Документтерди кароо мөөнөтүн кыскартуу, мамлекеттик кызмат көрсөтүүлөрдүн жеткиликтүүлүгүн жогорулатуу максатында, “Кыргыз Республикасынын Министрлер Кабинети жөнүндө” Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат: 1. Кыргыз Республикасынын Өкмөтүнүн 2013-жылдын 11-ноябрындагы № 596 “Дене тарбия жана спорт мекемелеринде, уюмдарында кесиптик педагогдук жана окутуу-машыктыруу ишин жүргүзгөн адамдарды эсепке алып каттоонун тартибин, дене тарбия жана спорттун ыйгарым укуктуу органында эсепке алынып каттоодон өткөндүгү жөнүндө күбөлүктүн формасын бекитүү тууралуу” токтомуна төмөнкүдөй өзгөртүү киргизилсин:

жогоруда аталган токтом менен бекитилген Дене тарбия жана спорт мекемелеринде, уюмдарында кесиптик педагогдук жана окутуу машыктыруу ишин жүргүзгөн адамдарды эсепке алып каттоонун тартибинде:

– 4-пункттагы “30 календардык күндөн” деген сөздөр “15 календардык күндөн” деген сөздөргө алмаштырылсын.

1.  Бул токтом расмий жарыяланган күндөн тартып он күн өткөндөн кийин күчүнө кирет.