана ишке киргизүү иштеринин келечектеги жана учурдагы пландарынын долбоорлорун иштеп чыгуу жана аларды ишке ашырууга;

- иш профилине шайкеш келген изилдөө иштерин аткарууну материалдык-техникалык жана финансылык камсыздоону жүзөгө ашырууга;

- илимий-эксперименталдык базада вакциналардын, дарылоо-алдын алуу препараттарынын, азыктандыруучу чөйрөлөрдүн тажрыйбалык үлгүлөрүн өндүрүүгө жана аларды лабораториялык жаныбарларга сыноо жүргүзүүгө;

- жакынкы жана алыскы чет өлкөлөрдүн илимий борборлорунда илимий кызматкерлердин чет өлкөлөргө иш сапарларын, окууларын жана стажировкаларын уюштурууга;

- белгиленген тартипте чет өлкөлүк илимий уюмдар менен илимий кызматташуу жөнүндө макулдашууларды түзүүгө;

- ар кандай уюмдар, ишканалар жана өндүрүштүк бирикмелер менен илимий-изилдөө жана ишке киргизүү иштерин аткарууга жана каржылоого иштин профили боюнча келишим түзүүгө;

- ата мекендик жана чет өлкөлүк өндүрүштөгү ветеринардык препараттарды, реактивдерди сатып алуу жана сатуу боюнча тендерлерге катышууга.

5-глава. Кызматтын ишин уюштуруу

12. Кызматты бир эле убакта Кыргыз Республикасынын Башкы мамлекеттик ветеринардык инспектору болуп саналган директор жетектейт, ал Кыргыз Республикасынын суу ресурстары, айыл чарба жана кайра иштетүү өнөр жайы министринин (мындан ары - министр) сунушу боюнча Кыргыз Республикасынын Министрлер Кабинетинин Төрагасы тарабынан кызмат ордуна дайындалат жана кызмат ордунан бошотулат.

Директордун орун басарларын кызмат ордуна дайындоо жана кызмат ордунан бошотуу, аларга карата сыйлоо жана тартиптик жаза чараларын колдонуу Кыргыз Республикасынын мамлекеттик жарандык кызмат жана муниципалдык кызмат жөнүндө мыйзамдарына ылайык жүргүзүлөт.

Кызматтын директору жок учурда анын милдеттерин аткаруу директордун орун басарларынын бирине жүктөлөт.

Кызматтын уюштуруу-тескөөчү документтери Кызматтын директорунун буйругу менен бекитилет.

13. Кызматтын директору:

- Кызматтын борбордук аппаратынын түзүмүн, штаттык расписаниесин жана чыгымдар сметасын белгиленген штаттык сандын жана эмгек акы төлөө фондунун чегинде министрдин бекитүүсүнө киргизет;

- Кызматтын ишине жалпы жетекчилик кылат жана Кызматка жүктөлгөн милдеттердин аткарылышы үчүн жеке жоопкерчилик тартат;

- мамлекеттик органдар, жергиликтүү өз алдынча башкаруу органдары, ишканалар, мекемелер жана уюмдар менен болгон мамилелерде Кызматтын атынан чыгат;

- өзүнүн ыйгарым укуктарынын чегинде сүйлөшүүлөрдү жүргүзөт жана Кызматтын компетенциясына кирген маселелер боюнча өз ара аракеттенүү жана кызматташуу жөнүндө документтерге белгиленген тартипте кол коёт;

- Кызматтын аймактык бөлүмдөрүнүн жана мекемелеринин түзүмүн бекитет, аны өзгөртүү Кызматтын милдеттерин жана функцияларын өзгөртүү менен гана байланыштуу болушу мүмкүн. Мында директорду дайындоо Кызматтын түзүмүн өзгөртүү үчүн негиз болуп саналбайт;

- Кызматтын кызматкерлери аткарууга милдеттүү болгон буйруктарды чыгарат;

- белгиленген тартипте эл аралык келишимдерге кол коёт;

- Кызматтын кызматкерлеринин өкүлчүлүктүү органы менен жамааттык келишимге кол коёт;

- аймактык бөлүмдөргө жана мекемелерге тапшырмаларды берет жана алардын аткарылышын контролдойт;

- Кызматтын директорунун орун басарларынын ортосунда укуктарды жана милдеттерди бөлүштүрөт;

- Кызматтын борбордук аппаратынын жана аймактык бөлүмдөрүнүн түзүмдүк бөлүмдөрү жөнүндө жоболорду бекитет;

- Кыргыз Республикасынын мамлекеттик жарандык кызмат жана муниципалдык кызмат жөнүндө мыйзамдарына ылайык Кызматтын кадрлар резервин түзүү боюнча ишти уюштурат;

- Кызматтын кызматкерлерине карата сыйлоо жана тартиптик жаза чараларын колдонот;

- даттанууларды жана арыздарды кароо боюнча ыкчам чара көрүү комиссиясын түзөт;

