КЫРГЫЗ-АТА АЙЫЛДЫК КЕӉЕШИ

ТОКТОМ

Кыргыз-Ата айылдык кеңешинин VIII-чакырылышынын кезектеги 10-сессиясы

2025-жылдын 13-октябры  №01-4/5

Кыргыз-Ата айыл өкмөтүнүн 2025-2027-жылдарга социалдык-экономикалык өнүгүү планына киргизилген Кыргыз-Ата айыл аймагындагы Көтөрмө айылынын борбордук көчөлөрүнүн жээгиндеги эски тротуарларды капиталдык оңдоодон өткөрүү долбооруна жергиликтүү бюджеттен өздүк салым үчүн акча каражатын ажыратуу жөнүндө

Кыргыз-Ата айыл өкмөтүнүн 2025-жылдын 06-октябрындагы №01-19/218 сандуу сунуш катындагы маселени карап, талкуулап, Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Мыйзамынын 34-беренесине таянып, Кыргыз-Ата айылдык кеңеши токтом кылат:

1.Кыргыз-Ата айыл өкмөтүнүн 2025-2027-жылдарга социалдык -экономикалык

өнүгүү планына киргизилген Кыргыз-Ата айыл аймагындагы Көтөрмө айылынын борбордук көчөлөрүнүн жээгиндеги эски тротуарларды капиталдык оңдоодон өткөрүүгө түзүлгөн үлүштүк дем берүүчү гранттардын эсебине долбоор даярдоо айыл өкмөтүнүн башчысына милдеттендирилсин.

2.Кыргыз-Ата айыл өкмөтүнүн 2025-2027-жылдарга социалдык-экономикалык

өнүгүү планына киргизилген Кыргыз-Ата айыл аймагындагы Көтөрмө айылынын борбордук көчөлөрүнүн жээгиндеги эски тротуарларды капиталдык оңдоодон өткөрүүгө даярдалган долбоорго айыл өкмөтүнүн 2026-жылдагы жергиликтүү бюджетинин эсебинен өздүк салымга 1 516 218 (бир миллион беш жүз он алты миң эки жүз он сегиз) сом акча каражаты каралсын.

3.Токтомдун аткарылышын көзөмөлдөө экономика, бюджет, салык жана

ишкердүүлүктү колдоо боюнча комиссиясына тапшырылсын.