СУУ-БАШЫ АЙЫЛДЫК КЕӉЕШИ

ТОКТОМ

Суу-Башы айылдык кенешинин VlII чакырылышынын кезектеги XIV сессиясы

2025-жылдын 10-октябры № 110

 Суу-Башы айыл аймагынын ичүүчү таза суу түтүктѳрүнѳ кошулуу үчүн абоненттердин долбоор жүрүп жаткан кездеги ѳздүк салымы, ичүүчү таза суу түтүктѳрүнѳ абоненттердин кошулуу учурундагы тартиби, абоненттик китепче жана анын ичинде кѳрсѳтүлгѳн “Жанбулак-Ата” МИ менен абоненттин ортосундагы келишим, техникалык шарттар, ситуациялык чийме, айылды ичүүчү таза суу менен камсыз кылуу системаларынан ичүүчү таза сууну пайдалануунун эрежелери, “Жанбулак-Ата” муниципалдык ишканасынын кызматкерлеринин долбоор бүтүп, ишке киргенден баштап кызмат көрсөтүү акылары жана “Жанбулак-Ата” муниципалдык ишканасынын абоненттери ичүүчү таза сууну пайдалануу учурундагы эрежелерди бузгандыгы үчүн айып пул салуу жөнүндө

Кыргыз Республикасынын «Жергиликтүү мамлекеттик администрация жана жергиликтүү өз алдынча башкаруу органдары жөнүндө» Мыйзамынын 34-беренесине ылайык жана  Кара-Булак айылынын 2025-жылдын 8-июлундагы жалпы элдик чогулушунун протоколун эске алуу менен, Суу-Башы айыл аймагынын айыл өкмөтүнүн башчысы Д.Макановдун билдирүүсүн угуп жана талкуулап, Суу-Башы айыл аймагынын айылдык кеңеши токтом кылат:

1.    Суу-Башы айыл аймагындагы элдердин үй-чарбаларына ичүүчү сууну киргизүүнү кошуу тартиби бекитилсин ( №1 тиркеме  тиркелет).

2.    “Жанбулак-Ата” муниципалдык ишканасы тарабынан сунушталган, абоненттерге бериле турган абоненттик китепче жана анын ичиндеги кѳрсѳтүлгѳн: Келишим, техникалык шарттар, ситуациялык чиймеси менен, айылды ичүүчү таза суу менен камсыз кылуу системаларынан ичүүчү таза сууну пайдалануу эрежелери бекитилсин. (№2 тиркеме тиркелет. Тиркеме 11 барактан турат)

3.    Токтомду аткарууга алуу жагы Суу-Башы айыл өкмөтүнүн башчысы Д. Макановго жана “Жанбулак-Ата” МИ жетекчисине  жүктөлсүн.

4.    Токтом каттоодон өткөрүлүп, suu-bashy.gov.kg веб-сайтына жарыялансын жана                           Кыргыз Республикасынын ченемдик укуктук актыларынын мамлекеттик реестрине киргизүү  үчүн Баткен облусунун юстиция башкармалыгына жөнөтүлсүн.

5.    Токтомдун аткарылышын көзөмөлдөө жагы айылдык кеңешинин жер, айыл-чарба жана муниципалдык менчик маселелери боюнча туруктуу комиссиясына тапшырылсын.

                      Тиркеме№1

Суу-Башы айыл аймагынын айылдык кеңешинин VIII чакырылышынын кезектеги XIV сессиясынын 10.10.2025-жылдагы №110 токтомуна тиркеме

Абоненттерди негизги ичүүчү таза суу түтүктөрүнө кошуу тартиби:

1)    Негизги ичүүчү таза суу түтүгүндө жайгашкан кудуктан баштап, абоненттин үйүнө киргенге чейинки аралыктагы ПЭ ичүүчү таза суу түтүкчөсү ташталуучу чункурдун терендиги, 1 метрден кем болбоосу зарыл.

2)    Абоненттин үйүнө тартылуучу ПЭ ичүүчү таза суу түтүкчөсүнүн сапаты сертификацияланган, сапаты жакшы, ички диаметри 15 мм болуусу шарт.

3)    Абоненттин үйүнө тартылуучу ПЭ ичүүчү таза суу түтүкчөсүн көмүү учурунда, анын алдыңкы тарабына 10 см жана жогорку тарабына 20 см.ден кем эмес жумшак топурак же майда кум төшөлүүсү абзел.

4)    Абоненттердин негизги ичүүчү таза суу түтүгүнө туташтырганга чейин ПЭ ичүүчү таза суу түтүкчөсүнүн эки жагындагы уучтары жабык болуп(заглушка) турушу шарт.

5)    Абоненттердин негизги ичүүчү таза суу түтүгүнө кошулуу учурундагы: экскаватор менен казуу, көмүү, ПЭ ичүүчү таза суу түтүкчөсү жана ага кетүүчү каражаттар абоненттин өз эсебинен жүргүзүлөт.

6)    Аткарыла турган жумуштардын баары “Жанбулак-Ата” муниципиалдык ишканасынын көзөмөлүндө болсун жана абоненттердин ичүүчү таза суу түтүгүнө кошуу, суу эсептегичтерди орнотуу “Жанбулак-Ата” муниципиалдык ишканасына жүктөлсүн.

Жооптуу катчы у.м.а.:                                                                        Мурзаева С.

