КЫРГЫЗ РЕСПУБЛИКАСЫНЫН МЫЙЗАМЫ

2025-жылдын 10-июлу № 140

Кыргыз Республикасынын айрым мыйзам актыларына ("Борбордун статусу жөнүндө", "Ош шаарынын статусу жөнүндө" Кыргыз Республикасынын мыйзамдарына) өзгөртүүлөрдү киргизүү жөнүндө

1-берене.

"Борбордун статусу жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2013-ж., № 11, 1237-ст.) төмөнкүдөй өзгөртүүлөр киргизилсин:

1) 2-беренеде, 7-берененин 3-бөлүгүндө, 8-берененин 1-бөлүгүндө "Жергиликтүү өз алдынча башкаруу жөнүндө" деген сөздөр "Жергиликтүү мамлекеттик администрация жана жергиликтүү өз алдынча башкаруу органдары жөнүндө" деген сөздөргө алмаштырылсын;

2) 3-берененин биринчи абзацында "Кыргыз Республикасынын Өкмөтү" деген сөздөр "Кыргыз Республикасынын Президенти жана Кыргыз Республикасынын Министрлер Кабинети" деген сөздөргө алмаштырылсын;

3) 14-беренеде:

а) 1-бөлүктө "анын орун басарынан" деген сөздөр "эки орун басарынан" деген сөздөргө алмаштырылсын;

б) 2-бөлүктө "орун басары" деген сөздөр "орун басарлары" деген сөздөргө алмаштырылсын;

в) 3-бөлүктө "орун басарын" деген сөздөр "орун басарларын" деген сөздөргө алмаштырылсын;

г) 4-бөлүктө:

- биринчи абзацта "орун басарынын" деген сөздөр "орун басарларынын" деген сөздөргө алмаштырылсын;

- экинчи абзацта "орун басары" деген сөздөр "орун басарлары" деген сөздөргө алмаштырылсын;

4) 15-берене төмөнкүдөй редакцияда баяндалсын:

"15-берене. Бишкек шаардык кеңешинин компетенциясы

1. Бишкек шаардык кеңешинин компетенциясы "Жергиликтүү мамлекеттик администрация жана жергиликтүү өз алдынча башкаруу органдары жөнүндө" Кыргыз Республикасынын Мыйзамы, ушул Мыйзам жана Бишкек шаарынын Уставы менен аныкталат.

2. Бишкек шаардык кеңешинин компетенциясына "Жергиликтүү мамлекеттик администрация жана жергиликтүү өз алдынча башкаруу органдары жөнүндө" Кыргыз Республикасынын Мыйзамында каралгандардан тышкары, төмөнкүлөр кирет:

1) муниципалдык кызмат көрсөтүүлөргө тарифтерди бекитүү;

2) шаардын аймактык түзүлүшүнүн тартибин бекитүү, администрациялык райондорду атоо, кайра атоо, ошондой эле алардын чек араларын белгилөө жана өзгөртүү жана алардын башкаруу органдарын күтүү;

3) шаардын аймагында көрктөндүрүү, соода, тышкы жарнакты жана маалыматтарды жайгаштыруу эрежелерин бекитүү;

4) шаардын аймагында үй жаныбарларын кармоонун жана мал жаюунун эрежелерин бекитүү.

3. Бишкек шаардык кеңешинин сессияларында жалпы кызыкчылык туудурган иш-чараларды жүзөгө ашыруу же иштерди аткаруу үчүн ата мекендик жана чет өлкөлүк чарба жүргүзүүчү субъекттер жана коомдук уюмдар менен кызматташуу жөнүндө маселелер чечилиши мүмкүн.";

5) 18-беренеде:

а) 1-бөлүктө "башчылык кылган" деген сөздөр "башында турган" деген сөздөргө алмаштырылсын;

б) 2-бөлүктө "башкаруунун" деген сөз "ыйгарым укуктардын" деген сөздөргө алмаштырылсын;

в) 3-бөлүктө "шайлануучу" деген сөз "дайындалуучу" деген сөзгө алмаштырылсын;

6) 19-берене төмөнкүдөй редакцияда баяндалсын:

"19-берене. Бишкек шаарынын мэриясынын түзүмү

1. Бишкек шаарынын мэриясынын түзүмүн жана штаттык ырааттамасын Кыргыз Республикасынын Министрлер Кабинети тарабынан бекитилүүчү типтүү түзүмдүн жана штаттык ырааттаманын негизинде Бишкек шаарынын мэри бекитет.

