САРЫ-ӨЗӨН АЙЫЛДЫК КЕҢЕШИНИН

ТОКТОМУ

2024-жылдын 29-майы № 01-7/16

Мамлекеттик менчиктеги объектилерди муниципалдык менчикке кабыл алуу жөнүндө

Кыргыз Республикасынын Президентинин 2024-жылдын 3-апрелиндеги №89 “Отун-энергетикалык комплексинин айрым маселелери жөнүндө” Жарлыгын аткаруу максатында, Кыргыз Республикасынын “Мүлккө муниципалдык менчик жөнүндө” мыйзамынын 6-беренесине ылайык, Сары-Өзөн айылдык кеңешинин XXVIII чакырылышынын кезектеги 3-сессиясы

ТОКТОМ КЫЛАТ:

1.“Кыргызжылуулукэнерго” мамлекеттик ишканасынын “Беловодскидеги райондор аралык жылуулук менен жабдуу жана суу берүү ишканасы” филиалын мамлекеттик менчиктен иштеген жери боюнча өз алдынча башкаруу жана тескөө үчүн, баардык материалдык-техникалык базасы менен биргеликте Сары-Өзөн айыл өкмөтүнүн муниципалдык менчигине баланска өткөрүп алууга макулдук берилсин.

2. Сары-Өзөн айылдык кеңешинин ар бир туруктуу депутаттык комиссиясынан бирден депутат түзүлгөн комиссиянын курамына киргизилсин.

3. Бул токтомдун аткарылышын айыл өкмөтүнүн башчысынын орун басары Т. Талантбек уулуна жүктөлсүн.