                      Тиркеме№2

Суу-Башы айыл аймагынын айылдык кеңешинин VIII чакырылышынын кезектеги XIV сессиясынын 10.10.2025-жылдагы №110 токтомуна тиркеме

Кыргыз Республикасы

Баткен облусу

Баткен району

Суу-Башы айыл аймагы

“Жанбулак-Ата

муниципалдык ишканасы

Ичүүчү суу  боюнча

абоненттик китепче

(ФАА)

(Дареги)

Кара-Булак айылы 2025-ж

“Жанбулак-Ата” МИнин кызматкерлеринин байланышуу маалыматтары

Жетекчиси_______________________________________________________

Тел.: __________________________________________

Бухгалтер

Аты-жөнү: _______________________________________________________

Тел.: _______________________________________________________

Сантехник

Аты-жөнү: _______________________________________________________

Тел.: _______________________________________________________

Аты-жөнү: _________________________________________________________

Тел.: ______________________________________________________________

Аты-жөнү: _________________________________________________________

Тел.: ______________________________________________________________

Аты-жөнү: _________________________________________________________

Тел.: ______________________________________________________________

Аты-жөнү: _________________________________________________________

Тел.: ______________________________________________________________

“Жанбулак-Ата” МИнин дареги:

Кыргыз Республикасы, Баткен облусу, Баткен району, Суу-Башы  айыл аймагы, Бужум а.

Кыргыз Республикасынын суу ресуртары, айыл чарба жана кайра иштетүү өнөр жайы министирлигине караштуу суу ресурстар кызматы.

Ичүүчү суу менен камсыздоону жана саркынды сууларды чыгарууну өнүктүрүү мамлекеттик мекемеси

           “Климаттын өзгөрүшүнө туруктуу суу чарба кызматтарын жакшыртуу” (ПУВУУИК) долбоорунун негизги максаты тандалган дарыя бассейндеринде климатка туруктуу суу кызматтарынын жеткиликтүүлүгүн жогорулатуу жана  жергиликтүү жана улуттук деңгээлдеги климатка туруктуу сууну башкаруу боюнча институттук потенциалды күчөтүү.

Ичүүчү суу менен камсыздоо, саркынды сууларды чыгаруу жана санитария тутумдарын өнүктүрүүдө башкы багыттар менен иш-чараларды белгилөө, бул чөйрөдөгү кызмат көрсөтүүнү жакшыртуу, ишмердик жүргүзүүдөгү башкы маселелерди чечүү максатында, Кыргыз Өкмөтү тарабынан 2020-жылдын 12-июнь күнү №330 токтому менен бекитилген “КРнын калктуу конуштарын суу менен камсыз кылуу жана саркынды сууларды чыгаруу тутумдарын өнүктүрүүнүн 2026-жылга чейинки  Стратегиясы” кабыл алынган.

Бул Стратегияга ылайык, Кыргыз Республикасынын Министрлер Кабинетинин суу менен камсыз кылуу жана санитария жаатында улуттук саясат боюнча Программаны ишке ашырат.

Бүткүл дүйнөлүк банк каржылаган“Климаттын өзгөрүшүнө туруктуу суу чарба кызматтарын жакшыртуу” долбоорун ишке ашыруучу катары ДИАБ белгиленген.

Долбоордун максаттары

7)    Тандалган дарыя бассейндериндеги калктуу конуштарды суу менен камсыздоо кызматтарынын жеткиликтүүлүгүн жогорулатуу;

8)    Жергиликтүү жана улуттук деңгээлдерде климаттын өзгөрүүсүнө туруктуу суу ресурстарын башкаруу чөйрөсүндө институттук потенциалды жогорулатуу;

9)    Тандалган бассейндердин аймактарында долбоор суу менен камсыздоо, санитария жана ирригация кызматтарынын камтылышын, сапатын жана туруктуулугун жогорулатууну, ошондой эле суу ресурстарын комплекстүү башкарууну жакшыртуу үчүн потенциалды, ошондой эле тиешелүү кызмат көрсөтүүчүлөрдүн дараметин жогорулатууну камсыз кылат;

10) Улуттук деңгээлде долбоор климаттын өзгөрүшүнө туруктуулукту камсыз кылуу аспекттерин эске алуу менен суу ресурстарын башкаруу максатында институттук потенциалды жогорулатууну камсыз кылат.

Долбоордун компоненттери

11) Компонент 1: Инфраструктурага инвестициялар жана кызмат көрсөтүүлөрдүн сапатын жогорулатуу – Подкомпонент 1.1: Ичүүчү суу менен камсыздоо жана санитария (ИСС) инфраструктурасы.

12) Компонент 2: Климаттын өзгөрүшүнө туруктуу кызмат көрсөтүү, суу ресурстарын жана дамбаларды башкаруу үчүн институционалдык потенциалды чыңдоо: Подкомпонент 2.1: ИСС кызматтарын көрсөтүү үчүн институционалдык чыңдоо.

13) Компонент 3: Долбоорду башкаруу, мониторинг жана баалоо, жана кесиптик өнүгүү.

Жеке турак-жайдын ээсин суу менен камсыз кылуу кызмат көрсөтүүлөрүнө

№____ КЕЛИШИМ

20___ ж.  «___» _______                                                         Кара-Булак айылы.

­­­Уставдын негизинде “Жанбулак-Ата” муниципалдык ишканасынын атынан, мындан ары “Жанбулак-Ата” МИ деп аталуучу, башчысы ___________________________________________ бир жагынан жана Кара-Булак айылынын__________________________көчөсү, үй №___ дареги боюнча жашаган жана мындан ары «Абонент» деп аталуучу жаран ___________________________________________________________________экинчи тараптан, төмөндөгүлөр жөнүндө ушул келишимди түздү. 

