Кыргыз Республикасынын белгилүү бир аңчылык жерлеринде мергенчилик чарба ишин жүргүзүү укугун юридикалык жактарга берүүгө конкурс өткөрүү тартиби жөнүндө ЖОБО

1-глава Жалпы жоболор

1. Кыргыз Республикасынын белгилүү бир аңчылык жерлеринде мергенчилик чарба ишин жүргүзүү укугун юридикалык жактарга берүүгө конкурс өткөрүү тартиби жөнүндө жобо (мындан ары - Жобо) конкурсту өткөрүү тартибин, мергенчилик чарба ишин жүргүзүү жөнүндө келишимдин типтүү формасын жана аны түзүү жана бузуу тартибин белгилейт.

2. Бул Жободо төмөнкүдөй түшүнүктөр колдонулат:

1) мергенчилик чарба иши - аңчылык жерлеринде аңчылык жаныбарларын сактоо жана туруктуу пайдалануу, аларды көбөйтүү жана аңчылык жерлеринин өнүмдүүлүгүн жогорулатуу боюнча чарбалык иштин түрү;

2) аңчылык жерлери - юридикалык жактарга мергенчилик чарба ишин жүргүзүү укугу берилиши мүмкүн болгон аңчылык жаныбарларынын жашоо чөйрөсү катары кызмат кылуучу белгилүү чектери бар аймактар же акваториялар;

3) аңчылык ресурстары - аңчылык жаныбарларынын түрдүк жана сандык жыйындысы;

4) аңчылыкты пайдалануучу - аңчылык жана мергенчилик чарбасы чөйрөсүндө ыйгарым укуктуу мамлекеттик орган (мындан ары - ыйгарым укуктуу орган) менен түзүлгөн мергенчилик чарба ишин жүргүзүү жөнүндө Келишимге ылайык берилген белгилүү бир аңчылык жерлеринде мергенчилик чарбасын жүргүзүү укугуна ээ болгон юридикалык жак (менчигинин формасына жана уюштуруу-укуктук формасына карабастан);

5) чарбалар аралык аңчылыкты уюштуруу - мергенчилик чарба иштерин жана аны өнүктүрүүнүн артыкчылыктуу багыттарын жүзөгө ашыруу, жапайы жаныбарлардын түрлөрүн сактоо зоналарын белгилөө үчүн арналган аңчылык жерлеринин участокторунун чек араларын аныктоо боюнча иштердин комплекси;

6) мергенчилик чарба ишин жүргүзүү укугу - чарбалар аралык аңчылыкты уюштуруунун алкагында белгилүү бир аңчылык жерлерин жайгаштыруу схемасына ылайык ыйгарым укуктуу орган менен түзүлгөн мергенчилик чарба ишин жүргүзүү жөнүндө келишимдерге ылайык юридикалык жактарга (аңчылыкты пайдалануучуларга) белгилүү бир аңчылык жерлерин берүү;

7) атайын конкурстук комиссия - белгилүү бир аңчылык жерлеринде мергенчилик чарба ишин жүргүзүү укугун берүүгө конкурсту уюштуруу жана өткөрүү үчүн ыйгарым укуктуу орган тарабынан түзүлгөн комиссия;

8) мергенчилик чарба ишин жүргүзүү жөнүндө келишим - укуктук мамилелерди белгилөө, өзгөртүү же токтотуу максатында белгилүү бир аңчылык жерлеринде ыйгарым укуктуу орган менен аңчылыкты пайдалануучунун ортосундагы макулдашуу.

3. Кыргыз Республикасынын белгилүү бир аңчылык жерлеринде мергенчилик чарба ишин жүргүзүү укугу юридикалык жактарга (аңчылыкты пайдалануучуларга) конкурстук негизде берилет.

4. Кыргыз Республикасынын аңчылык жерлери төмөнкүлөргө бөлүнөт:

1) кимдир бирөөгө мергенчилик чарба ишин жүргүзүү укугу белгиленген тартипте берилген аңчылык жерлери;

2) кимдир бирөөгө мергенчилик чарба ишин жүргүзүү укугу берилбеген аңчылык жерлери (бош аңчылык жерлери).

5. Ыйгарым укуктуу орган мамлекеттик аңчылыкты жайгаштыруу уюмунун/мекемесинин жана Кыргыз Республикасынын Улуттук илимдер академиясынын адистерин тартуу менен (чарбалар аралык аңчылыкты уюштуруу процессинде) юридикалык жактардын мергенчилик чарба ишин жүргүзүүсү үчүн (мергенчилик чарбаларын уюштуруу) арналган аңчылык жерлеринин участокторунун чектерин жана аянттарын аныктайт.

2-глава. Белгилүү бир аңчылык жерлеринде мергенчилик чарба ишин жүргүзүү укугун юридикалык жактарга берүүгө комиссия түзүү, анын түзүмү жана укуктуулугу

6. Ыйгарым укуктуу орган конкурсту уюштуруучу болуп саналат жана тиешелүү буйрук менен атайын конкурстук комиссияны (мындан ары - комиссия) түзөт, анын ишин, конкурстарды уюштурууну жана өткөрүүнү камсыз кылат.

7. Комиссия 7 адамдан кем эмес санда түзүлөт.

8. Туруктуу негизде иштеген комиссиянын курамына добуш берүү укугу менен төмөнкүлөрдүн өкүлдөрү кирет:

- ыйгарым укуктуу органдын (комиссиянын төрагасы жана мүчөсү);

- экологиялык жана техникалык коопсуздук маселелери боюнча мамлекеттик контролду жана көзөмөлдү ишке ашыруучу ыйгарым укуктуу мамлекеттик органдын;

- мамлекеттик аңчылыкты уюштуруу уюмунун же мекемесинин;

- Кыргыз Республикасынын Улуттук илимдер академиясынын;

- аңчылыкты пайдалануучулар ассоциациясынын;

- экологиялык өкмөттүк эмес уюмдун (мындан ары - ӨЭУ);

- Кыргыз Республикасынын Президентинин ыйгарым укуктуу өкүлүнүн аппаратынын (конкурска коюлуучу аңчылык жерлеринин аймагы боюнча);

- жергиликтүү мамлекеттик администрациянын (конкурска коюлуучу мергенчилик жерлеринин аймагы боюнча).

Комиссиянын курамына ошондой эле катчы (ыйгарым укуктуу органдан, добуш берүүгө укугу жок) кирет.

Комиссиянын жыйналышына конкурс өткөрүү маселелери боюнча консультация берүү жана конкурстун катышуучуларынын сунуштарын талкуулоо үчүн ыйгарым укуктуу органдын коррупциянын алдын алуу маселелери боюнча ыйгарым укуктуу кызматкери жана конкурска коюлуучу аңчылык жерлеринин участокторунун жайгашуусуна ылайык аймактардын жергиликтүү өз алдынча башкаруу органдарынын өкүлдөрү добуш берүү укугу жок чакырылышы мүмкүн.

Конкурска катышкан комиссиянын мүчөлөрү (конкурска коюлуучу аңчылык жерлеринин аймагы боюнча) өз аймактарынын чектеринде турган аңчылык жерлеринин участокторун камтыган лоттор боюнча гана чечим кабыл алат (балл коюу, добуш берүү).

9. Комиссиянын төрагасы жок болгондо анын милдетин комиссиянын төрагасынын орун басары аткарат. Комиссиянын төрагасынын орун басары комиссиянын биринчи жыйналышында шайланат жана ыйгарым укуктуу органдын буйругу менен бекитилет.

Комиссиянын курамына кирген бардык адамдар жана комиссиянын ишине чакырылган адамдар комиссиянын ишинин купуялуулугун сактоо үчүн жоопкерчилик тартат.

10. Ыйгарым укуктуу орган өзүнүн расмий сайтында жана жалпыга маалымдоо каражаттарында (мындан ары - ЖМК) аңчылыкты пайдалануучулар ассоциацияларынан жана ӨЭУдан комиссиянын курамына талапкерлерди тандоо жөнүндө кулактандырууну жайгаштырат, ал эми ушул Жобонун 8-пунктунда көрсөтүлгөн башка уюмдардан (органдардан) комиссиянын курамына киргизүү үчүн талапкерлерди берүү жөнүндө маалыматты жазуу жүзүндө сурап алат.

Талапкерлерди тандоо жөнүндө кулактандыруу ЖМКга жарыяланган күндөн тартып талапкерлерди каттоо башталат жана 30 календардык күн өткөндөн кийин аяктайт.

Талапкерлерди тандоо аларды каттоо аяктагандан кийин 15 календардык күндүн ичинде жүргүзүлөт.

Аңчылыкты пайдалануучулар ассоциацияларынан комиссиянын курамына талапкерди тандоодо аңчылык, токой чарбасы, биология жана экология чөйрөсүндө зоологиялык багыттагы билими бар жана/же аңчылык жана мергенчилик чарбасы чөйрөсүндө беш жылдан ашык иштеген талапкерге жана каралып жаткан ассоциацияда ошол эле ассоциациянын мүчөлөрүнүн биринин түзүмдүк, аймактык же ведомстволук бөлүмдөрү болуп саналбаган, аны түзүүчү юридикалык жактардын көбүрөөк санына артыкчылык берилет.

ӨЭУдан комиссиянын курамына талапкерди тандоодо талапкер аңчылык, токой чарбасы, биология, экология чөйрөсүндө зоологиялык багыттагы билимге жана/же аңчылык жана мергенчилик чарбасы чөйрөсүндө беш жылдан ашык иш стажына ээ болууга тийиш, мында чоң иш тажрыйбасы бар адиске артыкчылык берилет.

