КЫРГЫЗ РЕСПУБЛИКАСЫНЫН МЫЙЗАМЫ

2025-жылдын 14-октябры № 212

Кыргыз Республикасынын Ош облусунун Алай районунун Гүлчө айыл аймагын райондук маанидеги шаар категориясына киргизүү жөнүндө

1-берене.

Кыргыз Республикасынын Ош облусунун Алай районунун Гүлчө айыл аймагы райондук маанидеги шаар категориясына киргизилсин жана ал Кыргыз Республикасынын Ош облусунун Алай районунун Гүлчө шаары деп аталсын.

2-берене.

Кыргыз Республикасынын Ош облусунун Алай районунун Гүлчө шаарынын чек арасынын баяндалышы тиркемеге ылайык бекитилсин.

3-берене.

Ушул Мыйзам расмий жарыяланган күндөн тартып он күн өткөндөн кийин күчүнө кирет.

Кыргыз Республикасынын Ош облусунун Алай районунун Гүлчө шаарынын чек арасынын баяндалышы

Гүлчө шаарынын административдик чек араларынын баяндалышы үчүн баштапкы чекит катары Кара-Суу району менен Жибек-Жолу айыл аймагынын кесилишкен жериндеги участоктун түндүк-чыгыш тарабында жайгашкан № 1 пункт алынды. Андан ары Кыргызстан Республикасынын Жогорку Кеңешинин 1992-жылдын 27-февралындагы № 764-XII "Ош облусунда Чоң-Алай районун түзүү жөнүндө" токтомуна ылайык чек ара Кара-Суу районунун жерлерин бойлой түндүк-чыгышты карай 2665,64 м аралыкка № 2 пунктка чейин, андан ары 8658,01 м аралыкка № 3 пунктка чейин, бул жерден 6698,84 м аралыкка № 4 пунктка чейин, андан ары 1894,30 м аралыкка № 5 пунктка чейин барат.

Бул жерден тартып чек ара Курманжан Датка айыл аймагынын жерлерин бойлой талаа жолу аркылуу түштүк-чыгышты карай 3805,66 м аралыкка № 6 пунктка чейин уланат. Андан ары чыгышты карай түз сызык аркылуу 1304,15 м аралыкка тоо кыркасына чыгат. Ал жерден түндүк-чыгышты карай аты жок тоо кыркалары аркылуу 4574,97 м аралыкка № 7 пунктка чейин барат. Андан кийин түндүк-чыгышты карай кургак нук менен 811,60 м аралыкка № 8 пунктка чейин барат.

Бул пункттан тартып чек ара түндүк-чыгышты карай Курманжан Датка айыл аймагы аркылуу кургак жерлерди бойлой түз сызык менен 177,94 м аралыкка № 9 пунктка чейин уланат. Андан ары түндүк-батышты карай кургак жерлер аркылуу түз сызык менен 3316,47 м аралыкка № 10 пунктка чейин барат. Ал жерден түндүк-чыгышты карай аты жок арыктагы суунун агымына каршы 126,38 м аралыкка Гүлчө дарыясынын жээгинде жайгашкан № 11 пунктка чейин келет. Андан ары түндүк-батышты карай Гүлчө дарыясынын жээгин бойлой 258,01 м аралыкка № 12 пунктка чейин барат.