2. Бишкек шаарынын мэриясынын карамагында ал уюштуруучу жана/же анын карамагына берилүүчү уюмдар, ишканалар, фонддор жана мекемелер болушу мүмкүн.";

7) 20-беренеде:

а) биринчи абзацта "Жергиликтүү өз алдынча башкаруу жөнүндө" деген сөздөр "Жергиликтүү мамлекеттик администрация жана жергиликтүү өз алдынча башкаруу органдары жөнүндө" деген сөздөргө алмаштырылсын;

б) 11-пунктта "администрациялык укук бузууларды кароо жана администрациялык жоопкерчиликке тартуу" деген сөздөр "укук бузууларды кароо жана жоопкерчиликке тартуу" деген сөздөргө алмаштырылсын;

в) 19-пунктта "кеңешмелерди" деген сөз "комиссияларды" деген сөзгө алмаштырылсын;

8) 21-23-беренелер төмөнкүдөй редакцияда баяндалсын:

"21-берене. Бишкек шаарынын мэринин ыйгарым укуктары

1. "Жергиликтүү мамлекеттик администрация жана жергиликтүү өз алдынча башкаруу органдары жөнүндө" Кыргыз Республикасынын Мыйзамында белгиленген ыйгарым укуктарынан тышкары, Бишкек шаарынын мэри:

1) чарбалык иштерди жүзөгө ашыруу жана жергиликтүү маанидеги маселелерди чечүү үчүн белгиленген тартипте түзүмдүк бөлүмдөрдү түзөт;

2) шаардын аймактык түзүлүшү боюнча сунуштарды Бишкек шаардык кеңешинин бекитүүсүнө киргизет;

3) биринчи орун басарды (орун басарды), шаардын турмуш-тиричилигин камсыз кылуучу муниципалдык уюмдардын жана мекемелердин жетекчилерин дайындайт, ошондой эле ушул Мыйзамда белгиленген тартипте аларды кызмат орундарынан бошотот;

4) мэрдин биринчи орун басарына (орун басарына) алар тескеген маселелер боюнча ыйгарым укуктарды берет;

5) администрациялык райондордун башчыларын кызмат ордуна дайындайт жана кызмат ордунан бошотот;

6) администрациялык райондун башчысынын сунуштамасы боюнча администрациялык райондун башчысынын орун басарларын кызмат ордуна дайындайт жана кызмат ордунан бошотот;

7) мамлекеттик-жеке өнөктөштүк долбоорлорун издөөнү, демилгелөөнү жүзөгө ашырат, мамлекеттик-жеке өнөктөштүк жөнүндө Кыргыз Республикасынын мыйзамдарына ылайык мамлекеттик-жеке өнөктөштүк жөнүндө макулдашууларды түзөт жана аларды ишке ашырууну камсыз кылат.

22-берене. Бишкек шаарынын мэри кызмат ордуна талапкерге коюлуучу талаптар

1. Бишкек шаарынын мэринин кызмат ордун жогорку билими, мамлекеттик жана/же муниципалдык кызмат орундарда жыйындысында 10 жылдан кем эмес, анын ичинде жетекчилик кызмат орундарында 5 жылдык иш стажы бар адамдар, же болбосо мамлекеттик кызматта жана муниципалдык кызматта 15 жылдан кем эмес иш стажы бар адамдар, же болбосо мамлекеттик кызматта же муниципалдык кызматта иштөө менен байланышпаган чөйрөлөрдө 10 жылдан кем эмес жетекчилик иш тажрыйбасы бар адамдар ээлей алат.