Ушул Жобонун 8-пунктунда көрсөтүлгөн башка уюмдардан (органдардан) талапкерлердин тиешелүү уюмдардын (органдардын) иш чөйрөсүндө беш жылдан ашык иш стажы болууга тийиш.

Комиссиянын курамы ассоциациялардан жана ӨЭУдан тандалып алынган талапкерлердин, ошондой эле ушул Жобонун 8-пунктуна ылайык башка уюмдар (органдар) тарабынан сунушталган талапкерлердин ичинен түзүлөт жана ыйгарым укуктуу органдын буйругу менен бекитилет.

11. Комиссия мүчөлөрү конкурс башталганга чейин 10 күн мурда ушул Жобонун 8-пунктунда көрсөтүлгөн уюмдардын жетекчилигинин ыйгарым укуктуу органдын атына жазылган жеке арызы же жазуу жүзүндөгү кайрылуусу боюнча комиссиянын курамынан чыгарылат.

Комиссиянын мүчөсү аны комиссиянын курамынан чыгаруу жөнүндө жеке арыз берген же уюмдун жетекчиси комиссиянын курамынан өзүнүн өкүлүн алмаштыруу/чакыртып алуу жөнүндө жазуу жүзүндө кайрылган учурда комиссиянын курамынан чыгарылган мүчөлөрү алмаштырылат, бул жөнүндө тиешелүү буйрук чыгарылат.

Конкурсту өткөрүү учурунда комиссиянын курамы өзгөрбөйт.

12. Комиссиянын жыйналыштары каралып жаткан маселелердин мазмунуна ылайык катчы тарабынан протоколдонот жана ага комиссиянын бардык катышкан мүчөлөрү кол коёт.

13. Эгерде комиссиянын жыйналышына туруктуу негизде анын курамына кирген комиссиянын мүчөлөрүнүн 2/3 кем эмеси катышса, ал укуктуу болуп саналат. Комиссиянын чечими анын катышкан мүчөлөрүнүн жалпы санынын көпчүлүк добушу менен кабыл алынат. Добуштар тең болуп калган учурда комиссиянын төрагасынын добушу чечүүчү болуп эсептелет.

Комиссия мүчөлөрүнүн кворуму жок болгон учурда конкурсту өткөрүү комиссиянын чечими менен аныкталуучу башка датага жана убакытка жылдырылат.

3-глава. Конкурстук документтердин жана кошумча маалыматтардын курамы жана берүүнүн тартиби

14. Конкурс өткөрүүнүн алдында ыйгарым укуктуу орган конкурстук документтердин формаларын даярдайт, алар анын буйругу менен бекитилет.

15. Конкурс үчүн коюлган аңчылык жерлеринин участоктору боюнча лоттор түзүлөт. Бир лот аңчылык ресурстарынын болушу менен аңчылык жерлеринин бир же андан көп участокторунан түзүлүшү мүмкүн.

16. Конкурстук документтер төмөнкүлөрдү камтыйт:

1) конкурска коюлган аңчылык жерлеринин участогунда мергенчилик чарбасын өнүктүрүүнүн бизнес-планынын долбоорунун (бизнес-долбоордун) мазмунунун тизмегин;

2) конкурстун катышуучусунун - мергенчилик чарба ишин жүргүзүү укугун алууга талапкер юридикалык жактын аңчылык жана мергенчилик чарбасы чөйрөсүндөгү үзгүлтүксүз ишинин мезгилинин (акыркы) узактыгы жөнүндө маалыматтарды;

3) конкурстун катышуучусунда иштеген мергенчилик чарбасы чөйрөсүндө атайын билимдүү адистердин бар экендиги жөнүндө маалыматтар;

4) катышуучунун менчик ээсинде конкурска коюлган аңчылык жерлеринин участогунда аңчылык ресурстарын жыл бою кайтаруу үчүн аңчылык жерлеринин башка участокторунда тартылбаган аңчылык кордондун/үйдүн/базанын жана башка материалдык-техникалык каражаттардын (алардын аталыштарын көрсөтүү менен) бар экендиги жөнүндө маалыматтар.

17. Конкурстук документтер оңдоолорго жана сызып оңдоолорго жол берилбестен таризделет.

18. Конкурстун бир эле катышуучусуна (мындан ары - катышуучу) бир эле убакта бир нече ар кандай лоттор боюнча катышууга жол берилет.

19. Конкурска катышуу үчүн катышуучу ушул Жобонун 17 жана 21-пункттарына ылайык тизмек боюнча конкурстук документтерди жана кошумча маалыматтарды тариздейт.

Документтер электрондук, санариптик жана кагаз түрүндө берилиши мүмкүн.

20. Конкурстук документтер менен бирге катышуучу жөнүндө төмөнкүдөй кошумча маалыматтар кошумча берилет:

1) Уюштуруу келишиминин, катышуучунун Уставынын (Жобосунун) көчүрмөлөрү;

2) катышуучуну юстиция органдарында мамлекеттик каттоо жөнүндө күбөлүктүн көчүрмөсү;

3) катышуучунун салыктар боюнча жана Социалдык фонддун алдында карыздарынын бар же жоктугу жөнүндө салык кызматынын (катышуучунун катталган жери боюнча) маалымкаты.

21. Катышуучу комиссиянын мүчөлөрүнүн саны боюнча зарыл болгон сандагы нускада документтердин комплектин даярдайт, алардын бир нускасы - түп нускада, башкалары - катышуучу тарабынан күбөлөндүрүлгөн көчүрмөлөрдө.

Конкурстук документтер жана катышуучу жөнүндө кошумча маалыматтар бирден комплекттен чакан конверттерге салынып чапталат, алар бир чоң конвертке салынат.

Чоң конверт чапталат жана конкурска катышууга өтүнмөгө тиркелип комиссиянын катчысына тапшырылат. Бардык конверттерде кандайдыр бир таануучу белгилер, катышуучу жөнүндө белгилер жана маалыматтар болбоого тийиш.

22. Конкурсту өткөрүүдө эгерде катышуучу тарабынан берилген документтер жана маалыматтар комиссияда күмөн саноолорду жаратса, аларда бардык конкурстук документтердин жана конкурстук документтерде камтылган маалыматтардын түп нускасы болууга жана комиссиянын талабы боюнча аларды берүүгө тийиш.

4-глава. Конкурсту уюштуруу жана өткөрүү

23. Ыйгарым укуктуу орган конкурсту өткөрүү датасына чейин 7 жумадан кем эмес мөөнөттө өзүнүн расмий сайтына жана ЖМКга ыйгарым укуктуу орган бекиткен форма боюнча жарыяны жайгаштырат.

24. Конкурска менчигинин түрүнө карабастан, конкурска катышуу үчүн зарыл болгон бардык шарттарды аткарган юридикалык жактар катышат.

25. Ушул Жобонун 24-пунктунда аталган, конкурска катышууну каалаган юридикалык жактар конкурстук документтердин формаларынын комплектин сатып алуу үчүн эркин формада жазуу жүзүндөгү өтүнмөнү берет, аны акы төлөгөндөн кийин алат.

Конкурстук документтердин формаларынын комплектине акынын өлчөмү конкурсту уюштурууга жана өткөрүүгө чыгымдардын өлчөмүнө жараша комиссиянын сунушу боюнча ыйгарым укуктуу орган тарабынан белгиленет.

Конкурстук документтердин формаларынын комплекти үчүн акыны түзүүчү акча каражаттары юридикалык жактар тарабынан алыш-бериш эсепке төлөнөт.

26. Катышуучуларды каттоо конкурсту өткөрүү жөнүндө жарыя ЖМКга жарыяланган күндөн тартып башталат, 30 календардык күн өткөндөн кийин аяктайт жана катышуучулардын конкурска катышууга өтүнмө берүүлөрүнүн негизинде жүзөгө ашырылат.

27. Конкурска катышууну каалаган юридикалык жак катышуучу катары катталуу үчүн комиссиянын катчысына ыйгарым укуктуу орган бекиткен форма боюнча конкурска катышууга өтүнмөнү, конкурстук документтер жана кошумча маалыматтар бар чакан конверттерди камтыган, ар бир лот боюнча өзүнчө чоң конверттерди конкурстук документтердин формаларынын комплектине акы төлөнгөндүгү жөнүндө квитанцияны тиркөө менен берет. Конкурска катышууга өтүнмөлөрдү кабыл алуу комиссиянын катчысы тарабынан атайын журналда катталат.

Конкурстук документтин формаларынын комплектине акы төлөнгөндүгү ырасталмайынча конкурска катышууга өтүнмө кабыл алынбайт.

28. Комиссиянын катчысы мөөнөтүндө берилген өтүнмөлөрдү кабыл алууда катышуучуларга ыйгарым укуктуу орган бекиткен тизмек боюнча конкурстук документтер жана кошумча маалыматтар бар чоң конверттер тиркелген өтүнмөлөрдү кабыл алуу жөнүндө кабарлама берет.

Келип түшкөн өтүнмөлөр жана катышуучулар берген конкурстук документтер жана кошумча маалыматтар бар чоң конверттер комиссиянын катчысында сакталат.

29. Юридикалык жактын тиешелүү түрдө таризделбеген жана/же өз убагында берилбеген, ошондой эле карызынын бар экендиги жөнүндө маалыматты камтыган конкурска катышууга өтүнмөсү комиссия тарабынан четке кагылат.

30. Конкурска катышууга белгиленген мөөнөттөн кеч берилген өтүнмөлөр кабыл алынбайт.

