АЛЕКСАНДРОВКА АЙЫЛ АЙМАГЫНЫН АЛЕКСАНДРОВКА АЙЫЛДЫК КЕҢЕШИ

ТОКТОМ

Александровка айылдык кеңешинин XXIX-чакырылышынын 16-сессиясы

2023-жылдын 19-январы №67

Александровка айыл аймагында үй-бүлөлүк салтанаттарды

жана өлгөндү эске алуу ырым-жырымдарын өткөрүүнүн тартиби

жөнүндөгү Жобосуна өзгөртүүлөрдү киргизүү жөнүндө

Кыргыз Республикасынын Президентинин 2022-жылдын 24-февралындагы №54 “Кыргыз Республикасында үй-бүлөлүк салтанаттарды жана маркумду эскерүү үрп-адаттарын тартипке келтирүү боюнча чаралар жөнүндө” Жарлыгынын, Кыргыз Республикасынын “Кыргыз Республикасынын ченемдик укуктук актылар жөнүндө” мыйзамынын негизинде

Александровка айылдык кеңеши токтом кылат :

1. Александровка айылдык кеңешинин XXVIII-чакырылышынын 2022-жылдын 25-мартындагы №17-токтому менен бекитилген Александровка айыл аймагында үй-бүлөлүк салтанаттарды жана өлгөндү эске алуу ырым-жырымдарын өткөрүүнүн тартиби жөнүндөгү Жобосунун 3.1 пунктуна өзгөртүүлөр жана толуктоолор киргизилип төмөнкүдөй окулсун:

- Ымыркай төрөлгөнүнө, бир жашка толгонуна, сүннөткө отургузууга, үйлөнүүгө, куда тосууга байланышкан үй-бүлөлүк салтанаттарды ж.б. иш-чараларды өзүнүн мүмкүнчүлүгүнө жана ири акча каражаттарын чыгымбастан өткөрүүгө уруксат.

2. Ушул токтомдун аткарылышына көзөмөл жүргүзүү Александровка айыл өкмөтүнүн башчысы Н.А.Султаналиевке жүктөлсүн.