ДОСТУК АЙЫЛ АЙМАГЫНЫН АЙЫЛДЫК КЕҢЕШИ

ТОКТОМ

Достук айылдык кенешинин 1-чакырылышынын кезектеги 4-сессиясы

2024-жылдын 08-майы, №7

Достук айыл аймагынын аймагындагы ирригациялык курулуштарды муниципалдык менчикке кабыл алуу жөнүндө

«Мүлккө муниципалдык менчик жөнүндө» Кыргыз Республикасынын Мыйзамынын 2 жана 19-беренелерине, «Жергиликтүү мамлекеттик администрация жана жергиликтүү өз алдынча башкаруу органдары жөнүндө» Кыргыз Республикасынын Мыйзамынын 34-беренесине ылайык» Достук айыл өкмөтүнө ирригациялык курулуштарды муниципалдык менчикке өткөрүү жөнүндө “Сохил” СПАнын, “Төлөйкөн” СПАнын жана “Ак-Дарыя Гидро” СПАнын мүчөлөрүнүн жалпы чогулушунун чечимине ылайык

ТОКТОМ КЫЛАТ:

1. “Сохил” СПАнын, “Төлөйкөн” СПАнын жана “Ак-Дарыя Гидро” СПАнын мүчөлөрүнүн жалпы чогулушунун ирригациялык объектилерди муниципалдык менчикке өткөрүү жөнүндө өтүнүчү канааттандырылсын.

2. Айыл өкмөтүнүн башчысы М.Н Кадиров:

1) “Сохил”, “Төлөйкөн” жана “Ак-Дарыя Гидро” суу пайдалануучулар ассоциациялары менен биргеликте ирригациялык курулуштар түрүндөгү мүлктү муниципалдык менчикке кабыл алуу актысы түзүү;

2) Сохил”, “Төлөйкөн” жана “Ак-Дарыя Гидро” суу пайдалануучулар ассоциациялары менен ирригациялык курулуштарды өткөрүү актыларын түзүүгө, аны мамлекеттик нотариус тарабынан күбөлөндүрүүгө жана мамлекеттик каттоо кызматында каттоодон өткөрүүнү жүргүзүү;

3) Ирригациялык курулуштарды муниципалдык менчиктин реестрине киргизүү сунушталсын.

1. Ушул Достук айылдык Кеңешинин 2024-жылдын 8-майындагы № 7 токтому Ош облустук юстиция башкармалыгынан мамлекеттик каттоодон өткөрүлсүн.

8. Токтомдун аткарылышын көзөмөлдөө жагы айылдык кенештин айыл чарбасы, жерге жайгаштыруу жана кыймылсыз мүлккө укуктарды каттоо, жаратылышты коргоо боюнча туруктуу комиссиясына тапшырылсын..