5-глава. Конкурстук документтерди баалоо жана жеңүүчүнү аныктоо тартиби

31. Конверттерди ачуу, катышуучулардын конкурстук документтерин жана кошумча маалыматтарын кароо комиссия тарабынан катышуучунун катышуусунда да, ал жокто да жүзөгө ашырылат.

Конверттерди ачуу убактысы жана орду катышуучуга берилген ыйгарым укуктуу орган бекиткен форма боюнча өтүнмөнү кабыл алуу жөнүндө кабарламада көрсөтүлөт.

32. Комиссиянын төрагасы бир чоң конвертти алат, аны ачат жана комиссиянын мүчөлөрүнө катышуучунун конкурстук документтери жана кошумча маалыматтары бар кичине конверттерди берет.

Эгерде комиссия мүчөлөрүнүн ичинен кимдир бирөө катышуучунун жакын тууганы же уюштуруучусу болуп саналса, ошондой эле эгерде катышуучу комиссиянын ошол мүчөсү өкүл болгон ассоциациянын мүчөсү болуп саналса, анда комиссиянын бул мүчөсү мындай катышуучу талапкер болгон лоттор боюнча конкурстук документтерди жана мындай кошумча маалыматтарды кароого катышпайт.

33. Катышуучунун конкурстук документтерин жана кошумча маалыматтарын комиссиянын мүчөлөрү карайт, алар конкурстук документтердин жана кошумча маалыматтардын бар экендигин, туура таризделгенин текшерет. Берилген конкурстук документтердин жана кошумча маалыматтардын аныктыгы үчүн жоопкерчиликти катышуучу тартат.

34. Конкурстук документтер жана кошумча маалыматтар, эгерде алар ушул Жободо баяндалган, белгиленген талаптарга ылайык келсе жана анык маалыматтарды камтыса, тиешелүү түрдө таризделген деп саналат.

35. Конкурстук документтерди жана кошумча маалыматтарды кароодо, эгерде алар комиссияда күмөн саноолорду жаратса, комиссия катышуучулардан берилген маалыматтардын жана документтердин көчүрмөлөрүнүн аныктыгын документтик ырастоону талап кылууга укуктуу.

36. Конкурстук документтерди жана кошумча маалыматтарды талкуулоо, баллдык баалоо жана алардын аныктыгы, ошондой эле жеңүүчүнү аныктоо комиссия тарабынан катышуучулардын катышуусунда да, катышуусуз да бирдей баада жүзөгө ашырылат.

37. Катышуучунун конкурстук документтеринин мазмуну жана комплекттүүлүгү ушул Жобонун 16-пунктуна ылайык баллдык система боюнча бааланат:

1) мергенчилик чарбасын өнүктүрүүнүн бизнес-планынын долбоорунун (бизнес-долбоор) мазмуну иштин 15 жылдык мезгилине жараша төмөнкүдөй көрсөткүчтөр (критерийлер) боюнча 7 баллга чейин бааланат:

- мергенчилик чарбасын өнүктүрүүнүн максаттары, жапайы жаныбарларды жана алар жашаган жерлерди коргоо жана сактоо, ушул мезгилдин ичинде жапайы жаныбарларга мониторинг жүргүзүү жана аларды алып коюу маселелери илимий органдын корутундусу (күбөлөндүрүүсү) менен - 3,5 баллга чейин, илимий органдын корутундусусуз (күбөлөндүрүүсүсүз) - 0,5 балл;

- аймактарды абаттоо (аңчылык лагерлеринин, көбөйтүү участокторунун ж.б. жайгашуу схемалары), аңчылык кордондордун/үйлөрдүн/базалардын сыпатталышы, жеңил конструкцияларды тургузуу менен пландалуучу - 1,5 балл, капиталдык курулуш менен пландалуучу - 3,5 балл, тургузулган жеңил конструкцияларды ижарага алуу режиминде пландалуучу - 0,5 балл, капиталдык курулмаларды ижарага алуу режиминде пландалуучу - 1 балл.

Катышуучунун конкурстук документтерин кароо жана баалоо протоколун толтурууда комиссия тарабынан курулмаларды эки жылга чейинки мөөнөткө гана ижарага алуу режиминде пайдаланууну пландоо эске алынат. Курулмаларды эки жылдан ашык мезгилге ижарага алуу жолу менен пайдаланууну пландаган катышуучуларга балл коюлбайт, анткени ижарага алынган курулмаларды коргоо жана көбөйтүү иш-чараларын жүргүзүү үчүн узак мезгилге же пландалган мергенчилик чарба ишинин бүткүл мезгилине пайдалануу максатка ылайыксыз.

2) аңчылык жана мергенчилик чарбасы чөйрөсүндөгү мурдагы ишинин узактыгы жана сапаты төмөнкүдөй көрсөткүчтөр (критерийлер) боюнча 8 баллга чейин бааланат:

- Кыргыз Республикасынын жаратылышты коргоо мыйзамдарын жана мергенчилик чарба ишин жүргүзүү жөнүндө келишимдин милдеттенмелерин бузбастан аңчылык жана мергенчилик чарбасы чөйрөсүндөгү мурдагы ишинин үзгүлтүксүздүгү жана узактыгы, 5 жылга чейин (бирок 2 жылдан кем эмес) - 0,5 балл, 5 жылдан 15 жылга чейин - 1,0 балл, 15 жылдан 25 жылга чейин - 1,5 балл, 25 жылдан 35 жылга чейин - 2,0 балл, 35 жылдан ашык - 3,0 балл;

- аңчылык жана мергенчилик чарбасы чөйрөсүндөгү мурдагы ишинин сапаты - 5 жылга чейин (бирок 2 жылдан кем эмес) - 0,5 балл, 5 жылдан 15 жылга чейин - 1,5 балл, 15 жылдан 25 жылга чейин - 2,5 балл, 25 жылдан ашык - 3,5 балл;

- жүргүзүлгөн чарба ичиндеги аңчылыкты уюштуруунун болушу - 1,5 балл.

Катышуучунун конкурстук документтерин кароо жана баалоо протоколун толтурууда комиссия тарабынан келишим колдонулган бүткүл мезгилдин ичинде конкурска коюлган аңчылык жерлеринин аймактарында анын мурдагы ишинин узактыгы, сапаты жана бузуу фактыларынын жоктугу эске алынат;

3) катышуучуда бир жылдан кем эмес иштеген, аңчылык жана мергенчилик чарбасы чөйрөсүндө атайын билими бар адистердин болушу төмөнкүдөй критерийлер боюнча 3 баллга чейин бааланат:

- катышуучуда иштеген атайын билими бар (аңчылык боюнча адис, зоология багыттар боюнча биолог жана эколог) жана/же аңчылык жана мергенчилик чарбасы чөйрөсүндө ырастоочу документтер менен үзгүлтүксүз иш стажы бар адистердин болушу жөнүндө маалыматтар (эмгек китепчесинин, контракттын же келишимдин көчүрмөлөрү), 1 жылдан 3 жылга чейин үзгүлтүксүз - 1 балл, 3 жылдан 8 жылга чейин үзгүлтүксүз - 2 балл, 8 жылдан ашык үзгүлтүксүз - 3 балл;

4) катышуучуда аңчылык ресурстарын жыл бою кайтаруу үчүн аңчылык кордондун/үйдүн/базанын же жана башка материалдык-техникалык каражаттардын болушу төмөнкүдөй көрсөткүчтөр (критерийлер) боюнча 10 баллга чейин бааланат:

- катышуучунун менчигинде мүлктү каттоо чөйрөсүндөгү ыйгарым укуктуу органдын ырастоочу документтери (техникалык паспорт жана тиешелүү документтер, катышуучунун атына жер участогун пайдалануу укугуна акты) бар, комплектте курулган (егерлер үчүн үй, 4төн кем эмес аңчыны тосуу жана жайгаштыруу үчүн үй, ашкана, кампа жайлары, мончо ж.б.) аңчылык кордондун/үйдүн/базанын болушу, жеңил конструкцияларды пайдалануу менен (вагон-үйлөр, контейнерлер ж.б.) - 3 балл же капиталдык курулуш аркылуу - 5 балл;

- катышуучунун атына мүлктү каттоо боюнча ыйгарым укуктуу органдан ырастоочу документтери (паспорту) бар 5тен ашык жылкынын болушу - 1 балл;

- катышуучунун атына мүлктү каттоо боюнча ыйгарым укуктуу органдан ырастоочу документтери (транспорт каражатын каттоо жөнүндө күбөлүк) бар оң абалдагы материалдык-техникалык каражаттардын, жол тандабас автомашиналардын болушу, транспорт каражатынын 1 бирдиги үчүн - 1 балл, 2-3 транспорт каражатынын бирдиги - 2 балл, транспорт каражатынын 4-5 бирдиги - 3 балл, транспорт каражатынын 6 жана андан ашык бирдиги - 4 балл;

- ижарага алынган транспорт каражатынын 3 жана андан ашык бирдиги, документтик ырасталган - 1 балл.

Конкурстун катышуучусунун конкурстук документтерин кароо жана баалоо протоколун толтурууда комиссия тарабынан курулуш конструкцияларына (капиталдык курулуш же жеңил конструкциялар), ошондой эле транспорт каражаттарына (катышуучунун атына катталган же ижарага алынган транспорт каражаттары) карата бир көрсөткүч көңүлгө алынат.

