САЛАМ-АЛИК АЙЫЛДЫК КЕҢЕШИ

ТОКТОМ

Салам-Алик айыл аймагынын айылдык кеңешинин сегизинчи чакырылышынын депутаттарынын кезектеги 4- сессиясы

2025-жылдын 10-апрели № 22

Салам-Алик айыл аймагынын айыл өкмөтүнүн аймагындагы Салам-Алик айылындагы “Жазы” дарыясынын жээгинен балык өстүрүүгө жер аянтын бөлүп берүү жөнүндө

Кыргыз Республикасынын Жер кодексинин 90-жана 92-беренелерин жетекчиликке алып, “Жергиликтүү мамлекеттик администрация жана жергиликтүү өз алдынча башкаруу жөнүндө” Кыргыз Республикасынын Мыйзамынын 34-беренесине ылайык, Салам-Алик айыл аймагынын айыл өкмөтүнүн аймагындагы Салам-Алик айылындагы “Жазы” дарыясынын жээгинен балык өстүрүүгө жер аянтын бөлүп берүү жөнүндөгү Салам-Алик айылынын тургуну Курманбаев Аскатбектин Салам-Алик айыл аймагынын айылдык кеңешинин төрагасына жазган 2025-жылдын 8-апрелиндеги арызын карап, Салам-Алик айыл аймагынын айылдык кеңеши токтом кылат

1.Салам-Алик айылынын тургуну Курманбаев Аскатбектин Салам-Алик айыл өкмөтүндөгү “Жазы” дарыясынын жээгинен балык өстүрүү үчүн 1,0 га жер аянты 5 (беш) жылдык мөөнөт менен убактылуу бөлүп берүүгө макулдук берилсин.

2. Бул токтомдон келип чыккан иш-аракеттерди камсыз кылуу жагы жана балык өстүрүү үчүн бөлүнө турган жердин максаттуу багытын аныктап, тиешелүү органдардын корутундусу менен юридикалык документтерди даярдап, Мыйзам талаптарына ылайык келтирүү жагы Салам-Алик айыл өкмөтүнүн жер жана жерге жайгаштыруу боюнча башкы адиси Ж.Нуралиевке тапшырылсын.

3. Балык чарбасы уюштурулуп, ишке киргенден кийин айыл аймагындагы бала-бакчаларды балык менен камсыздоо жагы эки тараптуу келишимде көрсөтүлсүн.

4.Токтомдун аткарылышын көзөмөлдөө жагы айыл-суу, мал чарба, жер, токой, экология, өнөр жай, курулуш, өзгөчө кырдаал, тоо кен, маалымат, транспорт, байланыш, энергетика тармактары боюнча Салам-Алик айылдык кеңешинин туруктуу комиссиясына жүктөлсүн.