КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2025-жылдын 10-июну № 328

Кыргыз Республикасынын Маданият, маалымат жана жаштар саясаты министрлигинин айрым маселелери жөнүндө

Кыргыз Республикасынын Президентинин 2025-жылдын 11-февралындагы № 42 "Кыргыз Республикасынын Министрлер Кабинетинин ишинин айрым маселелери жөнүндө", 2025-жылдын 10-апрелиндеги № 126 "Кыргыз Республикасынын Президентине караштуу Дин иштери жана этностор аралык мамилелер боюнча улуттук агенттик жөнүндө" жарлыктарын ишке ашыруу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Маданият, маалымат, спорт жана жаштар саясаты министрлигине караштуу "Кыргыз Маданият Сервис" мамлекеттик ишканасы Кыргыз Республикасынын Маданият, маалымат жана жаштар саясаты министрлигине караштуу "Кыргыз Маданият Сервис" мамлекеттик ишканасы деп кайра аталсын.

2. Төмөнкүлөр бекитилсин:

1) Кыргыз Республикасынын Маданият, маалымат жана жаштар саясаты министрлиги жөнүндө жобо 1-тиркемеге ылайык;

2) Кыргыз Республикасынын Маданият, маалымат жана жаштар саясаты министрлигинин башкаруу схемасы 2-тиркемеге ылайык;

3) Кыргыз Республикасынын Маданият, маалымат жана жаштар саясаты министрлигине караштуу "Кыргыз Маданият Сервис" мамлекеттик ишканасынын уставы 3-тиркемеге ылайык.

3. Ысык-Көл облусу, Бактуу-Долоноту айылы, Кыргыз көчөсү, 2а дареги боюнча жайгашкан Кыргыз Республикасынын Маданият, маалымат жана жаштар саясаты министрлигине караштуу "Этномаданиятты, ат-спорт индустриясын жана асыл тукум жылкы чарбасын өнүктүрүү борбору" мамлекеттик мекемеси тийиштүү штаты, финансылык жана материалдык-техникалык каражаттары менен Кыргыз Республикасынын Маданият, маалымат жана жаштар саясаты министрлигинен Кыргыз Республикасынын Суу ресурстары, айыл чарба жана кайра иштетүү өнөр жайы министрлигинин карамагына өткөрүп берилсин.

4. Ушул токтом Кыргыз Республикасынын Маданият, маалымат жана жаштар саясаты министрлигине тиешелүү жылга жана кийинки жылдарга республикалык бюджетте каралган штаттык санынын жана каражаттардын чегинде жүзөгө ашырылат деп белгиленсин.

5. Кыргыз Республикасынын Маданият, маалымат жана жаштар саясаты министрлиги, Кыргыз Республикасынын Суу ресурстары, айыл чарба жана кайра иштетүү өнөр жайы министрлиги белгиленген тартипте:

1) өзүнүн чечимдерин ушул токтомго ылайык келтирсин;

2) ушул токтомдон келип чыгуучу башка чараларды көрсүн.

6. Төмөнкүлөр күчүн жоготту деп таанылсын:

1) Кыргыз Республикасынын Өкмөтүнүн 2021-жылдын 5-мартындагы № 79 "Кыргыз Республикасынын Маданият, маалымат, спорт жана жаштар саясаты министрлигинин маселелери жөнүндө" токтому;

2) Кыргыз Республикасынын Министрлер Кабинетинин 2021-жылдын 15-ноябрындагы № 251 "Кыргыз Республикасынын Маданият, маалымат, спорт жана жаштар саясаты министрлигинин маселелери жөнүндө" токтому;

3) Кыргыз Республикасынын Министрлер Кабинетинин 2023-жылдын 28-февралындагы № 100 "Кыргыз Республикасынын маданият, маалымат, спорт жана жаштар саясаты чөйрөсүндөгү Кыргыз Республикасынын Министрлер Кабинетинин айрым чечимдерине өзгөртүүлөрдү киргизүү тууралуу" токтому;

4) Кыргыз Республикасынын Министрлер Кабинетинин 2023-жылдын 6-апрелиндеги № 189 "Кыргыз Республикасынын Министрлер Кабинетинин айрым токтомдоруна өзгөртүүлөрдү киргизүү жөнүндө" токтомунун 4-пункту;

5) Кыргыз Республикасынын Министрлер Кабинетинин 2023-жылдын 28-августундагы № 439 "Кыргыз Республикасынын Маданият, маалымат, спорт жана жаштар саясаты министрлигинин алдында Китеп басып чыгарууну жана таркатуу тутумун өнүктүрүү боюнча "Кыргыз китеп" мамлекеттик ишканасын Кыргыз Республикасынын Маданият, маалымат, спорт жана жаштар саясаты министрлигине караштуу "Кыргыз Маданият Сервис" мамлекеттик ишканасы деп кайра атоо жөнүндө" токтомунун 1, 2-пункттары;

6) Кыргыз Республикасынын Министрлер Кабинетинин 2023-жылдын 21-декабрындагы № 694 "Кыргыз Республикасынын Министрлер Кабинетинин 2021-жылдын 15-ноябрындагы № 251 "Кыргыз Республикасынын Маданият, маалымат, спорт жана жаштар саясаты министрлигинин маселелери жөнүндө" токтомуна өзгөртүүлөрдү киргизүү тууралуу" токтому;

7) Кыргыз Республикасынын Министрлер Кабинетинин 2024-жылдын 5-августундагы № 456 "Жети-Өгүз райондук К.Жетимишбаев атындагы тарыхый край-таануу музейин К.Жетимишбаев атындагы Тарыхый-мекен таануу музейи деп кайра атоо жөнүндө" токтомунун 3-пункту;

8) Кыргыз Республикасынын Министрлер Кабинетинин 2024-жылдын 3-октябрындагы № 599 "Кыргыз Республикасынын Министрлер Кабинетинин 2021-жылдын 15-ноябрындагы № 251 "Кыргыз Республикасынын Маданият, маалымат, спорт жана жаштар саясаты министрлигинин маселелери жөнүндө" токтомуна өзгөртүүлөрдү киргизүү тууралуу" токтому;

9) Кыргыз Республикасынын Министрлер Кабинетинин 2024-жылдын 5-ноябрындагы № 670 "Айрым мамлекеттик органдарга терроризмге каршы аракеттенүү чөйрөсүндө компетенцияларды берүү боюнча Кыргыз Республикасынын Министрлер Кабинетинин айрым чечимдерине өзгөртүүлөрдү киргизүү жөнүндө" токтомунун 3-пункту;

10) Кыргыз Республикасынын Министрлер Кабинетинин 2024-жылдын 2-декабрындагы № 719 "Шанхай кызматташтык уюмунун маданий-интеграциялык борбору" мамлекеттик мекемесин түзүү жөнүндө" токтомунун 5-пункту;

11) Кыргыз Республикасынын Министрлер Кабинетинин 2025-жылдын 27-мартындагы № 158 "Кыргыз Республикасынын Маданият, маалымат, спорт жана жаштар саясаты министрлигине караштуу Маалыматтык чөйрөнү изилдөө борборун жоюу жөнүндө" токтомунун 3-пункту.

7. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

8. Бул токтом расмий жарыяланган күндөн тартып он күн өткөндөн кийин күчүнө кирет.

“Эркин-Тоо” мамлекеттик расмий гезитинин 2025-жылдын 13-июнундагы № 43 (3699) саны менен жарыяланды.