КАНЫШ-КЫЯ АЙЫЛДЫК КЕҢЕШИ

ТОКТОМ

Каныш-Кыя айылдык кеңешинин VIII чакырылышынын кезектеги IV сессиясы

  2025-жылдын  05-мартындагы №14

«Каныш-Кыя айыл аймагынын айыл өкмөтүнө караштуу айылдардагы мектепке чейинки билим берүү уюмдарындагы балдар үчүн төлөнүүчү төлөмдү көтөрүү жөнүндө»

Каныш-Кыя айыл аймагынын айыл өкмөтүнүн башчысы Б.С.Ашырбаевдин жана каржы экономика социалдык өнүктүрүү бөлүмүнүн башчысы К.Темирбековдун Каныш-Кыя айыл аймагынын айыл өкмөтүнө караштуу айылдардагы мектепке чейинки билим берүү уюмдарындагы балдарга берилүүчү тамак-аштын, мөмө-жемиштердин, жашылчалардын, кургатылган мөмөлөрдүн баасы өсүп кеткендигине байланыштуу ата-энелер тарабынан берилүүчү төлөмдү 600 (алты жүз) сомго көтөрүп берүү боюнча сунушун угуп жана талкуулап Каныш-Кыя айыл аймагынын айылдык кеңешинин VIII чакырылышынын кезектеги IV сессиясы

ТОКТОМ  КЫЛАТ:

1. Каныш-Кыя айыл аймагынын айыл өкмөтүнө караштуу айылдардагы мектепке чейинки билим берүү уюмдарындагы балдарга берилүүчү тамак-аштын, мөмө-жемиштердин, жашылчалардын, кургатылган мөмөлөрдүн баасы өсүп кеткендигине байланыштуу, балдарга ай сайын төлөнүүчү ата-энелердин төлөмү 600 (алты жүз) сомго бекитилсин.

2. Ар бир баланын тамак ашынын бир күндүгүнө жергиликтүү бюджеттен 36 сомдон, атайын каражаттар эсебинен (ата-энелердин төлөмү) 30 сомдон, жалпы 66 сомдон бекитилсин.

3. Бул токтомдун аткарылышын камсыз кылуу жагы Каныш-Кыя айыл аймагынын айыл өкмөтүнүн каржы экономика социалдык өнүктүрүү бөлүмүнүнө, көзөмөлдөө жагы бюджет экономика жана финансы боюнча туруктуу комиссиясына тапшырылсын.