I. КЕЛИШИМДИН ПРЕДМЕТИ

1.1. Бул келишимдин предмети болуп Абонентти ичүүчү суу менен камсыз кылуу болуп саналат, ал ушул келишимдин шарттарына ылайык “Жанбулак-Ата” МИ кызмат көрсөтүүлөрү үчүн өз убагында төлөйт.

II. ТАРАПТАРДЫН УКУКТАРЫ ЖАНА МИЛДЕТТЕРИ

2.1.“Жанбулак-Ата” МИ  ТӨМӨНДӨГҮЛӨРГӨ МИЛДЕТТЕНЕТ:

a)    Сууну берүүнүн бекитилген графигине ылайык Абонентке үзгүлтүксүз суу менен камсыз кылууну камсыздоого.

b)    «Ичүүчү суунун коопсуздугу жөнүндө» техникалык регламенттин талаптарына ылайык ичүүчү суунун коопсуздугун жана зыянсыздыгын камсыздоого.

c)    Абонент берген документтер же сууну эсепке алуу приборлорунун көрсөтмөлөрүнүн негизинде Айылдык кеңештин депутаттары бекиткен суу менен камсыз кылуу кызмат көрсөтүүлөрүнө жана сууну керектөө ченемдерине тарифтерге ылайык эсептөөнү жана абоненттик төлөмдү кайра эсептөөнү жүргүзүүгө.

d)    Абоненттин арызы боюнча суу түтүгүнүн борбордук магистралына оюп киргизүү жерине чейин ички-короолук (үйдүн ичиндеги) өткөрмө түтүктөрдү акылуу оңдоону жана техникалык тейлөөнү жүргүзүүгө.

e)    “Жанбулак-Ата” МИ  Айылдык кеңештин депутаттары бекиткен Сууну пайдалануу эрежелерине жана Кыргыз Республикасынын башка ченемдик укуктук актыларына ылайык кызматтарды көрсөтүүнүн сапатына жоопкерчилик тартат. 

2.2 ЖАНБУЛАК-АТА МИ ТӨМӨНДӨГҮЛӨРГӨ УКУКТУУ:

a)    Карызы бар Абонентти жазуу жүзүндө эскертүүдөн 5 күндөн кийин өз убагында төлөбөй коюушу үчүн сууну өчүрүүгө.

b)    Карызды төлөгөн учардан кийин “Жанбулак-Ата” МИ аткарылган иштин көлөмүнө байланыштуу Абонентти өчүрүү жана кошууга чыгашалардын сметасы боюнча өзүнчө акыга Абонентти сууга туташтырат.

c)    Экстремалдык кырдаал (табигый кырсыктар ж.б.) менен чакырылган суу менен камсыз кылуу тутумдарынын өчүрүлүшүндө төлөөнү кайра эсептөө жүргүзүлбөйт.

d)    Абонент ичүүчү суунун тарифи Монополияга каршы жөнгө салуу кызматынын Баткен облустук кызматы тарабынан бекитилип, Суу-Башы айылдык кеңеши тарабынан макулдашылган тарифтерине ылайык, 1 куб.м суунун тарифин көтөрүүгө жана түшүрүүгө укуктуу.

2.3. АБОНЕНТ ТӨМӨНДӨГҮЛӨРГӨ МИЛДЕТТЕНЕТ:

a) Абонент ичүүчү суунун 1 куб.м _____сом төөлөгө милдетенет. Ичүүчү суунун тарифи өзөргөн учурда Монополияга каршы жөнгө салуу кызматынын Баткен облустук кызматы тарабынан бекитилген Суу-Башы айылдык кенеши тарабынан макулдашылган тариф боюнча көрсөтүлгөн кызматтар үчүн эсеп-чотторду төлөөнү жүргүзүүгө укуктуу.

b) Сууну пайдалануу эрежелерин, сууну пайдалануунун ченемдерин жана режимдерин катуу сактоого.

c) Эсептик айдан кийинки айдын 20сынан кеч эмес, бир айда 1 жолудан кем эмес суу менен камсыз кылуу кызматтарына төлөөнү үзгүлтүксүз жүргүзүүгө. 

e) Сууну түздөн-түз багыты боюнча рационалдуу пайдаланууга.

с) “Жанбулак-Ата” МИ кызматкерлерине күбөлүгүн көрсөткөндөн кийин суу түтүк жабдууларын, а.и. суу өлчөгүчтү кароого мүмкүндүк берүүгө.

Суу түтүгүн жана суу өлчөгүчтөрүн техникалык оң абалда күтүүгө. Жашоочулардын санынын өзгөрүүсүндө 5 күндүк мөөнөттө документтерди көрсөтүү менен “Жанбулак-Ата” МИге жазуу жүзүндө билдирүүгө. 

f) Менчик ээси алмашкан учурда жаңы Абонент суу менен камсыз кылуу боюнча кызматтарды көрсөтүүгө “Жанбулак-Ата” МИ менен келишимди түзөт.

g) Суу түтүк тармагына кошулуу, сууну эсепке алуу (суу өлчөгүч) аппаратын абоненттин эсебинен орнотуу, “Жанбулак-Ата” МИ берген уруксат жана техникалык шарттардын негизинде ишке ашырылат. 

h) Жеке үй ээликтеринин реконструкцияланган суу менен камсыз кылуу тутумдарына суу өлчөгүчтү орнотуу.

j) Абонент сууну эсепке алуу шайманында пломбалардын бүтүндүгүнө жана сакталышына жоопкерчилик тартат.

k) Абоненттин суу эсептегичи иштебей турган учурда, мурунку 3 айлык орточо коломдогу абанентик толомдун суммасын толойт.

l) Абонент суу түтүкчөлөрүн үйүнө тартып келүүдө, суу түтүктөрүн орнотуу терендиги долбоордогу көрсөтүлгөн өлчөмдү сактоосу милдетенет.

q) Абонентке орнотулган суу эсептегичтер бузулган учурда (кепилдик мөөнөтү бүткөндөн кийин) абоненттин эсебинен ондолот же жаңы сатып алынып орнотулат.