Бул пункттан тартып түндүк-чыгышты карай мурунку эт комбинатынын жанындагы талаа жолу менен 565,93 м аралыкка № 13 пункт жайгашкан автомобиль жолуна чейин барат. Ал жерден чек ара түштүк-чыгышты карай "Жар-Кыштак" автожолун бойлой 146,07 м аралыкка барат, андан ары түндүк-чыгышка карай Алымбек Датка атындагы автожолу менен 60,15 м аралыкка, ал жерден түндүк-батышка карай айдоо жерлеринин жанындагы жол менен 115,21 м аралыкка, андан кийин түштүк-батышты карай айдоо жеринин чек арасын бойлой 62,75 м аралыкка барып, ал жерден түндүк-батышты карай тамаркалардын чек арасы менен 39,94 м аралыкка жүрүп, андан ары түндүк-чыгышты карай тамаркаларды бойлой 363,42 м аралыкка кургак нуктун жээгинде жайгашкан № 14 пунктка чейин барат. Ал жерден түндүк-чыгышты карай кургак нук менен 268,44 м аралыкка Курманжан Датка жана Тилектеш айыл аймактарынын чек арасындагы аты жок каналдын ортосунда жайгашкан № 15 пунктка келет. Андан ары түндүк-чыгышты карай аты жок каналдын ортосун бойлой 2209,77 м аралыкка кургак нуктун жээгиндеги № 16 пунктка, андан кийин түштүк-чыгышты карай кургак нукту бойлой 239,38 м аралыкка жүрүп, ал жерден түндүк-чыгышты карай Жусалы дарыясынын жээгин бойлой агымга каршы 2415,94 м аралыкка барат. Андан ары түштүк-чыгышты карай кургак ийри жерлер менен 1152,68 м аралыкка тоо кыркасында жайгашкан № 17 пунктка чыгат. Бул жерден түндүк-чыгышты көздөй Тилектеш айыл аймагынын жерлери менен чектешип, тоо кыркалары аркылуу 2982,60 м аралыкка барып, андан ары түндүк-чыгышты карай кургак жер менен түз сызык боюнча 1052,42 м аралыкка барып, андан ары түндүк-чыгышты карай аты жок тоо кыркалары аркылуу 1769,30 м аралыкка № 18 пунктка чейин барат. Ал жерден түштүк-чыгышты көздөй аты жок тоо кыркалары аркылуу 3193,85 м аралыкка № 19 пунктка чыгат, андан кийин түштүк-чыгышты көздөй аты жок тоо кырлары аркылуу 5349,54 м аралыкка № 20 пунктка чейин барат. Андан ары түштүк-батышты карай тоо кыркалары аркылуу 1573,30 м аралыкка № 21 пунктка чыгат. Бул пункттан түштүк-чыгышты карай Тилектеш айыл аймагынын жерлери менен чектешип, кургак ийри сызык аркылуу 3525,46 м аралыкка № 22 пунктка чыгат. Андан ары түштүк-чыгышты карай тоо кыркалары аркылуу 841,17 м аралыкка Тилектеш жана Жибек-Жолу айыл аймактарынын чектери кошулган жердеги № 23 пунктка барат. Ал жерден чек ара түштүк-чыгышты карай аты жок тоо кырлары аркылуу 3738,04 м аралыкка № 24 пунктка чыгат, андан ары түштүк-батышты карай тоо кыркасы аркылуу 2870,10 м аралыкка № 25 пунктка барат. Андан ары кургак нук аркылуу түндүк-батышты көздөй 584,31 м аралыкка жүрүп, андан кийин түндүк-батышты карай талаа жолу аркылуу 481,23 м аралыкка барып, андан ары түштүк-батышты карай кургак нук аркылуу 689,08 м аралыкка барып, ал жерден түндүк-батышты карай кургак ийри жер менен тоо кыркасы аркылуу 1637,85 м аралыкка № 26 пунктка чыгат.

Бул пункттан чек ара Жибек-Жолу айыл аймагынын жерлери менен чектешип, түндүк-чыгышты карай талаа жолдору жана тоо кыркасы аркылуу 1788,50 м аралыкка № 27 пунктка чыгат. Андан кийин түндүк-батышты карай аты жок дарыянын агымынын багыты боюнча 846,57 м аралыкка № 28 пунктка барат. Бул жерден түндүк-батышты көздөй аты жок тоо кыркалары аркылуу 5099,60 м аралыкка жүрүп, андан ары түндүк-батышты карай кургак жер менен контурлардын чектери аркылуу ийри түз сызык менен 992,52 м аралыкка барып, андан кийин түндүк-батышты карай тоо кыркасы аркылуу 1207,83 м аралыкка жетип, андан ары түндүк-батышты көздөй Будалык дарыясынын агымынын багыты боюнча 281,22 м аралыкка Гүлчө дарыясынын жээгиндеги № 29 пунктка барат.

Бул пункттан чек ара түштүк-чыгышты көздөй Гүлчө дарыясынын агымына каршы 491,38 м аралыкка жүрүп, андан ары кургак нук аркылуу 286,48 м аралыкка барып, андан кийин түштүк-батышты карай тоо кыркалары аркылуу ийри түз сызык аркылуу 4385,78 м аралыкка № 30 пунктка барат. Бул жерден түштүк-чыгышты карай тоо кыркалары аркылуу 5009,58 м аралыкка № 31 пунктка жетет, андан кийин түштүк-батышты карай тоо кыркалары аркылуу 7027,57 м аралыкка № 32 пунктка барат. Андан ары түштүк-батышты карай тоо кыркалары аркылуу 8792,06 м аралыкка баштапкы чекитке - № 1 пунктка кайтып келет.