2. Бишкек шаарынын мэри кызмат ордуна талапкер кесиптик ишти жүзөгө ашыруу үчүн мамлекеттик тилди тиешелүү деңгээлде билүүгө тийиш, бул деңгээл Кыргыз Республикасынын Министрлер Кабинети тарабынан бекитилүүчү "Кыргызтесттин" мамлекеттик тилди билүү деңгээлин аныктоо тутумунун талаптарына ылайык "ортодон жогорку" деңгээл катары мүнөздөлөт. Тилди билүүнүн деңгээли белгиленген үлгүдөгү сертификат (мындан ары - мамлекеттик тилди билүү деңгээли жөнүндө сертификат) менен ырасталат.

Мамлекеттик тилди билүү деңгээли жөнүндө сертификат тестирлөөнүн жыйынтыктары боюнча мамлекеттик тилди билүү деңгээлине баа берүү чөйрөсүндөгү ыйгарым укуктуу мамлекеттик орган тарабынан берилет.

3. Төмөнкүдөй адам мэр боло албайт:

1) Кыргыз Республикасынын жараны болуп саналбаган;

2) башка мамлекеттин жарандыгы бар;

3) ушул берененин 1 жана 2-бөлүктөрүндө белгиленген талаптарга ылайык келбеген;

4) соттун чечими менен аракетке жөндөмсүз же аракетке жөндөмдүүлүгү чектелген деп таанылган же болбосо муниципалдык кызматчы катары ишти жүзөгө ашырууга же муниципалдык кызмат орундарын ээлөөгө соттун чечими менен тыюу салынган;

5) ушул бөлүктүн 6-пунктунда каралган учурларды кошпогондо, мыйзамдарда белгиленген тартипте жоюлбаган соттуулугу бар;

6) соттуулугу жоюлгандыгына же алып салынгандыгына карабастан, мамлекеттик жана муниципалдык кызматтын кызыкчылыктарына каршы коррупциялык жана башка кылмыштарды жасагандыгы үчүн соттуулугу бар;

7) ага карата ушул бөлүктүн 6-пунктунда көрсөтүлгөн кылмыштар боюнча кылмыш иши реабилитацияланбаган негиздер боюнча кыскартылган.

23-берене. Мэрди кызмат ордуна дайындоонун жана кызмат ордунан бошотуунун тартиби

1. Шаардын мэри Кыргыз Республикасынын Президенти тарабынан кадрлар резервинде турган адамдардын ичинен белгиленген тартипте дайындалат.

2. Мэрдин ыйгарым укуктарынын мөөнөтү - 5 жыл.

3. Мэрдин ыйгарым укуктары шаардык кеңештин же Кыргыз Республикасынын Президентинин ыйгарым укуктарынын мөөнөтүнө көз каранды эмес.

4. Бишкек шаарынын мэри ээлеген кызмат ордунан Кыргыз Республикасынын Президенти тарабынан төмөнкүдөй учурларда бошотулушу мүмкүн:

1) жеке арызынын негизинде;

2) мыйзамдарды, Кыргыз Республикасынын Президентинин жана Кыргыз Республикасынын Министрлер Кабинетинин ченемдик укуктук актыларын аткарбагандыгы же талаптагыдай эмес аткаргандыгы үчүн;

3) соттун мыйзамдуу күчүнө кирген айыптоо өкүмүнүн негизинде;

4) сот тарабынан ал аракетке жөндөмсүз деп таанылган учурда;

5) аны өлдү, дайынсыз жоголду деп жарыялоо жөнүндө соттун чечими мыйзамдуу күчүнө кирген, ошондой эле ал каза болгон учурда;

6) Кыргыз Республикасынын чегинен тышкары жактарга туруктуу жашоо үчүн чыгып кеткен учурда;

7) Кыргыз Республикасынын жарандыгынан чыккан же чет мамлекеттин жарандыгын алган учурда;