2.4. АБОНЕНТ ТӨМӨНДӨГҮЛӨРГӨ УКУКТУУ:

a)    Керектелүүчү сууга эсептин тууралыгын “Жанбулак-Ата” МИ менен текшерип салыштырууну жүргүзүүгө.

b)    Аларды бекитүүдөн кийин 5 күндөн кеч эмес сууну пайдалануу ченемдерин жана суу менен камсыз кылуу тарифтеринин өзгөрүүсү тууралуу маалыматты алууга.

c)    Сууну пайдалануу эрежелери менен белгиленген тартипте кызматтарды көрсөтүүдө аныкталган кемчиликтерин “Жанбулак-Ата” четтетишине.

III. СУУНУН ЧЫГЫМЫН ЭСЕПКЕ АЛУУНУН ТАРТИБИ

3.1. Суунун чыгымын эсепке алуу Айылдык кеңештин депутаттары тарабынан бекитилген сууну керектөө ченемдерине ылайык, же акт боюнча “Жанбулак-Ата” МИ өкүлү кабыл алган пломбаланган суу эсептегичтин көрсөткүчтөрүнө ылайык жүргүзүлөт. Пломбаны бузууда, же сууну эсептегичти өз билемдик менен алмаштырууда эсептөө Сууну пайдалануу эрежелеринин бекитилген ченемдери боюнча жүргүзүлөт.

3.2. _____________________________ абонентинин   сууну керектөө ченеми.

3.3. Абоненттин сууну керектөө ченеми турак жай үйүн жакшыртуу деңгээлин өзгөртүү менен кайра каралат.

IV. СУУ-БАШЫ МИ МЕНЕН ЭСЕПТЕШҮҮ ТАРТИБИ

4.1. Суу менен камсыз кылуу кызматтарына төлөө Суу-Башы МИ кызматкерлери жеткирген эсеп боюнча “Жанбулак-Ата” МИ кассасына же эсеп счетуна ишке ашырылат.

4.2. Ушул келишимдин 2.3.b) пунктунда көрсөтүлгөн мөөнөттөрдө суу менен камсыз кылуу үчүн көрсөтүлгөн кызматтар үчүн өз убагында эмес төлөөгө Абонентке мөөнөтү өтүп кеткен төлөм суммасынан 0,5% өлчөмүндө ар бир мөөнөтү өтүп кеткен күн үчүн туум эсептелет, бирок карыздын суммасынын 25%нан көп эмес. 

4.3. Суу түтүк тармактарын жана жабдууларын, анын ичинде суу өлчөгүчтү техникалык тейлөөнүн наркы, бекитилген калькуляция жана прейскурант боюнча акылуу кызматтар катары жүргүзүлөт.

V. ТАЛАШТАРДЫ ЧЕЧҮҮ

5.1. Ушул келишимди түзүүдө, аткарууда же бузууда келип чыккан тараптар ортосунда талаштар сүйлөшүүлөр жолу менен чечилет.

5.2. Өз ара алгылыктуу чечимге келбөө учурунда талаш Айыл өкмөтүндө, акыркы чара катарында сот тартибинде чечилиши мүмкүн.

VI. КЕЛИШИМДИН АРАКЕТИНИН МӨӨНӨТҮ

6.1. Ушул келишим ага кол койгон мезгилден баштап күчүнө кирет жана түзүлгөн күндөн баштап бир жылдын ичинде аракетте болот жана мөөнөттү аяктаганга чейин бир ай мурун тараптардын биринин ушул келишимден баш тартуу же аны кайра кароо тууралуу билдирүүсү келип чыкпаса жыл сайын узартылуучу болуп эсептелет.

VII. ТАРАПТАРДЫН ЮРИДИКАЛЫК ЖАНА ФИНАНСЫЛЫК ДАРЕКТЕРИ

Кара-Булак айылы.

СУУ МЕНЕН КАМСЫЗ КЫЛУУ ТАРМАКТАРЫНА КОШУУГА

 ТЕХНИКАЛЫК ШАРТТАР

_______________________________________________________________                          (объекттин аталышы)

_______________________________________________________________

(объекттин жайгашкан жери)

_______________________________________________________________

(жеке адамдын ААФ)

1.Долбоорлонуп жаткан объектти “Жанбулак-Ата” МИ  суу менен камсыз кылуу тармактарына кошууга уруксат берилет 

2. Кошуунун орду__________________________________________________

(жайгашкан жери жана кудуктун номуру)

3. Кошуунун ордунда суунун басымы __________________________________

(минималдуу жана максималдуу)

4.Кошуунун ордунан аралык ______________________________

5. Суунун максималдуу чыгымы___________________________________

6. Кошуунун ордунда болгон өткөрмө түтүктүн  диаметри жана материалы, түтүктүн үстүн жана кудуктун үстүн белгилөө___________________________

7. Көчө магистралдарын өткөрүү учурунда, райондук Архитектура менен макулдашылган диаметр жана трассалар _______________________________

8. Жогорулатуучу насостук станциянын түзмөктөрү, кабыл алуучу резервуарды орнотуу жана анын талап кылынган сыйымдуулугу_____________курамы жана саны боюнча, эгер абонентте сууну эсепке алуу шайманы жок болсо;

9. Башка шарттар _______________________________________________

10. Суу менен курулушту камсыздоо мүмкүнчүлүгүнүн маалыматтар ___________________________________________________________________

11. Ушул техникалык шарттардан четтөөдө долбоор____________________

(суу менен камсыз кылуу тармактарын тескеген уюмдун аталышы) макулдашылсын.