38. Катышуучулардын конкурстук документтеринин мазмуну жана комплекттүүлүгү комиссиянын мүчөсүнүн ыйгарым укуктуу орган бекиткен форма боюнча катышуучунун конкурстук документтерин кароо жана баалоо жөнүндө протоколду толтуруусу менен комиссиянын ар бир мүчөсү тарабынан бааланат.

Комиссиянын ар бир мүчөсүнөн катышуучулар алган баллдар комиссиянын катчысы тарабынан ушул Жобонун 1-тиркемесине ылайык форма боюнча катышуучунун конкурстук документтерин кароо жана баалоо протоколуна киргизилет.

39. Катышуучулардын конкурстук документтерин кароонун натыйжасы болуп алардын ар бири алган баллдардын жыйынтык суммасы саналат, аны комиссиянын төрагасы жарыялайт.

40. Эгерде эки жана андан ашык катышуучу баллдардын бирдей эң көп суммасын алса, аңчылык жана мергенчилик чарбасы чөйрөсүндө мурдагы ишинин болушу, узактыгы жана натыйжалуулугу үчүн кыйла көп сандагы балл алган катышуучуга артыкчылык берилет.

Кайрадан бирдей эң көп балл алган учурда катышуучунун менчигинде (балансында) материалдык-техникалык каражаттардын жана катышуучуда иштеген аңчылык жана мергенчилик чарбасы чөйрөсүндө атайын билими бар квалификациялуу адистердин болушу үчүн кыйла көп балл алган катышуучуга артыкчылык берилет.

41. Конкурс өткөрүлгөн күндөн тартып 5 күндөн ашпаган мезгилде баллдын эң көп жыйынтык суммасын топтогон катышуучу конкурстун жеңүүчүсү деп аныкталат, ал жөнүндө ушул Жобонун 2-тиркемесине ылайык форма боюнча комиссиянын протоколу түзүлөт.

Жеңүүчү аныкталгандан кийин конкурс аяктады деп эсептелет.

42. Эгерде кандайдыр бир лот боюнча бир гана катышуучу катталса, ал тарабынан берилген документтер ушул Жобонун талаптарына ылайык келсе, анда ушул катышуучу бул лот боюнча конкурстун жеңүүчүсү деп табылат.

43. Эгерде кандайдыр бир лот боюнча бир да катышуучу катталбаса, анда бул лот боюнча конкурс өткөн жок деп эсептелет жана 60 календардык күндөн кечиктирилбестен жарыяланган конкурска лот кайрадан коюлат.

Кимдир бирөөгө мергенчилик чарба ишин жүргүзүү укугу берилбеген мергенчилик жерлери (талап кылынбай калган лоттор) ыйгарым укуктуу органдын карамагында болот.

44. Катышуучулардын ар биринин конкурстук документтеринин эки нускасы (түп нускасы жана көчүрмөсү) берилген өтүнмөлөрдүн жана протоколдордун түп нускалары менен биргеликте ыйгарым укуктуу органда конкурс өткөрүлгөн күндөн тартып 15 жыл бою сакталат.

Калган нускалары (көчүрмөлөрү) катышуучуларга кайра кайтарылат. Конкурс өткөн күндөн тартып бир жылдын ичинде катышуучулар албаган жана талап кылбаган, кайтарып берүүгө тийиш болгон конкурстук документтердин көчүрмөлөрү ыйгарым укуктуу органдын чечими боюнча комиссия аркылуу жок кылынат (утилдештирилет).

45. Ыйгарым укуктуу орган конкурс өткөрүлгөн күндөн тартып 8 календардык күндөн кечиктирбестен конкреттүү лот (мергенчилик кылуучу жерлердин участогу) боюнча конкурстун жеңүүчүсүн аныктоо жөнүндө буйрук чыгарат.

Конкурс өткөрүлгөн күндөн тартып 10 календардык күндөн кечиктирбестен комиссиянын катчысы конкурстун жыйынтыктары жөнүндө ЖМКга жарыялайт жана утушка ээ болгон лотко (мергенчилик жерлердин участогу) ылайык конкурстун жеңүүчүсү жөнүндө маалыматты бардык катышуучуларга, ошондой эле тиешелүү мергенчилик жерлер жайгашкан жер боюнча жергиликтүү мамлекеттик администрацияга жөнөтөт.

46. Конкурстун жыйынтыктары жөнүндө расмий жарыялангандан кийин катышуучулар комиссиянын чечимине "Административдик иштин негиздери жана административдик жол-жоболор жөнүндө" Кыргыз Республикасынын Мыйзамына ылайык даттануулары мүмкүн.

47. Сот тигил же бул лот (мергенчилик жерлердин участогу) боюнча конкурстун жыйынтыктарын жараксыз деп тапкан учурда конкурстун жеңүүчүсүн аныктоо жөнүндө ыйгарым укуктуу органдын буйругу күчүн жоготту деп таанылат жана ыйгарым укуктуу орган бул адам менен мергенчилик чарба ишин жүргүзүү жөнүндө түзүлгөн келишимди бузат.

Өткөрүлгөн конкурстун жыйынтыктарын жокко чыгаруу жөнүндө соттун чечими күчүнө киргенден кийин 60 календардык күндөн кечиктирилбестен мындай лот (мергенчилик кылуучу жерлердин участогу) боюнча кайталап конкурс өткөрүү жөнүндө кулактандыруу ЖМКга жайгаштырылат.

Жыйынтыктары соттун чечими боюнча жокко чыгарылган, кийинки (кайталап) конкурска кайталап катышкан мурдагы конкурстун катышуучуларына конкурстук документтердин формалары акысыз берилет.

48. Ыйгарым укуктуу орган Кыргыз Республикасынын мыйзамдарына ылайык суроо-талап боюнча укук коргоо органдарына, прокуратура органдарына конкурска катышууга берилген өтүнмөлөрдүн, катышуучулардын конкурстук документтеринин жана протоколдорунун көчүрмөлөрүн берүүгө укуктуу.

6-глава. Катышуучуну конкурска катышуудан четтетүү

49. Конкурстук документтер жана кошумча документтер туура эмес таризделгени, катышуучу берген маалыматтардын анык эместиги жана ушул Жобонун 50-пунктунда каралган башка бузуулар аныкталган учурда комиссия катышуучуну конкурска катышуудан четтетет.

50. Комиссия катышуучуну конкурска катышуудан четтетиши мүмкүн, эгерде:

1) катышуучу конкурстук документтерди жана кошумча маалыматтарды тиешелүү түрдө тариздебесе (белгиленген талаптарга ылайык келбөө жана анык эмес фактылардын болушу);

2) катышуучунун Социалдык фондго төлөмдөр жана салыктар боюнча карызы болсо;

3) эгерде белгиленген талаптардын шарттарын бузгандыгы, ошондой эле Кыргыз Республикасынын мыйзамдарын сактабагандыгы үчүн катышуучу менен мергенчилик чарба ишин жүргүзүү жөнүндө келишим мурда бузулган болсо.

51. Катышуучуну конкурска катышуудан четтетүү жөнүндө комиссиянын чечими комиссиянын катчысы тарабынан ыйгарым укуктуу орган бекиткен форма боюнча протоколго киргизилет жана катышуучуга жазуу жүзүндө маалымдалат.

7-глава. Мергенчилик чарба ишин жүргүзүү жөнүндө келишимди түзүү, аткаруу жана токтотуу (бузуу)

52. Конкурстун жыйынтыктары жөнүндө кулактандырууну ЖМКга жайгаштырган күндөн тартып 7 календардык күндүн ичинде конкурска коюлган мергенчилик жерлери жайгашкан жер боюнча жергиликтүү мамлекеттик администрация конкреттүү лот боюнча (тиешелүү чектердеги мергенчилик жерлердин белгилүү участогу) конкурстун жеңүүчүсү болгон адам жөнүндө ушул Жобонун 3-тиркемесине ылайык форма боюнча буйрук чыгарат.

53. Конкурстун жеңүүчүсүн аныктоо жөнүндө ыйгарым укуктуу органдын буйругу чыккан күндөн тартып 10 календардык күндүн ичинде ыйгарым укуктуу орган конкурстун жеңүүчүсү менен 15 жылдык мөөнөткө ушул Жобонун 4-тиркемесине ылайык форма боюнча мергенчилик чарба ишин (тиешелүү түрдө уткан лотторго ылайык белгилүү мергенчилик жерлердин аймагында) жүргүзүү жөнүндө келишим түзөт.

Ыйгарым укуктуу орган менен мергенчилик чарба ишин жүргүзүү жөнүндө келишим түзгөн юридикалык жак (конкурстун жеңүүчүсү) мергенчилик чарба иши башталган датага ылайык бул келишим түзүлгөн күндөн тартып аңчылыкты пайдалануучу деп таанылат.

54. Конкурстун жеңүүчүсү мергенчилик чарба ишин жүргүзүү жөнүндө келишим түзүүдөн баш тарткан учурда келишим конкурстун жыйынтыктары боюнча кийинки орунду ээлеген катышуучу менен түзүлөт.

55. Аңчылыкты пайдалануучу кайра аталганда жана анын жетекчиси алмашканда ага тиешелүү ырастоочу документтерди (уюштуруучулардын тиешелүү чечиминин күбөлөндүрүлгөн көчүрмөсүн, юстиция органдарында мамлекеттик кайра каттоо жөнүндө күбөлүктү) тиркөө менен мергенчилик чарба ишин жүргүзүү жөнүндө аны менен мурда түзүлгөн келишимдин күчү сакталат.