8) эмгекке туруктуу жөндөмсүздүгүнүн натыйжасында өзүнүн кызматтык милдеттерин аткарууга мүмкүн болбогон учурда;

9) шаардык кеңештин депутаттарынын жалпы санынын үчтөн экисинин добушу менен ишеним көрсөтүлбөгөн учурда;

10) анын иши кабыл алынган чечимдерге жана саясий жетекчилик тарабынан жүргүзүлүп жаткан саясатка шайкеш келбегенде;

11) ишенимди жоготкондо;

12) тараптардын эркине көз каранды эмес жагдайлар боюнча.

5. Мэр кызмат ордунан бошотулган учурда, анын милдеттери жаңы мэр дайындалганга чейин мэрдин биринчи орун басарына жүктөлөт.

Мэрдин биринчи орун басарынын кызмат орду жок болгон учурда, мэрдин милдеттери мэрдин орун басарына жүктөлөт.";

9) 24-26-беренелер күчүн жоготту деп таанылсын;

10) 27-берене төмөнкүдөй редакцияда баяндалсын:

"27-берене. Бишкек шаарынын мэринин орун басарлары

1. Бишкек шаарынын мэринин биринчи орун басары (орун басарлары) мэр тарабынан өз алдынча дайындалат.

2. Шаардын мэринин биринчи орун басары (орун басарлары) кадрлар резервинде турган адамдардын ичинен дайындалат.

3. Мэрдин биринчи орун басары мэр жок мезгилде анын ордун ээлеп турат жана мэр тарабынан жүктөлгөн милдеттерди аткарат. Мэрдин орун басары мэр жүктөгөн милдеттерди аткарат жана биринчи орун басардын кызмат орду жок болгон учурда анын ордун ээлейт.

4. Мэрдин биринчи орун басары (орун басарлары) өзүнүн ыйгарым укуктарын жүзөгө ашыргандыгы үчүн мэрдин алдында жоопкерчилик тартат.";

11) 30-берененин 3-бөлүгүндө "Өкмөтү" деген сөз "Министрлер Кабинети" деген сөздөргө алмаштырылсын.

2-берене.

"Ош шаарынын статусу жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2013-ж., № 11, 1238-ст.) төмөнкүдөй өзгөртүүлөр киргизилсин:

1) 2-беренеде, 7-берененин 3-бөлүгүндө, 8-берененин 1-бөлүгүндө "Жергиликтүү өз алдынча башкаруу жөнүндө" деген сөздөр "Жергиликтүү мамлекеттик администрация жана жергиликтүү өз алдынча башкаруу органдары жөнүндө" деген сөздөргө алмаштырылсын;

2) 5-берененин биринчи абзацында "Кыргыз Республикасынын Өкмөтү" деген сөздөр "Кыргыз Республикасынын Президенти жана Кыргыз Республикасынын Министрлер Кабинети" деген сөздөргө алмаштырылсын;

3) 14-беренеде:

а) 1-бөлүктө "анын орун басарынан" деген сөздөр "эки орун басарынан" деген сөздөргө алмаштырылсын;

б) 2-бөлүктө "орун басары" деген сөздөр "орун басарлары" деген сөздөргө алмаштырылсын;

в) 3-бөлүктө "орун басарын" деген сөздөр "орун басарларын" деген сөздөргө алмаштырылсын;

г) 4-бөлүктө:

- биринчи абзацта "орун басарынын" деген сөздөр "орун басарларынын" деген сөздөргө алмаштырылсын;

- экинчи абзацта "орун басары" деген сөздөр "орун басарлары" деген сөздөргө алмаштырылсын;

4) 15-берене төмөнкүдөй редакцияда баяндалсын:

"15-берене. Ош шаардык кеңешинин компетенциясы

1. Ош шаардык кеңешинин компетенциясы "Жергиликтүү мамлекеттик администрация жана жергиликтүү өз алдынча башкаруу органдары жөнүндө" Кыргыз Республикасынын Мыйзамы, ушул Мыйзам жана шаардын Уставы менен аныкталат.

