СУУ-БАШЫ АЙЫЛДЫК КЕӉЕШИ

ТОКТОМ

Суу-Башы айыл аймагынын айылдык кенешинин VlII чакырылышынын кезексиз  XVI сессиясы

2025-жылдын 4-декабры № 126

 Суу-Башы айыл аймагынын Бужум айылындагы 120,0 га жер аянтына жеке менчик турак жай куруу үчүн берилүүчү жер өлчөмүн бекитүү жөнүндө

”Жергиликтүү мамлекеттик администрациясы жана жергиликтүү өз алдынча башкаруу органдары жөнүндө”Мыйзамынын жана Кыргыз Республикасынын Жер кодексинин 21-беренесине ылайык,  Суу-Башы айыл аймагынын айыл өкмөтүнүн 2025-жылдын 2-декабрындагы №517 сандуу чыгыш катынын жана Суу-Башы айыл аймагынын айылдык кеңешинин жер, айыл чарба жана муниципалдык менчик маселелери боюнча туруктуу комиссиясынын 2025-жылдын 4-декабрындагы отурумунун корутундусунун негизинде, Бужум айылынын элдерин жеке менчик турак жай менен камсыз кылуу максатында, Суу-Башы айыл аймагынын айыл өкмөтүнүн башчысы Д.Макановдун билдирүүсүн угуп жана талкуулап, Суу-Башы айыл аймагынын айылдык кеңеши токтом кылат:

1. Суу-Башы айыл аймагынын Бужум айылындагы 120,0 га жер аянтына жеке менчик турак жай куруу үчүн берилүүчү жер өлчөмү ар бир атуулга 0,08 га өлчөмүндө  бөлүнүп берилсин.

1. Токтомду аткарууга алуу жагы Суу-Башы айыл аймагынын айыл өкмөтүнүн башчысы Д.Макановго милдеттендирилсин.

1. Токтом каттоодон өткөрүлүп, suu-bashy.gov.kg веб-сайтына жарыялансын жана Кыргыз Республикасынын ченемдик укуктук  актыларынын мамлекеттик реестрине киргизүү  үчүн Баткен облусунун юстиция башкармалыгына жөнөтүлсүн.

1. Ушул токтомду  көзөмөлгө алуу жагы жер,айыл чарба жана муниципалдык менчик маселелери боюнча туруктуу комиссиясына тапшырылсын.