56. Аңчылыкты пайдалануучулар биригүү жөнүндө чечим кабыл алганда, алардын бири бириккен аңчылыкты пайдалануучулардын укук мураскери болуп саналат, алар бул жөнүндө ыйгарым укуктуу органга жазуу жүзүндө маалымдайт. Ыйгарым укуктуу орган укук улантуучу болуп саналган жакка аталган аңчылыкты пайдалануучулардын карамагында турган бардык мергенчилик жерлеринде мергенчилик чарба ишин жүргүзүү укугун берүү жөнүндө чечим кабыл алат жана бул жөнүндө мергенчилик жерлери жайгашкан региондорго ылайык жергиликтүү мамлекеттик администрацияларга билдирет.

Ушул мергенчилик жерлеринде мергенчилик чарба иштерин жүргүзүү укугун алган аңчылыкты пайдалануучу бириккен аңчылыкты пайдалануучулардын келишимдеринде жана алардын стратегиялык пландарында көрсөтүлгөн бардык шарттарды жана талаптарды сактоого милдеттүү.

Аңчылыкты пайдалануучулар биригүү жөнүндө чечим кабыл алганда ыйгарым укуктуу орган бириккен аңчылыкты пайдалануучулардын укук мураскери болуп саналган адам менен бириккен аңчылыкты пайдалануучулар ээлеген мергенчилик кылуучу жерлердин аймагында мергенчилик чарба ишин жүргүзүү жөнүндө жаңы келишим түзөт.

57. Аңчылыкты пайдалануучуларга белгилүү бир мергенчилик жерлеринде мергенчилик чарба ишин жүргүзүү укугун бергендиги үчүн алардан акы алынбайт.

58. Аңчылыкты пайдалануучу мергенчилик чарба ишин жүргүзүү жөнүндө келишимдин шарттарын сактабаган учурда ыйгарым укуктуу орган тарабынан анын колдонуу мөөнөтү аяктаганга чейин бир тараптуу тартипте бузулушу мүмкүн.

59. Мергенчилик чарба ишин жүргүзүү жөнүндө келишим банкроттукка, башка аңчылыкты пайдалануучулар менен биригүүгө байланыштуу Кыргыз Республикасынын мыйзамдарынын негизинде аңчылыкты пайдалануучу жоюлганда жана "Аңчылык жана мергенчилик чарбасы жөнүндө" Кыргыз Республикасынын Мыйзамынын 11-беренесинде каралган башка учурларда бузулат.

60. Мергенчилик чарба ишин жүргүзүү жөнүндө келишимдин колдонулушун токтотуу (бузуу) жөнүндө маалымат ыйгарым укуктуу орган тарабынан аңчылыкты пайдалануучуга, ошондой эле тиешелүү жергиликтүү мамлекеттик администрацияга жазуу жүзүндө билдирилет.

61. Мергенчилик чарба ишин жүргүзүү жөнүндө келишимдин колдонулушун токтотуудан (бузуудан) улам бошотулган мергенчилик жерлери конкурска жалпы негиздерде чыгарылат.

62. Аңчылыкты пайдалануучуну белгилүү бир мергенчилик жерлеринде мергенчилик чарба ишин жүргүзүү укугунан ажыратуу жана мергенчилик чарба ишин жүргүзүү жөнүндө аны менен түзүлгөн келишимдин колдонулушун токтотуу бул аңчылыкты пайдалануучуну айлана-чөйрөнү коргоо жана жаратылышты пайдалануу жаатындагы мыйзамдарды бузууга жол бергендиги үчүн, ошондой эле болгон бардык финансылык карыздарын төлөө жоопкерчилигинен бошотпойт.

63. Мергенчилик чарба ишин жүргүзүү жөнүндө келишимдин колдонуу мөөнөтү аяктагандыгына байланыштуу бошотулган аңчылык жерлери боюнча конкурс келишимдин колдонуу мөөнөтү аяктаганга чейин 60 календардык күндөн кем эмес убакытта өткөрүлөт. Бул мергенчилик кылуучу жерлерде мергенчилик чарба ишин жүргүзүү жөнүндө кийинки келишимдин колдонуу мөөнөтүнүн башталышы учурдагы келишимдин колдонуу мөөнөтү аяктаган датадан кийинки күндөн эрте эмес белгиленет.

64. Мергенчилик чарба ишин жүргүзүү жөнүндө келишим аңчылыкты пайдалануучуга белгиленген тартипте мергенчилик ресурстарын пайдалануу укугу берилген белгилүү бир мергенчилик жерлерине жайылтылат. Ушул мергенчилик жерлердин чектеринде башка ресурстарды пайдалануу аңчылыкты пайдалануучу тарабынан алардын менчик ээлери же негизги пайдалануучулар менен макулдашуу боюнча жүзөгө ашырылат.

65. Конкурсту конкурстук комиссиянын мүчөсү каза болгондугуна байланыштуу өткөрүү мүмкүн болбогон, ошондой эле ӨЭУдан жана/же аңчылыкты пайдалануучулар ассоциациясынан талапкерлер жок болгондуктан аңчылык кылуунун белгиленген мезгилине карата комиссия түзүү жана конкурс өткөрүү мүмкүн болбогон учурда, келишимдик милдеттенмелерди бузбаган аңчылыкты пайдалануучулар менен мергенчилик чарба ишин жүргүзүү жөнүндө келишимдерди колдонуу ыйгарым укуктуу органдын буйругу менен 12 айга чейинки мөөнөткө узартылат.

8-глава. Мергенчилик чарба ишин жүргүзүү жөнүндө келишимдин сакталышын жана аткарылышын контролдоо

66. Мергенчилик чарба ишин жүргүзүү жөнүндө келишимдин шарттарынын сакталышын жана аткарылышын контролдоону ыйгарым укуктуу орган аңчылыкты пайдалануучулардын келишимдик милдеттенмелерди аткарышын жыл сайын текшерүү жана тиешелүү актыларды (маалымкаттарды) түзүү жолу менен жүзөгө ашырат.

67. Иш процессиндеги өзгөрүүлөр жөнүндө аңчылыкты пайдалануучунун расмий маалыматтары (аталышы, банктык реквизиттери, почталык даректери, уюштуруучулардын тизмеси, жаңы жетекчинин дайындалышы) аңчылыкты пайдалануучу ыйгарым укуктуу органга жазуу жүзүндө билдирүүгө милдеттүү, анда аңчылыкты пайдалануучунун мөөрү менен күбөлөндүрүлгөн ырастоочу документтердин көчүрмөлөрү тиркелет, алар мергенчилик чарба ишин жүргүзүү жөнүндө келишимге тиркелет.

Ыйгарым укуктуу органдын аталышын жана почта дарегин өзгөртүү жөнүндө маалымат аңчылыкты пайдалануучуга жазуу жүзүндө билдирилет жана мергенчилик чарба ишин жүргүзүү жөнүндө келишимге тиркелет.

Форма

Конкурстун катышуучусунун конкурстук документтерин кароонун жана баалоонун протоколу (жыйынды)

Убактысы: саат _________, 20___-жылдын "___"_____________.

Орду: _________________________________________________

Күн тартиби:

Кыргыз Республикасынын белгилүү бир аңчылык жерлеринде мергенчилик

чарба ишин жүргүзүү укугун юридикалык жактарга берүүгө конкурс өткөрүү,

катышуучулардын конкурстук документтерин кароо, аларды баалоо.

Конкурстук комиссиянын төрагасы жыйналышта Кыргыз Республикасынын

белгилүү бир аңчылык жерлеринде мергенчилик чарба ишин жүргүзүү

укугун юридикалык жактарга берүүгө өткөрүлүп жаткан,

20____-жылдын "___" _______________

___________________________________________________________

___________________________________________________________

(ЖМКнын аталышы)

_________________ жарыяланган конкурс жөнүндө маалымат менен чыгып сүйлөдү.

Катышкандар:

Конкурстук комиссиянын төрагасы: ______________________________

(аты-жөнү)

Комиссиянын мүчөлөрү: _______________________________________

(аты-жөнү)

____________________________________________________________

(аты-жөнү)

____________________________________________________________

(аты-жөнү)

Комиссиянын катчысы: _______________________________________

(аты жөнү)

Конкурстун катышуучуларынын төмөнкү өкүлдөрү катышты:

____________________________________________________________

(аты-жөнү, катышуучунун аталышы)

____________________________________________________________

(аты-жөнү, катышуучунун аталышы)

____________________________________________________________

(аты-жөнү, катышуучунун аталышы)

Комиссиянын мүчөлөрү белгилүү бир аңчылык жерлеринде мергенчилик

чарба ишин жүргүзүү укугун юридикалык жактарга берүүгө

20____-жылдын "_____" _________________________________

___________________________________________________________

(ЖМКнын аталышы)

жарыяланган конкурстун катышуучуларынын конкурстук документтерин карап чыкты.

Конкурстук документтердин болушун жана толук таризделишин, берилген

маалыматтардын мазмунун кароодо, талкуулоодо жана баалоодо төмөндө

баяндалган жыйынтыктар алынды:

Форма

Конкурстук комиссиянын конкурстун жеңүүчүсүн аныктоо боюнча жыйналышынын ПРОТОКОЛУ

Убактысы: саат _____________, 20 ___-жылдын "___" ______________

Жери: ______________________________________________________

(дареги)

Конкурстук комиссия төмөнкүдөй курамда:

белгилүү бир аңчылык жерлеринде мергенчилик чарба ишин жүргүзүү укугун юридикалык

жактарга берүү конкурсунун катышуучуларынын конкурстук документтерин карап чыгып,

катышуучулардын конкурстук документтерине баллдык баалоону жүргүздү. Комиссия тарабынан

катышуучулар топтогон баллдардын жыйынтык суммалары боюнча төмөнкүдөй натыйжалар белгиленди.

