БИШКЕК ШААРЫНЫН МЭРИЯСЫНЫН ТОКТОМУ

2025-жылдын 1-апрели № 83

Билим берүү объекттерин муниципалдык менчикке

кабыл алууга макулдук берүү жөнүндө

(Бишкек шаарынын мэриясынын 2025-жылдын 10-апрелиндеги № 105 токтомунун редакциясына ылайык)

Мектептик жана мектепке чейинки билим берүү чөйрөсүндө кызмат көрсөтүүлөр үчүн шарттарды түзүү максатында, Кыргыз Республикасынын Жогорку Кеңешинин 2023-жылдын 15-февралындагы № 969-VII «Кыргыз Республикасынын саламаттык сактоо, билим берүү, маданият жана спорт уюмдарына мурда тиешелүү болгон, мыйзамсыз ижарага алынган жана менчиктештирилип кеткен имараттарды, орун жайларды, курулмаларды жана жер участокторун кайра кайтаруу боюнча Кыргыз Республикасынын Министрлер Кабинетинин жүргүзүп жаткан иши жөнүндө» токтомун, Бишкек шаардык кеңешинин 2025-жылдын 27-мартындагы № 18 «Бишкек шаардык кеңешинин мамлекеттик менчик объекттерин муниципалдык менчикке кабыл алууга макулдук берүү боюнча ченем жаратуу ыйгарым укуктарын Бишкек шаарынын мэриясына өткөрүп берүү жөнүндө» токтомун эске алып, «Мүлккө муниципалдык менчик жөнүндө», «Жергиликтүү мамлекеттик администрация жана жергиликтүү өз алдынча башкаруу органдары жөнүндө», «Кыргыз Республикасынын ченемдик укуктук актылары жөнүндө» Кыргыз Республикасынын мыйзамдарына ылайык токтом кылам:

1. Төмөнкү объекттерди Бишкек шаарынын мэриясынын муниципалдык менчигине кабыл алууга макулдук берилсин:

- мектепке чейинки билим берүү уюмун уюштуруу үчүн Бишкек шаары, Красная көчөсү, 144 дарегинде жайгашкан, идентификациялык коду: 1-01-06-0035-0083, жалпы аянты 0,289 га жанаша жайгашкан жер участогу менен аянты 409,1 чарчы метр турак эмес жайды;

- мектепке чейинки билим берүү уюмун уюштуруу үчүн Бишкек шаары, «Чыгыш-5» кичи району, 10/1, 10/2 жана 10/3 даректери боюнча жайгашкан, идентификациялык коддору: 1-03-08-0043-0711, 1-03-08-0043-0716 жана 1-03-08-0043-0726, жалпы аянты 0,917 га жанаша жайгашкан жер участоктору менен аянты 2733,1 чарчы метр турак эмес жайды;

- башталгыч мектеп, спорт аянтчасын жана откана куруу үчүн Бишкек шаары, «Ай-Көл» конушу, Семетей көчөсү дарегинде жайгашкан, идентификациялык коду: 1-03-19-1001-5606, жалпы аянты 0,62 га жер участогун;

- мектепке чейинки билим берүү уюмун уюштуруу үчүн Бишкек шаары, 5-кичирайону, 19/2 дарегинде жайгашкан, идентификациялык коду: 1-04-05-0025-0223, жалпы аянты 0,2626 га жанаша жайгашкан жер участогу менен аянты 1915,8 чарчы метр турак эмес жайды;

- Бишкек шаары, Гоголь көчөсү, 127 дареги боюнча жайгашкан «Айгүл» жоопкерчилиги чектелген коомунун 100 % үлүшүн;

- мектепке чейинки билим берүү уюмун уюштуруу үчүн Бишкек шаары, Коммунаров көчөсү, 93 дарегинде жайгашкан, идентификациялык коддору: 1-02-05-0012-0374, 1-02-05-0012-0374-01, жалпы аянты 0,785 га жанаша жайгашкан жер участогу менен аянты 2304,8 чарчы метр турак эмес жайды.

2. Бишкек шаарынын мэриясынын Муниципалдык мүлктү башкаруу боюнча департаментибелгиленген тартипте:

- муниципалдык менчик объекттеринин реестрине тийиштүү өзгөртүүлөрдү киргизсин;

- ушул токтомдон келип чыгуучу башка зарыл чараларды көрсүн.

3. Ушул токтом каттоодон өткөрүлсүн жана Кыргыз Республикасынын Ченемдик укуктук актыларынын мамлекеттик реестрине киргизүү үчүн Кыргыз Республикасынын Юстиция министрлигине жөнөтүлсүн.

4. Ушул токтомдун аткарылышын контролдоо Бишкек шаарынын мэриясынын борбордук аппаратынын уюштуруу-контролдоо иштери башкармалыгына жүктөлсүн.

5. Ушул токтом расмий жарыяланууга тийиш жана Бишкек шаардык кеңешинин 2025-жылдын 27-мартындагы № 18 «Бишкек шаардык кеңешинин мамлекеттик менчик объекттерин муниципалдык менчикке кабыл алууга макулдук берүү боюнча ченем жаратуу ыйгарым укуктарын Бишкек шаарынын мэриясына өткөрүп берүү жөнүндө» токтому күчүнө кирген күндөн тартып күчүнө кирет.