2. Шаардык кеңештин компетенциясына "Жергиликтүү мамлекеттик администрация жана жергиликтүү өз алдынча башкаруу органдары жөнүндө" Кыргыз Республикасынын Мыйзамында каралгандардан тышкары төмөнкүлөр кирет:

1) муниципалдык кызмат көрсөтүүлөргө тарифтерди бекитүү;

2) шаардын аймактык түзүлүшүнүн тартибин бекитүү, администрациялык райондорду атоо, кайра атоо, ошондой эле алардын чек араларын белгилөө жана өзгөртүү жана алардын башкаруу органдарын күтүү;

3) шаардын аймагында көрктөндүрүү, соода, тышкы жарнакты жана маалыматтарды жайгаштыруу эрежелерин бекитүү;

4) шаардын аймагында үй жаныбарларын кармоонун жана мал жаюунун эрежелерин бекитүү.

3. Шаардык кеңештин сессияларында жалпы кызыкчылык туудурган иш-чараларды жүзөгө ашыруу же иштерди аткаруу үчүн ата мекендик жана чет өлкөлүк чарба жүргүзүүчү субъекттер жана коомдук уюмдар менен кызматташуу жөнүндө маселелер чечилиши мүмкүн.";

5) 18-беренеде:

а) 1-бөлүктө "жетектеген" деген сөз "башында турган" деген сөздөргө алмаштырылсын;

б) 2-бөлүктө "башкаруунун" деген сөз "ыйгарым укуктарынын" деген сөздөргө алмаштырылсын;

в) 3-бөлүктө "шайлануучу" деген сөз "дайындалуучу" деген сөзгө алмаштырылсын;

6) 19-берене төмөнкүдөй редакцияда баяндалсын:

"19-берене. Ош шаарынын мэриясынын түзүмү

1. Ош шаарынын мэриясынын түзүмүн жана штаттык ырааттамасын Кыргыз Республикасынын Министрлер Кабинети тарабынан бекитилүүчү типтүү түзүмдүн жана штаттык ырааттаманын негизинде Ош шаарынын мэри бекитет.

2. Ош шаарынын мэриясынын карамагында ал уюштуруучу жана/же анын карамагына берилүүчү уюмдар, ишканалар, фонддор жана мекемелер болушу мүмкүн.";

7) 20-беренеде:

а) биринчи абзацта "Жергиликтүү өз алдынча башкаруу жөнүндө" деген сөздөр "Жергиликтүү мамлекеттик администрация жана жергиликтүү өз алдынча башкаруу органдары жөнүндө" деген сөздөргө алмаштырылсын;

б) 11-пунктта "администрациялык укук бузууларды кароо жана администрациялык жоопкерчиликке тартуу" деген сөздөр "укук бузууларды кароо жана жоопкерчиликке тартуу" деген сөздөргө алмаштырылсын;

8) 21-23-беренелер төмөнкүдөй редакцияда баяндалсын:

"21-берене. Ош шаарынын мэринин ыйгарым укуктары

"Жергиликтүү мамлекеттик администрация жана жергиликтүү өз алдынча башкаруу органдары жөнүндө" Кыргыз Республикасынын Мыйзамында белгиленген ыйгарым укуктарынан тышкары, Ош шаарынын мэри:

1) чарбалык иштерди жүзөгө ашыруу жана жергиликтүү маанидеги маселелерди чечүү үчүн белгилеген тартипте түзүмдүк бөлүмдөрдү түзөт;

2) шаардын аймактык түзүлүшү боюнча сунушту шаардык кеңештин бекитүүсүнө киргизет;

3) биринчи орун басарды (орун басарды), шаардын турмуш-тиричилигин камсыз кылуучу муниципалдык уюмдардын жана мекемелердин жетекчилерин дайындайт, ошондой эле ушул Мыйзамда белгиленген тартипте аларды кызмат орундарынан бошотот;