Алынган натыйжаларга байланыштуу, баллдардын эң көп жыйынтык суммаларынын негизинде

комиссия төмөнкүдөй чечим кабыл алды:

- төмөнкү юридикалык жактар конкурстун жеңүүчүлөрү деп таанылсын, алар менен мергенчилик

чарба ишин жүргүзүү жөнүндө келишимдер түзүлсүн:

№ ______ лот боюнча № __________ аңчылык жерлеринин участоктору

____________________________________________________________;

(жеңүүчүнүн аталышы)

№ ______ лот боюнча № __________ аңчылык жерлеринин участоктору

____________________________________________________________;

(жеңүүчүнүн аталышы)

№ ______ лот боюнча № __________ аңчылык жерлеринин участоктору

____________________________________________________________.

(жеңүүчүнүн аталышы)

Конкурстук комиссиянын мүчөлөрүнүн добуш берүүсү:

Кол тамгалар:

Форма

____________________________________________________________ (жергиликтүү мамлекеттик администрациянын аталышы)

Буйрук

____________________________________________________________

____________________________________________________________

(юридикалык жактын аталышы)

мергенчилик чарба ишин жүргүзүү укугу жөнүндө

"Аңчылык жана мергенчилик чарбасы жөнүндө" жана "Жаныбарлар дүйнөсү жөнүндө"

Кыргыз Республикасынын мыйзамдарына, Кыргыз Республикасынын Өкмөтүнүн

20__-жылдын "___"_____________ № _______________ токтому менен бекитилген

Кыргыз Республикасынын белгилүү бир аңчылык жерлеринде мергенчилик чарба

ишин жүргүзүү укугун юридикалык жактарга берүүгө конкурс өткөрүү тартиби

жөнүндө жобонун жана конкурстук комиссиянын

20___-жылдын "___" ____________ № ________ чечимине ылайык

______________________________________________________

(жергиликтүү мамлекеттик администрациянын аталышы)

______________________________________________________ токтом кылат:

1.___________________________________________________________

(администрациялык бирдиктин аталышы)

жайгашкан, __________________________________________________

____________________________________________________________,

(юридикалык жактын аталышы)

20___-жылдын "___" _________ тартып 20___-жылдын "___" ________________

чейин 15 жылдык мөөнөткө төмөнкүдөй аңчылык жерлерин түзгөн аймакта

мергенчилик чарба ишин жүргүзүү укугун берүү боюнча конкурстун жеңүүчүсү

деп таанылгандыгы маалымат катары эске алынсын:

жалпы аянты ___________________________________ миң га, чектери:

- түндүгү: ___________________________________________________

____________________________________________________________,

- чыгышы: ___________________________________________________

____________________________________________________________,

- түштүгү: ___________________________________________________

____________________________________________________________,

- батышы: ___________________________________________________

____________________________________________________________,

2. _________________________________________________________

(юридикалык жактын аталышы)

аңчылык ресурстарын жана алар жашаган чөйрөнү коргоо боюнча милдеттерди

аткарууга, ага мергенчилик чарба ишин жүргүзүү укугу берилген аңчылык

жерлеринин чегинде биотехникалык жана башка мергенчилик чарба иш-чараларын

жүргүзүүгө милдеттендирилсин.

3. Жергиликтүү өз алдынча башкаруу органдарына

____________________________________________________________

____________________________________________________________

(юридикалык жактын аталышы)

калыбына келтирүүчү участокторду түзүүгө, биотехникалык жана кайтаруу

иш-чараларын жүзөгө ашырууга көмөк көрсөтүү сунушталсын.

4. Бул чечимдин (токтомдун, тескеменин) аткарылышын контролдоо

__________________________________________________ жүктөлсүн.

(мамлекеттик администрациянын түзүмдүк бирдигинин аталышы)

Мамлекеттик администрациянын башчысы

____________________________________________________________

(Аты-жөнү, колу)

Форма

Кыргыз Республикасында мергенчилик чарба ишин жүргүзүү жөнүндө ТИПТҮҮ КЕЛИШИМ

Мындан ары ыйгарым укуктуу орган деп аталуучу

____________________________________________________________

(ыйгарым укуктуу органдын аталышы)

____________________________________________________________

Белгилүү бир аңчылык жерлеринде мергенчилик чарба ишин жүргүзүү укугун юридикалык жактарга

берүүгө конкурс өткөрүү тартиби жөнүндө жобонун (мындан ары - Жобо) негизинде иш алып баруучу

___________________________________________________________________________ атынан бир

(жетекчинин кызмат орду, аты-жөнү)

тараптан жана мындан ары Аңчылыкты пайдалануучу деп аталуучу

_______________________________________________________________________________________

(юридикалык жактын аталышы)

_______________________________________________________________________________________

(ченемдик документтин аталышы)

негизинде иш алып баруучу _______________________________________________________________

(жетекчинин кызмат орду, аты-жөнү)

_________________________________________________________________________________ атынан

экинчи тараптан, бирге Тараптар деп аталып, мергенчилик чарба ишин жүргүзүү жөнүндө ушул келишимди

(мындан ары - келишим) түзүштү.

1. Келишимдин предмети

1. Конкурстук комиссиянын 20___-жылдын "____" ____________ чечиминин жана _______________________

___________________________________________________________________________________________

(Конкурсту уюштуруучунун аталышы)

20___-жылдын "___"_____________ № _______ буйругунун негизинде

____________________________________________________________

_______________________________________________________ менен

(юридикалык жактын атылышы)

____________________________________________________________

____________________________________________________________

(административдик бирдиктин аталышы)

аймагында жайгашкан белгилүү бир аңчылык жерлеринде мергенчилик чарба ишин жүргүзүү жөнүндө ушул келишим түзүлдү,

жалпы аянты _____________________ миң га,

чектери:

- түндүгү: ___________________________________________________

____________________________________________________________;

- чыгышы: ___________________________________________________

____________________________________________________________;

- түштүгү: ___________________________________________________

____________________________________________________________;

- батышы: ___________________________________________________

____________________________________________________________;

мөөнөтү 15 жыл, 20_____-жылдын "____" ________________ тартып

20______-жылдын "____" ________________ чейин.

2. Келишимдин Тараптарынын укуктары жана милдеттери

2. Ыйгарым укуктуу орган төмөнкүлөргө укуктуу:

- жаныбарлар жана өсүмдүктөр дүйнөсүнүн объекттерин коргоодо аңчылыкты пайдалануучулардын кызматкерлерине көмөк көрсөтүүгө;

- аңчылыкты пайдалануучулар тарабынан мергенчилик чарба ишин жүргүзүү жөнүндө келишимдин шарттарынын сакталышына текшерүү жүргүзүүгө жана аныкталган укук бузууларды четтетүү тууралуу жазма буйруктарды берүүгө;

- аныкталган жаратылышты коргоо мыйзамдарын бузуу фактылары боюнча белгиленген тартипте протоколдорду жана актыларды түзүүгө жана жаныбарлар, өсүмдүктөр дүйнөсүнө келтирилген зыян үчүн доо коюуга;

- аңчылыкты пайдалануучулар жапайы жаныбарлардын санын эсепке алуу боюнча иштерди жүргүзүүгө катышууга жана чет өлкөлүк аңчылар үчүн аңчылык турларын өткөрүүгө катышууга;

- аңчылыкты пайдалануучулар тарабынан олжолонгон аңчылык жаныбарларын эсепке алуу, аларга пломбаларды (биркаларды, шакекчелерди, микрочиптерди) берүү жана басуу параметрлерин белгилөө;

- биотехникалык, коргоо иш-чаралары, аңчылык ресурстарын пайдалануу жөнүндө, ошондой эле жапайы жаныбарларды эсепке алуу жана аңчылыктын мурдагы мезгилинде аңчылык жаныбарларын атайын пайдалануу үчүн акыны төлөбөө боюнча белгиленген отчетторду берүү тартиби жана мөөнөттөрү алар тарабынан сакталбаганда аңчылыкты пайдалануучуларга аңчылыктын алдыдагы мезгилине жапайы жаныбарларды олжолоого квота бербөөгө;

- аңчылыкты пайдалануучулардан мергенчилик чарба ишин жүргүзүү боюнча маалымкаттарды, маалыматтарды, отчетторду суроого жана кабыл алууга;

- аңчылыкты пайдалануучулардан аңчылык ресурстарын жана алардын жашоо чөйрөсүн сактоо, көбөйтүү жана пайдалануу чөйрөсүндө ишти жүзөгө ашыруу боюнча маалымкаттарды, маалыматтарды, отчетторду жана документтерди (алардын көчүрмөлөрүн) белгиленген тартипте суроого жана алууга;

- мергенчилик чарбасын өнүктүрүүнүн стратегиялык планын жана аңчылыкты пайдалануучулардын мергенчилик чарбасынын иш-чараларын жүргүзүүнүн жылдык пландарын макулдашууга;

- Кыргыз Республикасынын белгилүү бир аңчылык жерлеринде мергенчилик чарба ишин жүргүзүү укугун юридикалык жактарга берүүгө конкурс өткөрүү тартиби жөнүндө жобого ылайык аңчылыкты пайдалануучу менен белгилүү бир аңчылык жерлеринде мергенчилик чарба ишин жүргүзүү жөнүндө келишимди бир тараптуу тартипте бузууга.

