Кыргыз Республикасынын Өкмөтүнүн

2019-жылдын 25-ноябрындагы № 631 “Кыргыз Республикасынын дипломатиялык кызматынын бош кызмат орундарын ээлөөгө ачык конкурс өткөрүү тартиби жөнүндө жобону бекитүү тууралуу” токтомуна өзгөртүү киргизүү жөнүндө

Бюрократиядан арылтуу жана дипломатиялык кызматтын бош кызмат орундарын ээлөөгө ачык конкурска катышуу үчүн документтерди берүү эрежелерин оптималдаштыруу максатында, “Кыргыз Республикасынын Министрлер Кабинети жөнүндө” Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Өкмөтүнүн 2019-жылдын 25-ноябрындагы № 631 “Кыргыз Республикасынын дипломатиялык кызматынын бош кызмат орундарын ээлөөгө ачык конкурс өткөрүү тартиби жөнүндө жобону бекитүү тууралуу” токтомуна төмөнкүдөй өзгөртүү киргизилсин:

жогоруда аталган токтом менен бекитилген Кыргыз Республикасынын дипломатиялык кызматынын бош кызмат орундарын ээлөөгө ачык конкурс өткөрүү тартиби жөнүндө жободо:

– 14-пункт төмөнкүдөй редакцияда баяндалсын:

“14. Конкурска катышуу ниетин билдирген адамдар “e-Kyzmat” мамлекеттик порталындагы жеке кабинети аркылуу электрондук форматта өтүнмө берет.

Өтүнмөгө электрондук форматтагы документтер (сканерленген документтер) тиркелет.

Өтүнмөгө тиркелген сканерленген документтердин тизмеги жана аларга карата талаптар ТИМ тарабынан конкурс өткөрүү жөнүндө жарыяда аныкталат.

Персоналды башкаруу кызматы же персоналды башкаруу маселелери боюнча ыйгарым укуктуу адам автоматташтырылган маалыматтык системалар аркылуу талапкердин ким экендигин аныктайт.

Өтүнмө берген жана “e-Kyzmat” мамлекеттик порталы аркылуу документтерди жана маалыматтарды толук эмес көлөмдө берген жарандарга конкурска катышууга уруксат берилбейт.”.

2. Бул токтом расмий жарыяланган күндөн тартып он күн өткөндөн кийин күчүнө кирет.