КАРА-БҮРГӨН АЙЫЛДЫК КЕӉЕШИ
ТОКТОМ
Кара-Бүргөн айылдык кеңешинин кезектеги 14-сессиясы
2025-жылдын 18-августу № 14/3
Кара-Бүргөн айылынын тургундарынын 2025-жылдын 8-апрелинде №9 жыйынында кабыл алган жазгы талаа жумуштарына, сугат, чөп чабык жана жайыт пайдалануу тартибине байланыштуу сунуштарын бекитүү жөнүндө.
Кыргыз Республикасынын “Жергиликтүү өз алдынча башкаруу жөнүндө” мыйзамына ылайык, 2025-жылдын 8-апрелиндеги №9 Кара-Бүргөн айылынын тургундарынын жалпы жыйынында кабыл алынган чечимдерди карап чыгып, жазгы айдап-себүү, чөп чабуу өнөктүгү жана жайлоого көчүп-конуу мезгилине байланыштуу айыл тургундарынын сунуштарын, айыл турмушунун шарттарын эске алуу менен Кара-Бүргөн айылдык кеңеши ТОКТОМ кылат
1. Төмөнкү сунушталган тарифтер жана тартиптер 2025–2026-2027-жылдар аралыгында Кара-Бүргөн айылынын тургундарына колдонууга сунуш кылынсын.
Айдап-себүү иштери (1 га үчүн):
Жер түрү | Айдоо | Малалоо | Себүү | Жалпысы | Күйүүчү май |
Мурун айдалган жер | 1700 сом | 900 сом | 900 сом | 3500 сом | 50 литр |
Жаңы айдалып жаткан жер | 2200 сом | 900 сом | 900 сом | 4000 сом | 50 литр |
· Шакап салуу – 100 сом жана 3 литр күйүүчү май
Сугат иштери:
Түшүндүрмө | Акысы |
Жер сугат (1 га) | 2200 сом |
Кара-сугат (1 га) | 3500 сом |
Чөп чабык иштери:
Кызмат | Акысы |
Жатка (1 га) | 1500 сом жана 10 литр күйүүчү май |
Пресс (1 даана) | 13 сом жана 10 литр күйүүчү май |
Жазгы сугат иштеринде айдалуучу жерлердин сугаты бүтмөйүнчө башка сугат иштери жүргүзүлбөсүн — деп сунушталсын.
Ар жылдын 25-апрелинен баштап Кара-Бүргөн айыл аймагында коомдук корук уюштурулушу сунушталсын.
Бадачы акысы жана жайыт пайдалануу тартиби төмөнкүдөй сунушталсын:
Бада акысы (жылдык):
Мал түрү | Акысы |
Ири мүйүздүү мал | 600 сом |
Майда жандык (кой, эчки, козу, улак) | 80 сом |
Жылкы | Мал ээси менен бадачы өз ара сүйлөшүү жолу менен макулдашат |
Жайыт акысы (жылдык) бекитилсин.
Мал түрү | Акысы |
Жылкы | 100 сом |
Уй | 100 сом |
Топоз | 100 сом |
Кой, эчки | 20 сом |
Мал жоготууга байланыштуу жоопкерчилик:
Мал түрү | Бадачы төлөй турган сумма |
Козу | 8 000 сом |
Кой | 12 000 сом |
Торпок | 35 000 сом |
Уй | 60 000 сом |
Кулун | 30 000 сом |
Жылкы | 75 000 сом |
Эгерде мал оорудан же табигый кырсыктан өлсө, ал далил менен тастыкталса, бадачы жоопкерчилик тартпайт.
Көчүп-конуу мөөнөтү төмөнкүдөй сунушталсын:
· Орто жайлоолорго көчүү – Ар жылдын 1-майына чейин
· Сырт жайлоолорго – Ар жылдын 1-июнунан 1-октябрына чейин
· Мал 1-октябрга чейин сырткы жайлоолордо кармалышы сунушталат
Ар жылдын 1-июнунан баштап орто жайлоолордо калган кароосуз малдарга дыйкандар тарабынан мал камак уюштурулушусунушталсын.
2. Кабыл алынган тартипти жана макулдашууларды бузган учурларда тиешелүү тараптар Кыргыз Республикасынын “Бузуулар жөнүндө” мыйзамынын негизинде жоопко тартылары эскертилсин.
3. Токтомдун аткарылышын көзөмөлдөө милдетин жергиликтүү өз алдынча башкарууну өнүктүрүү, жалпыга маалымдоо каражаттары, коомдук уюмдар жана жергиликтүү коомдоштуктар менен байланыш, регламент, депутаттык этика жана мандат боюнча туруктуу комиссиясына жүктөлсүн.
Айылдык кеӊештин төрагасы | Б. Кемелов |