Ош шаардык кеңешинин 2023-жылдын 20-июну № 143 "Ош шаарында катуу тиричилик калдыктарын…

ОШ ШААРДЫК КЕҢЕШИНИН

ТОКТОМУ

ОШ ШААРДЫК КЕҢЕШИНИН КЕЗЕКСИЗ XIX СЕССИЯСЫ (V ЧАКЫРЫЛЫШ)

2023-жылдын 20-июну № 143

Ош шаарында катуу тиричилик калдыктарына болгон төлөмдөрдү жогорулатуу жөнүндө

Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө” мыйзамынын 27, 34, 39 жана 40-беренелерин жана “Ош шаарынын статусу жөнүндө” мыйзамынын 15-беренесин жетекчиликке алып, Ош шаарынын мэринин орун басары С.Джунусбаевдин, “Ош-Тазалык” атайын адистештирилген муниципалдык ишканасынын башчысы Н.Исмаиловдун маалыматтарын угуп жана талкуулап, Ош шаардык Кеңешинин транспорт, жылуулук-энергетикалык комплекс, муниципалдык чарба жана байланыш маселелери боюнча туруктуу депутаттык комиссиясынын 2023-жылдын 12-июнундагы №17 чечимин, ошондой эле сессиянын жүрүшүндө депутаттар тарабынан айтылган сунуштарды эске алып, Ош шаардык Кеңеши токтом кылат:

1. Ош шаарында катуу тиричилик калдыктарын ташып чыгаруу жана жайгаштыруу үчүн төлөмдөр жогорулатылып, тиркемеге ылайык бекитилсин (1, 2 тиркемелер тиркелет).

2. Ош шаарында катуу тиричилик калдыктарын ташып чыгаруу жана жайгаштыруу үчүн төлөмдөр 2023-жылдын 1-июлунан баштап жаңы тариф менен жүргүзүлсүн.

3. Ош шаардык Кеңешинин 2013-жылдын 4-июндагы №112, 2015-жылдын 12-февралындагы №253 жана 2016-жылдын 26-декабрындагы №56 “Калк, мекемелер, уюмдар жана комерциялык структуралар үчүн турмуш тиричилик калдыктарын ташып чыгарууга тарифтерди бекитүү жөнүндө” токтомдору күчүн жоготту деп табылсын.

4. “Ош-Тазалык” атайын адистештирилген муниципалдык ишканасына (Н.Исмаилов) таштанды таштоочу жай “Жапалак” айылдык аймактык башкармалыгында жайгашкандыгына байланыштуу жашоочуларга тийгизген зыяндуулугун аныктап, таштанды үчүн төлөнүүчү акыны женилдетүү жагы каралсын.

5. Токтом мыйзамда каралган тартипте катталсын жана жалпыга маалымдоо каражаттарына жарыялансын.

6. Токтомдун аткарылышын көзөмөлдөө Ош шаардык Кеңешинин транспорт, жылуулук-энергетикалык комплекс, муниципалдык чарба жана байланыш маселелери боюнча туруктуу депутаттык комиссиясына (М.Маматов) жүктөлсүн.

Төрага

С.С.Назылбеков

Ош шаардык Кеңешинин

2023-жылдын 20-июнундагы

№143 токтомуна №1 тиркеме

Катуу тиричилик калдыктарын ташып чыгаруу кызматына болгон баалардын (тарифтердин)

Прейскуранты

№	Кызмат көрсөтүүнүн түрү	Өлчөө бирдиги	Баасы, сом

1.	Көп кабаттуу үйлөр	1 кишиге, бир айга	35,0
2.	Жеке менчик үйлөр	1 кишиге, бир айга	40,0
3.	Катуу тиричилик калдыктарын чарба субьектилери үчүн ташып чыгаруу (хронометраждын негизинде)	1 м3	550,0
4.	Катуу тиричилик калдыктарын чарба субьектилери өздөрү ташып чыгарганда	1 м3	300,0

Ош шаардык Кеңешинин

аппарат жетекчиси

И.Э. Абдыраимов