КУЙРУЧУК-КЫЗАРТ АЙЫЛ АЙМАГЫНЫН АЙЫЛДЫК КЕӉЕШИ

ТОКТОМ

Депутаттардын II чакырылышынын III кезектеги сессиясы

2025-жылдын  27-марты   № 4/2

Куйручук-Кызарт айыл аймагында жазгы айдап себүүгѳ катышуучу айыл-чарба техникаларынын тарифтерин,  мал багуунун акысын бекитүү жана корук уюштуруунун мѳѳнѳттѳрүн белгилѳѳ жѳнүндѳ

Кыргыз Республикасынын “Жергиликтүү мамлекеттик администрация жана жергиликтүү ѳз алдынча башкаруу органдары жѳнүндѳ” Мыйзамынын  34-беренесин жетекчиликке алып,Куйручук-Кызарт айыл аймагынын тургундары менен ѳткѳрүлгѳн жыйындардын протоколунун негизинде Куйручук-Кызарт айыл аймагынын айыл ѳкмѳтүнүн башчысы К.Э.Жусуповдун сунушун карап жана маалыматын угуп жана айылдык кеңештин депутаттарынын билдирүүлѳрүн угуп жана талкуулап, Куйручук-Кызарт айыл аймагынын айылдык кеңеши, токтом кылат:

1.Куйручук-Кызарт айыл аймагында жазгы айдап себүүгѳ катышуучу айыл-чарба техникаларынын тарифтери, мал багуунун акысы жана корук уюштуруу  мѳѳнѳттѳрү тѳмѳндѳгүдѳй белгиленсин жана бекитилсин:

1)    1 га жер аянты үчүн:

- Жер айдоо –1800 сом, 25 литр май, эгер дың жер бузса 30 литр май

- Малалоо – 800 сом, 10 литр май

- Себүү – 800 сом, 10 литр май

- Шак тартуу – 300 сом, 5 литр май

- Чѳп чабуу – 1600 сом, 10 литр май

- Чѳп престѳѳ (1 түк чѳп) – 10 сом, гектарына 10 литр май

- Эгин чабуу – 1800 сом, 25 литр май

2)  Мал багуунун акысы 

- Бодо малга – 500 сом

- Кой-эчки – 100 сом

Эскертүү: Ар бир мал ээси жайыт акысын ѳздѳрү тѳгүшѳт жана жайыт акысы тѳгүлгѳндѳн кийин  бадага кошуусу керек.

3)  Корук уюштуруу:

 Корук Куйручук-Кызарт айыл аймагында 2025-жылдын 20-апрелинде башталат. Күзүндѳ оруп-жыюу ѳнѳктүгү толук аяктаганга чейин же               1-октябрь 2025-жылга чейин жүргүзүлѳт.

4)  Кѳчүү-конуунун убактысы:

2025-жылдын 20-апрелине чейин ички жайыттарга, ал эми сырткы жайыттарга 2025-жылдын 15-июнуна чейин толук кѳчүп бүтүшү керек. Жайлоодон 1-октябрь 2025-жылга чейин кѳчүп келбеши керек.

2.Бул токтомдун аткарылышын кѳзѳмѳлдѳѳ жагы Куйручук-Кызарт айыл аймагынын айыл ѳкмѳтүнүн башчысы К.Э.Жусуповго милдеттендирилсин.