БАГЫШ АЙЫЛДЫК КЕҢЕШИ 

ТОКТОМ

Багыш айылдык кеңешинин VIII чакырылышынын кезексиз  V сессиясы

2025-жылдын  28-марты  №1

«Багыш айыл ѳкмѳтүнѳ караштуу айылдардагы

кожолуктардан таштандыларды чыгарууга,

таза сууга тариф бекитип берүү жөнүндө»

       Кыргыз Республикасынын 2021-жылдын 20-октябрындагы № 123 «Жергиликтүү мамлекеттик администрация жана жергиликтүү өз алдынча башкаруу органдары жөнүндө» Мыйзамынын 34-беренесинин негиздеп, Багыш айыл ѳкмѳтүнүн 2025-жылдын 06-мартындагы 01-15/64 сандуу «Багыш айыл ѳкмѳтү боюнча таштанды ташуу үчүн жана ичүүчү суунун тарифин бекитип берүү жѳнүндѳ» кайрылуусун жана Багыш айылдык кеңешинин бюджет, каржы, муниципалдык менчик, инвестиция, ишкердик, транспорт, кызмат көрсөтүү жана тышкы экономикалык байланыш боюнча туруктуу комиссиянын 25.03.2025-жылдагы протоколдук чечимин угуп жана талкуулап Багыш айылдык кеңеши

ТОКТОМ КЫЛАТ

1. Багыш айыл ѳкмѳтүнѳ караштуу айылдардагы кожолуктардан таштандыларды чыгаруу баалары  айына 200 сом, таза сууга айына 200 сом өлчөмүндө тариф бекитилсин.

2. Токтомдун аткарылышын камсыздоо жагы Багыш айыл өкмөтүнүн башчысы Н.Түгөйбековго милдеттендирилсин.

3. Токтомдун аткарылышын кѳзѳмѳлдѳѳнү Багыш айылдык кеңешинин бюджет, каржы, муниципалдык менчик, инвестиция, ишкердик, транспорт, кызмат көрсөтүү жана тышкы экономикалык байланыш боюнча туруктуу комиссиянын тѳрагасы Э.Жолборсовго жүктѳлсүн.

          4. Токтом Багыш айыл ѳкмѳтүнүн расмий сайтында жарыялангандан жана юстиция органдарынан каттоодон өткөрүлгөндөн тартып өз күчүнө кирет.