- Кызматтын кызматкерлерине сый акы берүү жөнүндө маселени чечет;

- Кызматтын кызматкерлерин Министрликтин ведомстволук сыйлыктары менен сыйлоо жөнүндө сунуш киргизет;

- Кызматтын өзгөчөлөнгөн кызматкерлерин Кыргыз Республикасынын мамлекеттик сыйлыктары, Кыргыз Республикасынын Жогорку Кеңешинин, Кыргыз Республикасынын Министрлер Кабинетинин, министрликтердин жана ведомстволордун сыйлыктары жана Министрликтин сыйлыктары жана төш белгилери менен сыйлоого көрсөтүү жөнүндө Министрликке сунуш киргизет;

- Министрликтин кызмат орундарынын номенклатурасына ылайык Кызматтын борбордук аппаратынын кызматкерлерин жана аймактык бөлүмдөрдүн жетекчилерин белгиленген тартипте кызмат ордуна дайындайт жана ээлеген кызмат ордунан бошотот.

14. Кызматтын директору жана аймактык бөлүмдөрүнүн жетекчилери ветеринария жаатындагы Кыргыз Республикасынын мыйзамдары менен берилген ыйгарым укуктарынын чегинде мамлекеттик контролдоо жана көзөмөлдөө функцияларын жүзөгө ашырат.

15. Кызматта тиешелүү жумушчу топтор жана комиссиялар түзүлүшү мүмкүн.

16. Мамлекеттик инспекторлордун тизмеги Кыргыз Республикасынын мамлекеттик жарандык кызмат жана муниципалдык кызмат жөнүндө мыйзамдарына ылайык Кызматтын директорунун буйругу менен аныкталат жана бекитилет.

17. Кызматтын кызмат белгиленген тартипте бекитилген жазма буйруктардын бланктарын жана отчеттуулук формаларын пайдаланат.

Кызматтын ведомстволук актылары болуп төмөнкүлөр саналат:

- Кызматтын буйругу;

- Кызматтын токтому.

18. Кызматтын аймактык бөлүмдөрү жана мекемелери өз ишин өз алдынча жүргүзөт жана Кызматка түздөн-түз баш иет.

19. Кызматтын кызматкерлерин укуктук жана социалдык жактан коргоо Кыргыз Республикасынын эмгек жана социалдык коргоо чөйрөсүндөгү жана мамлекеттик жана муниципалдык кызмат чөйрөсүндөгү мыйзамдарына ылайык жөнгө салынат жана жүзөгө ашырылат.

20. Кызматтын жетекчилеринин жана кызматкерлеринин кызматтык күбөлүктөрү болот жана алар кызматтык милдеттерин аткаруу учурунда Кыргыз Республикасынын Министрлер Кабинетинин чечими менен бекитилген бирдиктүү үлгүдөгү ведомстволук формалык кийимди кийип жүрүүгө милдеттүү.

21. Кызматтын кызмат адамдары өздөрүнө жүктөлгөн милдеттерди аткарбаса же талаптагыдай эмес аткарса, укукка каршы аракеттерди (аракетсиздикти) жасагандыгы үчүн Кыргыз Республикасынын мыйзамдарына ылайык тартиптик, жарандык жана кылмыш-жаза жоопкерчилигине тартылат.

6-глава. Мүлк жана финансы

22. Кызматтын негизги иши боюнча бухгалтердик, статистикалык эсеп жана отчеттуулук Кыргыз Республикасынын бухгалтердик эсеп жана финансылык отчеттуулук чөйрөсүндөгү мыйзамдарында белгиленген тартипте жүргүзүлөт.

23. Кызматтын борбордук аппаратын, аймактык бөлүмдөрүн жана мекемелерин күтүүгө чыгымдарды каржылоо республикалык бюджеттин каражаттарынын жана атайын эсептерде топтолгон каражаттардын эсебинен, ошондой эле Кыргыз Республикасынын мыйзамдарында тыюу салынбаган башка булактардын эсебинен жүргүзүлөт.

24. Кызмат жарандык мыйзамдарга ылайык ыкчам башкаруу укугунда белгиленген тартипте өткөрүлүп берилген мамлекеттик имараттарды, курулмаларды, жабдууларды, инвентарларды жана башка мүлктүк товардык-материалдык баалуулуктарды пайдаланат.

7-глава. Кайра уюштуруу жана жоюу

25. Кызматты кайра уюштуруу жана жоюу Кыргыз Республикасынын жарандык мыйзамдарына ылайык Кыргыз Республикасынын Министрлер Кабинетинин чечими менен жүзөгө ашырылат.

26. Кызматтын иши токтотулган учурда, анын ишинин жүрүшүндө пайда болгон документтер "Кыргыз Республикасынын улуттук архив фонду жөнүндө" Кыргыз Республикасынын Мыйзамына ылайык пайдаланылат жана сакталат.

Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматынын БАШКАРУУ СХЕМАСЫ

".