ОЙ-ТАЛ АЙЫЛДЫК КЕҢЕШИ

ТОКТОМ

Ой-Тал айыл аймагынын айылдык кеңешинин уюштуруу жыйналышы

2025-жылдын 24-февралы № 1/3

“Ой-Тал айыл аймагынын айылдык кеңеши"

мекемесин түзүү жөнүндө

Кыргыз Республикасынын Президентинин 2024-жылдын 7-февралындагы №24 "Пилоттук режимде жүргүзүлүп жаткан административдик-аймактык реформанын алкагында жергиликтүү кеңештердин иши жөнүндө убактылуу жобону бекитүү тууралуу” Жарлыгын, Кыргыз Республикасынын Министрлер Кабинетинин 2024-жылдын 7-февралындагы №52 "Пилоттук режимде административдик-аймактык реформа жүргүзүү мезгилинде Кыргыз Республикасынын жергиликтүү өз алдынча башкаруусунун аткаруу органдарынын ишин уюштуруу жөнүндө" токтомун,  Кыргыз Республикасынын Жарандык кодексинин 92-беренесин, “Кыргыз Республикасынын Жергиликтүү мамлекеттик администрация жана жергиликтүү өз алдынча башкаруу органдары жөнүндө” Мыйзамын жана  Кыргыз Республикасынын Министрлер Кабинетинин 2023-жылдын 31-мартындагы №178 токтому менен бекитилген “Юридикалык жактарды,филиалдарды (өкүлчүлүктөрдү) мамлекеттик каттоонун тартиби жөнүндө” Жобону  жетекчиликке алып, Ой-Тал айыл аймагынын айылдык кеңеши       

ТОКТОМ КЫЛАТ:

1. “Ой-Тал айылдык кеңеши” мекемеси жана “Капчыгай” айылдык кеңеши мекемеси бириктирүү жолу менен “Ой-Тал айыл аймагынын айылдык кеңеши” болуп кайра түзүлсүн.

Юридикалык жактын толук фирмалык аталышы:

- Мамлекеттик тилде: "Ой-Тал айыл аймагынын айылдык кеңеши " мекемеси;

- Расмий тилде: Учреждение "Айылный кенеш Ой-Талского айылного аймака"

Кыскартылган фирмалык аталышы:

- Мамлекеттик тилде: " Ой-Тал айыл аймагынын айылдык кеңеши" м-и.

- Расмий тилде: У-е "Айылный кенеш Ой-Талского айылного аймака"

2. “Ой-Тал айыл аймагынын айылдык кеңеши” мекемесинин Жобосу бекитилсин.

3. Ой-Тал айыл аймагынын айылдык кеңешинин юридикалык дареги болуп, Кыргыз Республикасы, Ош облусу, Кара-Кулжа району, Сары-Бээ айылы, Ш.Курмантаев көчөсү № 9 болуп аныкталсын.

4. Юридикалык жактын уюштуруучусу - жергиликтүү кеңештин депутаттары.

5. Мекеме Кыргыз Республикасынын иштөөдөгү мыйзамдарына ылайык Кыргыз Республикасынын юстиция органдарында мамлекеттик каттоодон өткөрүлсүн.

Буйрукта көрсөтүлгөн маалыматтардын, ошондой эле мамлекеттик каттоо үчүн тапшырылган документтердеги маалыматтардын аныктыгы ырасталат.