КЫРГЫЗ РЕСПУБЛИКАСЫНЫН МЫЙЗАМЫ

2025-жылдын 14-октябры № 210

Билим берүү чөйрөсүндөгү Кыргыз Республикасынын айрым мыйзам актыларына өзгөртүүлөрдү киргизүү жөнүндө

1-берене.

Кыргыз Республикасынын Бюджеттик кодексине (Кыргыз Республикасынын Жогорку Кеңешинин Жарчысы, 2016-ж., № 5, 398-ст.) төмөнкүдөй өзгөртүү киргизилсин:

47-берененин 11-пунктунда "жогорку окуу жайларынын" деген сөздөр "башталгыч жана жогорку кесиптик билим берүүнүн билим берүү уюмдарынын" деген сөздөргө алмаштырылсын.

2-берене.

"Мамлекеттик жана муниципалдык кызмат көрсөтүүлөр жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2014-ж., № 7, 715-ст.) төмөнкүдөй өзгөртүү киргизилсин:

1-берененин 2-бөлүгүнүн үчүнчү абзацында "жогорку окуу жайларына" деген сөздөр "башталгыч жана жогорку кесиптик билим берүүнүн билим берүү уюмдарына" деген сөздөргө алмаштырылсын.

3-берене.

"Билим берүү жөнүндө" Кыргыз Республикасынын Мыйзамына ("Эркин-Тоо" гезити, 2023-жылдын 18-августу, № 66) төмөнкүдөй өзгөртүүлөр киргизилсин:

1) 9-берененин 4-бөлүгүндө "кесиптик жогорку билим берүү" деген сөздөр "башталгыч жана жогорку кесиптик билим берүү" деген сөздөргө алмаштырылсын;

2) 22-берененин 5 жана 7-бөлүктөрү "адистештирилген мамлекеттик билим берүү уюмдарынын" деген сөздөрдөн кийин "жана өзгөчө статуска ээ болгон жогорку кесиптик билим берүүнүн мамлекеттик билим берүү уюмдарынын" деген сөздөр менен толукталсын;

3) 47-берененин 2-бөлүгүндө "кесиптик жогорку билим берүүнүн" деген сөздөр "башталгыч жана жогорку кесиптик билим берүүнүн" деген сөздөргө алмаштырылсын;

4) 57-берененин 5-бөлүгүнүн үчүнчү абзацында "кесиптик жогорку билим берүүнүн" деген сөздөр "башталгыч жана жогорку кесиптик билим берүүнүн" деген сөздөргө алмаштырылсын.

4-берене.

Ушул Мыйзам расмий жарыяланган күндөн тартып он күн өткөндөн кийин күчүнө кирет.

Кыргыз Республикасынын Министрлер Кабинети үч айлык мөөнөттө өзүнүн ченемдик укуктук актыларын ушул Мыйзамга ылайык келтирсин.