КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ

2025-жылдын 15-сентябры № 788-т

“Чүй облусунун жаш майыптар коому” коомдук бирикмесине мамлекеттик колдоо көрсөтүү максатында, Кыргыз Республикасынын Министрлер Кабинетинин 2021-жылдын 24-сентябрындагы № 183 “Мамлекеттик мүлктү ижарага, чарба жүргүзүүгө, ыкчам башкарууга, акысыз убактылуу пайдаланууга берүү тартибин регламенттөөчү маселелер жөнүндө” токтому менен бекитилген Мамлекеттик мүлктү чарба жүргүзүүгө, ыкчам башкарууга, акысыз убактылуу пайдаланууга берүү тартиби жөнүндө жобонун 11-пунктуна, “Кыргыз Республикасынын Министрлер Кабинети жөнүндө” Кыргыз Республикасынын конституциялык Мыйзамынын 13, 17-беренелерине ылайык:

1. Кыргыз Республикасынын Маданият, маалымат жана жаштар саясаты министрлиги белгиленген тартипте “Чүй облусунун жаш майыптар коому” коомдук бирикмесине Чүй облусу, Сокулук району, Сокулук айылы, Ленин көчөсү, 124 дареги боюнча жайгашкан жалпы аянты 150,0 кв. м турак эмес жертөлө жайын акысыз убактылуу пайдалануу келишиминин шарттарында, коммуналдык кызмат көрсөтүүлөрдү жана эксплуатациялоо чыгымдарын төлөө менен ээликтен ажыратуу жана үчүнчү жактарга өткөрүп берүү укугусуз беш жылга чейин мөөнөткө берсин.

2. Төмөнкүлөр күчүн жоготту деп таанылсын:

1) Кыргыз  Республикасынын  Өкмөтүнүн  2017-жылдын 7-сентябрындагы № 389-б буйругу;

2) Кыргыз  Республикасынын  Өкмөтүнүн  2020-жылдын 1-июнундагы № 198-б буйругу.

3. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.