Техникалык шарттардын аракетинин мөөнөтү берүү күнүнөн 10 жыл.

Суу менен камсыз кылуунун жагдайлык схемасы тиркелет

Буюртмачынын жооптуу адамы  _______________________________________________________

М.О. (жеке адамдын ААА)

(колу)

(датасы)

 “Жанбулак-Ата” муниципалдык ишканасынын жооптуу адамы

М.О. (кызматы, ААА) ___________________________________________________________________

(колу)

(датасы)

Суу менен камсыз кылуунун ситуациялык схемасы

Абоненттин ФАА____________________________________________________

__________айылы_______________________көчөсү үй №_____

Түзгөн:  ___________________________

Колу: _____________________________

АЙЫЛДЫ СУУ МЕНЕН КАМСЫЗ КЫЛУУ СИСТЕМАЛАРЫНАН СУУНУ ПАЙДАЛАНУУНУН ЭРЕЖЕЛЕРИ

14) Жалпы жоболор

1.1 Бул Эрежелер мындан ары “Жанбулак-Ата” МИ деп аталуучу айылды суу менен камсыз кылуу кызматын жабдуучу жана мындан ары абоненттер деп аталуучу сууну керектөөчүлөр ортосунда өз ара мамилелерди белгилейт.

1.2 “Жанбулак-Ата” МИ төмөндөгүлөргө милдеттүү:

    - түзүлгөн келишимдерге жана суу менен камсыз кылуу тутумдарынын курулмаларынын фактылай өндүрүмдүүлүгүнө ылайык көлөмдөрдө абоненттерге ичүүчү сууну берүүнү камсыздоого;

    - суу булактарынан алынуучу суунун жана керектөөчүлөргө берилүүчү суунун көлөмүн эсепке алууну жүргүзүүгө;

    - булактардан, водоводдордон, ажыратуу тармактарынан сууну лабораториялык-өндүрүштүк контролдоону үзгүлтүксүз ишке ашырууга;

    - санитардык-эпидемиологиялык кызматтын жергиликтүү органдарына жана Айыл өкмөтүнө суу түтүк тутумунун долбоорунда көрсөтүлгөн талаптардан булактагы суунун сапатынын бардык четтөөсү жөнүндө кабарлоо; 

    - аларга кошулган борбордук суу түтүктөрүн жана ажыратуу тармактарын техникалык эксплуатацияны ишке ашырууга, айыл чарба ишканаларына, бюджеттик уюмдарга жана башка коммерциялык түзүмдөргө короого киргизүү жана бурууга чейин ажыратуучу тармактардын санитардык абалын камсыздоого;

    - суу булагында суунун жетишсиз көлөмүндө же суу түтүк тутумунун жетишсиз өндүрүмдүүлүгүндө сууну берүүнү чектөө же токтотууга чейин 5 күн мурун абонентке эскертип өндүрүштүк-техникалык муктаждыктарга сууну берүүнү чектөө же токтотуу;

                    II. Сууну берүү жана ичүүчү суу менен камсыз кылуу боюнча кызматтарды көрсөтүүгө келишимди тариздөөнүн шарттары

2.1 Абоненттер төмөндөгүлөр боло алат: тийиштүү калктуу пункттарда жашаган жарандар, мамлекеттик, коомдук, кооперативдик жана акционердик ишканалар, бюджеттик уюмдар жана мекемелер, фермерлер жана башка керектөөчүлөр.

2.2 Суу түтүгүнөн сууну берүүгө жана аны керектөөгө негиз болуп Суу-Башы жана абонент ортосунда түзүлгөн келишим саналат.

2.3 Сууну берүүгө жана аны керектөөгө келишимди түзүү үчүн абонент төмөндөгүлөрдү көрсөтүүгө тийиш: 

а) жарандар -  керектөөчүлөрдүн курамы жана саны боюнча расшифровка менен турак-жайды өркүндөтүү жөнүндө маалымат, анын ичинде малдын.

в) юридикалык жактар сууну эсепке алуу шайманы жок болсо абоненттин ишинин түрүнөн көз каранды сууну пайдалануу тийиштүү ченемдерине таянып ичүүчү сууда муктаждыкты эсептөөнү. 

2.4 Сууну берүүгө жана керектөөгө келишим суу түтүк тутумунун фактылай өндүрүмдүүлүгүн эске алуу менен суунун чыгымдалышына түзүлөт.

2.5 Суу боюнча келишимди кайра түзүү же мөөнөтүн узартуу үчүн абонент “Жанбулак-Ата” МИге мөөнөттүн аякташына бир ай калгандан кеч эмес убакыттын ичинде төмөндөгүлөрдү берет:

а) жарандар -  эгер абонентте суу эсептегичи жок болсо, анда керектөөчүлөрдүн курамы жана саны, турак-жайды өркүндөтүү жөнүндө, анын ичинде малдын курамы жана саны боюнча маалымат бериши керек;

в) юридикалык жактар - суу эсептегичи жок болсо, анда абоненттин ишинин түрүнөн көз каранды сууну пайдалануу тийиштүү ченемдерине таянып ичүүчү сууга болгон муктаждыкты эсептөөсү керек. 