3. Ыйгарым укуктуу орган төмөнкүлөргө милдеттүү:

- аңчылык ресурстарын коргоо, көбөйтүү, биотехникалык иш-чараларды өткөрүү жана жапайы жаныбарлардын санын эсепке алуу, мергенчилик чарба ишин туура жүргүзүү маселелери боюнча аңчылыкты пайдалануучуга методикалык жана консультациялык жардам көрсөтүүгө;

- жапайы аңчылык жаныбарларын олжолоо мөөнөттөрүн жана лимиттерди/квоталарды өз убагында белгилөөгө;

- аңчылык жерлериндеги аңчылык ресурстарынын абалын баалоону уюштурууга жана жүргүзүүгө;

- аңчылык жана мергенчилик чарбасы чөйрөсүндөгү юридикалык жана жеке жактардын ишине жана аракеттерине мамлекеттик аңчылык контролду жана көзөмөлдү жүзөгө ашырууга;

- мергенчилик чарба ишин жүргүзүү жөнүндө келишимдердин шарттарын сактоо предметине аңчылыкты пайдалануучулардын иштерин текшерүүлөрдү жүзөгө ашырууга.

4. Аңчылыкты пайдалануучу төмөнкүлөргө укуктуу:

- белгиленген олжолоо лимиттери менен ченемдеринин чектеринде жана жаныбарлар дүйнөсүнүн объекттерин атайын пайдаланууга уруксаттардын негизинде ага пайдаланууга берилген аңчылык ресурстарын белгиленген тартипте пайдаланууга;

- уруксат берүү документтерине олжолоо жөнүндө белги коюлган учурдан тартып мыйзамдуу тартипте олжолонгон аңчылык жаныбарларына жана башка аңчылык продукциясынын менчик ээси болууга;

- олжолонгон продукцияны кайра иштетүүнү жана сатууну жүргүзүүгө;

- негизги жер пайдалануучулар менен макулдашуу боюнча инфраструктура объекттерин түзүүгө жана мергенчилик чарба ишин жүргүзүү үчүн зарыл курулмаларды тургузууга;

- аракеттери пайданы жоготууга жана аңчылыкты пайдалануучуга мүлктүк зыян келтирүүгө алып келген юридикалык жана жеке жактарга карата Кыргыз Республикасынын мыйзамдарында белгиленген тартипте доо коюуга;

- мамлекеттик органдардын жана алардын кызмат адамдарынын аңчылыкты пайдалануучунун жаныбарлар дүйнөсүнүн объекттерин пайдаланууга анын укугун бузган чечимдерине Кыргыз Республикасынын мыйзамдарында белгиленген тартипте даттанууга;

- жерди пайдалануучулар, илимий уюмдар жана мекемелер, ыйгарым укуктуу орган менен макулдашуу боюнча жаныбарлар дүйнөсүнүн объекттеринин жашоо чөйрөсүн жана жашоо чөйрөсүнүн шарттарын жакшыртуу боюнча иш-чараларды жүзөгө ашырууга.

5. Аңчылыкты пайдалануучу төмөнкүлөргө милдеттүү:

- өзүнүн кызматкерлеринин штатында мергенчилик чарбасын жүргүзүү чөйрөсүндөгү квалификациялуу адистердин болушун (ээ болуу) камсыз кылууга жана мергенчилик чарба ишин мергенчилик чарба пландарынын негизинде гана жана Кыргыз Республикасынын мыйзамдарына ылайык жүзөгө ашырууга;

- жапайы жаныбарларды жана алардын жашоо чөйрөсүн коргоону жүзөгө ашырууга, жаныбарлар, ошондой эле өсүмдүктөр дүйнөсүнүн ресурстарын алар үчүн берилген максаттарда гана уруксат берилген ыкмалар менен жана Кыргыз Республикасынын мыйзамдарына ылайык белгиленген эрежелерди сактоо менен пайдаланууга;

- аңчылык ресурстарынын абалы начарлаган, көбөйүү жөндөмдүүлүгү төмөндөгөн жана жок болуу коркунучу пайда болгон учурда аларды пайдаланууну өз алдынча токтотууга, ошондой эле аңчылык жаныбарларына жана алардын жашоо чөйрөсүнө тийгизген терс таасирлерди жок кылуу боюнча токтоосуз чараларды көрүүгө;

- жаратылышты коргоо мыйзамдарынын бузулгандыгы жана жаныбарлар дүйнөсүнүн объекттерине жана алардын жашоо чөйрөсүнө зыян келтирилгендиги жөнүндө актыларды белгиленген тартипте түзүүгө;

- мергенчилик чарбасын өнүктүрүүнүн стратегиялык планынын аткарылышын сактоого;

- ыйгарым укуктуу орган менен макулдашылган мергенчилик чарба иш-чараларын өткөрүүнүн жылдык пландарын түзүүгө жана аткарууга;

- мергенчилик чарба ишин жүргүзүү укугу берилген аңчылык жерлеринин чектерин (анын ичинде аңчылык участокторунун чектеринин схемаларын жана инфраструктура объекттеринин жайгашууларын түшүрүү менен) белгилөөнү жүргүзүүгө (түркүктөр, аншлагдар жана башкалар);

- 20___- жылдын _____________ чейин белгиленген тартипте ички чарбалык аңчылык түзүлүштү жүргүзүүгө; аңчылык жаныбарларынын жашоосу жана көбөйүшү үчүн жагымдуу шарттарды түзүү максатында алардын чектерин сыпаттоо, аймактарын экспликациялоо жана аянттарын көрсөтүү менен берилген аңчылык жерлеринин бөлүгүн (алардын жалпы аянтынын 10 %ынан кем эмесин) көбөйтүү участоктору үчүн (тынч зоналар, жымжырт зоналар) бөлүп берүүгө;

- мергенчилик чарба ишин жүргүзүү укугу берилген аңчылык жерлеринин чектеринде жапайы жаныбарлардын санын эсепке алууну жыл сайын жүргүзүүгө жана алынган маалыматтарды ыйгарым укуктуу органга жиберүүгө;

- аңчылык жаныбарларынын уруксат берилген түрлөрүн гана Кыргыз Республикасынын аңчылык жана мергенчилик чарбасы чөйрөсүндөгү мыйзамдарын сактоо менен уруксат берилген ыкмалар менен белгиленген тартипте пайдаланууга;

- жаныбарлар дүйнөсүнүн объекттерин коргоо, пайдалануу жана көбөйтүү жаатында Кыргыз Республикасынын ченемдик укуктук актыларында белгиленген талаптарды (эрежелер, лимиттер, ченемдер, мөөнөттөр ж.б.) сактоого;

- аңчылык жана мергенчилик чарбасы чөйрөсүндөгү мыйзамдарда белгиленген ченемдерди, эрежелерди жана башка талаптарды аңчыларга түшүндүрүүгө жана алардын сакталышын камсыздоого;

- аларды сактоону жана көбөйтүүнү камсыз кылуу максатында аңчылык ресурстарын пайдаланууну өз алдынча чектөөгө;

- жаныбарлар жана өсүмдүктөр дүйнөсүнүн объекттерин пайдалануу үчүн белгиленген акыны өз убагында төлөөгө;

- аңчылык жаныбарларын пайдаланууда аларга ырайымсыз мамиле жасоого жол бербөөгө;

- аңчылыкты пайдалануучунун күнөөсү боюнча жаныбарлар дүйнөсүнүн объекттерине жана алардын жашоо чөйрөсүнө келтирилген зыяндын ордун белгиленген тартипте толтурууга;

- аңчылык ресурстарын сактоого жана көбөйтүүгө көмөк көрсөтүүгө;

- мергенчилик чарба ишин жүргүзүү укугу ага берилген аңчылык жерлердин чектеринде жапайы жаныбарларды жана алардын жашоо чөйрөсүн жыл бою кайтарууну камсыз кылууга;

- укук бузуулар (браконьердик) учурларын аныктоого жана бөгөт коюуга;

- жаратылышты коргоо мыйзамдарын бузуу жана жаныбарлар дүйнөсүнүн объекттерине жана алардын жашоо чөйрөсүнө зыян келтирүү фактылары аныкталган учурда актыларды түзүүгө жана аны 5 календардык күндүн ичинде ыйгарым укуктуу органга (анын аймактык түзүмдүк бөлүмдөрүнө) берүүгө;

- жаныбарлар дүйнөсүнүн объекттеринин илдеттери аныкталгандыгы, абалдары начарлагандыгы тууралуу ыйгарым укуктуу органга, ветеринардык жана санитардык-эпидемиологиялык кызматтарга 5 календардык күндүн ичинде маалымдоого;

- ылаңдардын алдын алуу жана аларга каршы күрөшүү жана жаратылыш кырсыктары, табигый жана техногендик мүнөздөгү өзгөчө кырдаалдар учурунда жаныбарларга жардам көрсөтүү боюнча иш-чараларды жүзөгө ашырууга;

- мергенчилик чарба ишин жүргүзүү укугу берилген аңчылык жерлердеги аңчылык ресурстарынын абалы үчүн жана өзүнүн укукка каршы аракеттери (аракетсиздиги) үчүн Кыргыз Республикасынын мыйзамдарына ылайык жоопкерчилик тартууга;

- мергенчилик чарба ишин жүргүзүү укугу берилген аңчылык жерлеринин чектеринде "зыяндуу" жаныбарлардын (карышкырлардын, чөөлөрдүн, афган чыйырчыктарынын (майна), күрөң каргалардын жана сагызгандардын) санын жөнгө салуу боюнча жылдык иш-чаралар пландарына ылайык жүргүзүүгө;

