КЫЗЫЛ-ОКТЯБРЬ АЙЫЛДЫК КЕҢЕШИ

ТОКТОМ

Кызыл-Октябрь айыл аймагынын айылдык кеңешинин VIII чакырылышынын кезексиз V сессиясы

2025-жылдын 15-апрели № 43

Мектепке чейинки билим берүү мекемесин ачуу жөнүндө

Кызыл-Октябрь айыл аймагынын айыл өкмөтүнүн башчысы А. Амирбековдун Беш-Абышка айылында жайгашкан А.Жунусов атындагы толук эмес орто мектебинин имаратынын ичинде,пайдаланылбай турган окуу класстарынан мектепке чейинки билим берүү мекемесин ачуу жөнүндөгү сунушун угуп, Беш-Абышка айылынын тургундарынын 2025-жылдын 12-апрелиндеги элдик жыйындын протоколу менен таанышып талкуулап чыгып, аталган айылдын бала бакчага болгон муктаждыгын чечүү максатында, Кызыл-Октябрь айыл аймагынын айылдык кеңеши

ТОКТОМ КЫЛАТ:

1.А.Жунусов атындагы толук эмес орто мектебинин имаратынын ичинде пайдаланылбай турган окуу класстарынан мектепке чейинки билим берүү мекемесин ачууга макулдук берилсин.

2.Мыйзамдуу иш алып баруу жагы Кызыл-Октябрь айыл аймагынын айыл өкмөт башчысы А. Амирбековго сунушталсын.

3.Ушул токтомдун аткарылышын көзөмөлдөө жагы билим берүү, саламаттыкты сактоо, социалдык маселелер, маданият, этика, регламент (каада-салт, дин, тил), соода саттык, тейлөө, жаштар жана спорт боюнча туруктуу комиссиясына төрагасы (А. Мурзанбетовго) жүктөлсүн.