КАРАКОЛ ШААРДЫК КЕҢЕШИ

XXIX чакырылышынын кезексиз VIII сессиясы

ТОКТОМ   

16-июль 2025-жыл  №29-8/1

«Каракол шаарынын билим берʏʏ мекемелеринде эмгектенген мугалимдерине, окуучуларына бир жылда бир жолу берилʏʏчʏ акчалай сыйакы жѳнʏндѳгʏ» Жобону бекитʏʏ жѳнʏндѳ

         Каракол шаарынын билим берʏʏ бѳлʏмʏнʏн башчысы А.Токтакунованын маалыматын угуп жана талкуулап, Каракол шаардык Кенешинин билим берʏʏ, саламаттыкты сактоо, маданият, социалдык жана дин маселелери боюнча туруктуу комиссиясынын корутундусун эске алуу менен, Каракол шаардык кенешинин XXIX чакырылышынын кезексиз VIII сессиясы,

                                                                   токтом кылат:

1. «Каракол шаарынын билим берʏʏ мекемелеринде эмгектенген мугалимдерине, окуучуларына бир жылда бир жолу берилʏʏчʏ акчалай сыйакы жѳнʏндѳгʏ» Жобобекитилсин. (№1 тиркеме).
2. Токтом ММКларда жарыялансын.
3. Бул токтом Мамлекеттик ченемдик укуктук актыларынын реестрине киргизʏʏ ʏчʏн областтык юстиция башкармалыгына жиберилсин.
4. Токтомдун аткарылышына кѳзѳмѳл жʏргʏзʏʏ Каракол шаарынын биринчи вице-мэрине жʏктѳлсʏн.

      Тѳраганын биринчи орун басары                    Б.Ш.Курманов

­ Каракол шаарынын депуттатар Кеңешинин

2025-жылдын 16 июлунун №29-8/1 токтомунун

№1 тиркемеси

Каракол шаарынын билим берүү мекемелеринде эмгектенген мугалимдерине, окуучуларына бир жылда бир жолу берилүүчү акчалай сыйлык жѳнүндѳ

ЖОБО

1. Жалпы жоболор.

-Бул Жобо Каракол шаарынын билим берүү мекемелеринде эмгектенген, билим алган, кароо сынактарда алдыңкы орундарды камсыз кылган мугалим, окуучуларга бир окуу жылында бир жолу берилүүчү акчалай сыйлыктардын ѳлчѳмүн, аны дайындоонун жана тѳлѳп берүүнүн тартибин аныктайт.

- Каракол шаарынын билим берүү мекемелеринде эмгектенген, билим алган кароо сынактарда алдыңкы орундарда камсыз кылган мугалим, окуучуларды сыйлоого акчалай сыйлыктар жергиликтүү бийлик органынын тийиштүү жылга каралган каражатынан берилет.

-Жободо кѳрсѳтүлгѳн сынактарда алдыңкы орундарды камсыз кылган мугалим, окуучу, билим берүү мекемелери сыйлыктын ээси боло алат.

1. Сыйлыктардын түрлѳрү жана берүүнүн тартиби.

-Сыйлыктын ѳлчѳмү окуу жылы ичинде мугалим, окуучу, билим берүү мекемеси кѳрсѳткѳн натыйжаларга жараша, жергиликтүү бийлик органынын бюджеттик каржыланышынын чегинде белгиленет жана мугалим, окуучу, билим берүү мекемелерине бир окуу жылында бир эле жолу берилет.

-Сыйлыктар улуттук, эл аралык, предметтик олимпиада (интеллектуалдык), Алтын сертификат, жылдын мыкты билим берүү мекемеси категорияларына берилет.

1. Сыйлыкты дайындоонун критерийи.

Сыйлыктар бир окуу жылдык мѳѳнѳткѳ дайындалат. Сыйлык Каракол шаардык билим берүү бѳлүмү тарабынан жүргүзүлгѳн мониторингдин жыйынтыгы менен ушул Жобонун 4-бѳлүгүндѳ кѳрсѳтүлгѳн сынактардын деңгээлине ылайык берилет.

1. Сыйлыктын ээлерин аныктоо, берүү тартиби:

1. Сыйлыкка талапкерди аныктоо үчүн зарыл болгон документтердин тизмеси:

-Сыйлыкка кѳрсѳтүү боюнча жалпы билим берүү мекемесинин арызы;

-Сыйлыкка ээ болгондугун тастыктоочу диплом, грамотанын кѳчүрмѳсү;

-Сыйлык алуучунун ѳздүгүн тастыктоочу документинин кѳчүрмѳсү;

1. Сыйлыктарга кимдерди кѳрсѳтүүгѳ болот:

-Сыйлыктарга Каракол шаарынын мектептеринде окуган окуучуларды, иштеген мугалимдерди гана кѳрсѳтүүгѳ болот;

1. Cыйлыктарга кимдерди кѳрсѳтүүгѳ болбойт:

-Мурунку жылдын жеңүүчүлѳрү.

1. Cыйлыктарды берүүгѳ карата сынактардын тизмеси:

-Республикалык олимпиаданын IV этабынын жеңүүчүлѳрү;

-Республикалык олимпиаданын IV этабынын жеңүүчүсү чыккан мектеп (чыккан предметке карата кабинет жабдуу);

-Улуттук олимпиаданын жеңүүчүлѳрү;

-“Алтын сертификат” ээлери;

-Жалпы республикалык тестирлѳѳдѳ 190 балл (жалпы билим берүү мектептери үчүн) кѳрсѳткүчтү кѳрсѳткѳн бүтүрүүчүлѳр;

-Предметтер боюнча Эл аралык олимпиаданын жеңүүчүлѳрү;

-Шахмат оюндары боюнча Эл аралык деңгээлде  мелдештердин жеңүүчүлѳрү;

- Sprachdiplom, Флекс Эл аралык кароо сынактарынын жеңүүчүсү;

-“Манас таануу” интеллектуалдык таймашынын Республикалык турунун жеңүүчү командасы;

-Жылдын жыйынтыгы менен биринчи орунду камсыз кылган мектеп;

-Республикалык деңгээлде кароо сынактардын жеңүүчүсү табылган мектепке чейинки билим берүү уюму.

1. Cыйлыктар тѳмѳнкү учурларда берилбейт:

-Окуу жылы аягына карата Каракол шаарынын билим берүү мекемелеринде билим албаган, иштебеген жарандарга.

1. Каракол шаарынын билим берүү мекемелеринин окуучуларын, педагогдорду, билим берүү мекемесин сыйлоо ѳлчѳмү

Сыйлоого керектелүүчү чыгымдар бөлүнгөн акча каражатынын эсебинен каралсын.