КАРА-КАМЫШ АЙЫЛДЫК КЕҢЕШИ

ТОКТОМ

Кара-Камыш айылдык кеңешинин I чакырылышынын кезектеги төртүнчү сессиясы

2025-жылдын 1-апрели

«Аркыт токой чарбасына жана Кара-Камыш айыл аймагына караштуу жайыттарга чыккан малдарга жайыт акысынын өлчөмүн жана жазгы жайытка мал айдоонун мөөнөтүн белгилөө жөнүндө»

Аркыт токой чарбасы мекемесинин директору Ж.А.Топчубековдун 2025-жылдын 26-мартындагы №01/01-6-36 сандуу кайрылуусунун негизинде жана Кара-Камыш айылдык кеңешинин Айыл-чарба, жайыт, жер, экология, чек-ара, архитектура жана курулуш маселелери боюнча туруктуу комиссиясынын 2025-жылдын 26-мартындагы №12 корутундусун карап, талкуулап, Кара-Камыш айылдык кеңешинин I чакырылышынын кезектеги төртүнчү сессиясы

ТОКТОМ КЫЛАТ:

1.     2025-жылга карата Аркыт токой чарбасына жана Кара-Камыш айыл өмөтүнө караштуу жайыттарга мал жаюу үчүн пайдаланылган жайыт жерлеринин жыйымы төмөнкүдөй аныкталсын.

1) Жылкы жана кара малдарга бир башына - 100-00 сомдон, төлүнө – 50 сом

2) Жандыктарга (кой, эчки) бир башына - 30 - 00 сомдон, төлүнө -15 сомдон.

2.    Жазгы жайыттарга айдалуучу малдар 10-апрелден кийин жеткирилип, 10-сентябрдан кийин айдалып келүүгө макулдук берилсин.

3.    Ушул токтом Кара-Камыш айыл өкмөтүнүн kara-kamysh.gov.kg расмий веб-сайтына жарыялансын.

4.    Бул токтомдун аткарылышын көзөмөлдөө жагын Кара-Камыш айылдык кеңешинин айыл-чарба, жайыт, жер, экология, чек-ара, архитектура жана курулуш маселелери боюнча туруктуу комиссияга жүктөлсүн.