БАГЫШ АЙЫЛДЫК КЕҢЕШИ 

ТОКТОМ

Багыш айылдык кеңешинин VIII чакырылышынын кезексиз  IV сессиясы

2025-жылдын  12-марты  №5

«Багыш айыл ѳкмѳтүнѳ караштуу

№54-контурунда жайгашкан 60 гектар

сугат жерди Багыш айыл ѳкмѳтүнѳ

ѳткѳрүп берүү жөнүндө»

       Кыргыз Республикасынын “Жер” Кодексин негиздеп, Багыш айыл ѳкмѳтүнүн 2025-жылдын 06-мартындагы 01-15/60 сандуу «Багыш айыл ѳкмѳтүнѳ караштуу                   54-контурундагы бардыгы болуп 60 гектар сугат жерлерди Ж.Боконбаев мектебинен 20 гектар, Карылар үйүнѳн 20 гектар, Жалал-Абад шаарында жайгашкан кѳзү азиздер коомунан 20 гектар жерлерди кайра Багыш айыл ѳкмѳтүнѳ ѳткѳрүп берүү жагын суроо жѳнүндѳ» кайрылуусун жана Багыш айылдык кеңешинин Агрардык саясат, ѳзгѳчѳ кырдаалдар, экология, курулуш, архитектура жана коммуникациялар боюнча туруктуу комиссиянын 07.03.2025-жылдагы протоколдук чечимин угуп жана талкуулап Багыш айылдык кеңеши

ТОКТОМ КЫЛАТ

1. Багыш айыл ѳкмѳтүнѳ караштуу 54-контурундагы бардыгы болуп 60 гектар сугат жерди Ж.Боконбаев мектебинен 20 гектар жетим балдар үйү жоюлганына байланыштуу, карылар үйүнѳн 20 гектар, Жалал-Абад шаарында жайгашкан кѳзү азиздер коомунан 20 гектар жерлерди кайра Багыш айыл ѳкмѳтүнѳ ѳткѳрүп берилсин.

2. Токтомдун аткарылышын камсыздоо жагы Багыш айыл өкмөтүнүн башчысы Н.Түгөйбековго милдеттендирилсин.

3. Токтомдун аткарылышын кѳзѳмѳлдѳѳнү Багыш айылдык кеңешинин Агрардык саясат, ѳзгѳчѳ кырдаалдар, экология, курулуш, архитектура жана коммуникациялар боюнча туруктуу комиссиянын тѳрагасы Ж.Сейдахматовго жүктѳлсүн.

          4. Токтом Багыш айыл ѳкмѳтүнүн расмий сайтында жарыялангандан жана юстиция органдарынан каттоодон өткөрүлгөндөн тартып өз күчүнө кирет.