Бириккен Курманжан Датка айылдык кеңешинин уюштуруу сессиясынын

ТОКТОМУ

22.02.2024 №2

Боз-Караган айылы                                  

“Курманжан Датка айыл аймагынын айылдык кеңеши" мекемесин түзүү жөнүндө

Кыргыз Республикасынын Президентинин 2023-жылдын 29-декабрындагы № 370 «Кыргыз Республикасынын айыл аймактарынын жана шаарларынын деңгээлинде пилоттук режимде административдик-аймактык реформа жүргүзүү жөнүндө» Жарлыгын, Кыргыз Республикасынын Президентинин 2024-жылдын 7-февралындагы №24 "Пилоттук режимде жүргүзүлүп жаткан административдик-аймактык реформанын алкагында жергиликтүү кеңештердин иши жөнүндө убактылуу жобону бекитүү жөнүндө” Жарлыгын, Кыргыз Республикасынын Министрлер Кабинетинин 2024-жылдын 7-февралындагы №52 "Пилоттук режимде административдик-аймактык реформа жүргүзүү мезгилинде Кыргыз Республикасынын жергиликтүү өз алдынча башкаруусунун аткаруу органдарынын ишин уюштуруу жөнүндө" Токтомун, Кыргыз Республикасынын Жарандык кодексинин 92-беренесин жана “Кыргыз Республикасынын Жергиликтүү мамлекеттик администрация жана жергиликтүү өз алдынча башкаруу органдары жөнүндө” Мыйзамын жетекчиликке алып, Курманжан Датка айылдык кенеши

ТОКТОМ КЫЛАТ:

1. Коңур-Дөбө жана Кабылан-Көл айыл аймактарынын айылдык кеңештерин бириктирүү жолу менен Курманжан Датка айыл аймагынын айылдык кеңеши болуп кайра түзүлсүн. Юридикалык жактын толук фирмалык аталышы:

- Мамлекеттик тилде: "Курманжан Датка айыл аймагынын айылдык кеңеши " мекемеси; - Расмий тилде: Учреждение "Айылный кенеш Курманжан Даткинского айылного аймака" Кыскартылган фирмалык аталышы:

- Мамлекеттик тилде: "Курманжан Датка айыл аймагынын айылдык кеңеши" м-и.

- Расмий тилде: У-е "Айылный кенеш Курманжан Даткинского айылного аймака"

2. Курманжан Датка айыл аймагынын айылдык кеңешинин Жобосу бекитилсин.

3.Курманжан Датка айыл аймагынын айылдык кеңешинин юридикалык дареги болуп, Кыргыз Республикасы, Ош облусу, Алай району,Боз-Караган айылы, Боз-Караган 2 көчөсү № 5 болуп аныкталсын.

4. Юридикалык жактын уюштуруучусу - жергиликтүү кеңештин депутаттары.

5. Мекеме Кыргыз Республикасынын иштөөдөгү мыйзамдарына ылайык Кыргыз Республикасынын юстиция органдарында мамлекеттик каттоодон өткөрүлсүн.

Буйрукта көрсөтүлгөн маалыматтардын, ошондой эле мамлекеттик каттоо үчүн тапшырылган документтердеги маалыматтардын аныктыгы ырасталат.