2.6 “Жанбулак-Ата” МИ 10 күндүк мөөнөттө берилген маалыматты жана (же) абоненттин эсебин карайт жана аны кайра түзүү же узартуу үчүн көрсөтүлгөн кызматтарга төлөө эсебин тиркөө менен келишимди даярдайт.

2.7  Келишим календардык жыл бүткөнгө чейин бир ай мурун бир дагы жактын баш тартуу же келишимди кайра кароо тууралуу арызы берилбесе узартылды деп эсептелет.  

III. Үй-чарбасын борбордук суу түтүгүнө кошуу

3.1 Абонентти суу менен камсыз кылуунун борборлоштурулган тутумуна кошуу “Жанбулак-Ата” МИнин уруксаты боюнча, абоненттин арызы жана техникалык шарттарды берүүдөн кийин жүргүзүлөт.

3.2 Кошулуучу ажыратуу тармагын куруу долбоорду МИ менен макулдашуудан кийин гана башталышы мүмкүн.

3.3 Бардык кайрадан кошулган ажыратуучу тармактар эксплуатациялоого киргизүүнүн алдында хлордоо жана жуулуга тийиш.

3.4 Айыл өкмөтүнүн билдирмеси боюнча МИ техникалык мүмкүнчүлүктөрдү эсепке алуу менен короо кириштерин кошуунун санын аныктайт. 

3.5 Ажыратуучу суу түтүк тармактарын, сууну бөлүштүрүү тик турмаларын  жана сугаруу пункттарын өзүн билемдик менен суу менен камсыз кылуунун борбордук тутумдарына кошууга катуу тыюу салынат.  

3.6 Короо жана башка кириштерди өз билемдик менен кошууну аныктоодо абонент пайдалануунун бардык мезгили үчүн 24 саат ичинде секундасына 1м ылдамдыкта түтүктүн өткөрүү мүмкүндүгү боюнча эсептелүүчү чыгымдалган суунун көлөмүнө төлөйт жана МИ калькуляциясына ылайык объектти өчүрүүгө чыгымдардын ордун толтурат. 

3.7 Курулган суу түтүк тармактарын жана курулмаларын суу менен камсыз кылуунун борбордук системасына кошууну подряддык ишкана МИнин техникалык көзөмөлү алдында аткарат. МИ абонентти кошуу боюнча жумуштарды акылуу кызматтар катары аткара алат. 

3.8 Үй-чарбасын суу түтүкчөгө кошуу үчүн долбоор жана сууну эсептегичтин болуусу шарт.

3.9 Жарандарга таандык суу түтүк кирмелерин кошуу жана жууп тазалоо акылуу кызматтар катары үй ээлеринен эсебинен МИ тарабынан жүргүзүлөт.

IV. Ажыратуучу тармактардын курулмаларын күтүү

4.1 МИ анын менчигинде турган же ага эксплуатацияга берилген ажыратма тармактарды жана курулмаларды эксплуатациялоону ишке ашырат.

4.2 Булактардын, кабыл алуу жана басымдык-жөнгө салуучу резервуарлардын, сууну сактоо чендеринин каптаждарындагы люктар герметикалуу жабылууга жана пломбаланууга тийиш, буга курулмалардын сакталышын жана санитардык-техникалык абалын камсыздоочу адам жоопкерчилик тартат.

4.3 Суу топтомо колонкаларынан тике жакындыкта жана борбордук суу менен камсыз кылуу тутумдарына карата ажыратуучу тармактарды кошуу жерлеринде малды сугарууга, машиналарды жана механизмдерди жууга тыюу салынат. 

4.4 “Жанбулак-Ата” МИ анын менчигинде же эсплуатациясында турган суу түтүк курулмаларын (резервуарлар, насостук станциялар, суу басым мунаралары, кудуктар, камералар, суу ченөө түйүндөрү, суу ажыратуу колонкалары, өрт өчүрүү гидранттары, запордук арматура ж.б.) кышкы шарттарда эксплуатациялоо үчүн даярдоого тийиш.

V. Суу өлчөгүчтөрдү орнотуу, сатылып жаткан сууну эсепке алуу жана суу менен камсыз кылуу кызматтарына эсептешүү

5.1 Абоненттердин арыздары боюнча “Жанбулак-Ата” МИ абонент сатып алган сууну эсепке алуу шаймандарын орнотот (акылуу кызматтар катары).

5.2 Суу өлчөгүч суунун максималдык сааттык жана суткалык чыгаша өткөрүүсүнө ылайык келүүгө тийиш.

5.3 Суу өлчөгүчтү оңдоодон кийин, аны орнотуунун алдында жана эки жылда бир жолу абонент шайманды текшерүүгө берет. Текшерүүдөн өтпөгөн суу өлчөгүчтөрдү орнотууга мүмкүндүк берилбейт.

5.4 Абонент суу өлчөгүчтүн ишине жана сакталышына, пломбалардын болушуна жана бардык бирикмелердин бүтүндүгүнө жоопкерчилик тартат. Эсепке алуу шайманынын иштен чыгышында абонент “Жанбулак-Ата” МИге билдирүүгө тийиш. 

