“Түндүк” ачык акционердик коомун түзүү жөнүндө

Санариптик трансформациялоо процесстерин натыйжалуу башкаруу, санариптик мамлекеттик башкаруу системасын өркүндөтүү жана инновациялык технологияларды киргизүү максатында, Кыргыз Республикасынын Президентинин 2025-жылдын 17-мартындагы № 91 “Мамлекеттик башкаруу чөйрөсүндө санариптик трансформациялоону андан ары өркүндөтүү боюнча чаралар жөнүндө” Жарлыгына, “Акционердик коомдор жөнүндө” Кыргыз Республикасынын Мыйзамынын 10-беренесине, “Кыргыз Республикасынын Министрлер Кабинети жөнүндө” Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын мыйзамдарында белгиленген тартипте бир акциянын номиналдык наркы 1 000 (бир миң) сомдон турган 500 000 (беш жүз миң) даана жөнөкөй энчилүү акцияларды чыгаруу жана төлөө аркылуу 500 000 000 (беш жүз миллион) сом өлчөмүндөгү уставдык капиталында мамлекеттин жүз пайыз катышуусу менен “Түндүк” ачык акционердик коому (мындан ары – “Түндүк” ААК) түзүлсүн.

2. “Түндүк” ААКка төмөнкү уюмдардын милдеттерин жана функцияларын аткаруу жүктөлсүн:

2) Кыргыз Республикасынын Билим берүү жана илим министрлигине караштуу “Санариптик билим берүү борбору” мамлекеттик мекемеси;

4. “Түндүк” ААКтын жалгыз акционери катары чыгуу боюнча Кыргыз Республикасынын Министрлер Кабинетинин ыйгарым укуктарын ишке ашыруу боюнча функциялар Кыргыз Республикасынын Санариптик өнүктүрүү жана инновациялык технологиялар министрлигине өткөрүп берилсин.

5. Кыргыз Республикасынын Санариптик өнүктүрүү министрлигине караштуу “Түндүк” мамлекеттик мекемеси жоюлсун.

6. Кыргыз Республикасынын Санариптик өнүктүрүү жана инновациялык технологиялар министрлиги белгиленген тартипте:

1)            жоюу комиссиясын түзсүн жана Кыргыз Республикасынын жарандык мыйзамдарына ылайык Кыргыз Республикасынын Санариптик өнүктүрүү министрлигине караштуу “Түндүк” мамлекеттик мекемесин жоюу боюнча зарыл чараларды көрсүн;

2)            “Түндүк” ААКтын Уставын бекитсин;

3)            Кыргыз Республикасынын юстиция органдарында “Түндүк” ААКты мамлекеттик каттоону жүргүзсүн;

4)            баалуу кагаздар рыногун жөнгө салуу боюнча ыйгарым укуктуу мамлекеттик органда “Түндүк” ААКтын акцияларынын уюмдаштырып чыгарылышын мамлекеттик каттоону жүргүзсүн;

5) ушул токтомдун 2-пунктунда көрсөтүлгөн уюмдардын кызматкерлерин “Түндүк” ААКка жумушка орноштуруу боюнча чараларды көрсүн;

6) ушул токтомдун 2-пунктунда көрсөтүлгөн уюмдардын маалыматтык системаларды иштеп чыгуу, модернизациялоо жана андан ары техникалык коштоо боюнча колдонуудагы келишимдерин “Түндүк” ААК менен кайра түзүүнү камсыздасын;

7) өзүнүн чечимдерин ушул токтомго ылайык келтирсин.

7. Кыргыз Республикасынын Агартуу министрлиги, Кыргыз Республикасынын Илим, жогорку билим берүү жана инновациялар министрлиги, Кыргыз Республикасынын Эмгек, социалдык камсыздоо жана миграция министрлиги жана Кыргыз Республикасынын Саламаттык сактоо министрлиги белгиленген тартипте:

1) төмөнкү ведомстволук уюмдарды жойсун:

– Кыргыз Республикасынын Билим берүү жана илим министрлигине караштуу “Санариптик билим берүү борбору” мамлекеттик мекемесин;

9. Кыргыз Республикасынын Министрлер Кабинетине караштуу Мамлекеттик мүлктү башкаруу боюнча мамлекеттик агенттик Кыргыз Республикасынын Президентинин Иш башкармасы менен макулдашуу боюнча коммуналдык жана эксплуатациялык чыгымдарды төлөө менен кайтарымсыз колдонуу келишиминин шарттарында “Түндүк” ААКты жайгаштыруу маселесин иштеп чыксын.

10. Кыргыз Республикасынын Финансы министрлиги белгиленген тартипте:

1) Кыргыз Республикасынын Жогорку Кеңешинин Бюджет, экономикалык жана фискалдык саясат боюнча комитети менен макулдашуу боюнча Кыргыз Республикасынын Санариптик өнүктүрүү жана инновациялык технологиялар министрлигине “Түндүк” ААКтын уставдык капиталын түзүү үчүн 500 000 000 (беш жүз миллион) сом издеп тапсын жана бөлүп берсин, анын ичинен:

– 2025-жылы 200 000 000 (эки жүз миллион) сом;

– 2026-жылы 300 000 000 (үч жүз миллион) сом;

2) “Кыргыз Республикасынын 2025-жылга жана 2026–2027-жылдардын пландык мезгилине республикалык бюджети жөнүндө” Кыргыз Республикасынын Мыйзамына өзгөртүүлөрдү киргизүү тууралуу” Кыргыз Республикасынын Мыйзамынын долбоорун даярдоодо ушул токтомдон келип чыгуучу өзгөртүүлөрдү эске алсын;

3) “Кыргыз Республикасынын 2026-жылга жана 2027–2028-жылдардын пландык мезгилине республикалык бюджети жөнүндө” Кыргыз Республикасынын Мыйзамынын долбоорун даярдоодо ушул токтомго ылайык акча каражаттарын карасын.

11. Мамлекеттик органдардын, жергиликтүү өз алдынча башкаруу органдарынын, мамлекеттик жана муниципалдык ишканалардын, мекемелердин, фонддордун маалыматтык системаларды иштеп чыгуу, модернизациялоо жана техникалык коштоо маселелери боюнча ушул токтом күчүнө киргенге чейин түзүлгөн колдонуудагы келишимдеринин алкагында тараптардын милдеттенмелери келишимдерде белгиленген тартипте аткарылууга тийиш деп белгиленсин.

12. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

13. Бул токтом, расмий жарыяланган күндөн тартып 14 календардык күн өткөндөн кийин күчүнө кирүүчү 3-пунктунан тышкары, расмий жарыяланган күндөн тартып күчүнө кирет.

«Эркин-Тоо» мамлекетик расмий газетасынын 2025-жылдын 8-июлундагы № 50 (3706) жарыяланды