4) мэрдин биринчи орун басарына (орун басарына) алар тескеген маселелер боюнча ыйгарым укуктарды берет;

5) администрациялык райондордун башчыларын кызмат ордуна дайындайт жана кызмат ордунан бошотот;

6) администрациялык райондун башчысынын сунуштамасы боюнча администрациялык райондун башчысынын орун басарларын кызмат ордуна дайындайт жана кызмат ордунан бошотот;

7) мамлекеттик-жеке өнөктөштүк долбоорлорун издөөнү, демилгелөөнү жүзөгө ашырат, мамлекеттик-жеке өнөктөштүк жөнүндө Кыргыз Республикасынын мыйзамдарына ылайык мамлекеттик-жеке өнөктөштүк жөнүндө макулдашууларды түзөт жана аларды ишке ашырууну камсыз кылат.

22-берене. Ош шаарынын мэри кызмат ордуна талапкерге коюлуучу талаптар

1. Ош шаарынын мэринин кызмат ордун жогорку билими, мамлекеттик жана/же муниципалдык кызмат орундарында жыйындысында 10 жылдан кем эмес, анын ичинде жетекчилик кызмат орундарында 5 жылдык иш стажы бар адамдар, же болбосо мамлекеттик кызматта жана муниципалдык кызматта 15 жылдан кем эмес иш стажы бар адамдар, же болбосо мамлекеттик кызматта же муниципалдык кызматта иштөө менен байланышпаган чөйрөлөрдө 10 жылдан кем эмес жетекчилик иш тажрыйбасы бар адамдар ээлей алат.

2. Ош шаарынын мэри кызмат ордуна талапкер кесиптик ишти жүзөгө ашыруу үчүн мамлекеттик тилди тиешелүү деңгээлде билүүгө тийиш, бул деңгээл Кыргыз Республикасынын Министрлер Кабинети тарабынан бекитилүүчү "Кыргызтесттин" мамлекеттик тилди билүү деңгээлин аныктоо тутумунун талаптарына ылайык "ортодон жогорку" деңгээл катары мүнөздөлөт. Тилди билүүнүн деңгээли белгиленген үлгүдөгү сертификат (мындан ары - мамлекеттик тилди билүү деңгээли жөнүндө сертификат) менен ырасталат.

Мамлекеттик тилди билүү деңгээли жөнүндө сертификат тестирлөөнүн жыйынтыктары боюнча мамлекеттик тилди билүү деңгээлине баа берүү чөйрөсүндөгү ыйгарым укуктуу мамлекеттик орган тарабынан берилет.

3. Төмөнкүдөй адам мэр боло албайт:

1) Кыргыз Республикасынын жараны болуп саналбаган;

2) башка мамлекеттин жарандыгы бар;

3) ушул берененин 1 жана 2-бөлүктөрүндө белгиленген талаптарга ылайык келбеген;

4) соттун чечими менен аракетке жөндөмсүз же аракетке жөндөмдүүлүгү чектелген деп таанылган же болбосо муниципалдык кызматчы катары ишти жүзөгө ашырууга же муниципалдык кызмат орундарын ээлөөгө соттун чечими менен тыюу салынган;

5) ушул бөлүктүн 6-пунктунда каралган учурларды кошпогондо, мыйзамдарда белгиленген тартипте жоюлбаган соттуулугу бар;

6) соттуулугу жоюлгандыгына же алып салынгандыгына карабастан, мамлекеттик жана муниципалдык кызматтын кызыкчылыктарына каршы коррупциялык жана башка кылмыштарды жасагандыгы үчүн соттуулугу бар;

7) ага карата ушул бөлүктүн 6-пунктунда көрсөтүлгөн кылмыштар боюнча кылмыш иши реабилитацияланбаган негиздер боюнча кыскартылган.

23-берене. Мэрди кызмат ордуна дайындоонун жана кызмат ордунан бошотуунун тартиби

1. Шаардын мэри Кыргыз Республикасынын Президенти тарабынан кадрлар резервинде турган адамдардын ичинен белгиленген тартипте дайындалат.

