НАРЫН ШААРДЫК КЕӉЕШИ

ТОКТОМ

VI ЧАКЫРЫШТАГЫ КЕЗЕКТЕГИ XV СЕССИЯСЫ

2025-жылдын 14-октябры  № 1

Нарын шаарынын жергиликтүү коомдоштуктарынын өкүлдөрүнүн  курултайын чакырууну  жана өткөрүүнү уюштуруу жөнүндө

Кыргыз Республикасын Президентинин 2025-жылдын 22-сентябрындагы №270 “Кезектеги IV Элдик Курултайды чакыруу жөнүндө” Жарлыгына жана “Элдик Курултайдын  делегаттарын шайлоо жөнүндө Жобого жана Кыргыз Республикасынын “Жергиликтүү мамлекеттик администрациялар жана жергиликтүү өз алдынча башкаруу органдары жөнүндө”  Мыйзамын, Нарын шаардык Кеңешинин Регламентин жетекчиликке алып,  Нарын шаардык Кеңешинин сессиясы токтом кылат:

1.           Нарын шаарынын жергиликтүү коомдоштуктардын өкүлчүлүктүү  курултайынан Элдик  Курултайга делегаттарды шайлоо жыйыны     2025-жылдын 1-ноябрь, ишемби  күнү Нарын шаарынын Ж.Шералиев атындагы балдардын искусство мектебинин жыйындар залында саат 10 ⁰⁰ дө өткөрүлсүн.

2. Кыргыз Республикасынын “Элдик Курултайына” Нарын шаарынан делегаттардын бекитилген квоталарына ылайык 3 делегат көрсөтүлсүн.

3. Нарын шаарынын жергиликтүү коомдоштуктардын өкүлдөрүнүн курултайына делегаттарды шайлоо 5 аймактык чөлкөмдөрдө жашаган калктын санына жараша Нарын шаарындагы 1-аймактык РТС чөлкөмүнөн-33делегат, 2-аймактык И.Раззаков  чөлкөмүнөн – 33 делегат, 3-аймактык Борбор  чөлкөмүнөн - 28 делегат, 4-аймактык Көтөрмө  чөлкөмүнөн - 25 делегат, 5- аймактык Батыш чөлкөмүнөн - 31 делегат көрсөтүлсүн,  жана ченемге (нормага)  ылайык шаардык курултайга 150  (жүз элүү) делегат шайлансын.

4. Элдик Курултайга Нарын шаарынан делегаттарды шайлоону уюштуруу жана өткөрүү боюнча жумушчу топтун курамы (мындан ары- жумушчу топ) 1-тиркемеге ылайык бекитилсин (курамы тиркелет).

5. Нарын шаарынын жергиликтүү коомдоштуктарынын  өкүлдөрүнүн курултайына делегаттарды шайлоо 5 аймактык чөлкөмдө түзүлгөн графиктин негизинде өткөрүлсүн (2-тиркеме тиркелет).

6. Жергиликтүү курултайга делегеттарды шайлоо боюнча чогулуштар жашаган жери боюнча белгиленген графикке ылайык жумушчу топтун мүчөлөрүнүн жана өткөрүүгө жооптуу депутаттардын катышуусу  менен жүргүзүлсүн.

7. Нарын шаарынын жергиликтүү коомдоштуктарынын өкүлдөрүнүн курултайынан Элдик курултайга шайланган делегаттардын тизмелерин, шайлоо тууралуу протоколун жана толтурулган анкеталарын уюштуруу комитетине тапшыруу жумушчу топтун курамына жүктөлсүн.

8. Нарын шаардык жергиликтүү коомдоштуктун  курултайын уюштурууга жана өткөрүүгө байланышкан финансы маселелерин чечүү жагы Нарын шаардык мэриясына тапшырылсын.

9. Массалык маалыматтар каражаттары аркылуу Нарын шаардык  жергиликтүү коомдоштуктардын курултайын жана аймактык чөлкөмдөрдө өткөрүлүүчү  чогулуштардын (жыйындардын) саатын жана дарегин жергиликтүү жамаатка алдын ала маалымдоо  жагы Нарын шаардык мэриясына  милдеттендирилсин.

10. Нарын шаардык мэриясы жана Нарын шаардык ички иштер бөлүмү Нарын     шаарынын жергиликтүү коомдоштуктардын  өкүлдөрүнүн курултайын  жана чөлкөмдөрдө өткөрүлүүчү жыйындарын өткөрүү мезгилинде мыйзамдуулукту, коомдук тартипти,   коопсуздукту сактоо боюнча зарыл чараларды көрсүн жана жергиликтүү коомдоштуктардын  мүчөлөрүн жыйынга катышуусун камсыз кылсын.

111.Токтомдун  аткарылышын көзөмөлдөөнү өзүмө калтырамын.

       1-тиркеме

Жергиликтүү курултайды уюштуруу жана өткөрүү боюнча

 жумушчу тобунун курамы

1.      Эсеналиев Жылдызбек Кубанычбекович  -    Нарын шаардык Кеңешинин

төрагасы, жумушчу топтун жетекчиси;

2.      Жапаралиева Акылай Өмүрбековна   -    Нарын шаардык Кеңешинин

жооптуу катчысы, жумушчу топтун катчысы

                                   Жумушчу топтун мүчөлөрү:

1.     Мукашова Нурзада -                                  Нарын шаардык

                                                        мэриясынын  жетектөөчү адиси                               

2.    Мааткеримов Айтбек Мааткеримович -     Нарын шаардык Кеңешинин 

                                                                     депутаты ,

3.    Джумамудунова Гүлназ Сабыркуловна     -  Нарын шаардык Кенешинин

                                                                                        депутаты ,

4.    Апышев Акылбек Замирбекович -              Нарын шаардык Кенешинин

                                                                                      депутаты ,

5.    Жаманова Асылкүл Окошевна - Кыргыз Республикасынын

                                                                    Коррупцияга каршы             

“Жогорку Элдик Көзөмөл”

коомдук бирикмесинин

Нарын облусу

боюнча координатору ,    

6.    Усенова Анара   Караталовна - Нарын шаардык мэриясынын                          адиси

          7.Жунушова Аида Орозобековна -                  Нарын шаардык Кенешинин

иш  кагаздарын жүргүзүүчү

Нарын шаардык Кеңешинин

жооптуу катчысы                                                                                     А.Жапаралиева

                                                                                                                                                                                                                                                    2-тиркеме

2025-жылдагы жергиликтүү курултайга делегаттарды шайлоо боюнча

Нарын шаарынын чөлкөмдөрүндө жергиликтүү жамааттар менен жолугушуунун  графиги

Эскертүү: Жолугушууларга шаардык мекеме, ишканалардын жетекчилеринин толук катышуулары милдеттендирилет.Ал эми, шаардык делегаттарды шайлоо боюнча жыйын Ж.Шералиев атындагы музыкалык мектебинде 2025-жылдын  1-ноябрында саат 10:00 до өткөрүлөт.

Нарын шаардык Кеңешинин

жооптуу катчысы  А.Жапаралиева