5.5 Айына бир жолу (ар бир айдын 10 числосунда) абонент суу өлчөгүчтүн көрсөтмөлөрүн алат жана төлөмдү эсептөө үчүн аны МИге берет.

5.6 МИнин өкүлдөрү бекитилген графикке ылайык суу өлчөгүчтөрдүн ишин жана абонеттер берген көрсөткүчтөрдүн ишенимдүүлүгүн текшерүү боюнча контролдук рейддерди жүргүзөт.

Абоненттин суу өлчөгүчтүн көрсөтчүтөрүн алуу жана сууну пайдалануу үчүн актыга кол коюудан баш тартуусунда бул иш Айыл өкмөтүнүн өкүлдөрүнүн катышуусу менен жүргүзүлөт. 

5.7 Алынган суу үчүн эсеп-чотторду берүүгө негиз болуп “Жанбулак-Ата” МИ жана абонент ортосунда төлөөгө (эсепке алуу шаймандары жок абоненттер үчүн) эсептөөлөрдү тиркөө менен түзүлгөн келишим жана абонент берген эсептик мезгил үчүн суу өлчөгүчтөрдүн көрсөтмөлөрү саналат. 

5.8 Берилүүчү сууга тарифтер Айылдык кеңеш тарабынан бекитилет, андан кийин монополияга каршы органдын аймактык бөлүмү менен макулдашылат.

5.9 Суу өлчөгүч оң эмес абалда болгон учурда (жоктугунда) айдын ичинде чыгымдалган суунун көлөмү өткөн акыркы уч айлык колдонулган коломдун орточо эсеби колдонулуп толонот.

5.10 Короо жанындагы тилкелерди сугарууга ичүүчү сууну пайдаланууда (МИ уруксаты боюнча) 1 м3   суу үчүн акы Айылдык кеңеш бекиткен тариф боюнча алынат.

5.11   Абонентке орнотулган суу эсептегичтер бузулган учурда (кепилдик мооноту буткондон кийин) абоненттин эсебинен ондолот же жаны сатып алынып орнотулат.

VI. Ичүүчү сууну рационалдуу пайдалануу талаптары 

6.1 Абоненттер суу түтүк тутумунун долбоору менен каралган максаттарда, келишимге тиркелген тийиштүү эсептөөлөргө ылайык көлөмдө сууну пайдаланууга милдеттүү.  

6.2 “Жанбулак-Ата” МИ ичүүчү сууну максаттуу пайдаланууну ишке ашырат, суу алгыч жерлердин айланасында саздын пайда болушуна жана муздун пайда болуусуна жол бербейт. 

6.3 Айылды суу менен камсыз кылуу тутумдарынан ичүүчү сууну керектеген жарандар, ишканалар жана башка керектөөчүлөр төмөндөгүлөргө милдеттүү:

   - сууну пайдалануунун бекитилген эрежелерин, сууну керектөөнүн ченемдерин жана режимдерин сактоого;

   - ичүүчү сууну үнөмдүү пайдаланууга, аларга таандык ички тармактарда аныкталган бузулууларды өз убагында четтетүүгө, зарыл учурда бузулган участокторду өчүрүп салууга. Суу түтүк тармактарында агып кетүү учурлары жана суу түтүк курулмаларынын бузулушунун учурлары жөнүндө МИге өз убагында кабарлоого.

VII. Ичүүчү сууну берүүнү кыскартуу жана токтотуунун шарттары жана тартиби

7.1 “Жанбулак-Ата” МИ абоненттерге ичүүчү сууну берүүнү кыскартууга же токтотууга өзгөчө учурларда гана укуктуу: табигый кырсык, водовддо узак мөөнөттү авария же башка мажбур кылуучу кырдаалдар. 

    Сууну токтотуу төмөнкү учурларда жүргүзүлөт:

- суу түтүгүнөн суу алуудан абонент баш тартканда;

- абонент жоюлганда;

- айылды суу менен камсыз кылуу борбордук тутумдарына жана ажыратуу тармактарына өз билемдик менен кошулуп алууда.

- суу түтүгүнүн инженердик тарамдарынын жана курулмаларынын бүтүндүгүн бузган учурда

- жашыл бак-дарактарды ичүүчү суу менен сугаруу фактысы катталса 

7.2 МИ суу түтүк курулмаларында кокустан болгон аварияда кабарлоосуз сууну берүүнү токтотот жана бул тууралуу абонентке кабарлайт.

7.3 МИ көрсөтүлгөн жумуштардын башталышына чейин 5 сутка мурун абонетке кабарлоо менен оңдоо-алдын-алуу жана пландык-эскертүү иштерин жүргүзүүдө сууну берүүнү токтотот.

7.4 МИ төмөндөгү учурларда эскертүүсүз абонентке сууну берүүнү убактылуу токтото алат: 

 - өрт чыккан жерге сууну берүүнү көбөйтүү зарылдыгында;

      - энергия менен камсыздоо токтотулганда, сууну берүүгө келишимди түзүүдө абоненттин баш тартуусунда, өткөн мезгил үчүн алынган сууга абоненттин төлөөдөн негизсиз баш тартуусунда.

 VIII. СУУ-БАШЫ МИ ЖАНА АБОНЕНТТЕРДИН ӨЗ АРА МАМИЛЕЛЕРИ

8.1 “Жанбулак-Ата” МИ VII бөлүктө саналып өткөн себептер боюнча сууну берүүдө үзгүлтүктөр үчүн жоопкерчилик тартпайт. 

