КЫРГЫЗ РЕСПУБЛИКАСЫНЫН ПРЕЗИДЕНТИНИН ТЕСКЕМЕСИ

2025-жылдын 28-ноябры № 410

Кыргыз Республикасынын Конституциясынын 66, 70, 71-беренелерине ылайык:

Кыргыз Республикасынын Президентинин 2023-жылдын 14-июнундагы № 103 тескемесине төмөнкүдөй өзгөртүүлөр киргизилсин:

жогоруда аталган тескеме менен бекитилген Кыргыз Республикасынын Президенти, Кыргыз Республикасынын Министрлер Кабинети, Кыргыз Республикасынын Министрлер Кабинетинин Төрагасы - Кыргыз Республикасынын Президентинин Администрациясынын Жетекчиси тарабынан дайындалуучу (бекитилүүчү) кызмат орундарынын номенклатурасына кирген бош кызмат орундарына дайындоо (бекитүү) үчүн талапкерлерди тандоо тартиби жөнүндө жободо:

- 6-пункттун төртүнчү абзацы төмөнкүдөй редакцияда баяндалсын:

"- талапкер (талапкерлер) менен маектешүү өткөрүүнү уюштурат.";

- 7-пункт төмөнкүдөй мазмундагы үчүнчү абзац менен толукталсын:

"Эгерде сунуш катталган датага чейин бир календардык жылдын ичинде мурда атайын текшерүү жүргүзүлсө жана анын натыйжалары бар болсо, кайрадан атайын текшерүү жүргүзүлбөйт.";

- 8-пункт төмөнкүдөй мазмундагы экинчи абзац менен толукталсын:

"- Кыргыз Республикасынын Министрлер Кабинетинин мүчөлөрүнүн кызмат орундарына көрсөтүлгөн;".