КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2025-жылдын 2-октябры № 627

Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Кыргыз дыйканчылык илимий-изилдөө институтуна К.К.Азыковдун ысымын ыйгаруу жөнүндө

Кыргыз Республикасынын көрүнүктүү ишмери К.К.Азыковдун элесин түбөлүккө калтыруу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Айыл чарба илимдеринин кандидаты К.К.Азыковдун ысымы Кыргыз дыйканчылык илимий-изилдөө институтуна ыйгарылсын жана мындан ары ал: "К.К.Азыков атындагы Кыргыз дыйканчылык илимий-изилдөө институту" деп аталсын.

2. Кыргыз Республикасынын Министрлер Кабинетинин 2024-жылдын 7-мартындагы № 98 "Кыргыз Республикасынын Суу ресурстары, айыл чарба жана кайра иштетүү өнөр жайы министрлиги жөнүндө" токтомуна төмөнкүдөй өзгөртүүлөр киргизилсин:

1) 6-пункттун 11-пунктчасында "Кыргыз дыйканчылык илимий-изилдөө институту" деген сөздөр "К.К.Азыков атындагы Кыргыз дыйканчылык илимий-изилдөө институту" деген сөздөргө алмаштырылсын;

2) жогоруда аталган токтомдун 2, 22-тиркемелери ушул токтомдун 1, 2-тиркемелерине ылайык редакцияда баяндалсын;

3) жогоруда аталган токтомдун 21-тиркемесинде:

- аталышында жана 1-пунктта түрдүү жөндөмөлөрдөгү "Кыргыз дыйканчылык илимий-изилдөө институту" деген сөздөр тиешелүү жөндөмөдөгү "К.К.Азыков атындагы Кыргыз дыйканчылык илимий-изилдөө институту" деген сөздөргө алмаштырылсын;

- 6-пункт төмөнкүдөй редакцияда баяндалсын:

"6. Институттун расмий аталышы:

- мамлекеттик тилде: Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу "К.К.Азыков атындагы Кыргыз дыйканчылык илимий-изилдөө институту" мекемеси;

- расмий тилде: учреждение "Кыргызский научно-исследовательский институт земледелия имени К.К.Азыкова" при Министерстве водных ресурсов, сельского хозяйства и перерабатывающей промышленности Кыргызской Республики.

Кыскартылган аталышы:

- мамлекеттик тилде: "КДИИИ";

- расмий тилде: "КНИИЗ".

3. Бул токтом расмий жарыяланган күндөн тартып он күн өткөндөн кийин күчүнө кирет.

Кыргыз Республикасынын Суу ресурстары, айыл чарба жана кайра иштетүү өнөр жайы министрлигинин башкаруу СХЕМАСЫ

Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу К.К.Азыков атындагы Кыргыз дыйканчылык илимий-изилдөө институтунун башкаруу СХЕМАСЫ