8.2 Насостук станциялардын жетишсиз кубаттуулугунда же суу түтүк тармагынын өткөрүү мүмкүндүгүнөн суунун жетишсиздигинде МИ Айыл өкмөтү менен макулдашуу боюнча аларды сууну берүү режими жөнүндө милдеттүү кабарлоо менен белгиленген графиктер боюнча айрым керектөөчүлөргө сууну берүүнү уюштурууга укуктуу.

8.3 МИ өкүлдөрү абонентин ички чарбалык ажыратуу тармактарында бардык суу түтүк курулмаларын кароого укуктуу.

8.4 МИ сууну жоготууларды кыскартуу, агып кетүүлөрдү жана сууну абоненттердин рационалдуу эмес пайдалануусун аныктоо боюнча пландуу иш алып барат. 

8.5 Ичүүчү суу менен камсыздоо боюнча кызматтарды көрсөтүү боюнча келишимдерди түзүү, бузуу, анын шарттарын өзгөртүү, ошондой эле аларды аткаруу боюнча талаштар сот тартибинде чечилет.

8.6 Абоненттер төмөндөгүлөргө милдеттүү:

      - эсепке алуу шаймандарында МИ орноткон пломбалардын сактыгына көз салууга; 

      - абоненттин аймагында жайгашкан суу түтүк тармактары жана курулмаларынын үстүндө кошуп курууларга жол бербөөгө;

      - суу түтүк тармактарында жана курулмаларында аныкталган бузулуулар жана оң эместиктер тууралуу МИге билдирүүгө;

      - МИ алдында келишимдик милдеттенмелерди аткарууга, сууну эсепке алуу шаймандарынын көрсөткүчтөрүн өз убагында алууга жана берүүгө, төлөм документтерин бекитилген мөөнөттөрдө төлөөгө;

     - суу ченөө түйүндөрүндө иштин бардык түрлөрүн жүргүзүүгө башка адамдарга мүмкүндүк бербөөгө.

15) Суу түтүк жабдууларынын болушун, тургундардын жана малдын санын, абоненттин аянтынын көлөмүн салыштырып текшерүүнү жүргүзүүгө.

Сууну эсепке алуу (суу өлчөгүч, эсептегич) приборунун паспорту

Суу өлчөгүчтүн (эсептегичтин) модели_________________________________________________________

Суу өлчөгүчтүн (эсептегичтин) сериялык номуру ___________________________________________________________

___________________________________________________________

___________________________________________________________

Үй чарбасынын маалыматтары

Адамдардын саны___________________________________________

Малдын саны_______________________________________________

___________________________________________________________

Тилкенин (чарбактын) аянты ___________________________________________________________

                                                                    Суу-Башы айыл аймагынын айылдык

                                                                                                           кеңешинин «___»._________ 202__-жылдагы

                                                                                                 №________  токтому менен бекитилген

Суу менен камсыз кылууну тейлөөгө кошумча жумуштарды бекитилген тарифи жана суу пайдалануу эрежелерин бузгандыгы үчүн жазалар

“Жанбулак-Ата” МИ кызматкерлеринин кызмат көрсөтүү акылары

Кыргыз Республикасынын Бузуулар жөнүндө кодекси

120¹-берене. Жолдун жүрүүчү бөлүгүндө жайгашкан кароочу кудуктарды, жер алдындагы коммуникацияларды күтүү эрежелерин бузуу

1. Жолдун жүрүүчү бөлүгүндө жайгашкан кароочу кудуктарды, жер алдындагы коммуникацияларды күтүүнүн эрежелерин бузуу, ага тете жолдун үстүңкү бетине суунун, техникалык суюктуктардын, буунун чыгышына жана ушул себептен улам жол бетинин бузулушуна, муздун пайда болушуна, көрүүнүн чектелишине жана башка тоскоолдуктарга алып келген жер астындагы коммуникациялардын бузуктарын оңдоо үчүн чара көрбөө, -

4-категориядагы айып пул салууга алып келет.

2. Ушул берененин 1-бөлүгүндө каралган, жабырлануучунун саламаттыгына жеңил зыян келтирүү, транспорт каражаттарын, жүктөрдүн жана башка мүлктү бузуу менен жол-транспорт кырсыгына алып келген бузуу, -6-категориядагы айып пул салууга алып келет.

118-берене. Суудагы иштерин жүргүзүүдө коопсуздук эрежелерин бузуу

Сууда суучулдук жана башка иштерди жүргүзүү эрежелерин бузуу -

1-категориядагы айып пул салууга алып келет.

180-берене. Сугат суу менен камсыз кылуу үчүн ирригациялык системаны пайдаланууну жана күтүүнү бузуу

Айыл чарба багытындагы калктуу конуштардын ичиндеги жерлерди жана башка жерлерди сугат суу менен камсыз кылуу үчүн белгилүү ирригациялык системаны пайдалануу жана күтүү эрежелерин бузуу -

2-категориядагы айып пул салууга алып келет.

269-берене. Өлчөө техникасынын каражаттарын өндүрүү, оңдоо, сатуу жана пайдалануу тартибин бузуу

Өлчөө техникасынын каражаттарын өндүрүү, оңдоо, сатуу, жүгүртүү, текшерүү, калибрлештирүү же метрологиялык аттестациялоо, мамлекеттик метрологиялык көзөмөл жайылтылган чөйрөлөрдө өлчөөлөрдү же алардын натыйжаларын пайдалануу шарттарын аткаруу эрежелерин бузуу -

3-категориядагы айып пул салууга алып келет.

Жооптуу катчы у.м.а.;                                                                                       Мурзаева С.