- мергенчилик чарба ишин жүргүзүү укугу берилген аңчылык жерлериндеги аңчылык ресурстарына жана алардын жашоо чөйрөсүнө мониторинг жүргүзүүгө, аңчылык жаныбарларын олжолоону эсепке алууга жана ыйгарым укуктуу органга (анын аймактык түзүмдүк бөлүмдөрүнө) тийиштүү маалыматтарды өз убагында берүүгө;

- мергенчилик чарбасын өнүктүрүүнүн стратегиялык планына жана мергенчилик чарба иш-чараларын өткөрүүнүн ар жылдык пландарына ылайык (зарыл болгон учурда - негизги жер пайдалануучулар менен макулдашуу боюнча) биотехникалык, көбөйтүүчүлүк жана коргоо иш-чараларын жүргүзүүгө;

- белгиленген мөөнөттөрдө белгиленген формалар боюнча отчетторду тапшырууну камсыз кылууга жана квартал сайын (отчеттук кварталдан кийинки айдын 10уна чейин) ыйгарым укуктуу органга өз иши жөнүндө жыйынтыкталган отчетторду берүүгө;

- 2-ТП формасы (аңчылык) боюнча статистикалык отчетту статистикалык органдарга жыл сайын берүүгө;

- мергенчилик чарба ишин жүргүзүү, аңчылык жаныбарларын коргоо, пайдалануу жана көбөйтүү боюнча аңчылыкты пайдалануучунун ишине текшерүүлөрдү (Кыргыз Республикасынын мыйзамдарына ылайык) жүргүзүү үчүн ыйгарым укуктуу органдын чечими боюнча иш алып баруучу кызмат адамдарын тоскоолдуксуз киргизүүгө, аныкталган укук бузууларды четтетүү жөнүндө жазма буйруктарды өз убагында аткарууга;

- ченемдик укуктук актыларга ылайык Кыргыз Республикасы тарабы болгон эл аралык Конвенциялардын (CITES, Бонн жана башка) талаптарын сактоого;

- чек арага жакын аймактын жана чек ара тилкесинин чектеринде мергенчилик чарба ишин Мамлекеттик чек араны кайтаруу чөйрөсүндөгү ченемдик укуктук актылардын талаптарына ылайык жүргүзүүгө.

3. Келишимдин Тараптарынын жоопкерчилиги

6. Ыйгарым укуктуу орган ушул келишимди негизсиз бузгандыгы үчүн жана мергенчилик чарба ишин жүргүзүү жөнүндө келишимге ылайык жана белгиленген тартипте мындай укукту алган юридикалык жактын (аңчылыкты пайдалануучунун) мергенчилик чарба ишин жүргүзүүсүнө негизсиз тоскоолдук кылган башка учурларда Кыргыз Республикасынын мыйзамдарына ылайык жоопкерчилик тартат.

7. Аңчылыкты пайдалануучу айлана-чөйрөнү коргоо жана жаратылышты пайдалануу чөйрөсүндөгү мыйзамдарды бузгандыгы жана келишимдин шарттарын аткарбагандыгы үчүн Кыргыз Республикасынын мыйзамдарына ылайык жоопкерчилик тартат.

8. Аңчылыкты пайдалануучунун күнөөсү боюнча жаныбарлар жана өсүмдүктөр дүйнөсүнүн объекттерине келтирилген зыян факты белгиленгенде аңчылыкты пайдалануучу келтирилген зыяндын ордун белгиленген тартипте толтурууга тийиш.

9. Эгерде ал жеткис жагдайлардан (форс-мажор) улам келишимдин шарттары аткарылбай калса, аңчылыкты пайдалануучу аларды аткарбагандыгы үчүн жоопкерчилик тартпайт.

4. Келишимге өзгөртүүлөрдү, толуктоолорду киргизүү жана келишимдин колдонулушун токтотуу

10. Мергенчилик чарба ишин жүргүзүү жөнүндө келишимге өзгөртүүлөрдү жана толуктоолорду киргизүүгө аны түзгөн Тараптардын эки жактуу макулдугу боюнча гана жол берилет.

11. Келишимдин колдонулушу ал түзүлгөн мөөнөт аяктагандан кийин дароо, ошондой эле келишимде жана Кыргыз Республикасынын мыйзамдарында каралган учурларда токтотулат.

12. Келишимдин колдонуу мөөнөтү аяктаганда же ал бузулганда аңчылыкты пайдалануучунун көбөйтүүгө, коргоого, абаттоого жана башка иштердин түрлөрүнө кеткен чыгымдарынын орду толтурулбайт.

5. Келишимдин өзгөчө шарттары

13. Келишимден келип чыгуучу жана аны менен жөнгө салынбаган бардык талаш-тартыштар Кыргыз Республикасынын мыйзамдарына ылайык чечилет.

14. Келишимдин ажыратылгыс бөлүгү болуп ага тиркелген документтер, анын ичинде төмөнкүлөр саналат:

- ыйгарым укуктуу орган менен келишим түзгөн юридикалык жак - юридикалык жактын катышуучусу тууралуу маалыматтар боюнча конкурстук документтер жана кошумча маалыматтар;

- конкурстун жеңүүчүсү жөнүндө конкурстук комиссиянын чечиминин көчүрмөсү;

- аңчылыкты пайдалануучуга мергенчилик чарба ишин жүргүзүү укугу берилген, аңчылык жерлеринин курамына кирген, ар бир өз алдынча аңчылык жана көбөйтүү участогунун паспорту ушул келишимдин 1-тиркемесине ылайык форма боюнча;

- аңчылыкты пайдалануучуга мергенчилик чарба ишин жүргүзүү укугу берилген бүтүндөй аңчылык жеринин (масштабы 1:200000 же андан чоң) же болбосо ар бир өз алдынча аңчылык жана көбөйтүү участогунун (бардык участоктордун, кордондордун жана кирүүчү жолдордун чектерин көрсөтүү менен) топографиялык картасы ушул келишимдин 2-тиркемесине ылайык форма боюнча.

15. Мергенчилик чарба ишин жүргүзүү жөнүндө ушул келишим бирдей юридикалык күчкө ээ болгон эки нускада түзүлөт, анын бир нускасы ыйгарым укуктуу органда калат, экинчи нускасы аңчылыкты пайдалануучуга тапшырылат.

16. Ушул келишим Тараптар ага кол койгондон кийин күчүнө кирет, ал эми аңчылыкты пайдалануучу ушул келишимде көрсөтүлгөн аңчылык жерлеринин чектеринде мергенчилик чарба ишин жүргүзүү укугуна ээ болот.

Келишимге кол коюу

Келишимдин Тараптарынын реквизиттери жана кол тамгалары:

 Форма

___________________________________________________________ (юридикалык жактын (аңчылыкты пайдалануучунун) аталышы)

Мергенчилик чарбасынын (аңчылык участогунун/кайрадан өндүрүү участогунун) ПАСПОРТУ

________________________________________________________________________________

(мергенчилик чарбасынын (аңчылык участогунун/кайрадан өндүрүү участогунун) аталышы)

Мергенчилик чарба ишин жүргүзүү укугу комиссиянын конкурстун жеңүүчүсүн белгилөө боюнча

жыйналышынын 20____-жылдын "____" _________________ ________________ протоколуна жана

__________________________________________________________________________________

(конкурсту уюштуруучунун аталышы)

мергенчилик чарба ишин жүргүзүү укугу жөнүндө, конкурстун жеңүүчүсүн белгилөө жөнүндө

20__-жылдын "___" _______________ № ___________ буйругуна жана ыйгарым укуктуу мамлекеттик

орган менен 20___-жылдын "____" _______________ тартып 20____-жылдын "___" _______________

чейинки мезгилге ____________________________________________________________________

________________________________________________________________________ мергенчилик

(администрациялык бирдиктин аталышы)

кылуучу жерлердин аймагында Кыргыз Республикасында мергенчилик чарба ишин жүргүзүү жөнүндө

20__-жылдын "___" _______________ № ___________ келишимге ылайык мергенчилик

жерлеринин чектеринде _________________________________________________________________

_____________________________________________________________________________ берилди.

(аңчылык пайдалануучунун аталышы жана дареги)

Мергенчилик чарбасы (аңчылык участогу) ____________________________________________________

_______________________________________________________________________________________

(администрациялык бирдиктин аталышы)

аймагында жайгашкан.

Мергенчилик чарбасынын (аңчылык участогунун) аянты ________ миң га түзөт, анын ичинде:

токойлор - ________ миң га; айдоолор - ________ миң га; шалбаалар - _____________ миң га; суу - ________

миң га; жайыттар - ___________________ миң га.

Мергенчилик чарбасынын (аңчылык участогунун) чектери:

- түндүгү: ___________________________________________________

____________________________________________________________,

- чыгышы: ___________________________________________________

____________________________________________________________,

- түштүгү: ___________________________________________________

____________________________________________________________,

- батышы: ___________________________________________________

____________________________________________________________.

Кайрадан өндүрүү участогунун (тынч зонанын) аянты ______ миң га.

Кайрадан өндүрүү участогунун чектери:

- түндүгү: ___________________________________________________

____________________________________________________________,

- чыгышы: ___________________________________________________

____________________________________________________________,

- түштүгү: ___________________________________________________

____________________________________________________________,

- батышы: ___________________________________________________

____________________________________________________________.

Форма

Мергенчилик чарбасынын (аңчылык участогунун/кайрадан өндүрүү участогунун) ______________________ аянты жана ________________________ (аңчылыкты пайдалануучунун аталышы) жерлердин экспликациясы жөнүндө МААЛЫМАТТАР