2. Мэрдин ыйгарым укуктарынын мөөнөтү - 5 жыл.

3. Мэрдин ыйгарым укуктары шаардык кеңештин же Кыргыз Республикасынын Президентинин ыйгарым укуктарынын мөөнөтүнө көз каранды эмес.

4. Ош шаарынын мэри ээлеген кызмат ордунан Кыргыз Республикасынын Президенти тарабынан төмөнкүдөй учурларда бошотулушу мүмкүн:

1) жеке арызынын негизинде;

2) мыйзамдарды, Кыргыз Республикасынын Президентинин жана Кыргыз Республикасынын Министрлер Кабинетинин ченемдик укуктук актыларын аткарбагандыгы же талаптагыдай эмес аткаргандыгы үчүн;

3) соттун мыйзамдуу күчүнө кирген айыптоо өкүмүнүн негизинде;

4) сот тарабынан ал аракетке жөндөмсүз деп таанылган учурда;

5) аны өлдү, дайынсыз жоголду деп жарыялоо жөнүндө соттун чечими мыйзамдуу күчүнө кирген, ошондой эле ал каза болгон учурда;

6) Кыргыз Республикасынын чегинен тышкары жактарга туруктуу жашоо үчүн чыгып кеткен учурда;

7) Кыргыз Республикасынын жарандыгынан чыккан же чет мамлекеттин жарандыгын алган учурда;

8) эмгекке туруктуу жөндөмсүздүгүнүн натыйжасында өзүнүн кызматтык милдеттерин аткарууга мүмкүн болбогон учурда;

9) шаардык кеңештин депутаттарынын жалпы санынын үчтөн экисинин добушу менен ишеним көрсөтүлбөгөн учурда;

10) анын иши кабыл алынган чечимдерге жана саясий жетекчилик тарабынан жүргүзүлүп жаткан саясатка шайкеш келбегенде;

11) ишенимди жоготкондо;

12) тараптардын эркине көз каранды эмес жагдайлар боюнча.

5. Мэр кызмат ордунан бошотулган учурда, анын милдеттери жаңы мэр дайындалганга чейин мэрдин биринчи орун басарына жүктөлөт.

Мэрдин биринчи орун басарынын кызмат орду жок болгон учурда, мэрдин милдеттери мэрдин орун басарына жүктөлөт.";

9) 24-26-беренелер күчүн жоготту деп таанылсын;

10) 27-берене төмөнкүдөй редакцияда баяндалсын:

"27-берене. Ош шаарынын мэринин орун басарлары

1. Ош шаарынын мэринин биринчи орун басары (орун басарлары) мэр тарабынан өз алдынча дайындалат.

2. Шаардын мэринин биринчи орун басары (орун басарлары) кадрлар резервинде турган адамдардын ичинен дайындалат.

3. Мэрдин биринчи орун басары мэр жок мезгилде анын ордун ээлеп турат жана мэр тарабынан жүктөлгөн милдеттерди аткарат. Мэрдин орун басары мэр жүктөгөн милдеттерди аткарат жана биринчи орун басардын кызмат орду жок болгон учурда анын ордун ээлейт.

4. Мэрдин биринчи орун басары (орун басарлары) өзүнүн ыйгарым укуктарын жүзөгө ашыргандыгы үчүн мэрдин алдында жоопкерчилик тартат.";

11) 30-берененин 3-бөлүгүндө "Өкмөтү" деген сөз "Министрлер Кабинети" деген сөздөргө алмаштырылсын.

3-берене.

Ушул Мыйзам расмий жарыяланган күндөн тартып күчүнө кирет.

"Эркин-Тоо" мамлекетик расмий газетасынын 2025-жылдын 15-июлундагы № 52 (3708) жарыяланды

Кыргыз Республикасынын Министрлер Кабинети өз чечимдерин ушул Мыйзамга ылайык келтирсин.